Þjóðviljinn - 12.05.1983, Page 3

Fimmtudagur 12. maí 1983 ÞJÓÐVILJINN — SÍÐA 3
Stóra
ferðahappdrættið
Drætti
frestað
Ákveðið hefur verið að fresta
drætti í Stóra ferðahappdrættinu,
kosningahappdrætti Alþýðu-
bandalagsins, til 6. júní næstkom-
andi.
„Kjördæmaráð Alþýðubanda-
lagsins Qg einstök félög eru hvött til
þess að nýta tímann vel til að ljúka
við sölu og innheimtu á þeim
miðum sem þau hafa fengið í sinn
hlut“, sagði Baldur Óskarsson fram-
kvæmdastjóri flokksins í gær.
„Kosningahappdrættið er þýðing-
armesta tekjuöflunarleið flokksins
í kosningabaráttu og þessvegna er
nauðsynlegt að allir liðsmenn
flokksins taki höndum saman um
að útkoman úr happdrættinu verði
sem glæsilegust. Stóra ferðahapp-
drættið er óvenju áhugavert happ-
drætti. Hér er um að ræða 50 ferða-
vinninga, utanlands og innan-, og
enginn ætti að láta sér happ úr
hendi sleppa né láta flokkinn
koma með halla út úr kosningun-
um. Ég hvet því menn eindregið til
þess að gera skil fljótt og vel.“
-ekh
Shultz-samkomulagið í Líbanon:
ísraelstjórn þvær
hendur sínar
Samkomulag það sem George
Shultz utanríkisráðherra Banda-
ríkjanna knúði fram á milli Líban-
onstjórnar og Israels strandar á
andstöðu Sýrlendinga og Palestínu-
manna, þannig að enn er ekki séð
fyrir endanum á 11 mánaða hersetu
50 þúsund ísraelskra hermanna í
Líbanon.
Samkomulagið um brottflutning
ísraelsku hersveitanna var bundið
því skilyrði að samsvarandi sam-
komulag næðist um brottflutning
40.000 sýrlenskra hermanna sem
enn eru í Líbanon.
Þá gerir samkomulagið ráð fyrir
því að myndað verði um 45 km.
breitt öryggisbelti innan líbönsku
landamæranna við ísrael, og að
svæði þetta verði undir sameigin-
legri stjórn ísraelskra og líbanskra
hersveita, hugsanlega með þáttöku
bandarískra hermanna. Alþjóða
friðargæsluliðinu er ætlað að hafa
eftirlit á norðurhluta svæðisins og
Haddad liðsforingi, sem hefur á að
skipa líbönskum einkaher sem
kostaður er af ísrael á að hafa
stjórn á 15 km. breiðu belti norðan
landamæranna.
Eftirlit með framkvæmd sam-
komulagsins á að vera í höndum
sameiginlegrar nefndar líbanskra,
ísraelskra og bandarískra stjórn-
valda. Sex mánuðum eftir að ísra-
elsmenn hafa dregið hersveitir sín-
ar til baka skulu Israel og Líbanon
gera með sér viðskipta- og ferða-
málasamning.
Afstaða Sýrlendinga
Það kemur ekki á óvart að Sýr-
lendingar hafi hafnað þessu sam-
komulagi og kallað það uppgjöf
gagnvart hinni ísraelsku innrás, þar
sem ísraelsmönnum sé launað með
sérstökum ívilnunum og hernaðar-
aðstöðu er miði að því að gera Líb-
anon að ísraelsku/bandarísku lepp-
ríki.
Gemayel, forseti Líbanon, hefur
hins vegar varið samkomulagið og
sagt það mun skárri kost að sitja
uppi með 40-50 ísraelska hermenn
í S-Líbanon undir eftirliti sam-
eiginlegrar nefndar landanna
þriggja heldur en að sitja uppi með
þá 50.000 ísraelsku hermenn sem
nú eru í landinu.
Þá hefur Gemayel sett fram þá
kröfu, að ekki aðeins sýrlenski her-
inn fari brott frá Líbanon, heldur
einnig 10.000 palestínskir herntenn
frá PLO, sem hann segir að séu enn
í landinu.
Gemayel sagði í blaðaviðtali að
hann byggist nú við mikilli áróðurs-
herferð gegn sér og stjórn sinni
fyrir að hafa gengist undir þá skil-
mála sem eru í samkomulaginu við
ísrael, „en við munum ekki láta
undan arabískum þrýstingi sem
leiða mun af sér áframhaldandi ís-
raelska hersetu í landinu", sagði
Gemayel.
Viðbrögðin í ísrael hafa að sögn
fréttamanna verið blönduð, þótt
augljóst sé að landsmenn séu
orðnir langþreyttir á þessu stríði,
sem enn kostar ísraelska herinn
mannfórnir.
Nýleg skoðanakönnun sýnir að
Verkamannaflokkurinn nýtur
meira fylgis en Likud-bandalag
Begins, og telja ýmsir að sá klofn-
ingur, sem á yfirborðinu hafi orðið
vart á rnilli Bandaríkjanna og ísra-
els, hafi einnig valdið mörgum
áhyggjum. Því hafi stjórn Begins
ákveðið að gangast inn á þetta sam-
komulag, þrátt fyrir andstöðu
Sharons og annarra hauka, og þrátt
fyrir að samkomulagið geri þær
fórnir sem ísraelsmenn hafa greitt
fyrir innrásina í ísrael að engu. Þar
er um að ræða nærri 500 fallna her-
menn og yfir eitt þúsund særða.
Stjórnarandstaðan í Israel hefur
frábeðið sér allri ábyrgð á hinu ný-
ja samkomulagi við Líbanon og
sagt að hún sé afturhvarf til þess
öryggisleysis sem ríkti fyrir inn-
rásina.
Jerusalem Post segir um sam-
komulagið, að það muni fyrst og
fremst þjóna ísraelsstjórn sem af-
sökun, þar sem það muni sýna að
stjórnin hafi gert allt sem í hennar
valdi stóð til að leiða Líbanon-
stríðið til lykta.
George Shultz utanríkisráðherra
Bandaríkjanna og Yitzhak Shamir
utanríkisráðhcrra Israels á Ben
Gurion-flugvellinum í Tel Aviv
eftir undirritun samkomulagsins í
síðustu viku.
Heimildir herma að ísraelsk
stjórnvöld hafi í samræðum sínum
við George Shultz rætt möguleika á
skiptingu Líbanons í framtíðinni,
nái núverandi samkomulag ekki
fram að ganga.
.Spennan á milli Sýrlendinga og
ísraels virðist hafa aukist við gerð
þessa samkomulags á milli Líban-
onstjórnar og ísraels, og þótt hún
kunni að virðast vera diplómatísk-
ur sigur fyrir George Shultz, þá er
langt því frá að séð hafi verið fyrir
endann á stríðinu. Þvert á móti má
eins vel draga þá ályktun að sam-
komulagið sem gert var í Beirut og
Jerúsalem í síðustu viku hafi verið
til þess fallið að flækja stöðuna enn
ólg. tók saman.
B r eiðholtskir kj a
Bygginganefnd Breiðholtskirkju
býður Breiðholtsbúum og öðrum
velunnurum kirkjubyggingarinnar
að koma og skoða framkvæmdir á
byggingarstað í Mjóddinni og
þiggja veitingar í dag,
uppstigningardag, klukkan 2
Fjölbreytt dagskrá.
Styðjum
kirkju-
bygginguna:
W' !fi

1 » 2 mmi
Olís • Bílaborg • Burstafell • Bíóhöllin • B.M. Vallá • Ábyrgð
Verslunarbankinn • Björninn • Broadway • G.K. Hurðir hf.