Þjóðviljinn - 05.07.1984, Qupperneq 2

Akranes
FRÉTTIR
Uppsögn
1. september
Aðalfundur verkalýðsfélagsins:
Pakkar verkalýðsfélögum sem sniðu verstu
agnúana affebrúarsamkomulaginu.
Engir taxtar verði lœgri en lág-
markslaun. Konurnar á sjúkrahúsinu náðu 40%
eftirvinnu og 80% nœturvinnu
Aðalfundur Verkalýðsfélags
Akraness var haldinn nýlega.
Á fundinum var samþykkt að
segja upp launaliðum samning-
anna 1. september og senda út
eftirfarandi ályktun:
,A ðalfundur Verkalýðsfélags
Akraness samþykkir að senda
þeim verkalýðsfélögum þakkir
sem risu upp í vetur og sniðu
verstu agnúana af samningum
ASÍ og VSÍ, þannig að öll önnur
félög innan ASÍ hafa nú fengið
viðurkennt það sem þau náðu
fram. Jafnframt beinir fundurinn
því til forystu verkalýðshreyfing-
arinnar, að það hljóti að verða
verkefni hennar í komandi kjaras-
amningum að ná því fram, að
engir taxtar verði lœgri en lág-
markslaunin, eða dagvinnutekj-
utryggingin, svo að eitthvert sam-
rœmi náist á ný í eftir- og nœtur-
vinnu og eðlilegar starfsaldurs-
hœkkanir".
Samið um rauntaxta
Samningum hefur verið Iokið
fyrir starfshóp kvenna á Sjúkra-
húsi Akraness, sem er í kvenna-
deild Verkalýðsfélagsins. Tókst
þar að semja um rauntaxta,
þannig að lágmarkstekjutrygg-
ingin er lægsta kaupið með 40%
eftirvinnu og 80% nætur- og
helgidagavinnu. Þannig hefur
sjúkrahúskonum tekist að hrinda
þessum tvöföldu töxtum sem í
gangi hafa verið undanfarin ár og
mögnuðust mjög í samningunum
í vetur.
Þeir náðu yfir mestalla launa-
og aldurshækkanataxta Verka-
mannasambandsins, án þess að
eftirvinna og næturvinna fylgdi
með og röskuðu þannig um-
sömdu og viðurkenndu hlutfalli
milli eftirvinnu og nætur- og
helgidagavinnu.
Starfshópurinn taldi þetta góð-
an og stefnumarkandi sigur fyrir
verkalýðsfélögin, að geta vitnað
til þannig samninga, og lýsti
ánægju sinni yfir því að þurfa
ekki að lúta hinum tvöföldu töxt-
um.
Á undanförnum árum hafa
konurnar unnið mjög á í því að ná
upp ýmsum réttindum, þannig að
nú hafa þær 30 orlofsdaga eftir 12
ára starfsaldur, eða við 50 ára
aldur. Geta þær náð 6 dögum
meira í orlofi en eftir samningum
Verkamannasambandsins. Byrj-
unarlaunin og lægsti taxti urðu
12.913 kr. á mánuði. En margs-
lags prósentuálög fylgja með í
samningnum og kannað hefur
verið að flestar konurnar vinna á
15.741 kr. og 16.336 kr. á mán-
uði, fyrir utan vaktaálag og
greiðslu v/25 mín.. Hæsta kaupið
í taxtanum er þó 17.756 kr. á
mánuði, en fáar konur eru þó á
því kaupi.
í frétt frá Verkalýðsfélagi
Akraness segir, að þótt ekki hafi
unnist mikið á í kaupi, annað en
rauntaxtar og starfsaldurshækk-
anir, á þessu ári, megi vel við una
miðað við það sem hefur gerst í
samningamálum á þessu ári.
S.S.
Steingrímur Hermannsson tók glaður í bragði við Samhygðarmönnum í gær og minnti á að Eysteinn hefði líka mikið talað
um manngildið. (Mynd - eik).
Forsœtisráðherra
Markmiðin vilja nú gleymast
Steingrímur Hermannsson for-
sætisráðherra sagði í gær að
hann fagnaði því að það væri
bara lítið atvinnuleysi hér þrátt
fyrir efnahagsráðstafanir stjórn-
arinnar.
Prestaköll
Tveir sóttu
um Dalvík
Nýlega voru auglýst laus til um-
sóknar nokkur prestaköll og hafa
umsóknir borist um tvö þeirra.
Um Dalvíkurprestakall sækja
þeir sr. Jón Þorsteinsson sóknar-
prestur á Grundarfirði og sr. Jón
Helgi Þórarinsson fríkirkjuprest-
ur í Hafnarfirði.
Um Staðarprestakall í Súg-
andafirði sækir séra Bjarni
Rögnvaldsson sóknarprestur á
Djúpavogi.
Þessi yfirlýsing ráðherra féll er
forystumenn úr röðum Samhygð-
TORGIÐ
Hvað er helv... Þjóðvlljinn
að birta hvað ég borgaði
fyrir smá lóð...
ar afhentu honum formlega
undirskriftir 40.056 íslendinga
gegn atvinnuleysi og vottorð frá
borgarfógeta uppá þá tölu. 2
miljónir Evrópubúa hafa tekið
þátt í þessum víðtæku undir-
skriftasöfnunum. Ráðherra tók
við vottorði fógeta, en Samhygð-
arfólk tók pappakassann með
undirskriftalistanum með sér
heim aftur.
Um stefnumið Samhygðar-
manna, að menn ættu að meta
manngildi ofar auðgildi, sagði
forsætisráðherra, að það væri
ekki nýtt fyrir sér. „Ég man að
Eysteinn talaði mikið um þetta í
gamla daga og þetta drakk maður
með móðurmjólkinni. En oft
vilja slík markmið víkja fyrir öðr-
um og þetta unga fólk á sennilega
því miður eftir að reyna það“,
sagði forsætisráðherra og þakk-
aði mönnum fyrir komuna.
-*g-
Stigahliðin
Hér er leynilisti Davíðs
Margar fjölskyldur kaupa fleiri en eina lóð
Eftir hálfan mánuð tæpan, eða 15. júlí
n.k., þurfa hinir nýju lóðahafar í Stiga-
hlíðinni að reiða fram þriðjung af
kaupverði því sem þeir buðu í þessar milj-
ónalóðir. Við undirritun kaupsamnings
þurftu þeir að greiða 70 þúsund krónur
hver og afgangurinn verður síðan á
skuldabréfum á hæstu löglegum vöxtum
með síðustu afborgun í aprfl á næsta ári.
Það sem vekur hvað mesta athygli, þegar
skoðaður er listi yfir kaupverð einstakra
lóða í Stigahlíðinni, er að rúmar 600 þúsund
krónur skilur að hæsta og lægsta tilboð sem
tekið var. Á þriðja hundrað tilboða bárust
og um 70 aðilar treystu sér til að reiða fram
yfir 1 miljón fyrir hverja lóð.
Hér á eftir er birtur listi yfir þá sem buðu
hæst í lóðimar og getið um kaupverð hverr-
ar lóðar og sögð deili á kaupendum. Þá er
einnig bent á ýmisleg tengsl kaupenda í
millum og sagt hverjir skjólstæðingar á-
kveðinna kaupenda em.
Pessir buðu hæst
1) Helgi Þ. Jónsson Mýrarási 12 Reykja-
vík. Kaupverð 2.150 þús..
2) Þór Ingvarsson Drápuhlíð 17 Reykja-
vík. Kaupverð 1960 þús.. Þór er 33 ára
gamall sonur Guðlaugar Þórarinsdótt-
ur sem einnig keypti lóð. Hún er gift
Ingvari Sigurðssyni sérleyfishafa.
3) Hörður Þorgeirsson Stuðlaseli 21
Reykjavík. Kaupverð 1.752 þús..
Hörður er trésmíðameistari.
4) Hafsteinn Sigurðsson Mímisvegi 4
Reykjavík. Kaupverð 1.721 þús.. Haf-
steinn er hæstaréttarlögmaður.
5) Jón G. Zoega Reynimel 29 Reykjavík.
Kaupverð 1.707 þús.. Jón er lögfræð-
ingur. Hann hefur lýst því yfir í viðtali
við HP, að þessa lóð hafi hann keypt
fyrir Gest Jónsson lögfræðing Skapta-
sonar borgarfógeta. Kona Jóns G. Zo-
éga, Guðrún Björnsdóttir, keypti einn-
ig lóð í Stigahlíðinni og er hún að sögn
Jóns keypt fyrir Gunnar Jóhannsson
kjúklingabónda Holtabúinu Rangár-
völlum. Þetta vill Guðrún ekki kannast
við en eiginkona Gunnars kjúklinga-
bónda, Vigdís Þórarinsdóttir, keypti
lóð í Stigahlíðinni. Dálítið flókið, ekki
satt?
6) Kristín Árnadóttir Skjólbraut 18
Kópavogi. Kaupverð 1.705 þús..
Kristín er gift Einari Sindrasyni háls-,
nef- og eymarsérfræðingi.
7) Guðbjörg Antonsdóttir Hraunbæ 174
Reykjavík. Kaupverð 1.692 þús.. Guð-
björg er 27 ára gömul.
8) Þórður Óskarsson Furugerði 10
Reykjavík. Kaupverð 1.675 þús..
Þórður er flugumsjónarmaður.
9) Hörður Jónsson Birkigrund 54 Kópa-
vogi. Kaupverð 1.666 þús..
10) Jón Zalewski Asparfelli 2 Reykjavík.
Kaupverð 1.652,900 kr.. Hét áður
John Francis Zalewski og starfar sem
húsasmiður.
11) Bragi Ragnarsson, búsettur í Rotter-
dam. Kaupverð 1.611,600 kr.. Bragi
starfar sem sölustjóri Hafskipa í Rott-
erdam.
12) Vigdís Þórarinsdóttir Ásmundarstöð-
um Rangárvöllum. Kaupverð
1.611.000 kr.. Vigdís er eiginkona
Gunnars Jóhannssonar kjúklinga-
bónda, Holtabúi, sem Jón G. Zoéga
lögfr. segist hafa keypt lóð fyrir.
13) Eggert Sævar Atlason Hjálmholti 10
Reykjavík. Kaupverð 1.607 þús..
14) Indriði Pálsson Safamýri 16 Reykja-
vík. Kaupverð 1.600 þús.. Indriði er
forstjóri Skeljungs. Kona hans, Elísa-
bet Hermannsdóttir, keypti einnig
lóð.
15) Guðlaug Þórarinsdóttir Drápuhlíð 17
Reykjavík. Kaupverð 1.576 þús..
Móðir Þórs Ingvarssonar sem einnig
keypti lóð.
16) Elísabet Hermannsdóttir Safamýri 16
Reykjavík. Kaupverð 1.550 þús..
Eiginkona Indriða Pálssonar sem
einnig keypti lóð.
17) Jón Ólafsson Háaleitisbraut 38
Reykjavík. Kaupverð 1.550 þús..
Verslunarmaður og hljómplötuútgef-
andi í Skífunni.
18) Guðrún Björnsdóttir Reynimel 29
Reykjavík. Kaupverð 1.515 þús..
Eiginkona Jóns G. Zoéga lögfr. og á
að hans sögn að hafa keypt lóðina
fyrir Gunnar Jóhannsson kjúklinga-
bónda Holtabúinu.
19) Sævar Sigurgeirsson Suðurlandsbraut
20 Reykjavík. Kaupverð 1.511 þús..
Sævar er löggiltur endurskoðandi.
20) Jónas Sigurðsson Neðraleiti 16
Reykjavík. Kaupverð 1.500 þús..
21) Ólafur Björnsson Seljugerði 8
Reykjavík. Kaupverð 1.432,640 kr..
Ólafur er trésmíðameistari og einn
eigenda byggingarfélagsins Óss sem
m.a. stendur í stórræðum í Hamars-
húsinu.
-•g-
2 SÍÐA - ÞJÓÐVIUINN Flmmtudagur 5. júlí 1984