Þjóðviljinn - 27.01.1983, Blaðsíða 10

10 SÍÐA - ÞJÓÐVILJINN Fimmtudagur 27. janúar 1983
Vinnumarkaðurinn 1981:
Hæstu meðaUaim í fískveiðum
79,7 prósent giftra kvenna unnu launavinnu á árinu 1981. Þaraf unnu 36 prósent fullan vinnudag. 82prósent
hinna giftu útivinnandi kvenna voru á aldrinum 25-59ára.
Meö því að bera saman mann-
fjöldann á íslandi á árinu 1981 og
upplýsingar þær, sem koma fram í
ritinu „Vinnumarkaðurinn 1981“,
fást m.a. ofangreindar upplýsing-
ar. Það er Framkvæmdastofnun
ríkisins, áætlanadeild, sem gefur
ritið út og greinir þar frá mannafla,
meðaltekjum og atvinnuþátttöku á
landinu árið 1981. Framkvæmda-
stofnun gaf í fyrsta sinn út sambæri-
legt rit fyrir árið 1980.
Ritin eru unnin út frá upplýsing-
um, sem koma fram á launamiðum
við skattframtöl. Markmið útgáf-
unnar segir Framkvæmdastofnun
vera þá að bæta úr þeim upplýsinga-
skorti, sem hefur ríkt um vinnu-
markaðinn hér á landi - og vissu-
lega var brýnt að bæta þar úr. Með
rit þetta í höndunum geta til að
mynda félagsfræðingar aflað sér
margvíslegra upplýsinga, sem ella
væru lokaðar þeim.
Helstu
niðurstöður
I ritinu um vinnumarkaðinn
1981 koma fram þessar niðurstöð-
ur helstar:
• Mannafli jókst um 1,9 af hundr-
aði milli áranna 1980 og 1981
scm var svipað og fjölgun fólks á
vinnufærum aldri, l,8afhundr-
aði.
• Mcðaltekjur hækkuðu meira en
verðlagstölur og hækkuðu
meðaltekjur því að raungildi.
• Heildarlaunagreiðslur hækkuðu
mcira en þjóðarframleiðslan og
hækkaði því hlutfallið milli
launagreiðslna og þjóðarfram-
leiðslu.
• Þær atvinnugreinar sem bættu
við sig nýju fólki á tímabilinu
voru þjónustugreinar. Af hverj-
um 10 nýjum störfum mynd-
uðust 7 í verslun, viðskiptum,
samgöngum og þjónustu.
f
• Atvinnuþátttaka karla er um 87
af hundraði og kvenna um 65 af
hundraði og er það hærra hlut-
fall en á hinum Norðurlöndun-
um. Atvinnuþátttaka fólks á
eftirlaunaaldri er mun hærri en
á hinum Norðurlöndunum og
gildir það einnig um yngstu
aldurshópana á vinnumark-
aðnum.
Meðallaun eftir
hjúskaparstétt
í skýrslunni kemur fram, að
meðallaun í landinu fóru mjög eftir
hjúskaparstöðu viðkomandi.
Þannig voru meðallaun giftra karla
árið 1981 140 þúsund krónur,
ógiftra karla 111 þúsund krónur,
meðallaun giftra kvenna voru 84
þúsund krónur og ógiftra kvenna
85 þúsund krónur.
Þarna þarf að sjálfsögðu að hafa
fast í huga, að meirihluti giftra
kvenna vinnur hlutastarf, eða 64
prósent. Einungis 14 prósent giftra
karla vann minna en fullt starf.
Launamuninn þarna á milli er ekki
hægt að styðja með tölum, a.m.k.
ekki með tilvísun í ritið „Vinnu-
markaðurinn 1981“, því þar kemur
munur eftir vinnutíma ekki fram.
Fyllri vitneskju um launamism-
un kynjanna má fá með því að
skoða muninn á ógiftum körlum og
konum. 67,8 prósent karlanna
unnu fullt starf árið 1981 og 61,9
prósent kvennanna. Meðallaun ó-
giftra karla voru hins vegar eins og
áður segir 111 þúsund krónur og
kvenna 85 þúsund krónur. Býsna
sláandi munur þetta.
Meðallaun hæst
á Reykjanesi
Meðallaun á hvert ársverk á ár-
inu 1981 voru á landinu öllu 113
þúsund krónur - og er þá miðað við
allt fólk í landinu, sem stundaði
atvinnu. Nokkuð er mismunandi
eftir landshlutum hver meðal-
launin eru; hæst eru þau á
Reykjanesi, 121 þúsund krónur, og
lægst á Norðurlandi vestra, eða 94
þúsund krónur. Hæstu meðal-
launin á landinu hafði fólk fyrir
störf við fiskveiðar, eða 210 þús-
und krónur, en hæstu meðallaun á
Reykjanesi gáfu störf fyrir „Varn-
arliðið“.
160 þúsund króna
meðallaun
sérfræðinga
Sé Iitið á meðallaun hinna ýmsu
atvinnustétta kemur eftirfarandi í
ljós:
Þús. kr.
Eigendur..................... 92
Faglærðir.................... 132
Ófaglærðir....................109
Skrifstofustörf...............110
Sérfr. ogstjórnun............ 160
í þessu tilfelli er ekki greint á
milli kynja, sem vissulega væri
forvitnilegt. Hins vegar koma fram
í ritinu upplýsingar um fjölda árs-
verka og meðallaun í hverri starfs-
grein fyrir sig fyrir landið í heild
sinni og er þar greint á milli kynja
og má ýmislegt lesa úr þeim upplýs-
ingum.
En látum upptalningu lokið -
áhugasömu fólki skal bent á, að
ritið „Vinnumarkaðurinn 1981“
fæst hjá Framkvæmdastofnun
ríkisins að Rauðarárstíg 25 og kost-
ar lítið.
ast
FORVAL
Alþýðubandalagsins í Reykjavík
Síðari umferð forvals Alþýðubandalagsins í Reykjavík um
skipan framboðslista vegna komandi alþingiskosninga
fer fram 28.-30. janúar 1983.
Kosið er að Grettisgötu 3 og verður kjörfundur opinn
sem hér segir:
föstudaginn 28. janúar kl. 16-19
laugardaginn 29. janúar kl. 10-19
sunnudaginn 30. janúar kl. 14-19
Atkvæðisrétt
hafa allir félagsmenn í Al-
þýðubandalaginu í Reykjavík,
sem ekki skulda meira en eitt
gjaldfallið árgjald og þeir nýir
félagar, sem ganga í félagið í
síðasta lagi á kjördag, enda
greiði þeir ’/, árgjald til félags-
ins við inngöngu.
Gangið í
Alþýðubanda-
lagið
og hafið áhrif
Stjórn Alþýðubandalagsins í
Reykjavík hvetur óflokks-
bundna stuðningsmenn í
Reykjavík að ganga í félagið
og taka þátt í síðari umferð
forvals félagsins um skipan
framboðslista Alþýðubanda-
lagsins við komandi alþingis-
kosningar.
Kosning fer
þannig fram
að kjósandi ritar tölurnar 1, 2,
3,4,5, og 6 við nöfn á listanum
eins og hann óskar að
mönnum verði raðað á fram-
boðslista vegna alþingis-
kosninga.
Ráðlegging
Sýnishorn af atkvæðaseðli.
Merkið á sýnishornið eins og
þér hyggist kjósa. Hafið
það með á kjörstað og stuðlið
þannig að greiðari kosningu.
Kjörnefnd ABR