Dagur - 30.12.1995, Blaðsíða 18

18 - DAGUR - Laugardagur 30. desember 1995
Minnisverðustu atburðir ársins 1995
Ingunn Svavarsdóttir:
Hitaveita í gagnið
og flutt í
Kúluhúsið
„Ég staðnæmist
fyrst við hita-
veituna hér við
Öxarfjörð þegar
litið er yfir árið
1995. Hún var
vígð í lok ágúst
sl. og er stór-
kostlegur
áfangi fyrir
byggðimar hér. Þá héldum við
áfram starfi innan Eyþings um
uppbyggingu sameiginlegrar
skólaþjónustu fyrir Norðurlands-
kjördæmi eystra. Endanlegar til-
lögur í því efni koma fram nú
undir lok ársins og nái þær fram
að ganga munu þær verða, að
mínu mati, mikil lyftistöng fyrir
bæði böm og fjölskyldur þeirra í
öllu kjördæminu,“ sagði Ingunn
St. Svavarsdóttir, sveitarstjóri Öx-
arfjarðarhrepps, þegar hún var
beðin um að skyggnast yfir hið
markverðasta á árinu.
Um það sem Ingunni snertir
persónulega sagði hún að garnan
hefði verið þegar fjölskyldan flutti
inn í Kúluhúsið sitt á þjóðhátíðar-
daginn, 17. júní. Þann sama dag
lauk elsta dóttirin, Kristbjörg, ein-
mitt stúdentsprófi frá Menntaskól-
anum á Akureyri.
„Það var mikið fjallað um
kvennaráðstefnu Sameinuðu þjóð-
anna sem haldin var í Kína
síðsumars og meðal annars för frú
Vigdísar Finnbogadóttur, forseta
Islands, þangað. Forsetinn okkar
stóð sig þar með miklum sóma og
ráðstefnan hefði aldrei vakið jafn
mikla athygli hér heima hefði
Vigdís ekki farið utan. Þetta leiðir
svo aftur hugann að lýðræðismál-
um og mannréttindum. Við getum
verið stolt af því að ísland er eitt
mesta lýðræðisríki heimsins og að
því leyti og á margan annan hátt
eru það forréttindi að vera íslend-
ingur. Þá eru okkur íslendingum
nú að opnast ýmis verkefni og
möguleikar á alþjóðlegum vett-
vangi sem við fáum út á það eitt
að vera smáþjóð en ekki
ógnvekjandi stórveldi. Og ef til
vill er styrkleiki íslendinga fólg-
inn í því að vera smáþjóð þjóða á
meðal,“ sagði Ingunn St. Svavars-
dóttir.
Haraldur Ingi Haraldsson:
Öflugt listalíf
„Líðandi ár hef-
ur verið mjög
skemmtilegt og
starfsamt hjá
okkur í Lista-
safninu á Akur-
eyri. Og starf-
inu hér í Lista-
gilinu hefur al-
mennt verið að
vaxa ásmegin, enda er það ávöxt-
ur af því sem til hefur verið sáð,“
sagði Haraldur Ingi Haraldsson,
forstöðumaður safnsins.
Haraldur minnist sérstaklega
tveggja atriða frá líðandi ári, sem
áberandi hefur verið í safnastarf-
inu. Annars vegar samstarfs á
listasviðinu við nágranna okkar í
Færeyjum og á Grænlandi og hins
vegar samstarfs við íra, en sem
kunnugt er var haldin írsk listahá-
tíð á Akureyri í október. „Ég á
von á því að allt myndlistarstarf
hér í bænum verði fjörugt á næsta
ári - og að því liefur verið unnið.
Samskipti okkar við erlend lista-
söfn hafa verið að aukast og á
næsta ári munum við halda nokkr-
ar sýningar með verkum erlendra
listamanna. Við vinnum ævinlega
eitt ár fram í tímann og á næsta ári
verða hér sýningar með verkum
Gunnlaugs Scheving og með
verkum eins þekktasta listmálara
ítala, svo eitthvað sé nefnt. Og al-
mennt hafa þær sýningar sent við
höfum staðið að verið miklar að
vöxtum og glæsilegar," sagði Har-
aldur Ingi.
Um fréttir líðandi árs nefndi
Haraldur friðarsáttmála sem voru
gerðir milli stríðandi aðila fyrir
botni Miðjarðarhafs og eins á
Balkanskaga. Á hinn bóginn sagði
Haraldur að erfitt kynni að reynast
að byggja upp traust milli manna
eftir langan tíma haturs og styrj-
alda. - „Og ef við hugum að inn-
lendum atburðum nefni ég þar
stöðu íslands gagnvart öðrum
þjóðum. Mér finnst þjóðemis-
remba ekki eins áberandi og alls-
ráðandi og var til skamms tíma.
Fólk er einnig í ríkari mæli farið
að viðurkenna að lífskjör hér á
landi og í nágrannalöndunum séu
ekki sambærileg og úr þeim verði
að bæta. Það er vitaskuld fyrsta
skrefið í þeim tilgangi að skapa
betra ísland," sagði Haraldur
Ingi.
Sr. Dalla Þórðardóttir:
Fjölsótt samkoma
á aldaraÉmæli
skálds
„Mér er minnis-
stæð fjölmenn
kvöldskemmtun
sem Kvenfélag
Akrahrepps og
kirkjukórar
Miklabæjar-
prestakalls
stóðu sameigin-
Iega að í maí sl.
og var hún haldin í félagsheimil-
inu Héðinsminni. Samkoma þessi
var haldin í tilefni af hundrað ára
afmæli Davíð Stefánssonar skálds
frá Fagraskógi. Þama var lesið
upp úr verkum skáldsins, sungin
lög við ljóð skáldsins og leiklesið
úr Gullna hliðinu," sagði sr. Dalla
Þórðardóttir, prestur á Miklabæ í
Skagafirði.
Talandi um sjálfa sig sagði sr.
Dalla að á haustmánuðum hefði
hún farið utan til borgarinnar
Madison í Wisconsinfylki í
Bandaríkjunum og verið þar einn
mánuð við nám í háskóla borgar-
innar. „Ég var þar að læra ýmis-
legt sem snertir svokallaða nútíma
guðfræði, en námsefnið sjálft
snerti leit mannsins sjálfs að til-
gangi sínum og réttlæti heimsins.
Og þá get ég einnig nefnt að sl.
vor tók ég við starfi prófasts hér í
Skagafirði eftir að sr. Hjálmar
Jónsson var kjörinn á þing,“ segir
séra Dalla. - Áf atburðum úr frétt-
um nefndi Dalla að sér væru hinir
vofveiflegu atburðir í Súðavík og
síðar Flateyri minnisstæðir og af
erlendum atburðum minntist hún
sérstaklega vopnahlésins í Bosníu.
„Um áramót býst maður alltaf
við að komandi ár verði farsælt og
gott. Óhægt er þó um slíkt að spá.
Eitt er þó fast í hendi, að fljótlega
eftir áramót munum við fjölskyld-
an flytja inn í nýtt prestseturshús
sem byggt hefur verið hér,“ sagði
sr. Dalla Þórðardóttir á Miklabæ.
Helena Dejak:
Á hundasleða á
Græn-
landi
„Við hjónin
ásamt syni okk-
ar fórum í apríl
sl. í frábæra
hundasleðaferð
með veiðimönnum á Grænlandi.
Með í þeirri för var Sigrún Stef-
ánsdóttir sjónvarpskona og
myndatökumaður frá Sjónvarpinu.
Mynd um för okkar fimmmenn-
inga var síðan sýnd í sjónvarpi í
júní sl. Þetta er tvímælalaust það
eftirminnilegasta frá liðnu ári -
fyrir utan veðurblíðuna hér á
Norðurlandi sl. sumar,“ sagði
Helena Dejak, framkvæmdastjóri
Ferðaskrifstofunnar Nonna.
Helena minntist einkum
skemmtilegra ferðalaga þegar hún
leit yfir líðandi ár. Fyrir utan
hundasleðaferðina nefndi hún
vikuferð með skemmtiferðaskipi
umhverfis landið þar sem höfð var
viðkoma í mörgum höfnum. „Það
var alveg ný reynsla að koma að
svo mörgum þéttbýlisstöðum
landsins af sjó, en ekki á flugvél
eins og maður á að venjast. Það
var svo í nóvember sem ég og
Sigurður Aðalsteinsson, maðurinn
minn, fórum aftur út til Grænlands
og til Scoresbysund. Héldum þar á
bami undir skím - og erum guð-
foreldrar þess. Að fara utan til og
taka þátt í þessari skímarathöfn
var mikil upplifun," sagði Helena.
Af atburðum á innlendum vett-
vangi tiltók Helena þá ákvörðun
Vigdísar Finnbogadóttur um að
gefa ekki kost á sér í forsetakjöri á
næsta ári. „Mér finnst þetta miður
því betri forseta hygg ég að við
getum ekki fengið,“ sagði Helena
Dejak.
Ra^nhildur Vigfúsdóttir:
„I hönd farí
betri tíð..."
„Launamisrétti
kynjanna var,
að mínu mati,
mál málanna í
kosningabarátt-
unni. Það kom í
ljós að þjóðin
treysti Fram-
sóknar- og
Sjálfstæð-
isflokki best til að leiðrétta launa-
muninn milli kynjanna. Margt
bendir hins vegar til að orð for-
ystumanna þessara flokka hafi
verið án mikils inntaks eða áhuga
um aðgerðir til úrbóta,“ segir
Ragnhildur Vigfúsdóttir, jafnrétt-
is- og upplýsingafulltrúi Ákureyr-
arbæjar.
„I mínum huga ber hátt
ráðstefna Sameinuðu þjóðanna um
málefni kvenna, sem haldin var
austur í Peking. Umræðan um ráð-
stefnu þessa var mjög neikvæð hér
á landi. Á ráðstefnu þessari bar
réttindi stúlkubama hátt; þ.e. eyð-
ingar á kvenkynsfóstrum og út-
burður stúlkubama. Það er spum-
ing hvort hugtakið náttúruvemd
fari ekki að ná yfir konur, ef þessi
markvissa útrýming á þeim heldur
áfram. Þær væntingar ber ég svo
gagnvart nýju ári að það sem
tímaritið U.S. News & World Re-
port hefur kallað alþjóðlegt stríð
gegn konum linni - og því bind ég
vonir við að betri tíð fari í hönd
hjá konum og ekki síður körlum,“
sagði Ragnhildur Vigfúsdóttir.
„Árið 1995 var mér erfitt ár. Ég
missti bæði móður mína og eftir-
lætis frænku á fyrsta fjórðungi
ársins. Það varð meðal annars til
þess að ég ákvað að leggja land
undir fót og skipta um starf. Kom
hingað norður á haustmánuðum
og tók við starfi jafnréttis- og
fræðslufulltrúa Akureyrarbæjar,“
sagði Ragnhildur Vigfúsdóttir.
Gísli Bragi Hjartarson:
Sextánda
barnabarnið
„Mér er eftir-
minnilegur sig-
ur KA í bikar-
keppninni í
handknattleik í
febrúar sl. Þá
lögðu KA menn
Val að velli
með 25 mörk-
um gegn 24
mörkum þeirra, eftir tvífram-
lengdan leik. Svo æstur var ég
orðinn á leiknum að ég hefði ekki
trúað því sjálfur að ég ætti slíkt til.
Maður lifði sig inn í þetta, alveg í
botn, eins og krakkamir segja,“
sagði Gísli Bragi Hjartarson, bæj-
arfulltrúi Alþýðuflokksins á Akur-
eyri.
Gísli sagði að UA-málið svo-
nefnda, í upphafi ársins, væri
einnig eftirminnilegt. „Tíminn
meðan það mál var til afgreiðslu
var strangur. Þar hefði ég viljað
geta sameinað alla kostina sem í
boði voru. En ég býst við að við
höfum náð bestu lendingunni sem
möguleg var í málinu; að Utgerð-
arfélag Akureyringa myndi áfram
hafa sín viðskipti hjá Sölumiðstöð
hraðfrystihúsanna," sagði Gísli
Bragi.
Um það sem snerti sig per-
sónulega sagði Gísli að á árinu
hefði hann eignast 16. bamabam-
ið. „Þá komst ég út til Björgvinjar
í Noregi þar sem Hjörtur, sonur
okkar hjóna, varði doktorsgráðu í
skurðlækningum. Það var
skemmtileg ferð og að sjá soninn
taka við þessari miklu lærdóms-
gráðu kom óneitanlega við egóið í
manni.“
Daníel Guðjónsson:
I nýju starfi og
flutnmgur frá
Húsavík
„Eftirminnileg-
astar úr fréttum
líðandi árs em
hinar miklu
náttúmhamfar-
ir, það er hin
miklu og mann-
skæðu snjóflóð
í Súðavík og
Reykhólasveit í
byrjun ársins og á Flateyri nú í
byrjun vetrar. Einnig urðu miklar
náttúruhamfarir sl. vor af völdum
vatnsflóða og skriðufalla og múna
menn vart annað. Má nefna jarð-
fallið mikla í Sölvadal í Eyjafirði,
sem var af þeirri stærðargráðu að
fara þarf aftur til ísaldar til saman-
jöfnunar,“ sagði Daníel Guðjóns-
son, yfirlögregluþjónn á Akureyri.
Daníel sagði jafnframt að árs-
ins 1995 yrði minnst sem árs mik-
illa hamfara, en þó hefði komið
fram við þessar aðstæður að ís-
lendingar em sem ein fjölskylda
og fólk styðji hvert annað þegar á
reyni. Þá segir Daníel atburði árs-
ins tilefni til endurskoðunar á öllu
hættumati sem hingað til hafi gilt
um náttúruhamfarir, af hvaða tagi
sem þær annars em. - „Úr erlend-
um fréttum koma fyrst upp í hug-
ann nær daglegar. fréttir af hinum
grimmilegu og mannskæðu stríðs-
átökum í Bosníu. Eftir 50 ára um-
fjöllun og almenna fordæmingu á
helför nasista í seinni heimstyrj-
öldinni hefði mér aldrei til hugar
komið að eitthvað álíka gæti gerst
á okkar tímum. Allra síst hefði ég
búist við þessu hjá menntuðu og
upplýstu fólki, eins og því sem
byggir lýðveldi gömlu Júgóslavíu.
Óttast ég að lindkind umheimsins
gagnvart þeim voðaverkum sem
þar hafa verið framin, hafi slævt
siðferðisvitund almennings og rutt
brautina fyrir harðstjóra framtíðar-
innar að fara sínu fram. Nýlegir
friðarsamningar gefa þó von um
um að friður sé á næsta leiti í
þeim heimshluta. Ég hef einnig
fylgst með fréttum af þróun mála í
fyrrum Sovétríkjunum og mér
sýnist mikil óvissa vera framund-
an um stjómmálaástand þar. Það
getur skipt Islendinga, sem og
aðra, miklu hverjar málalyktir þar
eystra verða," sgði Daníel Guð-
jónsson.
Hvað sjálfan sig snerti sagði
Daníel að þar bæri vitaskuld hæst
flutningur frá Húsavfk til Akur-
eyrar vegna breytinga í starfi.
Þann 1. september var hann skip-
aður yfirlögregluþjónn á Akur-
eyri, eftir að hafa gengt starfi
varðstjóra í lögreglunni á Húsavík
um langt skeið. „Þetta er mikil
breyting á starfsháttum. Starf yfir-
lögregluþjóns í svo fjölmennu liði
sem hér á Akureyri, er einkum
stjórnunarstarf en fyrra starf fól
meira í sér útköll, almenn lög-
reglustörf og nánd við almenning.
Margs góðs hef ég að minnast frá
þessum tíma og kveð Húsvíkinga
og aðra Þingeyinga með söknuði
og óska þeim jafnframt alls hins
besta. En um leið hlakka ég til að
takast á við ný verkefni á Akur-
eyri,“ sagði Daníel.
„Ég hef þær væntingar til kom-
andi árs að það verði um margt
hagstæðara en hin síðustu sem lið-
in eru. Nýjustu fréttir af batnandi
hagtölum og auknar framkvæmdir
gefa von um betri tíð. Ljóst er þó
að Akureyringar og aðrir lands-
byggðarmenn verða að halda vöku
sinni og stuðla að nýsköpun í at-
vinnulífinu. Það er sýnt að næstu
stórframkvæmdir verða, sem oft
áður, á suðvesturhomi landsins,"
sagði Daníel Guðjónsson, yfirlög-
regluþjónn.