Dagur - 24.08.1996, Blaðsíða 2

2 - DAGUR - Laugardagur 24. ágúst 1996
FRÉTTIR
Ollu leiðinlegu
sleppt um helgina
- óperu-þykkni sýnt í tvígang um helgina í Deiglunni
Silja, Sævar og Toggi að hita upp fyrir sýningarnar um helgina. Mynd: Jón Hrái
Allt of langt gengið verður með
tvær sýningar á óperu-þykkninu
Bí bí og blakan á Akureyri um
helgina en gengið frumsýndi
norðanlands á Húsavík í gær.
Hópurinn kemur frá áhugaleik-
félaginu Hugleik í Reykjavík og
eru það þeir Ármann Guð-
mundsson, Sævar Sigurgeirsson
og Þorgeir Tryggvason sem sam-
ið hafa óperu-þykknið. Flytjend-
ur eru auk höfundanna þær
Silja Björk Ólafsdóttir og Hulda
Hákonardóttir en píanisti er
Gunnar Benediktsson.
Af hverju óperu-þykkni? „Bí
og blakan er óperu-þykkni sem
þýðir að öllu leiðinlegu er sleppt.
Þetta er stutt ópera um örlög, ástir
og fordóma gagnvart útlendingum
og öðrum minnihlutahópum, jú og
opinberum starfsmönnum. Sumir
vilja sjá í þessari gamanóperu
háðsádeilu á óperuheiminn, - en
sumir þykjast líka sjá samsæris-
kenningar alls staðar. Óperu-
þykknið hentar bæði óperuunn-
endum og þeim sem halda óperur
leiðinlegar," segir leikhópurinn og
heldur áfram. „Þetta er um unga
stúlku sem leiðist óskaplega. Inn í
líf hennar kemur þá dularfullur og
glæsilegur útlendingur sem vekur
áhuga hennar, - en ekki er allt
sem sýnist.“
Höfundamir hafa dvalið í
Davíðshúsi á Akureyri í um mán-
aðartíma en þeir eru að skrifa nýtt
verk fyrir áhugaleikfélagið Hug-
leik sem sýnt verður eftir áramót.
Þetta er reykvískt byggðaleikhús
sem gerist í jaðri borgarinnar og er
vinnuheitið Embættismannahvörf-
in. En hvemig gengur samstarfið?
„Við bætum hvern annan upp, og
það eru þrisvar sinnum fleiri hug-
myndir í pottinum - kannski, og
alltaf tveir gagnrýnendur.“
Sýningamar á óperu-þykkninu
eru liður í Listasumri og verða í
Deiglunni í kvöld og annað kvöld
kl. 21. mgh
Lögreglan á Húsavík:
Tvær bílveltur
Bíll valt austur í Kelduhverfi Bfllinn skemmdist mikið.
skammt frá bænum Keldunesi í fyrradag varð önnur bíl-
um ellefuleytið í gærmorgun. velta og þá í Reykjahverfi rétt
Útlendingarnir sem voru í bfln- við féíagsheimilið Heiðarbæ
um voru að koma af bundnu þegar ungur ökumaður, nýlega
slitlagi á malarvegskafla þegar kominn með ökuréttindi, missti
ökumaður missti stjórn á bif- bíl út af veginum. Ökumaður
reiðinni. Einn maður var flutt- handleggsbrotnaði og skrámað-
ur á sjúkrahús Húsavíkur en ist lítillega, bíllinn er töluvert
raeiðsl reyndust minniháttar. skemmdur. mgh
Árskógshreppur:
Tilraunaborun
aðhefjast
Ýmsar framkvæmdir hafa verið í
sumar í Árskógshreppi. Hresst
hefur verið upp á gatnakerfi
hreppsins og er lokið við að leggja
bundið slitlag á 4.000 fermetra,
eða um 600 metra langan spotta.
Hafin er endurbygging á rað-
húsaíbúðunum tveimur á Ár-
skógssandi sem brunnu sl. vetur,
og er verkið kostað af tryggingar-
félögunum Sjóvá/Almennar og
VÍS. Verktaki er byggingafyrir-
tækið Björk hf. í Hrísey.
Árskógshreppur hefur samið
við Friðfinn Daníelsson í Reykja-
vík um borun a.m.k. 60 metra
djúprar holu til að kanna hvort
möguleikar séu á að fá nægjanlega
heitt og mikið vatn til húshitunar í
hreppnum. Gælt er við þá hug-
mynd að Hríseyjarsprungan, sem
er svo kölluð þar sem Hríseyingar
fá úr henni heitt vatn, liggi í land
um Ytri-Vík að talið er, en vís-
bendingar fengust um það árið
1994 að þar væri hugsanlega hægt
að fá nægjanlega mikið vatns-
magn sem fullnægði þörfum
hreppsins. í lok síðasta áratugar
var rætt um þann möguleika að fá
vatn frá Hitaveitu Dalvíkur frá
Hamri á Hrísamóum, en við nán-
ari athugun var það ekki talið hag-
kvæmt. Bæði var lögnin of dýr
vegna lengdar og kæling of mikil
á leiðinni, þ.e. vatnið ekki nógu
heitt þegar það kæmist í dreifi-
kerfið í Árskógshreppi. GG
Reykjavík
Borgarafundur á Sólon íslandus
mánudaginn 26. ágúst kl. 21.00
Rabbfundur um nýja morgunblaðið Dag-Tímann.
Stefán Jón Hafstein, ritstjóri blaðsins, mun kynna
helstu áherslur blaðsins og svara fyrirspurnum.
Komið og látið í ljós ykkar ábendingar og skoðanir
ásamt því að heyra hverjar áherslur verða
í hinu nýja blaði!
Kaffi og kökur.
Sjáumst!

-besti tími dagsins!
Flutningamiðstöð Norðurlands:
Kaupir Þórshamar hf.
Flutningamiðstöð Norðurlands
hefur keypt bifreiðaverkstæðið
Þórshamar hf. á Akureyri af
Kaupfélagi Eyfírðinga og Vá-
tryggingafélagi íslands (VIS) og
verður öll starfsemi Flutninga-
miðstöðvarinnar flutt í húsnæð-
ið við Tryggvabraut á næstu vik-
um. Kaupverð er trúnaðarmál
milli kaupanda og seljenda.
Þórarinn ívarsson, framkvæmda-
stjóri Flutningamiðstöðvar Norður-
lands, segir að áfram verði rekið í
húsnæðinu öflugt bifreiðaverkstæði
undir nafni Þórshamars hf„ en sá
rekstur verði seldur og það sé í
höndum þeirra sem hann kaupa
hvort eða hvenær núverandi starfs-
mönnum verður sagt upp störfum.
„Aðalástæðan fyrir kaupunum
er sú að við viljum koma okkar
starfsemi undir eitt þak og teljum
að þessi staðsetning við Tryggva-
braut henti okkur ákaflega vel.
Við verðum í öðrum hluta hússins
en öflugt verkstæði í hinum hlut-
anum, en húsið verður stækkað og
verður væntanlega ráðist í þær
framkvæmdir strax í haust. Það
kemur vel til greina að mála húsið
í okkar áberandi litum fyrir vetur-
inn,“ sagði Þórarinn ívarsson. GG
Anne Dorte Michel-
sen í Deiglunni
Liður í svokallaðri Danskri viku
á Akureyri, sem hefst formlega í
dag með opnun hönnunarsýn-
ingar í Ketilhúsinu í Grófargili,
eru tónleikar söngkonunnar
Anne Dorte Michelsen í Deigl-
unni nk. þriðjudagskvöld, 27.
ágúst, kl. 21.
Með sanni má segja að veru-
legur fengur sé fyrir tónlistar-
áhugafólk að fá Ánne Dorte í
heimsókn til Akureyrar, svo þekkt
er hún og vinsæl í heimalandi
sínu. Píanisti verður Anne Dorte
til aðstoðar á tónleikunum.
Anne Dorte Michelsen er hvað
þekktust fyrir söng sinn með
hljómsveitinni Tpsedrengene. Upp
úr þeirri frægð sem hún öðlaðist
með þeirri hljómsveit fetaði hún
braut sólóistans og hefur gert það
gott. Anne Dorte syngur einskonar
vísnarokk.
Til marks um vinsældir Anne
Dorte hafa selst 100 þúsund ein-
tök af tveim sólóplötum hennar í
Japan.
Forsala á tónleikana í Deigl-
unni nk. þriðjudagskvöld hefst í
Bókvali nk. sunnudag. Verð
aðgöngumiða er kr. 1000. óþh