Þjóðviljinn - 27.10.1983, Blaðsíða 2
2 SÍÐA — ÞJÓÐVILJINN. Fimmtudagur 27. október 1983
Ostamir
rokseljast
Mjög miki! sala var á ostum hjá
Osta- og smjörsölunni nú í sept.
Hefur sjaldan önnur eins aukning
orðið á sölunni í einum mánuði
þegar miðað er við sama mánuð
árið áður. Söluaukningin var
16% miðað við söluna í sept. í
fyrra. Fyrstu 9 mánuði ársins hef-
ur aukning á ostasölunni orðið
um 10% miðað við sömu mánuði
sl. árs.
Lítilsháttar aukning varð á
innveginni mjólk hjá mjólkur-
samlögunum í sept. miðað við
sept.mánuð sl. ár, eða um 2,5%.
Hjá Mjólkurbúi Flóamanna var
mjólkin svipuð en nokkur
minnkun hjá búinu í Nes-
kaupstað og hjá Mjólkursamsöl-
unni. Hjá öörum búum var
aukning. Meðalinnvigtun mjólk-
ur fyrstu 9 mánuði þessa árs var
rétt um 9,3 miij. Itr. á mánuði.
Á Mjólkurdögunum á Akur-
eyri mættu um 8 þús. manns,
skoöuðu, brögðuðu og keyptu.
Lífleg sala var á kynningar-
pökkum og trúlega hafa ýmsir
Norðlendingar kynnst jrarna
mjólkurvörum, sem þeir þekktu
ekki áður.
- mhg.
„Hreint
og beint”
Búvörudeild SÍS hefur gefið út
bækling, sem nefnist „Hreint og
beint". Hefur hann að geyma
ábendingar um hreinlæti og
þrifnað fyrir starfsfólk í slátur-
liúsum og vinnslustöðvum.
Bæklingurinn er 16 bls. í stóru
brotí og greinir í máli og myndum
frá helstu atriðum, sem varða
þrifnaö við matvælaframleiðslu.
- mhg.
Tikkanen
Fyrir þá sem vilja fækka
kommúnistum, er það athugandi
að í kommúnískum heimi er engin
þörf fyrir kommúnista.
Bandarisk biblía leiörétt
Guö faðir og móðir...
Nýjar Biblíudeilur eru í
uppsiglingu í Bandaríkjunum.
Svonefnt Þjóðráð kirkna (32
kirkjudeilda mótmœlenda og
grísk-kaþólskra) hefurgefið út
breytta Biblíutexta „til
frjálsrar tilraunanotkunar“ /
kirkjum. Breytingarnar eru
allar í þá veru, að hœtta að
karlkenna guð, kalla hann
drottinn og föður, sömuleiðis
er Kristur ekki kallaður guðs
son, néheldur mannsonurinn.
Ef ekki tekst að komast af með
því að nota eingöngu orðið guð er
talað um „guð, föður og móður"
og Kristur er kallaður „barn". Til
dæmis: Því svo elskaði guð heim-
inn að hann gaf son sinn einget-
inn til að hver sem á hann trúir
glatist ekki heldur öðlist eilíft
líf." I endurskoðun verður þetta
svona: „f>ví svo elskaði guð heim-
inn að hann gaf einkabarn guðs,
til þess að hver sá sem trúir á
þetta barn glatist ekki...“
Þessi tilraun, sem kirkjudeildir
með um 40 miljónum meðlima
standa að, eiga að sögn geðjast
kon'um - þær byggja á þeirri fors-
endu, að þeim þyki það lítilsvirð-
ing við sig ef guð er karlkenndur
og Kristur sé sonur hans.
Að sjálfsögðu munu breyting-
ar þessar vekja upp margskonar
mótmæli. Sumpart guðfræðilegs
eðlis. Sömuleiðis er þegar komið
fram, að m,önnum finnst tungu-
tak Biblíunnar mjög setja ofan
méð þessum umskriftum: „Guð,
faðir og móðir í þínar hendur fei
ég anda minn". Enn er það, að
hvort sem menn eru trúáðir eða
ekki, þá hljóta þeir að spyrja: er
leyfilegt að fara með forna texta
eftir hentugleikum samtíma-
manna? Er hægt að „leiðrétta
söguna“ eftir á - hvort sem er um
að ræða sögu trúarhugmynda eða
aðra sögu?
- áb.
Kristur vísar Satan frá sér: skyldi síðarnefndur fá að vera karlkyns áfram?
Annað-kvöld, föstudaginn 28.
október, sýnir íslenska óperan
hina vinsælu óperu Verdis, La
Traviata, í þriðja sinn. Hafa hin-
ar tvær fyrri sýningar gengið vel
og verið afburða vei tekið. Hefur
óperuhúsið skolfið af fagnaðar-
látum sem aldrei hefur ætlað að
linna, segir í fréttatilkynningu frá
íslensku óperunni.
„La Traviata“ merkir hin af-
vegaleidda, hin bersynduga.
Nafn sitt fékk óperan eftir sögu-
hetju Kamilíufrúarinnar sent Ai-
exandre Dumas skrifaði um
1850. I La Traviata er því sögð
ein frægasta ástarsaga allra tíma
en þar með er ekki öll sagan sögð
því að tónlistin í allri sinni fegurð
margfaldar áhrif sögunnar,
Miðasalan er opin daglega frá
kl. 15 - 19 nema sýningardaga til
kl. 20 og síminn er 11475.
Úr
gosefnum
og grjóti
Sigurður Sólmundarson í
Hveragerði sýnir um þessar
mundir sautjt n myndir í Verslun-
inni Álafoss, Vesturgötu 2, og er
hún opin á verslunartíma til 1.
nóvember. Myndirnar eru unnar
úr íslenskum j arðvegi - gosefnum
hverasvæða, mislitu grjóti - svo
og úr járni, timbri og ýmsum
gróðri. Þessi mynd heitir Einar
Benediktsson.
Leikur
á
tveim
tungum
Karlleggurinn á það til að snúa
á ættfræðingana því stundum
leikur grunur.á að fólk sé rang-
feðra. Einn af þeim mönnum var
Guðmundur Karl yfirlæknir á
Akureyri og var honum auðvitað
kunnur sá orðrómur.
Eitt sinn lenti aldraður maður
á Akureyri, Halldór að nafni, í
bílslysi, og skaddaðist talsvert á
höfði. Halldór var fluttur í
sjúkrahúsið og gerði Guðmundur
Karl að meiðslum hans. Morgun-
inn eftir slysið fór læknir á stofu-
gang. Halldór var vaknaður en
óvíst þótti, enn sem komið var,
hversu alvarlegir áverkar hans
voru. Guðmundur hugðist nú at-
huga það svona í rólegheitum,
bauð Halldóri góðan daginn og
Halldór Guðmundi sömuleiðis.
Síðan spyr Guðmundur:
„Þekkir þú mig?“
„Já, ég þekki þig“, svarar Hall-
dór.
„Veistu hvað ég heiti?“, spyr
Guðmundur.
„Já, ég veit hvað þú heitir“,
svarar Halldór.
„Hvað heiti ég?“ spyr Guð-
mundur.
„Þú heitir Guðmundur Karl“,
svarar Halldór.
„Veistu hvers son ég er?“ spyr
Guðmundur.
„Ja, það fer nú tvennum sögum
af því“, svarar Halldór.
„Nú, þú ert þá bara svona
Ijómandi góður“, segir Guð-
mundur hinn ánægðasti og mun
nú ekki lengur hafa óttast að
höfuðáverkar Halldórs væru
mjög alvarlegir.
Stolið úr Frey.
- mhg.