Þjóðviljinn - 22.12.1982, Blaðsíða 12

12 SÍÐA - ÞJÓÐVILJINN Miðvikudagur 22. desember 1982
= |=ÚTBOÐ=|=
Tilboð óskast í loftræsilagnir fyrir 5. og 6.
hæð B álmu Borgarspítalans.
Útboðsgögn eru afhent á skrifstofu vorri,
Fríkirkjuvegi 3 Reykjavík, gegn 1000 kr.
skilatryggingu.
Tilboðin verða opnuð á sama stað þriðju-
daginn 11. janúar 1983 kl. 11 fyrir hádegi.
INNKAUPASTOFNUN RE YKJ AVIKURBORGAR
Frikirkjuvegi 3 — Simi 25800
ÚTBOЮ
Tilboð óskast í hurðir fyrir 5. og 6. hæð B
áimu Borgarspítalans.
Útboðsgögn eru afhent á skrifstofu vorri,
Fríkirkjuvegi 3 Reykjavík.
Tilboðin verða opnuð á sama stað, fimmtu-
daginn 20 janúar 1983 kl. 11 fyrir hádegi.
INNKAUPASTOFNUN REYKJAVÍKÚRBORGAR
Frikirkjuvegi 3 — Sími 25800
Lech Walesa með konu sinni Danutu og tveim dætrum eftir heimkomuna
til Gdansk úr 11 mánaða prísund: „Stjórnvöld spila damm á mcðan við
spilum skák“.
Pólland:
Damm og skák
í ávarpi sínu til pólsku þjóðar-
innar á ársafmæli valdstjórnar pól-
ska hcrsins hinn 13. desember s.l.
sagði Jaruzelski hershöfðingi að
mjög yrði slakað á herlögunum nú
um áramótin, en þeim yrði hins
vegar ekki cndanlega aflétt að
sinni.
Fangabúðum fyrir pólitíska
fanga verður lokað um áramótin og
upgjöf saka verður „tekin til athug-
unar eins og lélagslegar aðstæður
leyfa“. Hann sagði að afnám her-
laga yrði að gerast í áföngum, og
það væri eina færa leiðin út úr nú-
verandi kreppu. Hann sagðist hins
vegar vona að ekki þyrfti að líða á
löngu þar til herlögum yrði endan-
lega aflétt.
Ræða hershöfðingjans hefur
sjálfsagt valdið ýmsum vonbrigð-
um, sérstaklega þarsem áður hafði
verið gefið í skyn að herlögum yröi
aflétt á afmælisdeginum. En í raun
og veru felur hún ekki annað í sér
en það sem búast mátti við.
Lech Walesa og aðrir málsvarar
hinna bönnuðu verkalýðssamtaka
hafa í málflutningi sínum lagt meg-
ináherslu á 3 atriði til lausnar á pól-
sku kreppunni. í fyrsta lagi afnám
herlaga, í öðru lagi sakaruppgjöf
pólitískra fanga, og í þriðja lagi að
fuiltrúar Solidarnosc, kirkjunnar
og ríkisvaldsins leiti í sameiningu
leiðar út úr hinni pólitísku og efna-
hagslegu kreppu.
Stjórnvöld virðast staðráðin í að
útiloka þann möguleika til þjóðar-
sátta sem samvinna við fulltrúa
Solidarnosc fæli í sér. Um leið neita
þau að viðurkenna Lech Walesa
sem fulltrúa eins né neins í pólsku
þjóðlífi. Með þessari afstöðu stinga
þau höfðinu í sandinn. Valdið get-
ur herinn og ríkisvaldið enn notað
til þess að halda fulltrúum Solidar-
nosc niðri. en með því kalia stjórn-
völd á tvenns konar viðbrögð: ann-
ars vegar uppgjöí og vonleysi með-
al fjöldans, hins vegar óvægnari
andspyrnu hins harða kjarna, er
skipuleggja sig í neðanjarðarstarf-
semi.
Getuleysi flokksins
Þegar herstjórnin stóð frammi
fyrir því að ákveða hvort létt skyldi
á herlögunum eða þeim aflétt með
öllu þurfti að taka tillit til ýmissa
atriða. Það seni efalaust hefur þó
ráðið mestu er sú staðreynd, að
eins og er er það stjórnmálaafl ekki
til í landinu, sem fært er um að
veita pólitíska forystu. „Hin sam-
Létt á herlögum
og fangabúðum
lokað um
áramótin
einaði verkantannaflokkur Pól-
lands", eins og kommúnistaflokk-
urinn heitir, hefur glatað svo öllum
ítökum meðal fólksins, að þótt her-
inn vildi feginn að flokkurinn axlaði
byrðarnar, þá stendur hann engán
veginn undir þeim. Þess vegna verð-
ur Pólland áfram lögregluríki, þar
sem herinn er hinn endanlegi ör-
yggisvörður.
Þá hefur Jaruzelski vafalaust
haft samráð við kirkjuna áður en
ákvörðun var tekin. Fréttaritari
The Guardian í Póllandi segir
margt benda til að Glemp erkibisk-
up og samstarfsmenn hans hafi
. lýst yfir þegjandi samþykki sínu um
ákvörðun herstjórnarinnar er þeim
var lofað að fangabúðuin yrði lok-
að og að endurskoðun saka-
uppgjafar mundi ná svo langt að
hún allt að því jafngilti sakarupp-
gjöf eins og kirkjan hafði krafist.
Engu að síður er því haldið fram af
kunnugum að spenna og ágreining-
ur ríki innan pólsku kirkjunnar þar
sem mörgum þyki erkibiskupinn
vera of samvinnuþýður við herinn.
Viðbrögð á
Vesturlöndum
Þá hefur það einnig skipt máli
fyrir herstjórnina hver viðbrögðin
yrðu hér á Vesturlöndum, sérstak-
lega vegna þeirra viðskiptalegu
refsiaðgerða sem Bandaríkjastjórn
og EBE hafa beitt Pólverja og þar
með stóraukið á efnahagskrepp-
una í landinu. Viðbrögð Reagans
voru í raun hefndaraðgerð ekki
bara gagnvart herstjórninni, held-
ur einnig gagnvart Solidarnosc og
þeim öflum, sem leita vilja þjóðar-
sátta. Reagan lýsti því yfir að
Bandaríkin vildu ekki bara sjá
orðin, heldur efndirnar líka. Þetta
túlkaði pólska herstjórnin sem í-
hlutun í pólsk innanríkismál, og af-
staða Bandaríkjanna hefur vafa-
laust orðið til þess að herða her-
stjómina í afneitun sinni á Solidar-
nosc og fulltrúum samtakanna.
Pólverjar hafa þegar tapað hundr-
uðum miljóna dollara á viðskipta-
banni því sem Bandaríkin hafa sett
þá í, og þessi stefna Bandaríkjanna
hefur vafalkust orðið til þess að
herða þau öfl í afstöðu sinni, sem
beita vilja valdi í stað lýðræðislegra
aðferða við lausn á hinni pólitísku
og efnahagslegu kreppu.
„Mannrán“ í
Gdansk
S.l. föstudag tók lögreglan í
Gdansk Lech Walesa til stuttrar
yfirheyrslu út af meintri fjármála-
óreiðu hjá Gdansk-deild Solidar-
nosc. Sama daginn var minnis-
merkið unr fórnarlömb óeirðanna í
Gdansk 1970 umkringt lögreglu.
Eftir yfirheyrsluna var Lech Wa-
lesa ekið í fleiri klukkustundir um
bæinn af óeinkennisklæddum
mönnum til þessað komaívegfyrir
að liann héldi ræðu við minnis-
merkið, sem vígt var fyrir 2 árum.
Ekkert varð úr boðuðum fundi við
minnismerkið, en eftir bíltúrinn
sagði Lech Walesa við blaðamenn:
- Það má kalla þetta mannrán, þar
sem þessir menn voru óeinkennis-
klæddir og sýndu ekki heldur þá
kurteisi að kynna sig.
Síðan sagði hann: Eg hef aldrei
viljað og ég vil ekki trufla kerfið.
Yfirvöldin vilja frið og vinnu. Ég
vil einnig hafa frið og vinnu. En ég
verð að fá tryggingu. Hingað til hef
ég enga tryggingu fengið. Það eina
sem við höfum eru skriðdrekar.
- Við verðum að sigra að lokum.
Ég verð að finna leið til að koma
markmiðum okkar í framkvæmd.
Agreiningurinn á milli ríkisstjórn-
arinnar og stuðningsmanna Soli-
darnosc er eins og hjá taflmönnum
sem tefla við sarna borðið; á meðan,
annar leikur skák, þá leikur hinn
damm. Við verðum að spila sama
taflið.
í síðasta bréfi sínu til Jaruzelski
bauðst Lech Walesa til þess að
aðstoða stjórnina við lausn hinnar
pólitísku kreppu gegn því að pólit-
ískir fangar yrðu látnir Iausir og
leyfð yrði myndun óháðra verka-
lýðsfélaga. Bréfinu het'ur ekki ver-
ið svarað, og fátt bendir til annars
en að pólsk yfirvöld muni halda
áfram að spila damm á meðan
áhangendur Solidarnosc spila
skák.
-ólg. tók saman.
GLÆSILEGUR SKÍÐAFATNAÐUR
FRÁ
ÍTALSKA FYRIRTÆKINU
SPORTBORG H/F.
Hamraborg 6, Kóp. - Sími 44577