Þjóðviljinn - 05.06.1984, Blaðsíða 2

2 SÍÐA - ÞJÓÐVILJINIS Þriðjudagur 5. júní 1984
Eyjólfur Konráð Jónsson alþingismaður
Gamla lénsveldið
ræður enn ríkjum
• Landsbankinn hefur engin veð fyrir lánunum,
segir Eyjólfur Konráð
• Mun ekki úttala mig um málið, segir Helgi
Bergs bankastjóri
• Mál bankanna hvernig þeir baktryggja sig,
segir forstöðumaður lánadeildar Seðlabankans
,4»að er dauðaþögn ennþá og
það kemur alls ekki flatt uppá
mig. Þetta er búið að gerast í 5 ár
og hlutirnir eru ekki fram-
kvæmdir þrátt fyrir bein fyrir-
mæli frá Alþingi“, sagði Eyjólfur
Konráð Jónsson alþingismaður í
samtali við Þjóðviljann í gær.
Eyjólfur hefur barist nýög hart
fyrir því að teknar verði upp
beinar afurðagreiðslur til bænda
en tillaga þess efnis var samþykkt
á Alþingi fyrir 5 árum. Enn bólar
ekkert á framkvæmdinni. Þá hef-
ur Eyjólfur sakað viðskiptabank-
ana um að hafa ekki nein veð fyrir
þeim afurðalánum sem veitt eru
sláturleyfishöfum.
„Annaðhvort eiga menn vör-
una og geta þá veðsett hana, eða
þeir eiga hana ekki og þá geta
bændur einir veðsett hana. Bank-
arnir segja að bændur geti ekki
veðsett hana af því að þeir eigi
hana ekki en SIS segir þá eiga
hana og þess vegna þurfi þeir
ekki að greiða þeim fullt verð
fyrir afurðirnar strax“, sagði Eyj-
ólfur. Það getur ekki hvort
tveggja verið rétt að þeir eigi
vöruna og eigi hana ekki.“
Helgi Bergs bankastjóri Lands-
bankans sagðist ekkert álit hafa á
ummælum Eyjólfs. „Ég hef enga
skoðun á þessu og mun ekki út-
tala mig um málið“, sagði Helgi.
Pétur Urbancic forstöðumaður
lánadeildar Seðlabankans sagði
það sína skoðun að þessi mál
snertu Seðlabankann ekki á
neinn hátt. „Hvort Landsbank-
inn eða aðrir viðskiptabankar
taka veð í viðkomandi afurðum
er ekki okkar mál. Við göngum
út frá því að hann geri það. Ef
hann gerir það ekki þá er það
hans mál hvernig hann baktryggir
sig. Seðlabankinn verslar ekki
við bændur eða sláturleyfishafa
heldur við viðskiptabanka út á
viðskipti þeirra við sláturleyfis-
hafa“, sagði Pétur.
„þetta er ekta innskriftarkerfi
sem var bannað hvað áhrærir sjó-
menn og verkamenn fyrir hálfri
öld. Það er gamla lénsveldið sem
enn ræður nkjum í landbúnaðiin-
um. Ég er hæstaréttarlögmaður
og ég býð þeim upp í dans. Ég tek
þessa ábyrgð á því sem ég segi í
þessum málum“, sagði Eyjólfur
Konráð Jónsson.
Karlakórinn Heimir ásamt söngstjóra og undirleikara.
Miljónagróði fyrirtækjanna
Hagnaður hjá Hafskip
41,5 miljón króna
Heildarhagnaður af rekstri Haf-
skips hf. á síðasta ári varð 41.5
miljón króna. Rekstrartekjur árs-
ins námu rúmlega 580 miljónum og
höfðu aukist um 76% rúm, en
rekstrargjöldin jukust einungis um
67,5%. Hagnaðurinn af rekstri
fyrir afskriftir og fjármagnsgjöld
varð því 128 miljónir sem jafngildir
22% rekstrartekjum miðað við
árið 1982.
Rekstrarhagnaður nam 99.1
miljón króna eða 17.1% af rekstr-
artekjum miðað við 13.6% árið
1982. Samanburðurinn er einkar
hagstæður fyrir fyrirtækið miðað
við það, að flutningsmagn skip-
anna minnkaði um 4% frá 1982 í
tonnum talið og heildarstykkja-
heildarhagnaður
flutningar drógust saman á milli
ára um 12%. Hlutdeild Hafskips í
Farskipi sem gerði út skemmti-
skipið Eddu á sl. ári reyndist vera
rösklega 19 miljónir króna. Á síð-
asta ári bættist nýtt skip við skipas-
tól fyrirtækisins og stofnað var
dótturfyrirtæki í Bandaríkjunum.
Hafskip starfrækir nú 11 skrifstofur
erlendis, í Evrópu og Bandaríkjun-
um. 230 manns starfa hjá Hafskip
hérlendis en 120 manns erlendis.
Forstjóri Hafskips er Björgólfur
Guðmundsson og framkvæmda-
stjórar þeir Jón Hákon Magnússon
og Páll Bragi Kristjónsson. Ragnar
Kjartansson er stjórnarformaður
fyrirtækisins en aðrir í stjórn:
Ólafur B. Ólafsson (Keflavík hf.),
Sveinn R. Eyjólfsson (Hilmir,
Dagblaðið Vísir), Bjarni Magnús-
son (íslenska umboðssalan), Da-
víð Scheving Thorsteinsson (Ljómi
hf. smjörlíki og appelsínusafi),
Guðlaugur Bergmann (Karnabær,
tískuföt og fleira), Gunnar Þór Ól-
afsson (Fiskiðjan hf.), Hilmar
Fenger (Natan og Olsen hf.
heildverslun), Jón Helgi Guð-
mundsson (BYKO, Byggingavöru-
verslun Kópavogs), Jón Snorrason
(Húsasmiðjan hf.), Páll G. Jóns-
son (Polaris hf.), Pétur Björnsson
(Verksmiðjan Vífilfell, Kóka kóla)
og Víðir Finnbogason (í Teppa-
landi hf.).
-óg
Færeyskur doktor
frá Háskólanum
Hans Jacob Debes frá Þórshöfn
varði doktorsritgerð sína um upp-
haf færeyskrar þjóðfrelsisbaráttu
við Háskóla íslands á laugardaginn
var.
Eins og fram kom í viðtali við
Hans Jacob hafa hér um margt
gerst merkileg tíðindi: hann varði
fyrstu doktorsritgerðina sem er
skrifuð á færeysku, hann er fyrstur
Færeyinga til að verja slíka ritgerð
við Háskóla íslands - og ekki hafa
menn áður tekið doktorsgráðu í
færeyskri sögu.
Með fyrrgreindu viðtali birtist
röng mynd og biðjum við velvirð-
ingar á þeim leiðu mistökum. En
hér er doktor Hans Jacob Debes
sjálfur, sagnfræðingur og Þjóð-
veldismaður af grónum prestaætt-
um í Færeyjum.
-áb.
Karlakórinn Heimir í Skagafirði
Söngför um Norður-
og Austurland
Fyrstu drög að stofnun
Karlakórsins Heimis í
Skagafirði voru lögð á balli í
Húsey í Vallhólmi fyrir áramótin
1927/1928. Eníjanúar1928
var kórinn formlega stofnaður
og hóf þá þegar æfingar. Síðan
hefur kórinn starfað sleitulaust
og enn eru tveir stofnendurnir
með í för, þeir Björn Ólafsson á
Krithóli og Halldór
Benediktsson á Fjalli.
Fyrsti söngstjórinn var Gísli
Magnússon í Eyhildarholti, þá Pét-
ur Sigurðsson frá Geirmundarstöð-
um. Síðan tók Jón Björnsson frá
Hafsteinsstöðum við stjórn Heimis
og hafði hana á hendi í áratugi.
Eftir að Jón Björnsson lét af störf-
um hafa söngstjórar verið ýmsir,
þ.á.m. Árni Ingimundarson á Ak-
ureyri og norðmaðurinn Sven
Arne Korshamn, sem lét af söng-
stjóraferli hjá Heimi með því að
fara með kórinn í söngför til Nor-
egs. Síðustu þrjú árin hefur tékk-
inn Jiri Hlavacek stjórnað kórnum.
Nú um miðjan mánuðinn leggur
Heimir í tónleikáferð um Norður-
og Austurland. Er ætlunin að
fyrstu tónleikar kórsins verði í
Skúlagarði miðvikudaginn 13. júní
kl. 21.00. Þá í Borgarfirði eystra
fimmtudaginn 14. júní kl. 21.00, á
Fáskrúðsfirði föstudaginn 15. júní
kl. 21.00, Neskaupstað laugardag-
inn 16. júní kl. 16.00 og sama dag
verða svo lokatónleikar í Egil-
staðakirkju kl. 21.00.
Söngskrá kórsins er mjög fjöl-
breytt, m.a. kórar úr ýmsum
þekktum óperum en einnig lög af
léttara taginu svo kynslóðabilið á
að vera mjög vel brúað hvað
söngskrána snertir.
Fjörutíu söngmenn eru í Karla-
kórnum Heimi. Einnig munu 30
konur kórmanna verða með í för-
inni svo að alls verður hópurinn um
70 manns.
Söngstjóri kórsins er, sem áður
segir, Jiri Hlavacek en undirleikari
kona hans, Stanislava Hlavackova,
bæði tékknesk og afburða tón-
listarmenn. Þau hafa starfað við
Tónlistarskóla Skagafjarðar sl. 3
ár.
Kórinn hefur starfað mjög mikið
í vetur, haldið 7 tónleika víðsvegar
um Norðurland auk tvennra tón-
leika í samvinnu við Rökkurkórinn
í Skagafirði, en það er samkór. Á
öllum þessum tónleikum hefur
kórinn fengið frábærar móttökur.
Fyrir skömmu lauk kórinn við
upptöku á söng sínum fyrir hljóm-
plötu, sem ætlunin er að komi út í
haust.
-rnhg