Þjóðviljinn - 13.06.1963, Side 1

Fimmtudagur 13. 'júní 1963 — 28. árgangur — 130. itölublað.
Kennedy hoðar írumvörp um
mannréttíndi blökkumanna
Sjá 3. síðu
Fulltrúar Siglufjarðarfélaganna
einnig komnir til samninga
Myndin er af franska togaranum
Alex Pleven, sem Ienti í árekstri
við ísjaka djúpt undan Húnaflóa
í gærmorgun. Á myndinni er
skipið á siglingu undan strönd-
um Portúgal, innan við sandrif
sem þar eru, brotið sést greini-
lega.
Múrarcrfél.
rœðir samn-
ingana
I gær auglýstl stjórn Múrara-
félags Reykjavíkur að fundur
yrði haldinn í félaginu í kvöld,
þar sem samningar yrðu á dag-
skrá. Þjóðviljinn reyndi i gær-
kvöld að ná tali af formanni fé-
lagsins, Einari Jónssyni til að fá
nánari fréttir af tilefni fundar-
ins, en það tókst ekki.
Franskt skip rakst á ís-
jaka norSur af Húnaflóa
Um klukkan 7 í gærmorgun rakst franski verk-
smiðjutogarinn Alex Pleven á ísjaka norður af
Húnaflóa. Leki kom að skipinu og klukkan hálf
átta sendi það út neyðarkall, sem Slysavarnafé-
lagið kom áleiðis.
Brezka herskipið Keppei var|
næst slysstaðnum o.g kom að
hinu laskaða skipi milli kl. 111
og 12. f.h. Þýzka eftirlitsskipið |
Meerkatze og varðskipið María j
Júlía lögðu einnig af stað til
aðstoðar franska skipinu, en af-
skipta þeirra var ekki þörf. |
Samband skipanna og lands
var allslitrótt fram eftir degin-
um, vegna þess hve langt und-
an landi þau voru, einnig olli
það nokkrum erfiðleikum að
franska áhöfnin skildi ekkert
nema frönsku.
Eftir fyrstu fregnum að dæma
Mikil síldveiði við
Langanes í gærdag
Seyðisflrðl I gær. — Tuttugu ' að kasta og höfðu þegar fcngið
skip voru stödd í eftirmiðdaginn ágæta veiði. Þá hafði Gullfaxi
um 53 sjómilur norðaustur af sprengt nótina. Þessi skip höfðu
Langanesi og voru öll þessi skip fengið veiði: Grótta með 1000
Ellefu umsækjendur um þrjú
lyfsöluleyfi í Reykjavík
Þann 6. þ.m. rann út um-
sóknarfrestur um lyfsöluleyfi við
þrjár nýjar lyfjabúðir hér í
Reykjavík sém stofna á í Há-
logaiandshverfi, Háaleitishverfi
og Mýrahverfi. Allj bárust 11
umsóknir og eru umsækjendur
þessir:
Andrés Guðmundsson lyfsali
á Norðfirði, Ásgeir Ásgeirsson
lyfjafræðingur Reykjavík, Helgi
Hálfdánarson lyfsali, . Húsavík,
Hrafnkell Stefánsson lyfjafræð-
ingur Reykjavík, fvar Daníels-
son dósent í lyfjafræði og eftir-
litsmaður lyfjabúða í Reykja-
vík, Kjartan Gunnarsson lyfja-
fræðingur Reykjavík, Kristján
Hallgrímsson lyfsali Seyðisfirði,
Matthías Ingibergsson forstöðu-
maður Selfossapóteks, Steinar
Björnsson lyfjafræðingur Rvík,
Steingrímur Kristjánsson lyfja-
fræðingur Reykjavík og Werner
Rasmussen lyfjafræðingur Rvík.
mál og var á Ieið til Krossancss
í Eyjafirði, Jón Garðar með 1100
mál, Guðmundur Þórðarson með
1500 mál, Helgi Flóventsson með
1500 mál, Eldborgin með 800 mál,
Bjarmi mcð 700 mál, Hannes
Hafstein mcð 900 mál, Þorleifur
Rögnvaldsson með 900 mál.
Síldartorfumar á þessu svæði
eru stórar og þykkar og síldin
falleg og feit. Er álit sjómanna
að hér sé um svokallaða Noregs-
göngu að ræða. Síldin er full af
rauðátu.
Þeir sem hlusta á bátabylgjuna
hafa skynjað óánægju meðal sjó-
manna yfir móttökuskilyrðum á
síldinni í landi og eru þannig
Neskaupstaður og Reyðarfjörður
hættir að taka á móti síld og
Vopnafjörður og Raufarhöfn eru
ekki tilbúin ennþá og á Seyðis-
firði ekki fyrr en um helgina. —
G. S.
vjrtust skemmdirnar á Alex
Pleven miklar, en reyndust þó
ekki alvarlegri en svo að síð-
degis í gær var ákveðið að
Keppel freistaði bráðabirgðavið-
gerðar í hafi, annars hefði það
þurft að fara til Reykjavíkur
til viðgerðar, en skipið er 1763
tonn. Áhöfnin, 62 menn, var
aldrei í neinni hættu.
Samkvæmt skeyti. sem barst
frá Maríu Júlíu síðdegis í gær
var ísspöng 26,8 sjómílur rétt-
vísandi 40 gráður undan Horni
og nokkuð um smájaka undan
röndinnj.
Þegar óhappið varð, var gott
veður á þessum slóðum, bjart
og gott skyggni. Eftir skeytinu
frá Maríu Júlíu að dæma hef-
ur hér ekki verið um borgarís
að ræða, heldur mun skipið hafa
rekist á einhvern smájakann við
ísröndina, en þeir geta leynt
illilega á sér.
Alex Pleven er nýlegt skip,
smiðað árið 1958.
Sáttafundir eru yfir-
standandi í norðlenzku
kaupgjaldsdeilunni hér
í Reykjavík og hafa ver
ið haldnir tveir fundir
með sáttasemjara ríkis
ins og hófst seinni fund-
urinn kl 4 í gær. Ekkert
bar sérstakt til tíðinda
og lögðu samningsaðilar
fram kröfur sínar.
Áhcyrnarfulltrúar héðan úr
Reykjavík eru Eðvarð Sigurðsson
frá Verkamannafélaginu Dags-
brún og Sverrir Ilcrmannsson frá
Landssambandi ísl. verzlunar-
manna. Þá hafa fulltrúar frá
Vinnuveitendasambandi Islands
og Vinnumálanefnd samvinnufé-
laganna setið með fulltrúum at-
vinnurekcnda frá Akureyri.
I gærkvöld bættust í hópinn
Óskar Garibaldason frá Verka-
mannafélaginu Þrótti á Siglufirði
og Valgerður Jóhannesdóttir frá
Verkakvennafélaginu Brynju á
Siglufirði.
Samstaða hefur myndast um
tvær höfuðkröfur, sem eru 20%
kauphækkun á dagvinnu og
styttingu vinnuvikunnar í 44
stundir. Eru það verkalýðsfélögin
á Akureyri, Siglufirði, Húsavík
og Raufarhöfn, sem þegar hafa
lýst yfir vinnustöðvun frá 16.
júní og 20. júní.
Verkalýðsfélögin í sildarbæj-
unum hafa nokkra sérstöðu i
kröfum sínum og er þetta helzta:
kaup karla og kvenna á síldar-
plönum verði a.m.k. 10% hærra
en almenn vinna og fullt álag,
miðað við eftirvinnu og nætur-
vinnu, komi á alla ákvæðis-
vinnutaxta.
Þannig gerir Verkakvennafé-
lagið Brynja á Siglufirði kröfu
um álag á ákvæðisvinnu að nóttu
um 80%.
1 kvöld lýkur allsherjarat-
kvæðagreiðslu Félags verzlunar-
og skrifstofufólks á Akureyri um
vinnustöðvun og eru kröfur
þeirra frá 40% til 50% kaup-
hækkun á hina ýmsu launa-
flokka.
Það er algengt, að verzlunar-
og skrifstofufólk er yfirborgað
um 35% og er þetta raunveru-
lega samræming við það ástand.
Lík Jóns Björns-
sonar fundið
Um kl. 22 í fyrrakvöld var
lögreglunni tilkynnt að lík hefði
fundjzt rekið í Selsvör. í ljós
kom að líkið var af Jóni Björns-
syni, Blönduhlíð 12, er hvarf að
heiman frá sér aðfaranótt 15.
maí sl. ásamt öðrum pilti héðan
úr Reykjavík. Er nú talið full-
víst að piltarnir hafi tekið bát
er hvarf úr Selsvör sömu nótt og
þeir hurfu og hafi báturinn
sokkið undir þeim úti á víkinnþ
Fimm ára
dreng
bjargað frá
drukknun

Siglufirðx í gær. — Um 11
Ieytið í morgun féll fimm ára
drengur, Gústaf Ðaníelsson,
Eyrargötu 15, f sjóinn nálægt
svokallaðri Innri Höfn í
Siglufirði. Fullorðið fólk var
þarna ekki nálægt, en þrír
ungir piltar, 16 ára til 17 ára,
voru við vinnu ekki langt frá.
Tókst þeim eftir nokkra
stund að bjarga drengnum
upp úr sjónum, en hann hafði
þá misst meðvitund. Piltarnir
hófu þegar lífgunartilraunir
á drcngnum og hafði þeim
tekist að vekja drenginn til
mcðvitundar, þegar fullorðið
fólk kom á slysstaðinn.
Piltar þeir sem sýndu þetta
snarræði af sér eru þessir:
Sævar Björnsson, Suðurgötu
51, Kristinn Rögnvaldsson,
Suðurgötu 51 og Sigurður
Helgason, Suðurgötu 41. —
K. F.
Samninganefnd
Akureyrarfélaga
HÉR A MYNDINNI sjást full-
trúar Akureyrarfélaganna á sátta
fundi í Alþingishúsinu i gær en
þeir eru taldir frá vinstri: —
Víkingur Björnsson, Arnfinnur
Arnfinnsson, Jón Ingimarsson,
Þórir Daníelsson, Freyja Eiríks-
dóttir, Jón Rögnvaldsson, Björn
Jónsson, Kristófcr Vilhjálmsson
og Páll Magnússon.