Þjóðviljinn - 07.09.1984, Blaðsíða 7

Undirrituðum telst svo til að
hátt í eitt hundrað ályktanir frá
samtökum bænda víðsvegar um
land hafí legið fyrír aðalfundi
Stéttarsambandsins. Ýmsar
þeirra sköruðust að sjálfsögðu
meira og minna. Var ærið verk
fyrir nefndir fundarins að vinna
úr þessum ályktunum öllum og
samræma þær. En þarna voru að
störfum þrautþjálfaðir og færir
félagsmálamenn, sem leystu þau
af höndum bæði fljótt og vel. Fara
hér á eftir nokkrar af ályktunum
aðalfundarins. Sumar hefur
blaðið þegar birt, aðrar bíða fær-
is.
Hraðari afgreiðsla
Aðalfundurinn... beinir því til
allra sláturleyfishafa að senda
framvegis skýrslur um slátur- og
heildsölukostnað til Fram-
leiðsluráðs nægilega snemma til
þess að Sexmanna-nefnd hafi
þessar upplýsingar fyrir verð-
lagningu hverju sinni. Fundurinn
telur nauðsyn að Framleiðsluráð
hafi forgöngu um að samræma
tölvutækar uppgjörsreglur slát-
urleyfishafa, enda er það ein af
forsendum þess að bændur fái
fullt grundvallarverð fyrir slátur-
fjárafurðir sínar.
Úttekt á Áburðar-
verksmiðjunni
Aðalfundurinn... beinir því til
l^1 mj
Pl; V
Ær'
Nokkur hluti fundarmanna og gesta á Stéttarsambandsfundinum útifyrir Menntaskólanum á Isafirði skömmu áður en búist var til heimferðar að
morgni sunnudagsins 2. sept. Mynd: JJD
Stéttarsambandsfundurinn
Unnið úr hundrað ályktunum
Protlaust starf í þrjá daga
landbúnaðarráðherra að hann
láti gera úttekt á fjárhags- og
rekstrarstöðu Áburðarverks-
miðjunnar og hvort ekki sé tíma-
bært að ríkissjóður létti af henni
fjármagnskostnaði. Ennfremur
er gerð sú krafa, að verksmiðjan
verðleggi áburðinn það snemma
að flutningur hans geti farið fram
áður en þungatakmarkanir eru
settar á vegi. Þá ítrekar fundur-
inn fyrri samþykkt að óhjá-
kvæmilegar breytingar á áburð-
arverði skuli gerðar jafn oft og
breytingar á verðlagsgrundvelli.
Riðuveiki
Aðalfundurinn... felur stjórn
Stéttarsambandsins að hefja nú
þegar viðræður við landbúnað-
arráðuneytið og sauðfjársjúk-
dómanefnd um mótun ákveðinn-
ar stefnu í baráttu við riðuveiki
með það að markmiði að veikinni
verði útrýmt.
Grœnfóðurrœkt
Aðalfundurinn... skorar á
landbúnaðarráðherra að beita
sér fyrir því að ekki verði skert
framlög til grænfóðurræktar þar
sem um verulegt kal er að ræða.
Tölvubúnaður
Aðalfundurinn... telur nauð-
synlegt að hin ýmsu félagssamtök
bænda vinni saman að uppbygg-
ingu tölvubúnaðar fyrir landbún-
aðinn og felur stjórn Stéttars-
ambandsins að hafa forgöngu um
það samstarf.
Búvörusala
Aðalfundurinn... telur að sala
og meðferð á framleiðsluvörum
bænda að smásölustigi eigi að
vera í höndum fyrirtækja þeirra
sjálfra, enda tryggi það best hag
framleiðenda og neytenda. Varar
fundurinn ákveðið við öllum til-
raunum til að rjúfa þá samstöðu
sem nú ríkir meðal bænda um
hagsmunamál stéttarinnar.
Bændur stjómi sölufyriitækjunum
Nokkrar ályktanir kjaramálanefndar
Kjaramálaályktun sú, sem
samþykkt var á aðalfundi Stétt-
arsambands bænda, var í nokkr-
um liðum, sem hver um sig má
teljast sjálfstæð ályktun. Hluta
þeirra hefur blaðið þegar birt en
hérkomahinar:
Sölukerfi
Landbúnaðarins
Aðalfundurinn... hvetur alla
bændur til að standa vörð um
sölukerfi landbúnaðarins. Fund-
urinn telur það eitt meginatriði í
kjarabaráttu bænda að þeir
stjórni áfram sem hingað til og
beri ábyrgð á þeim fyrirtækjum,
sem vinna úr og selja afurðir
þeirra. Fundurinn bendir á nauð-
syn þess að afurðasölukerfið sé
ávallt í stakk búið til að mæta nýj-
um þörfum og óskum neytenda
jafnframt því að skila fullu verði
til bænda.
Framleiðslu-
stjórnun
Aðalfundurinn... telur að
áfram beri að halda á braut fram-
leiðslustjómunar og að sú stjórn-
un eigi að ná til sem flestra þátta
búvöruframleiðslunnar. Slík
stjómun er forsenda þess að unnt
sé að fullnægja þörfum markað-
arins fyrir innlendar búvömr og
samtímis tryggja tekjujafnræði
bænda við aðrar stéttir. Fundur-
inn telur að jafnframt því sem
dregið er úr framleiðslu hefð-
bundinna búvara, þurfi að koma
til stóraukin uppbygging nýrra
búgreina og annarra atvinnutæki-
færa í sveitum landsins.
Búi við sömu kjör
og aðrir
Fundurinn... leggur áherslu á
að bændum séu búin sambærileg
kjör og öðmm stéttum þjóðfél-
agsins, bæði er varðar fjárhags-
lega afkomu og félagsleg réttindi
og telur engin rök fyrir því að
opinber stuðningur við landbún-
að á íslandi sé minni en í ná-
lægum löndum. Aðalfundurinn
vill því leggja áherslu á eftirfar-
andi atriði:
1. Afram verði haldið barátt-
unni við verðbólguna og þess
þannig freistað, að skapa gmnd-
völl fyrir heilbrigt atvinnulíf og
velmegun þjóðarinnar.
2. Stjómvöld sjái til þess, að
farið verði að lögum við sölu
landbúnaðarafurða og ekki verði
gerðar neinar breytingar á sölu-
fyrirkomulagi búvara án samráðs
við samtök bænda.
3. Ríkisstjórnin standi að fullu
við það samkomulag um afnám
söluskatts af búvélum og tækjum,
sem gert var sl. haust.
4. Mörkuð verði ákveðin
stefna í niðurgreiðslumálum og
haft verði samráð við samtök
bænda um mörkun slíkrar stefnu.
5. Tryggð verði afurðalán
vegna birgða landbúnaðarvara
og þau hækkuð þannig að unnt sé
að greiða bændum sem næst fullu
verði við afhendingu framleiðslu-
vöm.
6. Markvisst sé unnið að upp-
byggingu nýrra atvinnumögu-
leika í sveitum til að tryggja
tekjuöflun í stað þess samdráttar,
sem þegar hefur orðið og verða
kann í hefðbundinni búvöm-
framleiðslu.
7. Lánstími fjárfestingarlána
verði lengdur vemlega, lán til
kaupa á jörðum verði hækkuð og
Stofnlánadeild gert kleift að
sinna fjármagnsþörf nýbúgreina,
vinnslustöðva og að lána til
kaupa á fjölbreyttari tækjabún-
aði í landbúnaði en nú er.
8. Staðið verði að fullu við
skuldbindingar ríkisvaldsins um
fjármagn til forfailaþjónustu
landbúnaðarins.
-mhg
Afurða- og
rekstrarlán
Aðalfundurinn... mótmælir
þeim hugmyndum sem uppi em
um að færa afurða- og rekstrarlán
frá Seðlabankanum til viðskipta-
bankanna. Fundurinn telur hættu
á að slíkar breytingar á afurða-
lánakerfinu geti þrengt fjárhags-
stöðu hinna ýmsu fyrirtækja í
dreifbýlinu.
Mistök við
verðlagningu
Aðalfundurinn... lýsir undmn
sinni og óánægju yfir stórfelldri
vöntun verðs og vaxta á endan-
legu uppgjöri sauðfjárafurða frá
haustinu 1982. Samkvæmt uppg-
jöri 43 sláturleyfishafa var meðal-
vöntun verðs til sauðfjárbænda
9,5% af meðalgmndvallarverði,
eða alls 103 milj. kr.- Því skorar
fundurinn á sexmanna-nefnd að
sjá til þess að mistök við verð-
lagningu slátur- og heildsölu-
kostnaðar verði þessi ekki vald-
andi að slík verðvöntun endur-
taki sig.
UMSJÓN: MAGNÚS H. GÍSLASON
ÞJÓÐVILJINN - SÍÐA 7