Þjóðviljinn - 02.08.1984, Blaðsíða 1

Forsœtisráðherra
Ríkisstjórnin
Allt í óvissu
Ágreiningur ogfálm setur svip á útfœrslu ráðstafananna.
Stórbyggingar halda áfram Ekkert talað við lífeyrissjóði
Húsnœðislán í óvissu
Fordæmið
frá 1953
Sjálfstæðismenn sem nú vilja fá.
forsætisráðherraembættið tU
flokksins í kjölfar samninga um
nýjan stjórnarsáttmála vitna í
fordæmið frá 1953. Þá höfðu
Framsóknarflokkurinn og Sjálf-
stæðisflokkurinn verið saman í
ríkisstjórn nokkurn tíma og sam-
ið var um nýja stjórnarstefnu.
Liður í þeim samningum var að
Framsóknarmaðurinn Steingrím-
ur Steinþórsson lét forsætisráð-
herraembættið í hendur Ólafs
Thors formanns Sjálfstæðis-
flokksins.
Innan Sjálfstæðisflokksins vex
nú fylgi við þá kröfu að fylgja
þessu fordæmi nú. Árið 1953
fékk Framsóknarflokkurinn
embætti utanríkisráðherra þegar
Sjálfstæðisflokkurinn tók við for-
sætisráðuneytinu.
Enn er allt í þoku um fyrirhug-
aðar ráðstafanir ríkisstjórn-
arinnar í peningamálum sem
kynntar voru á mánudag og ber
talsmönnum stjórnarinnar engan
veginn saman í túlkun þeirra.
Gífurlegur ágreiningur er uppi
innan og á milli stjórnarflokk-
anna um einstaka ráðstafanir og
greinilegt að ekki hefur verið haft
samráð við þá sem með málin
fara.
Meðai þess sem boðað var á
mánudag var,150 miljón króna
niðurskurður á ríkisframkvæmd-
um. Þrennt var nefnt: Seðla-
bankabyggingin, útvarpshúsið og
framkvæmdir á Keflavíkurflug-
velli. Nú hefur utanríkisráðherra
lýst því yfir að ekki verði dregið
úr flugstöðvarbyggingunni, en
hins vegar eigi að stöðva fram-
kvæmdir við flugskýli, sem kan-
inn er að byggja þar fyrir eigið fé!
' Seðlabankastjóri hefur lýst því
yfir að nýbygging Seðlabankans
komi ríkisfjármálum ekki við og
staðfesti Magnús Pétursson,
hagsýslustjóri, í samtali við Þjóð-
viljann í gær að byggingin væri
alfarið utan fjárlaga. Eftir stend-
ur þá útvarpshúsið, þar sem
möguleiki er á að skera niður 24
miljónir á þessu ári. Engin svör
fást við því hvar taka eigi hinar
126 miljónirnar.
Samkvæmt yfírlýsingunni er
lífeyrissjóðunum ætlað að
„fullnægja fjárþörf íbúðalána-
kerfisins“ með kaupum á skulda-
bréfum og að auki eiga þeir að
kaupa skuldbreytingarbréf sem
útgerðinni var lofað í sömu yfir-
lýsingu. Ekkert samráð hefur
verið haft við lífeyrissjóðina sem
vegna fjárskorts hafa dregið úr
kaupum sínum hjá byggingasjóð-
unum þannig að í óefni stefnir hjá
Húsnæðisstofnun. ÁI
Sjá bls. 3
Forseti
Nýtt kjörtímabil
Igær sór frú Vigdís Finnboga-
dóttir forsetaeið fyrir annað
kjörtímabil sitt. Dagskráin í gær
hófst með því að gengið var til
kirkju klukkan 15.25.15.30 hófst
guðsþjónusta í Dómkirkjunni,
séra Olafur Skúlason flutti ræðu.
Áður var sunginn sálmur. Úr
kirkjunni gekk forsetinn ásamt
fylgdarliði til Alþingishúss. Þegar
þangað kom söng Dómkirkjukór-
inn „Land míns föður, landið
mitt“.
Því næst lýsti forseti Hæstarétt-
ar forsetakjöri og útgáfu kjör-
bréfs og mælti síðan fram eiðstaf-
inn, sem Frú Vigdís undirritaði.
Eftir að forseti íslands hafði
undirritað eiðstafinn, gekk hann
fyrir forseta Hæstaréttar, sem af-
henti honum kjörbréfið. Að því
loknu gekk Frú Vigdís út á svalir
Alþingishússins og minntist ætt-
jarðarinnar. Síðan flutti forseti
Islands ávarp, þar sem hann
minntist meðal annars fyrirrenn-
ara sinna. Að síðustu söng Dóm-
kirkjukórinn þjóðsöng íslend-
inga.
Mikill fjöldi manna var saman
kominn í gær til að fagna forseta
íslands, fyrir utan Alþingishúsið
og var Frú Vigdísi klappað óspart
er hún gekk fyrir mannfjöldann.
Ekki spillti fyrir, á þessum há-
tíðardegi, að eindæma veður-
blíða var í Reykjavík í gær.
Mikill fjöldi gesta var viðstadd-
ur athöfnina innandyra, inn-
lendir sem erlendir. Alþingis-
menn voru þar, klæddir kjól-
fötum, þ.e. flestir.
Steingrímur Hermannsson,
forsætisráðherra var ekki við-
staddur athöfnina en Halldór Ás-
grímsson, sjávarútvegsráðherra
var fulltrúi hans í gær.
HS
Frú Halldóra Eldjárn, fyrrverandi forsetafrú óskar hér Vigdísi til
hamingju, séra Ölafur Skúlason horfir á. Mynd - eik.
ÆM
Stigahlíðin
Bundnir þagnarskyldu
Skattalögreglan getur ekki tjáð sig um rannsókn einstakra mála
Við erum bundin þagnar-
skyldu“, sagði Guðmund-
ur Hannesson, fulltrúi hjá
rannsóknardeild Ríkisskatt-
stjóra, er ÞjóðvUjinn spurði
hvort skattalögreglan hefði kann-
að framtöl kaupenda að lóðunum
frægu við Stigahlíð. En margur
spyr, eðlilega, hvernig fólk, sem
hefur um eða innan við 300 þús-
und í tekjur á síðasta ári getur
fjárfest í miljónalóðum, svo sem
raunin er um helming lóðakaup-
enda. Fjórir þeirra eru tekju-
skattslausir með öllu.
Guðmundur sagði að starfs-
menn rannsóknardeildarinnar,
eða skattalögreglunnar, eins og
hún er oftast kölluð, gætu ekki
tjáð sig um rannsókn einstakra
mála, eða hvaða mál væru tekin
fyrir. Slíkt gerðist með ýmsu
móti, svo sem eftir ábendingum
frá skattstofum. Rannsóknar-
deildin tekur auk þess reglulega
„stikkprufur“ og rannsakar mál,
sem grunsamleg þykja.
Skattskráin segir ekki endilega
allan sannleikann um fjárfesting-
argetu fólks. Skýringar geta legið
í framtölunum. Guðmundur
kvað heimildir þeirra rannsókn-
armanna æði víðtækar, ef leita
þyrfti skýringa, sem ekki finnast í
framtölum. Þær gætu náð til bók-
halds fyrirtækja, kalla mætti til
þriðja aðila til þess að ná fram
upplýsingum og raunar væru
flestir aðilar skyldugir að veita
þeim upplýsingar.
Guðmundur sagði að engin
sérstök áhersla væri lögð á rann-
sóknir um það leyti sem skatt-
skráin kæmi út. Þessi mál væru í
athugun allt árið og á
rannsóknardeildinni vinna nú 17
manns, en sá fjöldi er dálítið
breytilegur. Áhugi almennings á
starfi þeirra skattlögreglumanna
hlýtur hins vegar að vera mestur
um það leyti sem skattskrá birtist
og menn fara að velta fyrir sér
spumingum, eins og t.d. Stiga-
hlíðardæminu.
jh