Dagur - 09.07.1996, Qupperneq 7

Þriðjudagur 9. júlí 1996 - DAGUR - 7
Knattspyrna - 2. deild karla:
Stærsta deildartap
Þórs frá upphafi
- Fram gjörsigraði Þór, 8:0
Þórsarar upplifðu martröð á
Valbjarnarvelli í gærkvöldi þeg-
ar þeir heimsóttu Framara.
Arfaslakir Þórsarar þurftu að
sækja knöttinn átta sinnum í
netið án þess að geta svarað fyr-
ir sig og það þrátt fyrir að Fram-
arar hafi verið einum leikmanni
færri allan síðari hálfleik. Þetta
er stærsta tap Þórsara frá því
liðið hóf að keppa í íslandsmóti
en áður hafði liðið tapað stærst
0:6, gegn HK í fyrra, gegn ÍA
sumarið 1993 og gegn KR sum-
arið 1977.
Framarar gáfu tóninn strax í
upphafi og skoruðu fyrsta markið
á 3. mínútu eftir að hafa fengið
þrjár hornspyrnur að marki Þórs-
ara. Agúst Olafsson skallaði í net-
ið eftir þriðju hornspyrnuna.
Sjö mínútum síðar tók Banda-
ríkjamaðurinn Michael Payne
langt innkast inn í miðjan vítateig
Þórsara þar sem Ásgeir Halldórs-
son stóð einn og óvaldaður og
renndi boltanum framhjá Brynjari
Davíðssyni og í netið. Payne bætti
síðan þriðja markinu við á 15.
mínútu eftir að Þorbjöm Atli
Sveinsson hafði snúið á þrjá varn-
armenn Þórs.
Fjórða markið kom úr víta-
spymu á 26. mín. eftir að Ágústi
Olafssyni var brugðið í teignum.
Þorbjöm Atli skoraði úr vítinu.
Þórsarar björguðu einu sinni á línu
áður en fimmta markið kom. Það
gerði Ágúst Ólafsson með skalla á
38. mínútu eftir mikinn darraða-
dans í vítateig Þórsara. Staðan var
5:0 í hálfleik en skömmu fyrir
leikhlé var Framaranum Michael
Payne vikið af leikvelli eftir að
hann fékk að líta sitt annað gula
spjald.
í hálfleik tók Nói Bjömsson,
þjálfari Þórs, til þess ráðs að
skipta þremur leikmönnum inná
og Þórsarar freistuðu þess að rétta
sinn hlut en það gekk ekki eftir.
Fram bætti sjötta markinu við á
54. mín og þar var Þorbjörn Atli á
ferðinni og þremur mínútum síðar
skoraði Anton Bjöm Markússon
það sjöunda eftir misskilnings
milli Brynjars markvarðar og Þor-
steins Sveinssonar. Anton stal
boltanum og skoraði í tómt mark-
ið. Ágúst Olafsson rak endahnút-
Úrslit leikja í 2. deild
Skallagrímur-Þróttur 0:0
Víkingur-Leiknir 3:0
Fram-Þór 8:0
KA-Völsungur 2:2
IR og FH mætast í kvöld
Staðan er nú þessi:
Fram 743021: 7 15
Skallagrímur 7 43 014: 3 15
Þór 73 2 2 8:15 11
Þróttur R. 7241 16:12 10
KA 7 232 15:14 9
Víkingur R. 7 2 23 11: 9 8
FH 62 2 2 7: 7 8
Völsungur 72 14 9:13 7
Leiknir R. 7 124 8:15 5
ÍR 61 05 3:17 3
inn á góðan leik Framara með átt-
unda markinu á 75. mínútu og þá
með glæsilegum skalla. Á síðustu
mínútu leiksins fékk Guðmundur
Hákonarsson, vamarmaður Þórs,
rautt spjald fyrir fáránlegt brot og
verður því í leikbanni í næsta leik.
Þórsvörnin var eins og gatasigti
í leiknum og Brynjar markvörður
hafði fullt í fangi með að sækja
boltann í netið. Engin samvinna
var í Þórsliðinu og sóknarmenn
liðsins sáust ekki í leiknum. Sam-
leikur Þórsara var í molum frá
upphafi til enda og allt liðið verð-
ur að taka sig saman í andlitinu ef
slík slys eiga ekki að gerast aftur.
TRH/SH
Lið Þórs: Brynjar Davíðsson - Guð-
mundur Hákonarson, Páll Pálsson, Þor-
steinn Sveinsson - Ámi Þór Ámason
(Halldór Áskelsson 45. mín.), Birgir Þór
Karlsson (Amar Bill Gunnarsson 45.
mín.), Hreinn Hringsson, Davíð Garðar-
son, Sveinn Pálsson (Zoran Zicic 45.
mín.) - Páll Gíslason, Bjami Sveiribjöms-
Dean Martin lék stórt hlutverk í KA-liðinu í gærkvöld sem gerði jafntefli við
Völsung 2:2 í bráðfjögugum leik. Á myndinni á hann í baráttu við Kristján
Magnússon. Mynd: sh
Knattspyrna - 2. deild karla:
Ogrynni marktækifæra
en aðeins fjögur mörk
- í jafntefli KA og Völsungs
KA og Völsungar skildu jöfn 2:2
í gærkvöldi í leik þar sem leik-
menn beggja liða gengu von-
sviknir af leikvelli. Völsungar
fyrir að missa tveggja marka
mun niður í jafntefli í síðari
hálfleiknum og KA-menn fyrir
að fá ógrynni ljölda af mark-
tækifærum, en takast aðeins að
nýta tvö þeirra.
Leikurinn var opinn frá fyrstu
mínútunum. KA-menn voru sterk-
ari á miðjunni en skyndiupphlaup
Völsunga voru oft meistaralega
framkvæmd og þau skiluðu liðinu
tveimur glæsilegum mörkum í
fyrri hálfleiknum. Ásgrímur Arn-
arsson skoraði það fyrra á 21.
mínútu með þrumufleyg efst í
markhorn KA-manna eftir góða
sókn. Þrátt fyrir margar góðar
sóknarlotur heimamanna tókst
þeim aldrei að koma knettinum
framhjá Björgvini Björgvinssyni
sem átti frábæran dag í marki
Völsungs. KA-menn höfðu fengið
sex dágóð marktækifæri þegar
Völsungar skoruðu annað mark
sitt og var undirbúningurinn að
því bæði einfaldur og glæsilegur.
Ásmundur Amarsson átti snilldar-
sendingu upp í homið á Guðna
Rúnar Helgason, sem sendi bolt-
ann fyrir mark KA, Hjörtur Hjart-
arson var þar mættur á móts við
nærstöng og skoraði með skoti af
stuttu færi. Völsungar fengu sitt
þriðja góða marktækifæri í hálf-
leiknum á lokamínútunum, Guðni
Rúnar átti sendingu innfyrir vöm
KA en Hjörtur var aðeins of seinn
í knöttinn.
Síðari hálfleikurinn fór nær all-
ur fram á vallarhelmingi Völ-
sunga. KA-mönnum gekk þó illa
að skapa sér umtalsverð mark-
tækifæri framan af hálfleiknum.
Það var ekki fyrr en á 62. mínútu
sem þeim tókst að skora. Dean
Martin átti fyrirgjöf og Höskuldur
Þórhallsson, varamaður KA skor-
aði með góðum skalla í markið af
stuttu færi. KA-menn hreinlega
óðu í færum eftir markið, þrátt
fyrir að vamarmenn Völsunga
hafi oft bjargað vel í vítateignum.
Þorvaldur Makan Sigbjörnsson
átti skot í stöng á 87. mínútu en
Ásmundur Arnarsson skoraði
glæsilegt mark fyrir Völsunga.
einni mínútu síðar náði Þorvaldur
að koma knettinum rétta leið. Það
var Dean Martin sent átti heiður-
inn að undirbúningnum með send-
ingu inn í teiginn en Þorvaldur
fleygði sér fram og skallaði í net-
ið. Steingrímur Birgisson náði
reyndar að skalla í mark Völsung
á lokamínútunum en Ari Þórðar-
son, dæmdi markið af vegna brots
í vítateignum.
Dean Martin var yfirburðamað-
ur í KA-liðinu og varnarmenn
Völsunga átti allan leikinn í vand-
ræðum með að gæta hans. Besti
maður vallarins var þó Björgvin
Björgvinsson, sem var gífurlega
ömggur í marki Völsungs. Guðni
Rúnar Helgason, lék með Völs-
ungi eftir nokkurt hlé og hann
gerðu oft laglega hluti í síðari
hálfleiknum. Völsungar léku fyrri
hálfleikinn af skynsemi og náðu
fallegum sóknarlotum. f þeim síð-
ari dró liðið sig fullaftarlega á
völlinn og náði ekki að setja mark
sitt á leikinn.
Lið KA: Eggert Sigmundsson - Helgi
Aðalsteinsson, Halldór Kristinsson, Jón
Hrannar Einarsson - Dean Martin, Gauti
Laxdal (Höskuldur Þórhallsson), Bjami
Jónsson, Steinn Viðar Gunnarsson, Stef-
án Þórðarson - Logi U. Jónsson (Stein-
grímur Birgisson), Þorvaldur Makan Sig-
bjömsson.
Lið Völsungs: Björgvin Björgvinsson -
Skúli Hallgrímsson, Róbert Skarphéðins-
son, Amar Birgisson, Kristján Om Sig-
urðsson - Kristján Magnússon (Magnús
Eggertsson), Amgrímur Amarson, Guðni
Rúnar Helgason, Jónas Grani Garðars-
son, Ásmundur Amarsson, - Hjörtur
Hjartarson.
Sagt eftir leikinn:
Grátlegt
„Ég man ekki eftir því að hafa
haft svona mikið að gera í
markinu í langan tíma. Við
komum ákveðnir til leiks, það
er búið að vera slen yfir okkur
í síðustu leikjum og við höfum
ekki getað stillt upp okkar
sterkasta liði vegna meiðslna
og leikbanna. Við vissum að
KA-menn mundu koma sigur-
vissir í leikinn og það yrði að
duga að drepast fyrir okkur og
við vorum rnjög nálægt sigri.
Það var grátlegt að missa þetta
niður í jafntefli," sagði Björg-
vin Björgvinsson niarkvörður
Völsunga.
Vonsvikinn
„Ég er vonsvikinn því við átt-
um að vinna leikinn miðað við
öll þau færi sem við fengum.
Ólíkt mótinu í fyrra erum við
nú að skapa okkur inörg rnark-
tækifæri, en á móti kemur að
við erum að fá alltof mörg
mörk á okkur og það þurfum
við að laga," sagði Dean Mart-
in, Engiendingurinn hjá KA.

Hamar
félagsheimili Þórs:
Líkamsrækt og tækjasalur
Ljósabekkir
Vatnsgufubað
Nuddpottur
Salir til leigu
Beinar útsendingar
Getraunaþjónusta
Hamar
sími 461 2080