Dagblaðið Vísir - DV - 09.05.1995, Blaðsíða 10
10
ÞRIÐJUDAGUR 9. MAÍ 1995
Fréttir
DV
Stefnir í stórátök sjómanna og útgerðarmanna:
Þetta verður gífurlegt
tjón fyrir þjóðarheildina
- segir formaður utvegsmanna a Norðurlandi - lausnin allan fisk um markað, segja sjómenn
„Mér er þessi verkfallsboðun
óskiljanleg. Miðað við þann tón sem
maður heyrir virðist allt stefna í
verkfall. Maður vill þó ekki trúa öðru
en að menn nái lendingu í málinu
áður en til þess kemur að flotinn
stöðvist," segir Sverrir Leósson,
formaður Útvegsmannafélags Norð-
urlands og útgerðarmaður á Akur-
eyri, vegna boðaðs verkfalls sjó-
manna þann 25 maí nk.
„Sannleikurinn er sá að þessi krafa
þeirra um að allur fiskur fari um
markað er ekki raunhæf. Við getum
tekiö dæmi eins og Útgerðarfélag
Akureyringa hf. Þar hefur fyrirtækið
samið beint við sína sjómenn um
verðlagningu á sínu sjávarfangi til
tveggja ára. Þannig á þetta að gerast;
með samkomulagi en ekki með ein-
hverjum látum. Það er frjálst fisk-
verð í landinu, byggt á samkomu-
lagi, öðruvísi er þetta ekki hægt,“
segir hann.
Forsætisráðherra sagði á aðalfundi
SH að verkfallsboðunin beindist að
stjórnvöldum en ekki útgerðar-
mönnum. Ertu sammála þessu mati
hans?
„Ef krafan er sú að það fari inn í
reglugerð að allur fiskur fari um
markað þá er það rétt mat að verk-
fallið beinist að stjórnvöldum. Þetta
verður gífurlegt tjón fyrir þjóðar-
heildina. Það stöðvast ekki aðeins
flotinn heldur stöðvast allt þjóðfélag-
ið og lamast," segir Sverrir.
„Við vísum því algjörlega á bug að
kröfur okkar séu óskýrar. Kröfugerð
okkar hefur legið fyrir síðan í des-
ember 1993. Við erum að taka á þátt-
um eins og kvótabraski og fleiri atr-
iðum,“ segir Konráð Alfreðsson,
formaður Sjómannafélags Eyjafiarð-
ar. Hann segir vanda sjómanna snú-
ast um það að verðlagning á sjávar-
fangi sé í ógöngum og sjómenn verði
að sæta afarkostum við sölu á afla
sínum.
„Leiðin að lausn þessa máls er sú
að allur fiskur fari um markað," seg-
ir Konráð.
-rt
■
Vorverk í snjónum
Starfsmenn Akureyrarbæjar eru komnir í vorverkin þótt enn séu stórir snjóskaflar við götur bæjarins. Þessir urðu
á vegi DV þar sem þeir voru að vinna við undirbúning að malbikun á Hjalteyrargötunni. Þar, eins og víðar, þarf
að gera við marga slæma bletti eftir harðan vetur. DV-mynd gk
Sameining þriggja fyrirtækja
Þórhailur Ásmundsson, DV, Sauöárkróki:
Nú um mánaðamótin var gengið frá
sameiningu þriggja fyrirtækja í sjávar-
útvegi á Sauðárkróki; Fiskiðju Sauðár-
króks, Skagfirðings hf. og Djúphafs hf.
Að sögn Einars Svanssonar, fram-
kvæmdasfióra FISK, mun sameining
fyrirtækjanna þriggja engar breyting-
ar hafa í fór með sér varðandi starfs-
mannahald. Hann segir markmiðið
með sameiningunni að skapa sterka
heild til að standast þá samkeppni sem
fram undan er í sjávarútveginum.
Fegurðardrottning íslands með tvær ferðatöskur á leið í keppnina Ungfrú alheimur:
Varð að greiða 87 þús-
und kr. fyrir yf irvigt
- annað hvort þetta eða engin taska, sagði Skúli Sigurz, faðir hennar
„Þegar við komum út á flugvöll
var Margrét með tvær ferðatöskur,
enda átti hún fyrir höndum mánað-
ardvöl úti. Auk þess er ekki hlýtt á
þessum árstíma í Namibíu heldur
kalt. Okkur var sagt aö hún væri
með rúm tuttugu og fiögur kíló í yfir-
vigt. Við urðum alveg gáttuð og urð-
um að borga rúmar 87 þúsund krón-
ur - og þetta er aðeins fyrir aðra leiö-
ina,“ sagði Skúli Sigurz, faðir Margr-
étar Skúladóttur Sigurz, fegurðar-
drottningar íslands, en hann fylgdi
dóttur sinni út á Keflavíkurflugvöll
þegar hún lagði í hann til Namibíu
þar sem keppnin Ungfrú alheimur
fer fram.
Skúli þurfti að taka upp veskið og
leggja út hátt í eitt hundrað þúsund
krónur og kvaðst hann óhress, eftir
á að hyggja, með að starfsmenn Flug-
leiða skyldu ekki benda þeim á að
senda farangur hennar í fragt. Þá
hefði hann borist til hennar eitthvað
seinna en það aðeins kostað hluta af
þessari háu upphæð sem vafalaust
mjög fáir íslendingar hafa lent í að
þurfa að greiöa við brottför.
Skúli sagði að starfsmenn Flug-
leiða hefðu bent á að best væri að
greiða yfirvigtina hér heima þar sem
viðbúið væri aö Afríkubúar myndu
annars láta Margréti gera það.
„Margrét þurfti auðvitað aö koma
meö alls kyns fatnað með sér að
heiman,“ sagði Skúli, „þjóðbúning,
kokkteildress og alls konar standard-
föt, skó og margt annað sem fylgir
þessu. En það var annaðhvort að
greiða þessa upphæð eða engin taska
færi.“
Skúli sagði að aörir keppendur í
fegurðarsamkeppninni hefðu orðið
mjög hissa þegar Margrét greindi
þeim frá því að hún hefði þurft að
greiða háa upphæð vegna yfirvigtar
farangurs. Úrsht í Ungfrú alheimur
fara fram næstkomandi laugardag.
Strangar æfingar hafa staðið yfir aö
undanfömu.
-Ótt
Formaður SÍM:
Líst vel á
Hafnarhúsið
„Mér líst mjög vel á þetta og ég er
mjög ánægð að heyra að málið sé
komið á þetta stig. Við höfðum að
vísu vonast til að borgin gæti fengið
allt húsið undir allsherjarmyndlist-
arhús og ég held að það hafi líka
verið von menningarmálanefndar
þannig að þetta eru vonbrigði hvað
það varðar en við verðum bara að
vona að hægt sé að fá stærri hluta
af húsinu seinna," segir SólveigEgg-
ertsdóttir, formaður Sambands ís-
lenskra myndlistarmanna, SÍM.
DV greindi frá því nýlega að Sam-
starfsnefnd um Hafnarhúsið við
Tryggvagötu hefði lagt til að borgin
keypti um 3.500 fermetra af húsinu
fyrir 110 milljónir og veitti um 300
milljónum króna í breytingar á hús-
inu til að hægt væri að hýsa Lista-
safn Reykjavíkur og Errósafn þar.
Ekki er fyllilega ljóst hvort glerþak
verður byggt yfir garðinn í miðju
hússins. -GHS
HM’95:
Bjónbykkjan
fór vel fram
„Það var mjög mikil eftirspurn en
ég fullyrði að það sköpuðust engin
vandamál vegna bjórdrykkju. Við
útganginn í tjaldið, þar sem bjórsal-
an fór fram, voru gæslumenn sem
fylgdust með því að engir undir tví-
tugu færu út í tjaldið. Ég veit ekki
til þess að neinar kvartanir hafi bor-
ist enda fór þetta allt vel fram og
enginn sem varpberandi drukkinn,"
segir Örn H. Magnússon, fram-
kvæmdastjóri Handknattleikssam-
bands íslands, HSI.
Fjöldi handboltaáhugamanna og
gesta á HM ’95 notaði tækifærið til
að fá sér bjór í veitingatjaldinu fyrir
utan Laugardalshöllina milli fyrsta
og annars leiks á HM 9Þ5 á sunnudag-
inn en htið var um bjórdrykkju í
hálfleik. Engin áberandi drykkja var
í veitingatjaldinu og þurftu gæslu-
menn á HM ’95 ekki að hafa afskipti
af neinum vegna ölvunar.
-GHS
Akureyri:
Vélsleðamenn stór-
skemmdu golfvöllinn
Gylfi Kristjánsson, DV, Akureyii
„Það er alveg óþolandi að fá þetta
yfir sig og 'að viö fáum ekki að vera
í friði fyrir þessum ófögnuði," segir
Guðbjörn Garðarsson, fram-
kvæmdasfióri Golfklúbbs Akur-
eyrar, en vélsleðamenn hafa unnið
miklar skemmdir á vellinum að und-
anfömu.
Skemmdimar em mestar á tveimur
flötum vallarins sem snjór sest ekki
á eins og aðra hluta vallarins þar sem
þær eru uppbyggðar. „Þeir hafa notað
flatirnar sem stökkpalla fyrir sleðana
og einnig hafa þeir ekið þvers og
kmss eftir flötunum og skemmt þær
með beltunum undir sleðunum. Þá
hafa þeir einnig ætt á sleðunum yfir
tré og mnna sem stóðu upp úr snjón-
um,“ segir Guðbjöm.
Hann segir að hér sé um greinilega
skemmdarverkastarfsemi að ræða
því að flatimar hafi verið auðar.
„Það virðist sem menn „flippi út“
þegar þeir koma á þessa sleða og aki
yfir hvað sem á vegi þeirra verður,"
sagði Guðbjörn.