Þjóðviljinn - 03.06.1983, Blaðsíða 12

12 SIÐA
ÞJÓÐVILJINN Föstudagur 3. júní 1983.
ALÞYÐUBANDALAGIÐ
Alþýðubandalagið Hafnarfirði
Bæjarmálaráðsfundur
Bæjarmálaráðsfundur
Bæjarmálaráð ABH er boðað til fundar mánudaginn 6. júní í Skálanum
Strandgötu 41 kl. 20.30.
Á fundinum verður rædd kosning í nefndir bæjarins. Allir nefndarmenn ABH
eru eindregið beðnir um að mæta á fundinn. Jafnframt eru félagsmenn
minntir á að bæjarmálaráðsfundir eru opnir öllum félagsmönnum.
Stjórn bæjarmálaráðs.
Alþýðubandalagið Akureyri -
bæjarmálaráð
Fundur verður haldinn mánudaginn 6. júní n.k. kl. 20.30 í Lárusar-
húsi. Munið að bæjarmálaráðið er opið öllum félögum.
IÐNSKOLINN I REYKJAVIK
Innritun fer fram í Iðnskólanum í Reykjavík á
Skólavörðuholti 3. júní kl. 9.00 - 18.00 og 6.
júní kl. 13.00 - 18.00.
Póstlagðar umsóknir sendist í síðasta lagi 1.
júní. Umsóknum fylgi staðfest afrit af próf-
skírteini.
1. Samningsbundið iðnnám.
Nemendur sýni námssamning eða sendi
staðfest afrit af honum.
2. Verknámsdeildir.Framhaldsdeildir.
Bókiðnadeild
Fataiðnadeild
Hársnyrtideild
Málmiðnadeild
Bifvélavirkjun
Offsetiðnir
Prentiðnir
Bókband
Kjólasaumur
Klæðskurður
Hárgreiðsla
Hárskurður
Bifreiðasmíði
Rennismíði
Vélvirkjun
Rafiðnadeild Rafvélavirkjun
Rafvirkjun
Rafeindavirkjun
(útv.virkjun,skriftvélav.)
Tréiðnadeild Húsasmíði
Húsgagnasmíði
3. Tækniteiknun.
4. Meistaranám byggingarmanna.
Húsasmíð, múrun og pípulögn.
5. Fornám.
IÐNSKÓLINN í REYKJAVÍK
FRA
BÆNDASKÓLANUM
Á HVANNEYRI
Auglýsing um innritun nemenda:
BÆNDADEILD: Tveggja ára námsbraut (4 annir) að
búfræðiprófi.
Helstu inntökuskilyrði:
- Umsækjandi hafi lokið grunnskólaprófi og full-
nægi lágmarkskröfum um einkunn til inngöngu t
framhaldsskóla.
- Umsækjandi hafi öðlast nokkra reynslu við
landbúnaðarstörf og að jafnaði stundað þau eigi
skemur en eitt ár, bæði sumar og vetur.
Skrifleg berðni um inngöngu ásamt prófskírteinum
sendist skólanum fyrir 1. ágúst n.k.
BÚVÍSINDADEILD: Þriggja ára námsbraut að kandi-
datsprófi (BS-). Helstu inntökuskilyrði:
- Umsækjandi hafi lokið búfræðiprófi með 1. ein-
kunn.
- Umsækjandi hafi lokið stúdentsprófi á raun-
greinasviði eða öðru framhaldsnámi sem deild-
arstjórn telur jafngilt og mælir með.
Umsóknir ásamt prófskírteinum skulu hafa borist fyrir
30. júní n.k.
Nánari upplýsingar eru veittar á Hvanneyri - sími
93-7000.
Skólatjóri
Kveðjuorð
Jóhannes Ásgeirsson
„Um héraðsbrest ei getur,
þó hrökkvi sprek í tvennt
þá hríðarbylur geisar,
það liggur gleymt og fennt“
Þessar alkunnu ljóðlínur úr
kvæði Guðmundar Friðjónssonar,
Ekkjan við ána, komu fram í huga
minn er ég frétti andlát vinar míns
Jóhannesar Ásgeirssonar, sem lést
27. maí s.l. Sjúkdóma- og
þrautarganga hans var orðin löng.
Síðustu árin næsta ömurleg. Mun
hann hafa orðið feginn hvfldinni.
Kynni okkar Jóhannesar voru
orðin löng. Við hittumst fyrst árið
1929. Þetta eru því meir en hálfrar
aldar kynni. Jóhannes fæddist að
Stóra Vatnshorni 26. júlí 1896.
Foreldrar hans voru Ásgeir Árna-
son og bústýra hans Magðalena
Sigurðardóttir. Faðir Jóhannesar
dó skömmu eftir að hann fæddist.
Móðir hans stóð þá ein uppi með
þrjá unga syni, vitanlega blásnauð.
Um síðustu aldamót var ekki bjart
fram undan hjá fólki sem þannig
stóð á fyrir.
Jóhannes var heppnari en margir
aðrir, sem engan áttu að, hann var
tekinn í fóstur af þeim heiðurs-
hjónum Gísla Jóhannssyni og konu
hans Ólínu Guðjónsdóttur. Jó-
hannes dvaldi lengst af í Laxárdal í
Dalasýslu. Gísli fósturfaðir hans
bjó lengi í Pálsseli, heiðarbýli, sem
löngu er komið í eyði. Þar kynntist
ég Jóhannesi fyrst. Ég heyrði strax
og ég kom í dalinn, að Jóhannes
þótti meira gefinn fyrir bókina en
búskapinn. Eg tók strax eftir því er
ég kom inn í Pálsseli að við fóta-
gaflinn á rúmi Jóhannesar stóð
bókaskápur. Þetta var óvenjulegt á
þeim tíma og mig furðaði á því
hvað hann átti margar bækur. All-
ar voru bækurnar í bandi og sá ekki
á þeim frekar en þegar þær komu
út úr búðinni. Ég kom ekki off í
Pálssel að Jóhannes væri ekki með
bók í hendi. Hann greip hverja
stund er gafst til lesturs. Hann
handlék og bækur með öðrum
hætti en ég hafði vanist. Það var
eins og hann hefði hvítvoðung milli
handanna. Ég hef fáa menn séð
handleika bækur af jafn dúpstæðri
virðingu. Jóhannes las vandlega og
krufði efni þeirra bóka sem hann
las til .mergjar, svo hann yrði
fróðari og færari að rýna inn í þau
torráðnu viðfangsefni, sem bíða
hugsandi manna við hvert fótmál.
Fátt var Jóhannesi kærara um-
F. 26. júlí 1896
— D. 27. maí 1983
ræðuefni en bækur. Marga stund
dvaldi ég hjá honum við slíkar um-
ræður. Ég hygg að það hafi verið
það sem dró okkur saman. Ekki er
mér grunlaust að þessi nýkomni
patti í sveitina hafi fengið að
skyggnast dýpra inn í hug þessa
bókelska fjallabúa en margir aðrir,
sem voru honum kunnugri.
Jóhannes naut engrar skóla-
göngu. Hann var einn af þessum
sjálfmenntuðu mönnum, með
ódrepandi fróðleiksþrá. Hann
hafði afburða fallega rithönd, og
skrifaði svo rétt að þar hefðu marg-
ir háskólagengnir menn ekki gert
betur. Dönsku lærðu hann tilsagn-
arlaust, svo hann las það mál
auðveldlega. Hann átti fágætt og
fallegt bókasafn. Við það undi
hann löngum meðan heilsan leyfði.
Hann sagði stundum við mig:
„Það ömurlegasta sem fyrir mig
gæti komið væri ef ég missti sjónina
og gæti ekkert lesið.“ Það ömur-
lega hlutskipti beið hans þó að
verða blindur um nokkurra ára
skeið. Hann kvartaði ekki, það var
ekki eðli hans. Ég held að honum
hafi fundist að öllu væri lokið er
hann missti sjónina.
Jóhannes giftist er hann var
kominn á efri ár, Þorvöru
Guðjónsdóttur. Hún sýndi honum
frábæra umhyggju í veikindum
hans. Ég votta henni samúð mína.
Ég þakka vini mínum Jóhannesi
löng og góð kynni og óska honum
fararheilla yfir á landið ókunna.
Agúst Vigfússon
Jóhannes Ásgeirsson, inn-
heimtumaður, að Hagamel 41,
andaðist aðfaranótt síðastliðins
föstudags 27. maí. Hann var fædd-
ur 26. júlí 1896 að Stóra-
Vatnshorni í Haukadalshreppi í
Dalasýslu. Foreldrar hans voru Ás-
geir Árnason og Magðalena Sig-
urðardóttir. Jóhannes ólst upp frá
barnæsku hjá Gísla Jóhannssyni í
Pálsseli og vann þar lengi að búi,
eftir að hann varð fulltíða. Hann
var bóndi í Þrándarkoti 1943-52.
Eftir það vann hann við inn-
heimtustörf í Reykjavík. Þjóðvilj-
inn var blað hans alla tíð, bið ég
blað hans fyrir þessi kveðjuorð.
Ég kynntist Jóhannesi á síðustu
prestsþjónustuárum mínum í
Reykjavík. Ég hafði af þeim kynn-
um mikla ánægju. Allt þjóðlegt ís-
lenskt og gott hafði hann í háveg-
um. Hann var vel lesinn í íslensk-
um bókmenntum og var fjölfróður
í þeim efnum. En íslensk ljóð voru
þó- í þeim efnum höfuðeftirlæti
hans. Þegar við sátum saman var
umræðuefni okkar ætíð hið sama:
kveðskapur fyrr og nú og þjóðleg
fræði. Fáa hefi ég þekkt, sem kunnu
meira af lausavísum gömlum og
nýjum. Sjálfur var hann ágætlega
hagmæltur. Hann var maður skyldu-
rækinn, vakandi og trúr, reglu-
fastur í lífi og háttum. Kröftum og
heilsu hélt hann til síðustu ára og
náði háum aldri.
Guðs náð og handleiðsla sé með
þér vinur, nú í þessum flutningi
héðan og í nýjum heimkynnum. Ég
og fjölskylda mín vottum eftirlif-
andi konu hans, Þórvöru Guðjóns-
dóttur, innilegar samúðarkveðjur.
Jón Thorarensen.
Ég get ekki látið hjá líða, nú á
útfarardegi vinar míns, Jóhannesar
Ásgeirssonar, að minnast hans
með fáeinum orðum. Svo vel
reyndist hann mér á allan hátt í
lífinu og stend ég í mikilli þakkar-
skuld við hann. Hann var tilbúinn,
hvenær sem var, að gera öðrum
greiða.
Ég hitti Jóhannes síðast f vetur;
enn fann ég fyrir sama kjarkinn þótt
hann væri orðinn blindur. Það er
mikils virði. Hann var svo heppinn
á efri árum að eignast lífsförunaut
sem var honum allt síðustu ár
ævinnar. Ég votta henni mína
dýpstu samúð og þakka Jóhannesi
langa samferð.
Páll Helgason.
Leiðrétting
í frétt um að meirihluti útvarps-
ráðs hefði hafnað fræðsluerindi
Guðmundar Georgssonar læknis
óséðu varð slæm misritun þar sem
minnst var á samtalsþætti Páls
Heiðars Jónssonar. Haft var eftir
Tryggva Þór Aðalsteinssyni full-
trúa Alþýðubandalagsins í útvarps-
ráði „að hinsvegar væru samtals 9
þættir allt annað en fræðsluerindi“.
Rétt var málsgreinin svona:
„Á fundi útvarpsráðs var sam-
þykkt að í júlímánuði hæfist fastur
umræðuþáttur í umsjá Páls
Heiðars Jónssonar, þar sem fjallað
yrði um tiltekið efni hverju sinni.
Rætt var um að til greina kæmi að
fjalla þar um friðarhreyfingar og
kjarnorkuvopnalaus svæði með til-
liti til vígbúnaðarþróunar, sérstak-
lega f Evrópu. Tryggvi Þór sagðist í
samtali við blaðið treysta því að í
slíkum viðræðuþætti kæmu fram
ólík en ekki einhliða viðhorf. Hins-
vegar væru samtalsþættir allt ann-
að en fræðsluerindi þar sem skipu-
lögð grein væri gerð fyrir tilteknum
málum. Tryggvi Þór kvaðst ekki
geta litið öðruvísi á þessa niður-
stöðu en þannig, að meirihluti út-
varpsráðs þ.e. fulltrúar Framsókn-
arflokks, Alþýðuflokks og Sjálf-
stæðisflokks, óttaðist umræðu af
þessu tagi í formi erindis, og vildi
koma í veg fyrir hana“.
- ekh
ÚTBOÐ
Vegagerö ríkisins óskar eftir tilboöum í gerö
Noröfjaröarvegar viö Neskaupstað. Helstu
magntölur eru eftirfarandi:
Lengd 1,2 km
Fylling 7.000 rúmmetrar
Burðarlag 8.500 rúmmetrar
Skering 8.000 rúmmetrar
Verkinu skal aö fullu lokið eigi síöar en 30.
sept. 1983.
Útboðsgögn veröa afhent á skrifstofu Vega-
geröar ríkisins, Reyðarfirði, frá og með
mánudeginum 6. júní n.k. gegn 1.000 kr.
skilatryggingu.
Fyrirspurnir ásamt óskum um upplýsingar
og/eöa breytingar skulu berast Vegagerö
ríkisins skriflega eigi síðar en 13. júní.
Gera skal tilboð í samræmi viö útboösgögn
og skila í lokuöu umslagi merktu nafni útboðs
til Vegagerðar ríkisins, Reyöarfirði, fyrir kl.
14.00 hinn 16. júní 1983 og kl. 14.15 sama
dag veröa tilboöin opnuð þar aö viðstöddum
þeim bjóðendum, sem þess óska.
Reykjavík, í júní 1983 .
Vegamálastjóri,