Þjóðviljinn - 15.09.1971, Blaðsíða 4

Þjóðviljinn - 15.09.1971, Blaðsíða 4
4 SlÐA — ÞJÖÐ'VTLJ'INN — Miðvilcudagur 15. swpt«mb«r 1971. — Málgagn sósíalisma, verkalýðshreyfingar og þjóðfrelsis — Útgefandi: Utgáfufélag Þjóðviljans. Framkv.stjóri: EiSur Bergmann. Ritstjóri: Sigurður Guðmundsson. Ritstj.fulltrúi: Svavar Gestsson (áb.). Fréttastjóri: Sigurður V. Friðþjófsson. Auglýsingastjóri: Heimir Ingimarsson. Ritstjórn, afgreiðsla, auglýsingar, prentsmiðja: Skólavörðustíg 19. Síml 17500 (5 línur). — Askriftarverð kr. 195,00 á mánuði. — Lausasöluverð kr. 12,00. Sölukreppa á áli það er fremur hljótt um boðbera erlends fjár- magns á íslandi þe9sa stundina. Þeir sem áttu sér draum um 20 álver hafa sig lítt í frammi. Ástæðan er sú, að útlit er fyrir sölukreppu á áli næstu tvö árin, og Álverið í Straumsvík liggur með 17.000 lestir óseldar af 27.500 lestum sem framleiddar hafa verið frá ársbyrjun til ágúst- loka. Talið er líklegt að offramleiðsla á áli í heim- inum verði í ár um 800 þúsund lestir. Til að leysa rekstrarörðugleika álvera hafa álframleiðendur stofnað fyrirtæki til að kaupa og liggja með um- frambirgðirnar. Ætlunin er að hindra þannig verðfall á heimsmarkaðnum. Þeir sem áður lýstu yfir að ekki væri treystandi á fiskinn 1 sjónum við uppbyggingu atvinnulífs á íslandi, reka sig nú á markaðsvandamál í heimi stóriðjuhringa og af- leiðingar skipulagsleysis framleiðsluháttanna í þjóðfélögum einkagróðans. Erfiðleikarnir, sem and- stæðingar erlendrar stóriðjustefnu bentu á þeg- ar samið var við Swiss Aluminium, eru að koma fram. Svo vel vill til, að íslenzka þjóðin hafnaði í kosningunum í vor álstefnu draumóramannanna. Vinstri stjórnin hefur mótað þá stefnu að atvinnu- lífið skuli vera íslenzk eign og ætlunin er að koma upp fjölbreyttum fullvinnsluiðnaði íslenzkra af- urða sjávarútvegs og landbúnaðar. Sú stefnubreyt- ing var vissulega orðin tímabær. Lát Khrásjofs j fyrradag var jarðsettur í kyrrþey leiðtogi Sov- étríkjanna á árunum 1953-64 Níkíta Khrúsjof. Hinir nýju Valdhafar létu undir höfuð leggjast að sýna hinum látna, sem á sínum tíma var stór- brotinn stjórnmálamaður og litríkur persónuleiki, þá virðingu er honum bar. Hræðsla sovézkra kommúnista við að fjalla á hlutlægan og marx- ískan hátt um tímabil og persónur í sögu sovét- skiptolagsins bendir ótvírætt til ótta við að leggja raunsætt mat á fyrri átök og draga lærdóm af fenginni reynslu. Að dómi flestra sósíalista eru vinnubrögð sem þessi í hæsta máta lágkúruleg og andstæð marxískri söguskoðun. — óre. Aðild Kína þa« eru blygðunarlaus ósannindi þegar Morgun- blaðið heldur því nú fram að fráfarandi ríkis- stjórn hafi viljað stuðla að því að Kína fengi að- ild að Sameinuðu þjóðunum. Fráfarandi ríkisstjóm gégndi ætíð skipunum Bandaríkjastjórnar í afstöðu sinni til aðildar Kína; var ýmist um það að ræða hvort Pekingstjórnin ætti að hafa sæti Kínverja eða hvort 2/3 atkvæða ætti að þurfa til þess að Kínverjar fengju aðild. íslenzka ríkisstjórnin greiddi reglunni um 2/3 atkvæði og lagði á þann hátt stein í götu fyrir aðild Kína. — En það er von að Morgunblaðið skammist sín fyrir þessa afstöðu forustumanna utanríkismála síðustu árin. — sv. SKUGGSJÁ Brenglað fréttamat Þegar islenzk blöð láta vinna erlendar fréttir, er jafnan byggt á fréttum frá nor&ku fréttastofunni NTB. Nú hefur það lengi verið regla meðal blaðamanna sem vilja rísa undir því nafni að taka NTB-fréttum og frétta- mati NTB með varúð. Mætti nefna um þetta nokkur dæmi, en á sunnudaginn var barst hingað til lands frétt frá NTB, sem sýnir ótvírætt að fréttamat þessarar stofnunar er í meira lagi brenglað. Fréttaskeytið Þessi frétt NTB var á þessa leið: „Reykjavik 12/9 (frétta- maður NTB). Stærsta blað Reykjavíkur. Morgunblaðið hvetur til umræðufunda með ríkisstjómum Islands og ann- arra Norðurlanda um fjTir- hugaða útfærslu fiskveiðilög- sögunnar við lsland 1. sept- ember næsta ár. Ástæðan fyr- ir þessari kröfu blaðsins er viðtal við norska utanríkisráð- herrann Andreas Cappellen þar sem hann segir að Nor- egur geri sér grein fyrir nauðsyn íslendinga til útvíkk- unar fiskveiðilögsögunnar." Fréttaskeytið var lengra, en tilefni þess var semsé leiðari í Morgunblaðinu, rétt eins og Morgunblaðið sé opinber tíð- indi á Islandi. Hér er ékki vakin athygli á þessu máli til að gera lítið úr nauðsyn þess að ræða landhelgismálið við ríkisstjómir Norðurland- anna; tilgangurinn er sá einn að benda á sérkennil. frétta- mat þeirrar stofnunar sém telur leiðara í Morgunblaðinu heimsfréttir. _ Onnur dæmi frá NTB Þegar þau tíðindi voru að gerast á Islandi að þeir Bjöm og Hannibal voru að yfirgefa þingflokik Alþýðubandalagsins var gjarnan fjallað um slíkt í fréttaskeytum NTB. Aff nú ekki sé minnzt á þau ósköp er Karl Guðjónsson sagði skilið við þingflokk Alþýðu- bandalagsins og gerðist banda- maður Alþýðuflokksins. Það mál hlaut heimsfréttameð- höndlun í fréttaskeytum frá fréttaritara NTB í Reykjavík. Að öllu þessu samanlögðu má ljóst vera að ástæða er til þess að taka NTB-fréttum með varúð — sérstaklega ef valið á fréttamönnum fréttastofunn- ar er jafnkostulegt og hér á íslandi. Fjalar. 3 umferðar- klábbar héldu aðalfundi sína Um síðustu helgi héldu þrír klúbbanna öruggur akstur að- alfundi sína. Sá fyrsti, fyrir Dalasýslu, var haldinn s.l. laugardag í Félags- heimilinu Tjamarlundi að Stað- arhóli í Saurbæ. Sóttu hann 24 menn. Stjómin var að þessu sánni öll kosin úr Norður-Döl- um, og er formaður hennarSig- urður Þórólfsson bóndi í Innn- Fagradai. Annar fundurinn, fyrír Aust- ur-Barðastrandarsýslu, var hald- inn sama laugardagskvöld í Fé- lagsheimilinu Vogalandi 1 Króksfjarðamesi. Þar komu 58 menn til fundar. Stjómin var endurkosán, og er formaður hennair Halldór Daiqvist Gunn- arsson verzlunarmaður. Þriðji og síðasti fundurinn, fyrir Strandasýslu. var svo Framhald á 7. síðu. Minning Björgvin Gíslason, bóndi í Krossgerði Fæddur 19. janúar 1910, dáinn 3. september 1971 Kæri móðurbróðir. Rigningasumarið 1950 vorum við tveir á gangi á gamla veg- inum á Berufjarðarströnd, og stefndum út í átt til Krossgerð- is þar sem þú hafðir þá verið bóndi á annan áratug. Þá vairst þú fertugur en ég var tólf ára snáði í sveit hjá þér. Við höfð- um um margt að næða, — heimsmálin, pólitíkina, ætt- fræði, staðaheitj og kennileiti í viðræðum votum við jafn- ingjar — að minnsta kosti fannst mér það, og oft mót- mælti ég sikoðunum þínum og þú svaraðir mér méð fullkomnu jatfnaðargeði hins lýðræðissinn- HÁRGREIÐSLAN Hárgreiðslu- og snyrtistofa Steinu og Dódó Laugav 18 m hæð (lyfta) Siml 24-6-16 Perma Hárgreiðslu- og snyrtistofa Garðsenda 21 Síml 33-9-68 2500 klukkustunda lýsing við eðlilegar aðstæður (Einu venjulegu perurnar framieiddar fyrir svo langan lýsingartíma) NORSK ÚRVALS HÖNNUN Heildsala Smásala Einar Farestveit & Co Hf Bergstaðastr. 10A Sími 16995 aða manns. Raunar held ég að oft hafir þú hvatt mig til að mótmæla skoðunum þínum. Al- gengara var samt að ég spurði og þú svaraðir. Um hellinn, sem fólk faíldi sig í þegar Tyrkjaránið var, um ættfeður okkar, — ábúendur Krossgerðis í margar kynslóðir, um ræktun mýrlendisins og hvemig þú ætlaðir að stækka túnið úr fjórum hekturum £ sex, um hvorf hestarnir hugsuðu og um hvað þeir hugsuðu. E.t.v. höfum við ekki rætt um þetta allt saman í þessari gönguferð í rigningunni út ströndina. En það voru mörg önnur tækifæri til viðræðna, einkum þegar ég var að tefja fyrir þér við heyskapinn. Þetta voru erfiðir tímar fyrir tólf ára strák sem vildi velta því fyrir sér hvers vegna þetta og hitt væri svona, en þú varst allt öðru vísi en hitt fullorðna fólkið. Aldrei sagðir þú; Þú ert kraikki og hefur ekki vit á þessu. Og furðu sjaildan sagðir þú; Vertu ekíki að tefja fyrir mér. Sumarið 1965 brást síldin í fyrsta skápti í siíldarævintýrinu mikla við Austurland. Um vor- ið hafði hafís komið allt suð- ur til Beruifjarðarstrandar, og kal var víða í túnum. Þetta var fyrsfa harðbýlisárið á tímabil- inu 1965—1970, '■— fimm önn-<j> ur harðbýlisár fylgdu í kjölfar- ið bótt misjafnlega væru þau hörð. Þetta stimar heimsótti ég þig í fyrsta sinn frá þvf að ég var drengur. Þá va.r túnið orðið um tíu hektanar. En hluti þess var nú kallinn. Þú hafðir þá búið í nýja íbúðarhúsinu í þrettán ár, og útihúsin voru flest ný. Hestarnir voru famir og vélar voru komnair. En þótt brúttó- tekjur búsins væru meiri en 1950 voru nettótekjumar svip- aðar, því að kostnaðurinn hafði au.kizt. Þú hafðir verið oddviti í sveitinni I ellefu ár, os þú átt- ir víst einna mestan þátt í því að litla sveitin með rúmlega 100 íbúa hafði eignazt myndar- legt félagsiheimili. — En um þessi störf bín vita aðrir betur en ég. Ég heimsótti þig árin 1969 og 1970 ásamt fjölskyldu minni. Alltaf naut ég mikillar gest- risrti þdnnar og ágætarar konu þinnar, Rósu Gísladóttuir. Túnið stækkaði ailltaf eitthvað, nýir hektarar bættust við. Og nii útihús bættust við l'fka. Og 1970 fékkst bú bér loksins diesel- rafstöð, en lengi hafðir bú þrjózkast við að fá þér hana ef frumbyggja okkair foma lands. Viðurkenning samfélagsins á verkunum virtist stundum vera lítil og framtíð þeirra óviss. Þetta er hinzta kveðjan frá systursyni þinum, sem einu sinni lállaði með þér í rigning- unni á Berufjarðarströnd. Við seinni kynni komst ég að þvi að banngæzka þín 02 skilning- ur á bamssálinni endurspegluðu manngæzku og skdlningi á mannssálinni. Ég þakka þér kynnin og votta samúð konu þinni, bömum og ba^-nabörmum og öðrum sem um sárt eiga að binda við fráfalll þitt. því að þú taldir að bændur á Berufjiarðarströnd ættu rétt á að fá rafmagn frá Grímsár- virkjun. Á þessu ári, 1971, virtíst loks- ins ætla að birta til í ísletnzk- um landibúnaði Nú um haustið var ljóst að árið ætlaði ekki að verða harðbýlisór andstætt mörgum undanfömum árum. Hress virtist þú vera við vinnu þína 3. septemlber sl. þegar þú varðst bráðlkvaddur. Ævi þín var í ytra formi lík ævi flestra íslenzkra bændasíð- ustu áratugi. Annað hvort var að gefast upp eða búa til nýja jörð úr arfleifðinini á skömm- um tfrna. En um þig gilti svip- að og um flesta aðra hina nýju Nemendar Hlíðadalsskóla athugið I Bvrjun skólans frestað um éina viku. Nemendur komj 27. séptenibér. — Ferð frá Um- ferðarmiðstöðinni, Reykjavík. kl. 15.00. Skólastjórinn. BARNAGÆ2LA 1 ára gömul telpa, sem ér í Öldugötuékólanum frá kl. 1-3 á daginn þarf að eignast samastað á góðu heimili í nágrenni skólans, 5 daga vikunnar frá kl. 9 til 6 Vinsamlega hringið í síma 17.500 á morgun, — fimmtudag. Tímarit Hjúkr- unarfálagsins komið ut Tímarit H.Í úkrunarfélags Is- lands 3. tölublað 1971 er ný- komið út. Auk anmars efnis skrifa sérfræðingamir Hjalti Þórarinsson, Grétar ólafsson og Gunnar Gumnlaugsson um skurðaðgerðir við hjarta- og lungnasjúkdómum og hina brýnu þörf fyrir hjarta- og lungnavél hér á landd. Þá er í ritinu ársskýrsla stjómar Hjúkrunarfélags ts- lands og ffleira efni y

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.