Þjóðviljinn - 20.03.1984, Blaðsíða 10
14 SÍÐA - ÞJÓÐVILJINN Þriajudagur 20. mars 1984
Sænskunámskeið í Framnás
lýðháskóla
Dagana 30. júlí til 10. ágúst nk. gefst 15 (slendingum kostur
á að sækja námskeið í sænsku í lýðháskólanum í Framnás í
Norður-Svíþjóð.
Þeir sem hyggja á þátttöku í námskeiðnu verða að taka þátt í
fornámskeiði í Reykjavík, sem ráðgert er að verði 15.-17.
júní. Námskeiðið hefst síðdegis á föstudag og lýkur um
hádegi á sunnudag.
Umsóknareyðublöð og nánari upplýsingar um skipulag
námskeiðsins og þátttökukostnað fást í menntamálaráðu-
neytinu, verk- og tæknimenntunardeild, sími 25000.
Umsóknarfrestur er til 18. apríl.
Undirbúningsnefnd.
ÚTBOÐ
Tilboð óskast í að framleiða og afhenda greinibrunna
fyrir Hitaveitu Reykjavíkur.
Utboðsgögn eru afhent á skrifstofu vorri Fríkirkjuvegi
3. Reykjavík gegn 1500 kr. skilatryggingu.
Tilboðin verða opnuð á sama stað fimmtudaginn 29.
mars kl. 11 f.h.
INNKAUPASTOFNUN REYKJAVIKURBORGAR
Frikirkjuvegi 3 - Simi 25800
Hreppsnefnd Eyrarbakkahrepps býður hér
með út silungs- og laxveiði í net í Ölfusá fyrir
landi Óseyrarness í Eyrarbakkahreppi til
næstu fjögurra ára. Tilboð skulu send til
oddvita Eyrarbakkahrepps, Túngötu 40, 820
Eyrarbakka, fyrir 10. apríl n.k. Oddviti veitir
jafnframt allar nánari upplýsingar. Áskilinn er
réttur til þess að taka hvaða tilboði sem er
eða hafna öllum.
Hreppsnefnd Eyrarbakkahrepps.
LAUS STAÐA
Staða ríkisbókara er laus til umsóknar og verður veitt
frá og með 1. júní 1984. Umsóknir sendist ráðuneytinu
fyrir 25. apríl 1984.
Reykjavík 19. mars 1984
Fjármálaráðuneytið
Sprunguþéttingar
Þéttum sprungur í steinveggjum, þéttum bárujárnsþök
sem farin eru að ryðga. Látið fagmenn sjá um viðgerð-
irnar. 10 ára reynsla á þéttiefnum á íslandi. Upplýsing-
ar í síma 66709 og 24579.
STAÐA
Staða ríkislögmanns er laus til umsóknar. Umsóknir
berist ráðuneytinu fyrir 25. apríl n.k.
Fjármálaráðuneytið 19. mars 1984
Minning
Ingólfur Steínar
Kristinsson
F. 28.1. 1963 - D. 31.10. 1983
Sl. laugardag var Ingólfur
Steinar Kristinsson jarðsunginn frá
Staðarhólskirkju í Saurbæ, en
hann fórst með Ms. Haferninum
frá Stykkishólmi við Bjarneyjar á
Breiðafirði hinn 31. október s.l.,
en með honum fórust tengdamóðir
hans tilvonandi, Kristrún Óskars-
dóttir og Pétur Jack.
Það var þungur óveðursbakki
yfir Breiðafirði þennan örlagaríka
dag. Dimm og drungaleg ský slógu
óhugnanlegum svip yfir land og
haf. „Þrútið var loft og þungur
sjór“. Þannig getur hinn fagri
Breiðafjörður orðið í illviðraham,
og þetta var örlagadagur. Allt um-
hverfið og veðurgnýrinn lagði
áherzlu á þá staðreynd, að við,
mannanna börn, erum svo ósköp
lítil í samspili okkar við náttúruöfl-
in, við erum svo veik og vanmáttug
þegar alvara lífsins blasir við. Og
hér varð engum vörnum við kom-
ið.
Ingólfur var sonur Kristins
Steinars Ingólfssonar, veghefils-
stjóra, að Jaðri í Saurbæ og konu
hans Jakobínu Jóhannesdóttur.
Hann ólst upp í Saurbænum, í fag-
urri sveit með foreldrum sínum og
systkinum, Gunnari og Hönnu
Lóu, og var hann yngstur, ljúfur
drengur, glaðlyndur og hlýr, og
við, sem fylgdumst með honum,
vissum, að hann átti góða æsku, en
þó mátti hann vita hvað alvara lífs-
ins gat verið erfið, því hann fæddist
með hjartagalla og varð því að
bregðast við ýmsu á annan veg en
alheilbrigður væri, m.a. varð hann
að fara erlendis til lækninga á unga
aldri. En aldrei var hægt að sjá að
slíkt hefði íþyngjandi áhrif á hug
hans. Tiltölulega ungur fór hann að
heiman og vann hjá Vegagerð
ríkisins við þungavinnuvélar víða
um land og við brúa- og ræsagerð
og reyndist þar hinn traustasti
verkmaður af svo ungum manni að
vera, úrræðagóður, áreiðanlegur,
útsjónarsamur og verklaginn.
Hann var nýlega seztur að í
Stykkishólmi, en þar var heimili
unnustu hans, Ingveldar Eyþórs-
dóttur, og þar höfðu þau gert ráð-
stafanir til að stofna eigið heimili.
Framtíðin virtist blasa við, björt og
fögur. Kraftur æskunnar ólgaði í
blóðinu og lífið krafðist útrásar í
starfi og athöfnum. En skjótt
bregður sól sumri. í einu vetfangi
missa foreldrarnir son sinn og
systkinin bróður, og unnustan
unga ástvin sinn og hún missti
meira, hún missti líka móður sína
og faðir hennar bæði eiginkonu og
tengdason. Lífið er stundum harð-
ur skóli, og oftar en ekki finnst
okkur, sem eftir stöndum, að erfitt
sé að sætta sig við slík örlög. En
maðurinn ályktar, en Guð ræður.
Hið jarðneska líf átti ekki að verða
lengra, straumur tímans hafði
hrifið þau brott og eftir sitja ástvin-
ir harmi þrungnir. Hafið tekur oft
miklar fórnir og líf sjómannsins er
hættulegt og erfitt, það vitum við,
en hitt vitum við einnig, að á bak
við líf og hel er styrk hönd, sem
styður og verndar, huggar og
græðir, og sú hönd er nálæg á sorg-
arstund, það finnum við svo oft
þegar þannig er ástatt.
Og nú eru minningarnar einar
eftir, góðar minningar um
hugljúfan efnismann, sem alls stað-
ar kom sér vel og reyndist hinn
bezti drengur í hvívetna. Og okkur
verður hugsað til orða skáldsins
sem kvað:
Við rökkur þinna söngva
leið sumarið hjá.
Svo hvarfstu mér, vinur,
og haustid lagðist á.
En hvenær sem hafrœna
heim í dalinn fer
frá kynjalöndum fjarlœgum
hún kveðju til mín ber.
En ég hef beðið lindina
sem líður mér við kinn
að flýta sér til hafsins
og finna ástvin minn.
Og ómarnir svífa
af sœnum til lands.
Með bergmálum fjallanna
flýg ég til hans.
T.G.
Lífið er ein óslitin ganga, frá
vöggu til grafar, mislöng að vísu og
ólík á marga grein, margslungin og
margvísleg. En allt um það, við
tökum þátt í þessari för og ekkert
okkar getur vikist undan þátttöku í
þeirri göngu.
Fram hjá, fram hjá fara hópar
ferðamanna nótt og dag.
Líkt og blœr, sem blöðum sópar
bersl mér þeirra göngulag.
Þó menn óttist þeirra veg
þykir förin skuggaleg
verða þeir að fylla flokkinn
fyrr en varir - þú og ég.
D.S.
En hvað mætir okkur á leiðinni?
Hvert getum við leitað í sorg og
söknuði? „Ef Guð er með oss, hver
er þá á móti oss?“ Þar höfum við
svarið. Handleiðsla Guðs er með í
för. Á því er enginn vafi. Og þegar
dauðinn aðskilur ástvini við hlið
lífsins, þá sjáum við sem í skuggsjá
birtu eilífðarinnar blasa við. Hið
fyrra er farið. Allt er orðið nýtt.
Þetta hefur verið trú kynslóðanna,
og hún hefur ekki brugðist - og
mun ekki gera það.
Því vonin lifir, þótt hver
bátur brotni
vort bezta, sálin, tekur land
hjá Drottni.
M.J.
Minningarnar, sem við eigum
um Ingólf og líf hans hér, geymum
við og varðveitum, því þær eru all-
ar góðar og munu því lifa áfram í
hugum þeirra, er hann þekktu og
vissu, hversu góður drengur hann
var. Ég og mín fjölskylda þökkum
liðnar stundir, því í mörg ár bjó
fjölskylda hans hér á Hvoli, og þau
systkinin voru leikfélagar barn-
anna okkar og fyrir það allt er nú
þakkað að leiðarlokum. Megi góð-
ur Guð leiða hann og vernda á ei-
lífiðarbraut. Við sendum unnustu
hans, foreldrum, systkinum og
öðrum ástvinum hans okkar inni-
legustu samúðarkveðjur svo og
þeim öðrum, er misstu ástvini sína
með honum, og biðjum Guð að
blessa þau og leiða um ókomin ár -
og jafnframt biðjum við þess, að
þau megi eiga þá trú í hjarta sem
gerir þeim kleift að sjá birtu og fe-
gurð eilífðarinnar rísa við dauðans
dyr, - og minnist orða Frelsarans er
hann sagði: „Ég lifi og þér munuð
lifa“.
Ingiberg J. Hannesson
UTB0Ð
Verslunin Hagkaup óskar eftir tilboðum í 1. áfanga
jarðvinnu við verslunarmiðstöð í nýja miðbænum í
Reykjavík. í verkinu felst að girða vinnusvæðið, fjar-
lægja jarðveg úr byggingarreit og endurfylla að hluta.
Helstu magntölur eru:
Gröftur 60.000 rúmmetrar.
Fylling 10.000 rúmmetrar.
Útboðsgögn eru afhent á verkfræðistofunni Fjarhitun
h.f. Borgartúni 17, Reykjavík, gegn 2000 kr. skila-
tryggingu. Tilboð verða opnuð á skrifstofu Hagkaupa,
Lækjargötu 4, föstudaginn 6. apríl 1984 kl. 11 árdegis.
L
IAHDSVIRKJIIN
Útboð
Vegna misritunar í auglýsingu sem birtist í dagblöðum
helgina 17. og 18. mars s.l. skal vakin athygli á, að
tilboð í byggingu á undirstöðum vegna stækkunar
tengivirkis við Sigöldu ásamt undirstöðum fyrir sex
möstur í Suðurlínu næst tengivirkinu, verða opnuð 9.
apríl n.k. en ekki 9. ágúst eins og stóð í auglýsingunni.
ÓDÝRARI
barnaföt
bleyjur
leikföng
,'o<
*VLa'
,©Y\uro
•s'
•sWP1
e %
Dúllo
Snorrabraut 22