Dagblaðið Vísir - DV - 19.04.1995, Blaðsíða 4

Dagblaðið Vísir - DV - 19.04.1995, Blaðsíða 4
MIÐVIKUDAGUR 19. APRIL 1995 Fréttir Davíö Oddssonforsætisráðherra: Meirihlutinn með Aiþýðuflokknum væri of knappur - áttifhmikvæöiðaöviðræöumviöHalldórÁsgrímsson Davíð Oddsson forsætisráðherra Þrír af fráfarandi ráðherrum Alþýðuflokksins á leið út úr Stjórnarráðinu eftir lausnarbeiðni ríkisstjórnarinnar í gær: Jón Baldvin, Sighvatur og Össur. DV-mynd BG Alþýðuflokksmenn gramir sjálfstæðismönnum: Ásakanir um póli- tískt framhjáhald „Við fórum eftir leikreglum. Ég sagði að við myndum ekki taka þátt í stjórnarmyndunarviðræðum við aðra flokka. Við vildum reyna til þrautar að ná málefhalegri samstöðu í stjórnarmyndunarviðræðum sem fram fóru undir verkstjórn formanns Sjálfstæðisfiokksins," sagði Jón Baldvin Hannibalsson, formaður Al- þýðuflokksins, eftir ríkisstjórnar- fund í gær þar sem Davíð Oddsson forsætisráðherra tilkynnti formlega að hann myndi biðjast lausnar fyrir sig og ráðuneyti sitt. Jón Baldvin sagði að kratar hefðu algerlega hreinan skjöld í þessu efni. „Hins vegar er það orðið upplýst að forsætisráðherra átti í stjórnar- myndunarviðræðum á sama tíma sem hann leiddi srjórnarmyndunar- viðræður við okkur og hann lét mig ekki vita af því," sagði Jón Baldvin. Davíð Oddsson forsætisráðherra sagði á fréttamannafundi í gær að Jón Baldvin hefði sagt sér eftir á að hann hefði rætt við Halldór Ásgríms- son. „Hitt sagði hann mér ekki, ég heyrði það í fjölmiðlum í gær, að hann hefði jafhframt sagt viö for- mann Framsóknarflokksins í efnis- legum viðræðum að ef viðræður Al- þýðuflokks og Sjálfstæðisflokks færu í strand þá gæti hann þegar tilkynnt honum aö hann hefði fullt umboö til þess að lýsa því yfir á þessu augna- bliki að hann myndi þá mæla með því við forseta íslands að formaður Framsóknarflokksins fengi umboð til þess að mynda fjögurra flokka vinstristjórn. Með öðrum orðum að ef slitnaði upp úr viðræðum okkar þá ætti SjáÚstæðisflokkurinn ekki að fá tækifæri til að leita eftir að mynda tveggja flokka stjórn, annað- hvort með Framsóknarflokki eða Alþýðubandalagi. Þessu var mér ekki sagt frá og heyrði ekki fyrr en í gær," sagði Davíð Oddsson. Jón Baldvin sagði í samtali við DV að Halldór Ásgrímsson hefði sagt sér það að hann hefði vissu fyrir því að Alþýöubandalagið heföi gert Sjálf- stæðisflokknum stjórnarmyndun- artilboð. Hann hefði því staðið í þeim sporum að ákveða hvort Framsókn- arflokkurinn yrði dæmdur til stjórn- arandstöðu eða aö taka upp viðræður við Sjálfstæðisflokkinn. Davíð Oddsson sagðist hafa heyrt að einhverjar meldingar heföu geng- ið á milli manna. „En það voru engin formleg skila- boð á miUi okkar Ólafs Ragnars," sagði Davíð Oddsson. Olafur Ragnar sagði í DV í gær að það lægi alveg ljóst fyrir að ekkert tilboð hefði farið frá Alþýðubanda- laginu til Sjálfstæðisflokksins. ræddi við fréttamenn eftir að hann haföi gengið á fund Vigdísar Finn- bogadóttur, forseta íslands, og beðist lausnar fyrir sig og ráðuneyti sitt undir hádegi í gær. Þaö kom mjög skýrt fram í málflutningi forsætis- ráðherra að höfuðástæðan fyrir því að hann lagði ekki í að mynda áfram stjórn með Alþýðuflokki væri sú að meirihlutinn á þingi væri aðeins einn maður. Raunar hefur Davíð verið með efasemdir um að hægt væri að vera með svo knappan þingmeiri- hluta alveg síðan á kosninganótt. „Ég sagði strax að ég hefði áhyggj- ur af þessum nauma meirihluta. Þeg- ar ríkisstjórnin lagði af stað í sína för fyrir 4 árum hafði hún fjögurra þing- manna meirihluta. Og ef hægt er að líkja því við ökuferð hafði hún fjögur varadekk. Það sprungu svo þrjú dekk á leiðinni eins og menn vita, Jó- hanna, Ingi Björn og Eggert Hauk- dal, og kannski orðið lint í sumum öðrum. Það var því ekki gæfulegt að fara af stað í aðra fjögurra ára ferð um sömu slóðir án þess að hafa nokk- urt varadekk," sagði Davíð. Hann sagðist hafa lagt áherslu á það í málflutmngi sínum að hann vildi fá stuðning til þess að mynda sterka tveggja flokka stjórn. Hann sagði að enda þótt fráfarandi ríkis- stjórn hefði staðið sig vel þá hefði nú legið á borðinu að hún yrði ekki sterk á komandi kjörtímabili nema síður væri. „Þess vegna hefur þessi leið verið farin að leita eftir öðrum möguleik- um á stjórnarmyndun," sagði forsæt- isráðherra. Davíð sagði að viðræður Sjálfstæð- isflokks og Framsóknarflokks væru afar stutt á veg komnar. Hann sagö- ist aðspurður hafa átt frumkvæðið að fundinum með Halldóri Ásgríms- syni. Þeir hefðu átt einn fund saman og einnig nokkur símtöl. Hann sagð- ist ekki hafa leitað formlega eftir stuðningi hjá þingflokki Sjálfstæðis- Davíð Oddsson og Vigdís Finnboga- dóitir þegar forsætisráðherra baðst lausnar fyrir ríkisstjórnina i gær. DV-mynd BG flokksins við þessar viðræðuf. Aftur á móti sagðist hann hafa rætt við marga þingmenn flokksins og af þeim samtölum að dæma vildu þeir mynda hér sterka tveggja flokka stjórn. Forsætisráðherra sagði að það hefði ekki verið trúverðugt fyrir rik- isstjórnina að Alþýðuflokkurinn skyldi kjósa að draga fram nokkra þætti og setja á oddinn í kosninga- baráttunni sem hægt var að draga upp sem ágreiningsþætti við Sjálf- stæðisflokkinn. Hann nefhdi þar ESB-mál, GATT og landbúnaðarmál og sjávarútvegsmálin. Þetta sagði hann að hefði haft óheppileg áhrif á stjórnarsamstarf með minnsta meirihluta. Varðandi stjórnarmyndunarvið- ræður viö Framsóknarflokkinn sagðist Davíö trúa því að flokkarnir gætu fundið samstarfsflöt á nokkr- um dögum eða vikum. Varðandi skiptingu ráðuneyta, ráðherraefni og fleira tengt stjórnarsamstarfi við Framsóknarflokkinn sagöi Davíð að alltof mörg ef væru í því dæmi til þess að tímabært væri að ræða það. Það væri ekki einu sinni búið að veita neinum manni stjórnarmyndunar- umboðið enn, hvað þá meira. Hann sagðist telja Framsóknar- flokkinn breyttan flokk með nýjan formann og því væri hann í sínum augum góður kostur til stjórnarsam- starfs. í dag mælir Dagfari Margt er sér til gamans gert Fólk gerir sér dagamun um páska. Það fer ekki á milli mála. Margir fara á skíði, aörir leggja land undir fót og njóta páskanna á sólar- ströndum í útlöndum og svo eru þeir sem dytta að garðinum heima hjá sér, líta á sumarbústaðinn eða heimsækja ættingja og vini. Páska- helgin er langt samfellt frí og þá gefst tækifæri til að sinna margvís- legum hugðarefnum. Eini ókostur- inn við páskana er í rauninni sá að fólk situr uppi með það að vera með fjölskyldunni. Menn sleppa ekki með því að fara í vinnuna því það er enginn sem vinnur um páska og menn sleppa ekki við að gera þetta eða hitt því það er ekk- ert að gera og enginn gerir neitt. Menn sirja uppi með aö éta og éta svo aftur og verða meira að segja að leggja það á sig að fara í kirkju! Það er sem sagt margt sér til dundurs gert en ekki að sama skapi það sem traustir fjölskyldufeður geta hugsað sér skemmtilegast. Hjónaböndin og fjölskyldulífið byggist einmitt á því hjá afar mörg- um að hafa sem minnst samskipti og páskarnir stofna því í hættu með langvinnum samverustundum. Það vakti því óneitanlega athýgli þegar það spurðist helst í fréttum eftir helgina að páskarnir hefðu verið næsta tíðindalitlir. Þess var getið í framhjáhlaupi að ný ríkis- stjórn íhalds og framsóknar væri í burðarliðnum en enginn kippti sér upp við það og taldist heldur ekki til slysafréfta. Satt að segja hefur það verið dag- legt brauð um hverja páska að fólk hafi lent í óhöppum og ófórum og björgunarsveitir hafa verið önnum kafnar um flesta páska að bjarga fólki úr lífsháska á fjöllum uppi. Svo var ekki þessa nýliðnu helgi. Það bar engan skugga á hamingju- sama frídaga og allir virtust hafa farið varlega og þjóðin hafi neyðst til að sitja í faðmi fjölskyldunnar og halda páskana út. Á þessu var þó ein undantekning. Þyrla landhelgisgæslunnar þurfti að sækja einn mann upp á hálendið þar sem hann sat fastur í bíl sínum. Frá því var sagt að maðurinn væri fjölskyldumaður en hefði farið einn síns liðs í bíltúr upp að Hofsjökli. Þar hefði hann fest bíhnn og setið hjálparlaus í sextíu tíma! Nú er það nógu alvarlegt þegar maður verður bjargarlaus fjarri mannabyggöum. En hitt er náttúr- lega mikið snjallræði hjá mannin- um að láta sér derta þetta í hug. Ekki er hægt að draga aðra ályktun en þá að fjölskyldulíflð sé komið á það stig að maðurinn hafi séð sig tilknúinn að grípa til örþrifaráða til að leggja ekki of mikið á sjálfan sig og fjölskylduna yfir páskahátíð- ina. Þess vegna hafi hann brugðið á það ráð að halda einn og yfirgef- inn á fjöll frekar en að verja frídög- unum heima hjá sér. Dagfari veltir því jafnvel fyrir sér hvort vistin í bílnum frá fóstudeginum langa og fram á annan í páskum hafi ekki verið skipuleg tilraun af hálfu þessa góða fjölskyldufóður til að förða sinni eigin fjölskyldu frá því að umgangast hann of lengi í einu. Þetta er í sjálfu sér umhugsunár- efni fyrir marga þá sem lenda í því aö þurfa að sitja yfir börnum og búi í heila fimm daga páskanna og geta sig hvergi hreyft. Hér er pott- þétt aðferð til að losna. Setjast upp í bílinn sinn strax og færi gefst í upphafi páskavikunnar og bruna upp á fjöll sem allra, allra lengst í burt. Festa svo bílirni í góðum skafli og láta fara vel um sig í sex- tíu, sjötíu tíma! Láta fyrirberast einn og yfirgefinn og þurfa ekki aö hafa neinar áhyggjur af matar- stússi, barnagráti, heimsóknum, kirkjuferðum né öðrum leiðigjörn- um fjölskyldumálum. Og bjarga hinum fjölskyldumeðlimunum frá samvistum við sig. Landhelgisgæslan getur svo komið þessum mönnum fil hjálpar eftir sextíu tíma eða svo og flogið með þá til baka þegar páskunum er lokið og hærtan um of langar samverustundir er liðin hjá. Þann- ig hefur landhelgisgæslan öðlast nýtt hlutverk að verja landhelgi fjölskyldunnar og heimilisins en sjá þó til þess að menn komist heil- ir heim í sína landhelgi þegar þeir eru búnir að fá nóg af sextíu tíma einsemd á öræfum. Með þessu mótí er páskunum bjargað og heimihsfriðnum og al- varlegum afleiðingum langrar páskahátíðar á mannlíf og fjöl- skyldulíf er haldið í skefjum. Dagfari

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.