Þjóðviljinn - 27.10.1983, Blaðsíða 1

DJOÐvmm
Hver vill kaupa góð-
an gamlan bíl fyrir
lítið eða eignast sí-
amskettling?
Sjál4
október 1983
fimmtudagur
245. tölublað
48. árgangur
Kolbeinshaus, séður frá Ingólfsgarði. Fyllingin nálgast skerið óðfluga úr austri. Ljósm.: -eik.
HEIMSKA
KAFFÆRA
KOLBEINSHAUSINN
i*
f
Útvarpshlustendur vita að þulir hijóðvarpsins minnast oft á hinn fallega
klett Kolbeinshaus. Hann blasir við útum glugga á hljóðvarpshúsinu. Nú
stendur til að kaffæra klettinn í vegargerð og malbiki. Þjóðviljinn spurði
Jón Múla Árnason, hinn gamalreynda útvarpsmann, um örlög Kol-
beinshausins.
„Ég hef oft minnst á klettinn, síðast í morgun þegar hann kom úr baðinu.
Mér þykir það hrein heimska að ætla að kaffæra Kolbeinshaus í malbiki.
Hver trúir því að hámenntaðir verkfræðingar geti ekki fundið lausn á því að
leggja þarna götu án þess að kaffæra klettinn. Vond er hugmyndin að
kaffæra hann en verri að ætla sér að byggja nýjan utar, svo sjófuglar geti
hvílt sig!! Er þá ekki alveg eins hægt að flytja klettinn inná Árbæjarsafn og
segja sjófuglum að hvíla sig á honum þar?
En mig langar í þessu sambandi að
minna á hugmynd sem eitt sinn var uppi
varðandi Kolbeinshaus. Hún var sú að
reisa þar minnismerki um drukknaða
sjómenn.
Því miður óttast ég að borgarstjórnar-
íhaldið eyðileggi klettinn, því væri trú-
andi til að reisa þarna grútarverksmiðju
og taka til við að bræða sjófugla", sagði
Jón Múli að lokum.
„Ég sé ekki betur en að með sérstök-
um frágangi sé hægt að halda í Kol-
beinshausinn sjálfan, ef hönnun Sætúns-
ins tekur mið af því markmiði", sagði
Sigurjón Pétursson borgarráðsmaður
AB í gær. Á þriðjudag fól borgarráð
borgarverkfræðingi að kanna kostnað
við að steypa upp eftirlíkingu Kol-
beinshauss norður af fyrirhuguðu Sæ-
túni. Var borgarverkfræðingi einnig fal-
ið að kanna hvort skeriö þyrfti nauðsyn-
lega að hverfa undir götuna í framhaldi
af ábendingu Sigurjóns.
Uppfyllingin norðan við Skúlagötu er
komin langleiðina niður í ntiðbæ og á
aðeins eftir að fylla út ntilli Klappar, þar
sem bensínstööin er og Ingólfsgarðs.
Samkvæmt upphaflegu skipulagi Sæ-
túnsins sem á að vera ofaná þessari fyll-
ingu hverfur Kolbeinshaus undir hana,
en sem fyrr segir hefur verið bent á að
breyta mætti hönnun götunnar þannig
að hún sveigði framhjá skerinu.
S.dór/Ál
Mótmæla-
fundur
í dag
kl. 17.30
Vegna innrásar Bandaríkja-
hers í eyríkið Grenada á Karí-
bahafí í fyrradag munu ýmis
samtök efna til mótmælafund-
ar fyrir utan bandaríska
sendiráðið að Laufásvegi 21 í
dag. Hefst fundurinn kl. 17.30
- hálf sex.
Á fundinum mun Ingibjörg
Haraldsdóttir flytja ávarp og
hugsanlega munu fleiri koma
fram. Fundarstjóri verður
Björk Gísladóttir.
Fundurinn hefst eins og
áður sagði kl. 17.30 í dag.
Innrásin ákveðin áður
en Blshop var drepinn
— Tveggja vikna aðdragandi, segir
sendiherra Bandaríkjanna í París
Innrás Bandaríkjanna í Grenada
s.l. þriðjudag átti sér tveggja vikna
aðdraganda. Hún var því ákveðin
viku áður en Maurice Bishop for-
seti Grenada var drepinn. Þetta
kom
fram í viðtali sem Evan Galbraith,
sendiherra Bandaríkjanna í Frakk-
landi, átti við franska sjónvarpið i
gær.
^Galbraith var að því spurður,
hvort innrásin hefði á einhvern hátt
verið andsvar Bandaríkjanna við
sprengingunni sem varð í Beirút
s.l. sunnudag og grandaði um það
bil 200 bandarískum hermönnum.
„Þessi aðgerð er ekki andsvar
við atburðunum, árásinni í
Beirút", sagði sendiherrann.
„Þetta var aðgerð sem hófst fyrir 2
vikum, áður en árásin var gerð í
Beirút. Þar er ekki um neitt sam-
band að ræða.“
Reagan Bandaríkjaforseti sagði
í fyrradag að innrásin í Grenada
hefði verið gerð að beiðni Banda-
lags ríkja í Austur-Karíbahafi eftir
valdatöku hersins 19. október s.l.
Yfirlýsing sendiherrans í París
bendir hins vegar til þess að
innrásin hafi verið ákveðin áður en
hallarbyltingin var gerð í Grenada,
en að hún hafi síðan verið notuð
sem tylliástæða.
ólg.
Steingrímur fordæmlr
Geir ekki tilbúinn að svara
í gær og í fyrradag hafa þjóð-
arleiðtogar hver á fætur öðrum
fordæmt innrás Bandaríkja-
manna í Grenada í Karíbahafí.
Þjóðviljinn spurði um afstöðu
tveggja æðstu manna íslensku
ríkisstjórnarinnar.
„Málið hefur ekki verið tekið
fyrir í ríkisstjórninni, en það
verður að vera að frumkvæði
utanríkisráðherra", sagði
Steingrímur Hermannsson for-
sætisráðherra. Hinsvegar sagðist
hann persónulega fordæma
innrásina eins og allar innrásir í
sjálfstæð ríki hvar sem er í
heiminum. Þetta væri fyrir neðan
allar hellur.
Geir Hallgrímsson utanríkis-
ráðherra var síðan spurður álits.
Hann sagði að aðrir fjölmiðlar
hefðu spurt sig þess sama, en
hann beðið um að haft væri sam-
band við sig í dag (fimmtudag) þá
yrði hann tilbúinn með yfirlýs-
ingu vegna málsins. Meira vildi
hann ekki segja, enda sagðist
hann svo tímabundinn að hann
mætti ekki vera að því að stoppa
lengur.
- S.dór.
Maurice Bishop, fyrrverandi for-
sætisráðherra Grenada. Sam-
kvæmt yfírlýsingu bandaríska
sendiherrans var morðið á hon-
um tylliástæða, því innrásin var
ákveðin áður en hann var myrt-
ur.