Dagur - 24.12.1993, Blaðsíða 2

2 - DAGUR - Föstudagur 24. desember 1993
ÚTGEFANDI: DAGSPRENT HF.
SKRIFSTOFUR: STRANDGATA 31, PÓSTHÓLF 60, AKUREYRI,
SÍMI: 96-24222 • SÍMFAX: 96-27639
ÁSKRIFT M. VSK. KR. 1400 Á MÁNUÐI • LAUSASÖLUVERÐ M. VSK. KR. 125
GRUNNVERÐ DÁLKSENTIMETRA 765 KR.
RITSTJÓRI: BRAGIV. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
UMSJÓNARMAÐUR HELGARBLAÐS: STEFÁN SÆMUNDSSON
BLAÐAMENN: GEIR A. GUÐSTEINSSON, HALLDÓR ARINBJARNARSON,
(íþróttir), INGIBJÖRG MAGNÚSDÓTTIR (Húsavík vs. 96-41585, fax 96-42285),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNDSSON, ÞÓRÐUR INGIMARSSON.
LJÓSMYNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI: HAFDÍS FREYJA RÖGNVALDSDÓTTIR, HEIMASÍMI25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
Sameining fjölskyldunnar
Jólin eru tími sameiningar og sátta. Fjölskyldur
koma saman, ættingjar og vinir skiptast á jóla-
kveðjum og óskum um gæfuríkt komandi ár. Frið-
ur og helgi hvílir yfir mannlífinu. Deilur eru látnar
niður falla, dægurþrasi frestað og allir einbeita sér
að því að gera vel við sjálfa sig og aðra. Vonandi
fylgir þar hugur máli. Margir sækja hugarró og há-
tíðleik í kirkjur og minnast þess að „í dag er oss
frelsari fæddur". Sú andlega næring sem fólk
meðtekur yfir jólahátíðina og þær innilegu sam-
verustundir sem fjölskyldur eiga eru nauðsynleg-
ur orkugjafi og veganesti inn á viðsjálar brautir
nýs árs.
Viðhorf almennings til ýmissa hluta breytist
um jólin og eitt af því sem greinir íslendingar frá
mörgum öðrum þjóðum er hvernig viðhorf þeirra í
áfengismálum kúvendist á augabragði. í Morgun-
blaðinu 19. desember sl. sögðu fjórir erlendir
stúdentar frá jólahaldi í heimalandi sínu. Flestir
þeirra eyddu töluverðu rými i frásögn af drykkju-
siðum yfir jólin, t.a.m. virðast Bretar neyta áfengis
í ríkum mæli á aðfangadagskvöld og jóladag og
kokkteilboð eru mun útbreiddari en kaffiboð. í
Finnlandi fer fólk út að skemmta sér á jóladag
enda vínveitingastaðir opnir. í Suður-Afríku fer
fólk ýmist í kirkju eða á diskótek á aðfangadags-
kvöld og þannig mætti áfram telja. íslendingar
verða á hinn bóginn skyndilega mjög reglusamir á
fæðingarhátíð frelsarans og fæstum dytti í hug að
krefjast þess að skemmtistaðir yrðu hafðir opnir.
Vera má að þeir sem eru veikir fyrir noti jólin
eins og hvert annað tækifæri til að svolgra áfengi
og megi Guð hjálpa þeim. Meginþorri almennings
leggur hins vegar ríka áherslu á að drykkjusvall
sé forboðið um jólin og er það vel því neysla
áfengis, með öllum þeim fylgifiskum sem hún hef-
ur óhjákvæmilega í för með sér, á einfaldlega ekki
heima á fjölskylduhátíðum. Óskandi væri að þessi
viðhorfsbreyting íslendinga einskorðaðist ekki við
jólin.
Jólin eru hátíð fjölskyldunnar og ekki síst
barnanna. Eftirvænting þeirra er einlæg og gleðin
sönn. Leyfum ljósinu að skína og látum hvergi
bera skugga á. Leyfum börnunum að hafa for-
gang og gleymum þeim ekki í erli jólaundirbún-
ingsins. „Leyfið börnunum að koma til mín“.
Dagur óskar lesendum sínum og landsmönnum
öllum gleðilegra jóla. Megi árið 1994 standa undir
nafni sem Ár fjölskyldunnar og verða hinni ís-
lensku þjóð til heilla. SS
I UPPAHALDI
Svínakambur a la
- segir Pálmi Óskarsson, afgreiðslumaður
Pálmi Óskarsson
afgreiðslumaður í
Bókabúðinni
Eddu á Akureyri
hefur haft í mörg
horn að líta á
undanförnum dögum enda
bóksalan í hámarki. Framund•
an eru nokkrir frídagar sem
verða kcerkomnir eftir annrík-
ið og þá liggur leiðin heim í
foreidrahús á Dalvík. Þar œtl-
ar hann að njóta jólahátíðar-
innar.
Hvað gerirðu helst ífrístundum?
„Þær eru mjög fáar þessa dagana en
alla jafna les ég bækur og spila fót-
bolta.“
Hvaða matur er í mestu uppáhaldi
hjá þér?
„Það er eigin heimatilbúin pizza og
jólamaturinn, svínakambur a la
mamma.“
Uppáhaldsdrykkur?
„Ég held aó það hljóti að vera Coca-
Cola.“
Ertu hamhleypa t'd allra verka á
heimilinu?
„Já, já. Ég geri allt sem þarf að gera,
bæói strauja og vaska upp.“
Er heilsusamlegt líferni ofarlega á
baugi hjá þér?
„Já, heilsusamlegt líferni hcfur alltaf
verið ofarlega hjá mér.“
Hvaða blöð og tímarit kaupir þú?
Pálmi Óskarsson.
„Eg kaupi engin. Eg hef þetta hérna í
vinnunni og glugga annað slagið í
þau ef tími cr til. Þaó eru þá helst ís-
lensku tímaritin og svo er ég alltaf
dálítið veikur fyrir fótboltabliiðun-
uni.“
Hvaða bók er á náttborðinu hjá þér?
„Það cr nýja íslandshandbókin frá
Emi og Örlygi. Verulega góð bók.“
Hvaða hljómsveit/tónJistarmaður er
í mestu uppáhaldi hjá þér?
„Ég held að cg verói að segja að það
séu Bretamir í Smiths eins og cr.“
Uppáhaldsíþróttamaður?
„Ég segi Dagur Sigurósson, hand-
boltamaður í Val. Hann er mjög góð-
ur og framtíóarleikmaöur."
Hvað horfirðu mest á í sjónvarpinu?
,Ég horfi mest á íþróttir."
Á hvaða stjórnmálamanni hefurðu
mest álit?
„Þama ætla ég að segja pass. Ég er
svo ópólitískur aó ég held aó best sé
að sleppa þessari."
Hvar á landinu vildirðu lielst búa
fyrir utan heinmhagana?
„Ef \óð segjum að Dalvík séu heima-
hagamir þá vildi ég helst búa á Ak-
urcyri.“
Hvaða lilut eða fasteign langar þig
mest til að eignast um þessar mund-
ir?
„Mér finnst þetta nú dálítið krítískur
tími fyrir svona spumingu. Ætli ég
segí ekki góðar bækur til að lesa yfir
jólin.“
Hvernig œtlar þú svo að verja jólun-
um?
„Yfir jólahátíðina sjálfa veró ég t
foreldrahúsuni á Dalvík en svo tekur
bara vinnan aftur við millt' jóla og
nýárs. Það er ólíkt styttra fríið cn
þegar maóur var í skólanunt."
JÓH
Vídeó-Skann sf. í Ólafsfirði:
Kapalkerfið býður upp á 5 erlendar rásír, Stöð 2,
heimatilbúinn fréttaþátt og bæjarstjómarfundi
Rekstur Vídeó-Skann sf. í Ólafs-
firði gengur vel að sögn eigand-
ans, Skúla Pálssonar, en fyrir-
tækið hóf rekstur lokaðs kapal-
kerfis í Ólafsfirði árið 1980.
Skúli segir að ekki hafi margir
haft trú á þessu í upphafi, talið
þetta hálfgert feigðarflan en
annað hafi svo sannarlega kom-
ið á daginn. Um 85% allra húsa
í Ólafsfirði eru tengd Vídeó-
Skann sf. og njóta þess að geta
horft á 5 erlendar rásir auk
Stöðvar 2 fyrir nánast sama
verð og sjónvarpsnotendur í
öðrum byggðarlögum greiða
fyrir Stöð 2 eingöngu.
I upphafi sendi Skúli út dag-
skrá Stöðvar 2 tvisvar í viku af
vídeóspólum en þegar settur var
upp sendir á Vaólaheiði 1987,
sem gerði Akureyringum mögu-
legt að ná sendingum stöðvarinn-
ar, gerói Skúli sér lítið fyrir og
setti upp móttakara uppi á Múla-
kollu með aðstoð þyrlu. Merkið
var svo sent áfram í móttakara á
Kleifum og þaðan fór dagskráin
svo inn á kapalkerfió.
Einmuna tíð hafði verið allt
haustið en þegar framkvæmdum
var lokið uppi á fjallinu brast á
snælduvitlaust veður svo Skúli
komst vió illan ieik til manna-
byggða vió annan mann.
Þegar jarögöngin í Ólafsfjarð-
armúla voru opnuð 1990 var mót-
takarinn færður aó syðri enda
ganganna og merkið síðan flutt
umgöngin í kapli.
A laugardögum gefst Ólafsfirð-
ingum kostur á aö sjá heimagerð-
Skúli Páisson, vídeókóngur Ólafs-
firðinga. Auglýsingar cru scndar út
á sérstakri rás í kapalkerfinu allan
sólarhringinn og á skjánum er ein
slík þar sem vcrið er að auglýsa þá
þjónustu að setja myndir á postu-
línsdiska. Mynd: GG
an fréttaþátt sem bcr heitið „Á
heimaslóð" en Ágúst Sigurlaugs-
son hefur haft veg og vanda af
fréttaöfluninni og lesið það jafn-
framt fyrir sjónvarpsáhorfendur.
Ágúst hefur látið af því starfi og
segir Skúli aó nú standi yfir
grimm leit að manni í hans hans.
Það verði ekki erfið leit því í Ól-
afsfirói búi mikill fjöldi fjölhæfs
fólks. Auk heimagerðs fréttaþáttar
er Vídeó-Skann með beinar út-
sendingar frá bæjarstjórnarfund-
um. Þeir eru tvisvar í mánuði og
segir Skúli að Ólafsfiröingar séu
miklu fróðari um bæjarmálefni
eftir að farið var að bjóða þá þjón-
ustu.
Svipuð kapalkcril cru starfrækt
á Höln í Hornafirði, Skagaströnd
og Ólafsvík og auk þess var gott
samstarf milli kapalkcrfisins
Vídcólundar á Akureyri og Vídeó-
Skann fram til ársins 1987 er Stöö
2 hóf útsendingar frá Vaölahciði
en þá lagðist starfsemi Vídeólund-
ar af. GG