Þjóðviljinn - 13.08.1977, Blaðsíða 2

2 SIÐA — ÞJÓÐVILJINN Laugardagur 13. ágúst 1977
A UGLITITIL A UGLITIS
Norræn myndlistarsýning 1976-77
Norræna myndlistarsýningin
„Augliti til auglitis” — á sænsku:
öga mot öga — er væntanleg
hingað til lands i haust. Hún mun
standa yfir á Kjarvalsstöðum
dagana 10. — 25. september að
báðum dögunum meðtöldum.
Sýningin kemur hingað á vegum
Norræna myndlistarbandalags-
ins og Félags islenskra myndlist-
armanna.sem er aðili að þvi. Allt
frá árinu 1946 hefur bandalagið
gengist fyrir meiriháttar sam-
sýningum myndlistarmanna frá
Danmörku, Finnlandi, Islandi,
Noregi ogSviþjóð. Fyrst voru þær
haldnar d hverju ári I höfuðborg-
um landanna en siðan annaðhvert
ár t.d. i Bergen, Gautaborg og
Óðinsvéum. Siðasta stóra sam-
sýningin var á Kjarvalsstöðum i
tengslum við Listahátið i Reykja-
vik 1972. Að henni lokinni var
ákveðið að gera hlé á sliku sýn-
ingarhaldi um sinn og freista
nýrra leiða. A aðalfundi mynd-
listarbandalagsins 1974 var end-
anlega ákveðið að fela Staffan
Cullberg listfræðingi i Stokkhólmi
að setja saman norræna samsýn-
ingu myndlistarmanna af nýrri
gerð. Þessi sýning Cullbergs —
(hann hefur verið algjörlega ein-
ráður um skipulagningu hennar,
val verka og höfunda þeirra) —
var lengi i mótun. Hann ferðaðist
milli landanna fimm árin 1975 og
1976, kynnti sér stefnur og leiðir i
myndlist, skoðaði sýningar og
heimsótti marga myndlistarhöf-
unda. Hingað til lands kom hann
tvivegis i þessu skyni. Arangur-
inn af starfi Cullbergs varð sýn-
ingin :„Augliti til auglitis”.
Hér verður ekki reynt að gera
grein fyrir tilgangi sýningarinnar
enda er hann listilega útskýrður i
stórri og vandaðri sýningarskrá,
sem verður til sölu á sýningunni
að Kjarvalsstöðum. Samt skal
þessgetið, að „leikstjórinn” Cull-
berg vill sýna okkur myndlist og
formmótun i viðara samhengi en
tiðast hefur verið gert, vikja frá
hinum sérfræðilegu sjónarmiðum
og tekur þá um leið mið af um-
hverfisvandamálum siðustu ára
og áratuga.
Sýningin: „Augliti til auglitis”
var opnuð i Stokkhólmi 19. nó-
vember 1976 og stóð þar til 19. de-
sember i Liljewalhs konsthall.
Frá Stokkhólmifórhún til Osló og
var þar 20. janúar til 16. febrúar
1977, i Bergen var hún fyrrihluta
marsmánaðar og i Helsingfors
nær allan april. 1 sumar hefur
sýningin staðið i Nikulásarkirkj-
unni i Kaupmannahöfn og er
reyndar nýlokið þar i hinu sér-
kennilega umhverfi. Áður en sýn-
ingin kemur hingað til Reykja-
vikur, verður hún sett upp i nýju
Listasafnsbyggingunni i Alaborg
i Danmörku.
Mikið hefur verið rætt og ritað
umsýninguna: „Auglititil auglit-
is” og eru menn sist á einu máli
um listrænt gildi hennar eða
hittni boðskaparins, ef hann er þá
einhver einn og sérstakur. 1
norskum blöðum er talið, aö sýn-
ingin eigi einkum að kenna mönn-
um að sjá og uppgötva að nýju
hluti eða staðreyndir, sem þeir
eru fyrir löngu hættir að skynja
sakir hraða og vélvæðingar nú-
timans. Samkvæmt fréttum hefur
sýningin hlotið góða og sennilega
bestu dóma i Sviþjóð og framlagi
fslands hrósað. Afturá móti hefur
Dönum fallið þetta framtak Nor-
ræna myndlistarbandalagsins
miður. Hér skal að lokum gripið
niður i listdóm úr danska stór-
blaðinu „Politiken”, eftir B.E.
Honum fylgja myndir af lista-
verkum eftir norðmanninn Bárd
Breivik og Tryggva Ólafsson. Um
Tryggva segir, að hann fari sinar
eigin, flóknu leiðir, sem eru sam-
bland abstraktsjónar, popplistar
og algengs natúralisma. „Að öðru
leyti gleðja nokkrir Islendingar
hjörtu okkar með finum mynd-
vefnaði — Óskari Magnússyni,
Blómeyju Stefánsdóttur og Hildi
Hákonardóttur gleymir maður
seint” I heild er sýningunni lýst i
„Politiken”sem norrænni ringul-
reið.
fslenskir þátttakendur í sýning-
unni „Augliti til auglitis” eru
þessir: Agúst Petersen, Hildur
Hákonardóttir, Hringur Jóhann-
esson, Oskar Magnússon, Blómey
Stefánsdóttir. Auk þess islenskt
hraungrjót, bárujárnsplötur,
ljósmyndir af torfbæjum og báru-
járnshúsum.
íslenskir leikhópar út fyrir landsteinana:
,Fröken Júlía’
sýnd á leiklist-
arhátíð á Ítalíu
Þrátt fyrir það að frjálsir
leikhópar njóti engra lögboð-
inna opinberra styrkja á fs-
landi, samkvæmt nýjum leik-
listarlögum, eru þó tveir á för-
um i sýningarferðalög á er-
lendri grund. Annar er Alþýðu-
leikhúsið, en hinn er Hreyfileik-
húsiö, sem heldur til ttaliu siðar
i þessum mánuði. Verður þar
sýnd sýning Hreyfileikhússins á
„Fröken Júlia Alveg Oð”, sem
sýnt var hér i Reykjavik s.í. vet-
ur. Þingið, sem haldið verður i
Bergamo á Italiu er haldið með
styrk frá UNESCO, en stjórn-
andi hátiðarinnar er leikhús-
stjóri Odin-leikhússins i Dan-
mörku, Eugenio Barba. Hafa
verið valdir um fimmtán leik-
hópar viðs vegar úr heiminum
til að sýna á hátiðinni, en þar
verður einnig rætt um stöðu
frjálsra leikhópa, vinnuaðferðir
o.s.frv. Þá hefur Hrevfileikhús-
inu borist boð frá itölskum og
índverskum leikhópum um að
vinna með þeim eftir þingið,
ferðast með þeim og sýna
„Fröken Júliu” viðs vegar um
ftaliu. Hefur verið ákveðið að
sýna „Fröken Júliu —” einnig i
Wales, en ekki hefur verið
ákveðið hvort þegið verður boð
frá Hollandi. I förinni verða þau
Inga Bjarnason, Nigel Watson,
Sólveig Halldórsdóttir og Viðar
Eggertsson. ÞS
Vestfírðingar stofna
húsagerðarsambönd:
Góöar heyskapar-
horfur á Vestfjörðum
Heyskaparhorfur á Vestfjörð-
um eru mjög góðar, að þvf er Sig-
urður Jarlsson á ísafirði, ráðu-
nautur Búnaðarsambands Vest-
fjarða sagði okkur i gær. Vikuna
þar á undan var hinsvegar látlaus
rigning svo aö ekki var einu sinni
gerandi að hirða I votheys-
geymslur, að þvi er Siguröur
Jarlsson sagði .Vmsir bændur á
Vestfjörðum eru að ljúka hey-
skap, aörir iangt komnir.
Votheysverkun er nokkur, eink-
um i Dýrafirði. Þar mun um
helmingur töðunnar fara i vot-
heysgeymslur, annarsstaðar
minna.
Grasspretta er framúrskarandi
góð og telja bændur sig ekki muna
hana betri.' Gildir einu hvort um
úthaga er að ræða eða tún. Sig-
urður taldi, aö býlum fækkaði nú
ekki lengur á starfssvæði Bún-
aðarsambands Vestfjarða.
Fremur sigi það i hina áttina.
Inndjúpið og Austur-Barða-
strandasýsla hafa nú um skeið
haft með sér húsagerðarsam-
band, til mikils hagræðis fyrir
húsbyggendur. Tvö önnur slik éru
að fara af stað: Annaö i Vestur-
Barðastrandarsýslu en hitt nær
yfir fsafjörð, Bolungarvik og
Suðureyrarhrepp. Enn hafa þau
þó ekki fengið nauðsynleg tæki til
starfseminnar og stendur á fyrir-
greiðslu frá rikinu.
—mhg
Kvarta um litla
kennslu í greininni
Nýlega var haldinn aðalfundur
Myndhöggvarafélagsins i
Reykjavik. Á fundinum voru
samþykkt ný félagslög, sýningar-
reglur og eyðublaðaform fyrir
þátttakendur á sýningum félags-
ins.
Myndhöggvarafélagið er sem
kunnugt er stéttarfélag þeirra
myndlistarmanna sem vinna
verk sin i þrividd, en fylgir engri
sérstakri stefnu i myndlist.
Fundarmenn lýstu yfir áhyggj-
um sinum vegna litillar kennslu i
þriviðu formi i Myndlista- og
handiðaskóla Islands, og telja
þeir að það geti haft skaðvænleg
áhrif á framgang höggmyndalist-
ar i landinu.
Myndhöggvarafélagið er aðili
að Listahátið i Reykjavik og hef-
ur undanfarin ár staðið fyrir
viðamiklum sýningum i Austur-
stræti. Af alkunnum orsökum er
ekki lengur grundvöllur fyrir
þessum sýningum þar og hyggst
þvi félagið leita nýrra leiða. A
aðalfundinum var stjórn falið að
gera áætlun fyrir hátið næsta árs
og bréfa til framkvæmdastjórnar
Listahátiðar með fyrirspurnum
um þann möguleika að fá til
landsins 1980einhvern af þekktari
myndhöggvurum heimsins. Þá
voruá aðalfundinum rakin bréfa-
skipti félagsins og Listasafns
fslands um höggmyndaeign
safnsins. Fundurinn fól stjórninni
að annast'frekari framkvæmdir.
Borgarráð samþykkti fyrir
nokkru breytingu á leigusamn-
ingi milli þess og Myndhöggvara-
félagsins um húsnæðið að
Korpúlfsstöðum, sem felur i sér
stóraukna möguleika og stækkun
á rými. Fagnaði aðalfundurinn
þeim málalokum og taldi að
framkvæmdir gætu gengið hrað-
ar úr þessu.
1 Myndhöggvarafélaginu i
Reykjavik er nú 21 félagsmaður
og bættust tveir við á fundinum.
Niels Hafstein var endurkosinn
formaður. Aðrir i stjórn eru:
Ragnar Kjartansson ritari,
Hallsteinn Sigurðsson gjaldkeri
og Sigfús Thorarensen vara-
maöur. I sýningarnefnd eru, auk
ritara og gjaldkera félagsins,
Helgi Gislason, fvar Valgarðsson
og Sigrún Guðmundsdóttir.
(Fréttatilkynning).
Minning
Ólafur Sigurvinsson
Með láti Ólafs Sigurvinssonar
hefur Leikfélag Keflavikur misst
einn sinn besta félaga. Um
margra ára skeið starfaði Ólafur
i L.K. af miklum dugnaði, bæði
innan sviðs og utan, sem leikari
og að ýmsum félagsstörfum.
Hann átti sæti i stjórn L.K. i nokk-
ur ár, eða þar til hann fluttist
vegna atvinnu sinnar i annan
landshluta. Eigi að siður hafði
hann ávallt samband við L.K. og
fylgdist vel með þvi sem þar var á
döfinni hverju sinni. Eftir siðustu
áramót var Ólafur við nám i
Reykjavik, en gaf sér þó tima til
aö taka þátt i leiksýningu hjá slnu
gamla félagi.
Fyrir nokkrum vikum ákvað
Ólafur að flytja aö nýju til Kefla-
vikur, og hann ætlaði svo sannar-
lega aö koma i hópinn hjá L.K.
þegar vetrarstarfiö hæfist.
Um leið og L.K. þakkar Ólafi
Sigurvinssyni störf hans I þágu
leiklistar á Suðurnesjum, vottar
það eiginkonu hans, dóttur og öll-
um aðstandendum dýpstu samúð.
Leikfélag Kefiavikur
Bírœfinn
bílþjófur
Lissabon 11/8 reuter —
Lögreglan I Lissabon skýröi
frá þvi i dag að hún hefði haft
hendur i hári bíræfins þjófs
sem gerði sér litið fyrir og
stal talstöðvarbfl frá lögregl-
unni þar sem hann stóð á
bilastæði beint fyrir framan
aðallögreglustöð borgarinn-
ar fyrir tveimur dögum.
Þjófurinn fannst sofandi i
bilnum nærri flugvelli borg-
arinnar.