Þjóðviljinn - 20.03.1984, Blaðsíða 12
16 SÍÐA — ÞJÓÐVILJINN. Þriðjudagur 20. mars 1984
Alþýðubandalagið á Egilsstöðum:
Góðir félagar - Hreppsmálaráð
Fundur hjá Hreppsmálaráöi Alþýðubandalagsins á Egilsstöðum
verða sem hér segir fram á vor:
Mánudagur 2. apríl. Umræðuefni: Skipulagsmál.
Mánudagur 16. apríl. Umræðuefni: Samstarf hreppa á Héraði og
sameiningarmál.
Fundirnir verða haldnir að Dynskógum 3 (kjallara), og hefjast kl. 20.30
stundvíslega.
Hreppsmálaráð hvetur alla félagsmenn til að mæta og láta Ijós sitt
skína. -Stjórnin.
Alþýðubandalagið í Reykjavík:
Ný þriggja kvölda
spilakeppni hefst í kvöld
í kvöld hefst ný þriggja kvölda spilakeppni kl. 20
stundvíslega að Hverfisgötu 105. Veitt verða
verðlaun fyrir hvert kvöld þannig að þeir sem ekki
geta mætt öll kvöldin eiga endilega að drífa sig_
með líka. Guðrún Helgadóttir alþingismaður Guórún
mætir í kaffinu og segir fréttir af þinginu. - Nefnd- Helgadóttir.
in.
Alþýðubandalagið á Akureyri og nágrenni:
Kvennahópur
Annar rabbfundur á Lárusarhúsi, Eiðsvallagötu 18, þriðjudag 20.
mars kl. 20.30. Allar konur, sem áhuga hafa, velkomnar. Kaffiveiting-
ar. - Undirbúningshópur.
Alþýðubandalag Selfoss og nágrennis
Almennur félagsfundur
verður haldinn næstkomandi fimmtudag 22. mars kl. 20. 30 að Kirkju-
vegi 7. Á dagskránni er m. a. inntaka nýrra félaga, fréttir af flokksstarfi
og rætt um atvinnumál á Selfossi.
Stjórnin
Alþýðubandalagið í Reykjavík:
Fundur um
nýtt leiðakerfi SVR
Borgarmálaráð Alþýðubandalagsins í Reykjavík boðar til fundar um
tiHögur að nýju leiöakerfi SVR fimmtudaginn 22. mars kl. 20.30 að
Hverfisgötu 105. Framsögu á fundinum hefur Baldvin Baldvinsson,
verkfræðingur hjá Borgarskipulagi Reykjavíkur. Fjölmennið! - BMR.
Alþýðubandalagið í Kópavogi
Félagsfundur
veröur haldinn miðvikudaginn 21. mars kl. 20.30 í
Þinghól. Dagskrá: 1) Félagsmálastofnun Kópa-
vogs- Bragi Guðbrandsson félagsmálastjóri hef-
ur framsögu. 2) Önnur mál.
Bæjarfulltrúar ABK og fulltrúar í félagsmálaráði
mæta. Allir félagar í ABK og aðrir sem áhuga hafa
á eru hvattir til að koma á fundinn. -Stjórn ABK.
Bragi
Guðbrandsson.
Alþýðubandalag Ðorgarness og nágrennis
Aðalfundur
verður haldinn laugardaginn 24. mars kl. 14.00 að Brákarbraut 3 í
Borgarnesi. Dagskrá: 1) Venjuleg aðalfundarstörf. 2) Reikningar
Röðuls. 3) Kosning ritstjórnar Röðuls. 4) Kosning hússtjórnar. 5)
Lagabreytingar. - Stjórnin.
Alþýðubandalagið í Reykjavík
Söfnum fyrir leikföngum
Félagið okkar í Reykjavík er nú komið í nýja og glæsilega aðstöðu að
Hverfisgötu 105. Stórátak meðal félaganna hefur gert drauminn um
gott húsnæöi að veruleika og skapað góða aðstöðu til starfs og leikja.
En ennþá vantar fé. Meðal þess sem foreldr-
ar hafa rekið sig á að sárlega vanhagar um er
leikaðstaða barna. Leikföng eru fá til í
flokksmiðstöðinni enn sem komið er.
Nú er hafin söfnun meðal flokksfólks og vel-
unnara Alþýðubandalagsins til að bæta úr
l þessu. Allt verður vel þegið hvort sem það
eru fjárframlög eða gömul nothæf leikföng.
Ef þið lúrið á einhverju vinsamlegast látið Kristján Valdimarsson vita í
síma 17500 eða Auði Styrkársdóttur í síma 81333 (heimasími 79017).
Framlög verða sótt heim ef óskað er.
Alþýðubandalagið í Reykjavík
Greiðir félags- og flokksgjöld
Alþýðubandalagið í Reykjavík minnir félagsmenn á að greiða 1. hluta
félags- og flokksgjalds fyrir árið 1984. Gíróseðla má greiða i ollum
bönkum og póstútibúum.
Vinsamlega sendið eða hringið inn auglýsingar í þennan
dálk fyrir klukkan 16 dagipn áður en þær eiga að birtast og
talið við Einar Karl eða Álfheiði. - Ritstjórn.
Minning
Hlynur Eggertsson
F. 22.12. 1969 - D. 12.3. 1984
Nú er í garð gengin sú tíð að með
hverjum degi rís sól hærra á himni
og mildari vindar strjúka um vanga
okkar. Við vörpum öndinni léttar,
loksins ætlar þessum þunga vetri að
linna. Það er svo dásamlegt þegar
dagana lengir og dimman flýr í sjó.
Gleðin fyllir hjörtu okkar og þau
tifa eilítið hraðar og ímyndunarafl-
ið svífur á þöndum vængjum um
loftin blá. Við vitum að blessað
vorið, sumarið og sólin eru á næstu
grösum, það er sú árstíð sem allir
þrá og unna og þá ekki síst lífsglað-
ir unglingar uppfullir af áhuga á
öllum undrum veraldar, jafn lif-
andi sem dauðum.
En einn er sá ástvinur okkar sem
hvorki mun sjá sól vora rísa né
heldur ganga til viðar öðru sinni.
Það er okkar elskulegi frændi og
vinur Hlynur Eggertsson sem í dag
mun verða borinn til grafar. Þar
með er einum sólargeislanum svipt
burt úr lífi okkar hinna sem eftir
stöndum harmi þrungin.
Hlynur fæddist í Reykjavík 22.
desember 1969 sonur Þórhildar
Jónsdóttur og Guðbrands Jóns-
sonar. Þórhildur bjó hjá foreldrum
sínum á Birkimel 8 næstu fjögur
árin. Ekki var að sökum að spyrja
að allir tóku hinu mesta ástfóstri
við drenginn og varð hann strax
augasteinn allrar fjölskyldunar.
Sumarið 1974 giftist Þórhildur
Eggerti Ágúst Sverrissyni og var
Hlynur kjörsonur hans upp frá því.
Hafa þau nú búið á Álftanesi,
Bessastaðahreppi síðastliðin fimm
ár. Þau eignuðust tvær dætur. Stef-
aníu sem nú er 9 ára og Þóru sem er
3ja ára.
Frá upphafi var þeirra æðsta tak-
mark að búa börnum sínum gott
heimili enda er ávöxtur þess elju-
starfs öllum ljós sem þekkja til í
Mörk eins og húsið þeirra heitir.
Hlynur heitinn var alla tíð sér-
lega lífsglaður drengur og áhuga-
málin óþrjótandi strax frá bernsku.
Þá ætlaði kúturinn okkar sko
aldeilis að verða flugmaður. Svo
skjótt sem hann hafði getu til að
raða saman Lego-kubbum þá urðu
til flugvélar, fyrst smáar og frum-
stæðar en urðu síðar að slíkum risa-
vöxnum loftförum að alla sem til
sáu rak í rogastans.
Einnig var Hlynur hið mesta
náttúrubarn. Það sjónvarpsefni
sem honum var kærast voru dýra-
lífsmyndirnar. Einnig átti hann
góðar fræðibækur um hugarefni sín
svo sem Alheimurinn og jörðin,
Lífið á jörðinni og Þróun lífsins.
Innihald þessara ritverka drakk
hann í sig og því betur sem hann
kynntist sköpunarverki náttúrunn-
ar því meira þyrsti hann í enn meiri
fróðleik. Oft var þá beðið með
óþreyju eftir því að pabbi kæmi
heim og laumaði nokkrum fróð-
leiksmolum í þekkingarsjóð hins
áhugasama unglings. Stundum ent-
ust feðgum ekki kvöldin til að
tæma umræðuskrána og í annan
gang mátti pabbi biðjast vægðar
þegar viskusjóðurinn var þurrau-
sinn í það skiptið.
Þegar gesti bar að garði í Mörk,
var Hlynur óþreytandi við að upp-
lýsa okkur fullorðna fólkið um öll
þessi undur, um mikilleik náttúr-
unnar og fádæma hæfni hinna ýmsu
dýrategunda til að aðlaga sig að
ólíkustu lífsskilyrðum en komast
þó af. Þar var núttúruvalið og þró-
un lífsins í hnotskurn. Og mikill var
fögnuður drengsins á jólunum fyrir
liðlega ári síðan þegar hann fékk
óskagjöfina sína, þar var fiskabúr
og nokkrir skrautfiskar fluttu inn á
heimilið örfáum dögum síðar. Þeir
áttu hug hans allan og víst er að
fiskarnir nutu alveg sérstakrar at-
hygli og umhyggju.
Eins var hann fullur áhuga á
öllum sjónvarpsþáttum sem fjöll-
uðu um nýjustu tækni og vísindi.
Svo kom að því að nú um síðustu
jól að Hlynur eignaðist heimilis-
tölvu og sat við skjáinn langtímum
saman. Ekki lét hann þar við sitja
heldur dreif sig í fölvunámskeið til
að öðlast dýpri þekkingu og meiri
skilning á þessu tækniundri. Einatt
reyndi hann að upplýsa okkur um
þann fróðleik sem hann öðlaðist og
var þá tíðum mikið niðri fyrir enda
frásagnargleðin alveg sérstök.
Ungu barni má sjálfsagt líkja við
óplægðan akur. Jarðvegurinn er
undirbúin og síðan er sáð í akurinn.
Alla tíð hafa þau Þórhildur og Egg-
ert lagt mikinn metnað í sinn akur,
það er að segja börnin. Oft eru
börnum færðar góðar gjafir en
stærsta gjöfin sem við getum gefið
þeim er að ætla þeim tíma í dagsins
önn og veita þeim þá hlýju og ör-
yggi sem þau munu búa að alla tíð.
Þau hjónin lögðu mesta rækt við
þessa mannlegu þætti enda leynir
ávöxturinn sér ekki þar sem börn
þeirra eru. Hlynur var ákaflega
heimakær og hændur að foreldrum
sínum og flakkaði með þeim ásamt
afa og ömmu um landið í sumarfrí-
um. Þó voru ferðirnar til Englands
og Hollands honum minnisstæðast-
ar.
Hlynur hafði hið mesta yndi af
útiveru og stundaði skíði af brenn-
andi áhuga.
Sunnudaginn fyrir viku síðan
ákváðum við hjónin að fara í dags-
ferð með hópi góðra vina upp á
Hellisheiði. Þegar við vorum að
ferðbúast hringdi síminn þá var
það Hlynur sem spurði hvort ekki
stæði til að fara eitthvert út úr bæn-
um á gönguskíði eða reyna nýja
Honda þríhjólið. Ákvörðunin
þurfti engar umhugsunar við og
eftir smá stund var Hlynur mættur í
Efstalandið. Á leiðinni er við
ókum upp Sandskeiðið minntist
Hlynur þeirra gömlu góðu daga
þegar hann fór í fyrstu jeppaferð-
ina með okkur stóru strákunum
upp í Bláfjöll og þótti þessum unga
ferðamanni það aldeilis stórkostleg
upplifum. Þegar við komum upp
fyrir Hveradali var staðar numið og
við drógum fram skíðin, sleðana og
vélhjólið og fórum vítt og breitt um
hjarnið. Þegar leið á daginn létti til
og sólin skein í heiði svo að öll urð-,
um við hugfangin af fegurð lands-
ins undir þessum hvíta feldi og eng-
um duldist hvílíkur auður er fólg-
inn í okkar köldu og hrjúfu en þó
fögru og ósnortnu náttúru.
Þessi kynngi orkaði alla tíð
strekt á Hlyn og urðu fleyg orð
hans er hann sagði eitt sinn: „Ef
einhver ætlar í einhverja sveit ætla
ég með“, en þá var hann bara
tveggja ára kútur og stóð varla út
úr hnefa.
Þegar við komum aftur í bæinn
skiluðum við Hlyn heim til afa og
ömmu í Aðallandi og mikið sem
hann var þakklátur og sæll þegar
hann kvaddi okkur. I sorginni er
það okkur létttir að geta minnst
þessara gleðilegu samverustunda
sem við áttum á Heiðinni þennan
dag.
Fyrir tæpu ári lést Jón Valur afi
Hlyns. Alla tíð höfðu þeir verið
hinir mestu mátar og trúnaðarvin-
ir. Ósjaldan hjólaði Hlynur yfir í
Hafnarfjörð og hjálpaði afa sínum
daglangt á verkstæðinu. f haust
lagði Hlynur leið sína í Kirkjugarð
Hafnarfjarðar og gróðursetti
nokkra lauka á leiði afa síns svo að
þar mættu blómstra liljur með
hækkandi sól á komandi vori. Þetta
lýsti því best hvern hug Hlynur bar
til afa síns, en vegir Guðs eru
órannsakanlegir og nú hafa for-
lögin orðið þess valdandi að Hlyn-
ur mun einnig hvíla undir blómun-
um sínum við hliðina á afa.
Nú eigum við þá ósk heitasta að
Hlynur og Valur afi hafi aftur náð
saman handan móðunnar miklu og
að þeirra bíði framtíð iðandi af lífi í
líkingu við veröld þá er völvan lýsti
forðum:
Sér hún upp koma
öðru sinni
jörð úr œgi
iða grœna.
Falla fossar.
Flýgur örn yfir
sá er á fjalli
fiska veiðir.
Það er ofar skilningi okkar þegar
æskan, sjálfur vaxtarsproti lífsins
er svona sviplega kallaður brott úr
þessari jarðvist en ef til vill má það
vera huggun harmi gegn að trúa því
að Hlyni okkar hafi verið ætlað
annað enn verðugra verkefni á
þeim framandi stað sem við mun-
um öll hverfa til að leiðarlokum.
Þó að kali heitur hver
hýlji dali jökull ber.
Steinar tali og allt hvað er
aldrei skal ég gleyma þér.
í hinsta sinn viljum við þakka
Hlyn þær fjölmörgu góðu stundir
sem við áttum saman. Megi Guð
styrkja foreldra hans og systur, afa
og ömmur og aðra ættingja og vini
er syrgja hinn mæta svein.
Kristín og Sigurgeir.
Svart-hvít Ijósmyndaþjónusta sf.
Auóbrekku 14,200 Kópavogi,
RO.Box301,Sími 46919