Þjóðviljinn - 05.10.1983, Qupperneq 3

Miðvikudagur 5. október 1983 ÞJÓÐVILJINN — SÍÐA 3
Það er ekki aðeins sparnaður að því að flytja skurðlækningarnar heim, Ingólfur Viktorsson, Karl Fr. Kristjánsson, Björn Bjarman, Emil Björns-
heldur veldur utanförin og biðin fólki ómældri angist sem ekki verður son, Alfreð Alfreðsson, Trausti Sigurlaugsson og Jóhannes Proppé. -
metin til fjár, sögðu forsvarsmenn félags hjartasjúklinga í gær. Frá vinstri: Ljósm.-Magnús.
Stofnfundur félags hjartasjúklinga á laugardag:
Skurðlækningarnar heim!
100 manns á biðlista eftir ránnsókn
Biðin tekur 3-4 mánuði
Á þessu ári má búast við að 150
manns verði sendir utan til
hjartaaðgerða en um 80% þeirra,
þ.e. kransæðaaðgerðirnar væri
auðveldlega hægt að framkvæma
hérheima. „Skurðlækningarnar
heim“og„Nýtt
hjartaþræðingartæki“ eru
meginkröfur Samtaka
hjartasjúklinga, sem stofnuð verða
n.k. laugardag í Domus Medica.
Samtökin hyggjast einnig veita
stuðning þeim sem fara utan til að-
gerða.
Á fréttamannafundi sem Undir-
búningsnefnd samtakanna hélt í
gær kom m.a. fram aö um helming
dauðsfalla hér á landi má skrifa á
reikning hjarta- og æðasjúkdóma.
Á undanförnum árum hefur sívax-
andi fjöldi sjúklinga verið sendur
til Bretlands og Bandaríkjanna í
kransæðaaðgerðir og hefur dauðs-
föllum af völdum kransæðastíflu
fækkað að sama skapi. Árið 1978
fóru 38 manns utan en 110 í fyrra og
það sem af er þessu ári hafa 130
manns verið sendir utan til hjarta-
lækninga. Það er Tryggingastofnun
ríkisins sem greiðir kostnað við ut-
anför og aðgerð í Bretlandi, en
kjósi menn að fara til Bandaríkj-
anna verða þeir að greiða mismun-
inn sjálfir.
Björn Bjarman sagði á fundinum
í gær að það hefði farið óhugur um
marga þegar lesa mátti í blöðum
fyrir skemmstu að jafnvel þessar
utanlandsferðir þyrfti að spara.
„Við höfum færa sérfræðinga, sem
eru tilbúnir til að stunda sitt fag hér
á landi“, sagði Björn, „en meðan
þeir fá ekki aðstöðu til þess er úti-
lokað annað en að senda fólk til
útlanda."
Emil Björnsson sagði að kostn-
aður við nýja hjartaskurðdeild
næmi ekki nema um helmingi þess
kostnaðar sem Tryggingastofnun
nú greiðir vegna utanfaranna. „Og
er þá ótalinn allur kostnaður sem
sjúklingur verður sjálfur að greiða,
svo sem fargjald fyrir fylgdar-
mann“, sagði hann. „Hjartaskurð-
lækningadeild myndi því spara
stórfé."
Þegar hefur verið stofnaður gíró-
reikningur og er ætlunin að veita
söfnunarfé í kaup á nýju hjarta-
þræðingartæki á Landspítalann, en
tækið sem þar er fyrir er frá árinu
1979. „Það er tómt mál að tala um
að fá skurðlækningarnar heim ef
ekki verður keypt nýtt hjartaþræð-
ingartæki", sagði Sigurveig Hall-
dórsdóttir. „Það er ekki hægt að
taka ákvörðun um aðgerð fyrr en
búið er að rannsaka menn í slíku
tæki og nú bíða um 100 manns eftir
slíkri rannsókn. Biðin getur tekið
allt að fjóra mánuði, enda er tækið
úr sér gengið og alltaf að bila. Biðin
tekur á taugar fólks og margir
deyja á meðan á biðtímanum
stendur“, sagði hún.
Þessi langi biðtími gerir það líka
að verkum að sjúklingarnir koma
alltof seint til aðgerðar og hafa
breskir læknar staðfest það með
samanburði við aðra hópa sem fara
í sömu aðgerðir.
Sem fyrr segir verður stofnfund-
ur Félags hjartasjúklinga á laugar-
daginn kemur kl. 14 í Domus Me-
dica í Reykjavík. Gírónúmer
söfnunar fyrir nýju hjartaþræðing-
artæki er nr. 23700-0. Nýtt tæki
kostar 20 miljónir en nokkurt fé
mun vera til í þessu skyni, m.a.
gjafafé frá Seðlabankanum og Ás-
birni heitnum Ólafssyni. Það fé
hefur þó ekki staðið af sér verð-
bólgubálið að sögn fundarmanna í
gær, heldur rýrnað verulega á
undanförnum árum. -ÁI
Flautur Almanna-
varna þeyttar í dag
/
I
æfinga-
skyni!
Landsmenn þurfa ekki að iáta
sér bregða þótt flautur Almanna-
varna hljómi á hádegi í dag því Al-
mannavarnir ríkisins hafa ákveðið
að framvegis verði lúðrarnir
þeyttir fyrsta miðvikudag í hverj-
um ársfjórðungi sem ekki ber upp á
almennan frídag.
Það er sumsé í dag, miðvikudag-
inn 5. október kl. 12 á hádegi sem
lúðrarnir hljóma. Guðjón Petersen
hjá Almannavörnum vildi um leið
benda fólki á að fletta upp á bls 575
í símaskránni og kynna sér
leiðbeiningar til almennings ef
hættuástand skapast.
Þjálfunar-
ökumanna
í kvöld
f kvöld kl. 20.00 hefst þjálfun-
arnámskeið ökumanna í akstri og
meðferð bifreiða í húsakynnum
Bifreiðaeftirlits ríkisins á vegum
Ökukennarafélags íslands.
Allir eru boðnir velkomnir á
þetta námskeið í Dugguvogi 2 í
Reykjavík. Námskeiðið er liður í
Umferðarviku sem nú stendur yfir.1
Arthur Morthens. Gu&mundur J. Guðrún Helgadóttir Svavar Gestsson
Baráttan gegn
ríkisstjórninni
Almennur fundur Alþýðubandalagsins
um lýðræðið og lífskjörin
Alþýðubandalagið heldur næsta fund sinn um lýðræði og lífs-
kjör, baráttuna gegn ríkisstjórninni, á Hótel Sögu, Súlnasal, kl.
20.30 annað kvöld, fimmtudag. Á fundinum flytja ávörp alþingis-
mennirnir Guðmundur J. Guðmundsson, Guðrún Helgadóttir og
Svavar Gestsson formaður Alþýðubandalagsins. Fundarstjóri er
Arthur Morthens.
Að loknum framsöguræðum gefst fundarmönnum kostur á að taka
til máls og varpa fram fyrirspurnum.
Fundurinn er öllum opinn. - Kaffiveitingar verða á staðnum.
V asapeningamálið:
Skýríngar Tryggingaráðs
Þjóðviljanum barst í gær eftirfarandi
ályktun, sem samþykkt var samhljóða á
fundi Tryggingaráðs sl. mánudag:
„Vegna ákvörðunar hin 1. júnísi. um
fjárhæð ráðstöfunarfjár ellilífeyrisþega
á dvalarstofnunum aldraðra og örorku-
og ekkjulífeyrisþega á dvalarstofnun-
um (hvorttveggja fram að þessu nefnt
„vasapeningar"), hafa orðið hvassar
umræður í blöðunum að undanförnu og
klögumál gengið á víxl, meiri en efni
stóðu til.
í þeim umræðum var upplýst, að
heilbrigðis- og tryggingamálaráðuneyt-
ið hafi, hinn 14. apríl í vor, sett tvær
reglugerðir um ofangreint efni, að um-
rætt ráðstöfunarfé skyldi frá 1. júní
nema fjárhæðum, sem fólu í sér tals-
verða hækkun frá greiðslum, sem áður
giltu, einkanlega til aldraðra á elli-
heimilum. Um önnur atriði þessara um-
ræðna skal ekki fjölyrt, en því mót-
mælt, sem tveir valinkunnir forstöðu-
menn ráðuneytisins saka tryggingaráð
um að sniðganga lögmætar reglugerðir.
Á fundi tryggingaráðs 1. júní voru
fyrrnefndar regiugerðir varðandi „vas-
apeninga“ kynntar fyrir ráðinu með því
að lesa þær upp, en tryggingaráðsmenn
höfðu ekki fengið þær í hendur, og
einnig skýrt frá því, að ráðuneytið teldi
8% hækkun þá, sem ákveðin var með
bráðabirgðalögum, eiga að koma ofan
á hækkanir þær, sem ákveðnar voru
með reglugerðunum.
Tryggingaráð hafði alls ekki fengið
tóm til að athuga reglugerðirnar varð-
andi áfangahækkanirnar, tók þær ekki
til umræðu á fundi sínum né heldur það
bréf, sem ráðuneytið hafði sent endur-
skoðanda stofnunarinnar varðandi
verðbætur á þær hækkanir svo sem á
aðrar bætur, þar sem þau mál höfðu
þegar verið afgreidd af hálfu ráðuneyt-
isins, en fjallað eingöngu um það, hvort
réttmætt gæti talist, að ákvæði bráða-
birgðalaganna tæki til „vasapeninga"
eins og til annarra bótagreiðslna. Tekið
skal fram, að ráðinu var ókunnugt að
gildistöku reglugerðanna hefði verið
breytt að ósk stofnunarinnar af tækni-
legum ástæðum.
í júníbyrjun, er þessi fundur trygg-
ingaráðs var haldinn, voru bráða-
birgðalögin nýsett og málið nokkuð
óljóst.
Tryggingaráð ákvað. því, að svo
stöddu. að greidd skyldi 8% hækkun á
þá fjárhæð, sem gilti í maí en málið
athugað betur og viðbót greidd síðar
eftir því sem efni stæðu til. Sú athugun
dróst þó úr hömlu, því miður
Umræddar bætur (vasapeningar)
verða greiddar hlutaðeigendum á mán-
aðarlegum útborgunardegi bóta, þann
10. október n.k., svo sem reglugerð
ráðuneytisins mælir fyrir um.
Enn skal það ítrekað, að með af-
greiðslunni 1. júní var tryggingaráð því
ekki að ógilda gerðir fyrrverandi ráð-
herra, heldur aðeins að ákveða nánari
athugun á túlkun bráðabirgðalaganna.
Því síður hefur núverandi ráðherra ógilt
ákvarðanir fyrirrennara síns, heldur
þvert á móti staðfest þær.“
Stefán Jónsson,
Gunnar J. Möller,
Jóhanna Sigurðardóttir,
Þóra Þorleifsdóttir,
Guðmundur H. Garðarsson.
TRBfiSTVJM TRnSGWyi
tYOf^Ol SWININCSREIt
SKRIFUM UNDIR!
■
Aðalheiður Bjarnfreðsdóttir, Björn Þórhallsson, Guðmundur J. Guðmundsson,
Karl Steinar Guðnason, Ragna Bergmann