Dagur - 02.08.1996, Page 14

14 - DAGUR - Föstudagur 2. ágúst 1996
ÓLY/APÍULEIKARNIR í ATLANTA
Ólympíupunktar
• NBA stjörnurnar í bandaríska
Draumaliðinu virðast búnar að
fá yfir sig nóg af Ólympíuleik-
unum enda með yfirburðalið og
aðeins formsatriði að klára mót-
ið. „Ég hef pantað mér flugvél á
leigu á laugardagskvöld," segir
Charles Barkley. „Ég ætla heim
og spila golf í viku, ég spila 36
holur á sunnudag og ætla síðan
að að vera á goifvellinum alla
vikuna. Síðan fer ég í nokkrar
auglýsingatökur,“ sagði Barkl-
ey. Karl Malone er álíka spennt-
ur yfir væntanlegu fríi. „Ég fer
um Ieið og ég hef fengið gullið
mitt. Ég hef verið í Atlanta í
tvær vikur og það er meira en
nóg fyrir mig,“ sagði Malone.
• Það verða Argentína og Níg-
ería sem keppa til úrslita í knatt-
spymukepp.iinni á rnorgun.
Nígería kom á óvart og sigraði
Brasilíu 4:3 með marki á 4.
mínútu bráðabana eftir að hefð-
bundnum leiktíma lauk með 3:3
jafntefli. Brasilía hafði 3:1 yfir í
hátlleik en Nwankwu Kano
jafnaði á síðustu mínútu leiksins
og hann gerði einnig út um leik-
inn snemma í framlengninunni.
Kanu var að fagna afmæli sínu
en hann varð tvítugur í gær.
Argentína sigraði Portúgal í hin-
um undanúrslitaleiknum 2:0 þar
sem Heman Crespo, 21 árs,
skoraði bæði mörkin og varð
þar með markahæsti maður leik-
anna með fimm mörk í fimm
leikjum.
• Rússneska hlaupakonan Mítr-
ina Trandenkova, sem varð
fimmta í 100 m hlaupi kvenna
féll á lyfjaprófi og varð þar með
fjórði rússneski keppandinn sem
staðinn er að svindli á leikun-
um.
Tárin falla
Bandaríski glímukappinn Kurt
Angle fagnaði ógurlega þegar
honurn var dæmdur sigur í úrl-
slitaglímu 100 kg flokki þar sem
glímt er með frjálsri aðferð. Angle
sigraði Abbas Jadidi frá íran í úr-
slitaslagnum og þar var dramatík-
in mikil. Jafnt var alla glímuna og
þurfti að framlengja tímann. Aftur
var jafnt þannig að dómarar kváðu
upp úrskurð. Jadidi reyndi að lyfta
hönd til lofts til marks um að hann
væri sigurvegari en dómarinn hélt
henni niðri. Dómaramir völdu
Angle og Jadidi trúði ekki sínum
eigin augum. Hann hljóp að dóm-
araborðinu og öskraði á embættis-
mennina en það bar engan árang-
ur. A meðan kraup Angle á gólf-
inu og þakkaði almættinu fyrir
sigurinn og gullmedalíuna. „Ég
virði Kurt Angle sem persónu en
ekki sem Ólympíumeistara,“ sagði
sá íranski eftir glímuna.
Carl Lewis
ekki saddur
Carl Lewis er fræknasti sprett-
hlaupari og langstökkvari Ólymp-
íusögunnar og hann var enn á ný í
hetjuhlutverkinu þegar hann sigr-
aði í langstökkinu í vikunni. Hann
baðaði sig lengi sviðsljósinu eftir
sigurinn og var hylltur af áhorf-
endum, svo lengi að Bjarna Fel.
þótti nóg um, enda þurfi Guðrún
Amardóttir að bíða í startholunum
í 400 m grindahlaupi fyrir vikið. í
allt var þetta níunda Ólympíugull
kappans en hann er ekki saddur og
vildi ólmur vera í liði Bandaríkj-
anna í 4x100 m hlaupi eftir að
könnun sem sjónvarpsstöð stóð
fyrir sýndi að um 65% almennings
vildi hafa hann í liðinu. Lewis
hafnaði í áttunda sæti í 100 m
hlaupinu á úrtökumótinu fyrir
leikana og var því ekki valinn í
liðið og þjálfarinn, Erv Hunt,
þvertók fyrir að velja Lewis fram
yfir menn sem höfðu unnið sér
sæti í liðinu.
Mjúk lending
Keppnin í tugþrautinni er hörð og það reynir mjög á keppendur. Hér sést
þýski keppandinn Frank Buseman í lendingu í sandgryfjunni en hann
stökk lengst allra, 8,07 m. Eistinn Erki Nool varð annar með 7,88 m en
Jón Amar Magnússon varð að sætta sig við 20. sætið á sínum 7,28 metr-
um.
Nær Vicario gullinu?
Spænska tennisstjaman Arantxa
Sanches Vicario keppir í dag við
Lindsay Davenport til úrslita í ein-
liðaleik kvenna í Atlanta. Vicario
sigraði Jönu Novotnu frá Tékk-
landi í undanúrslitum í fjörugum
leik. Sú spænska sigraði 6:4 í
fyrsta setti en Novotna jafnaði
með 6:1 sigri í öðru. Allt leit síðan
út fyrir sigur Novotnu í þriðja setti
en Vicario, sem er þriðja á heims-
listanum, náði sér upp aftur og
sigraði 6:3. Lindsay Davenport
sigraði bestu vinkonu sína, Mary
Joe Femandez, í hinum undanúr-
slitaleiknum, 6:2 og 8:6.
Golf:
Patricia í 1. sæti á
hatta- og pilsamóti
Hatta- og pilsamótið í golfi var
haldið í frábæru veðri á Jaðars-
vellinum á Akureyri sl. föstu-
dagskvöld. Mótið er haldið sam-
kvæmt gamalli hefð, en kylfing-
arnir, sem allir eru kvenkyns
klæddust í sitt fínasta púss,
hatta og pils, eins og konur
gerðu fyrr á árum við golfleik.
Leikinn var höggleikur, með
forgjöf og það var Patricia Jóns-
son sem hreppti fyrsta sætið.
Halla Sif Svavarsdóttir varð önnur
og Aðalheiður Guðmundsdóttir
varð í þriðja sæti, en þær eru allar
í GA. Ymis aukaverðlaun voru
veitt, Oddfríður Reynisdóttir úr
Golfklúbbi Húsavíkur reyndist
vera högglengst á 15. brautinni og
þá voru nándarverðlaun veitt á par
þrjú brautum, auk verðlauna fyrir
góða nýtingu á vellinum.

' s “ : -A ,
r
if^i tLMWit1
Bsv' -KW
a Á niyndinni hér að ofan má
sjá Önnu Freyju Eðvaldsdótt-
ur pútta á 18. flötinni og þær Aðal-
heiður Alfreðsdóttir og Þórunn
Gunnarsdóttir bíða átekta.
Keppendur í mótinu voru á fjórða
tug, flestir þeirra úr GA, en einnig
mættu til leiks keppendur frá Golf-
◄ klúbbunum á Húsavík og
Reykjavík.