Þjóðviljinn - 08.09.1984, Page 2

FRETTIR
Fönim einungis fram á leiöréttingu
Haraldur Steinþórsson: Félagar íBSRB hafa setið eftir.
Pað hefur komið fram hvað
eftir annað að undanförnu að
kaupgeta virðist lítið hafa
minnkað hér á landi þrátt fyrir
mikla lækkun á samningsbundn-
um launakjörum. Hins vegar er
það staðreynd að kaupmáttur
BSRB félaga hefur lækkað um 25
til 30 prósent frá upphafi þeirrar
stjórnar sem nú situr við völd.
Þegar haft er í huga að við erum
fimmtungur launafólks á íslandi,
sýnir þetta þá ekki að aðrir hafa
ekki einungis haldið sínum kaup-
mætti heldur beinlínis aukið
hann?
Þetta sagði Haraldur Stein-
þórsson, framkvæmdastjóri
BSRB, við Þjóðviljann í gær.
Haraldur sagði að athuganir á
breytingum á kaupmætti hjá
BSRB félögum sýndu að það
þyrfti 30 prósent kauphækkun til
að ná inn þeirri skerðingu sem
meðlimir í bandalaginu hefðu
mátt sæta umfram ýmsa aðra
hópa.
„Þetta sýnir einfaldlega að við
höfum setið eftir, við höfum ekki
fengið leiðréttingu á okkar
kjörum til samræmis við aðra
hópa. Við í BSRB tökum ekki
þátt í yfirborgunarkapphlaupinu
og getum það ekki. Það er hins
vegar staðreynd að víðtækar yfir-
borganir tíðkast og ekki óalgengt
að menn séu með um 25 prósent
ofan á taxta. Það er þessvegna
heldur furðuiegt að heyra ásak-
anir um að kröfur okkar um 30
prósent kauphækkun muni leiða
til þess að verðbólgan komist á
hættulegt stig, en halda því svo
fram á sama tíma að 5 prósent
samningsbundin kauphækkun
ofan á 25 prósent yfirborganir
ýmissa annarra hópa sé ekki
verðbólguhvetjandi. Ég á að
minnsta kosti erfitt með að sjá
rökin á bak við svoleiðis mál-
flutning“, sagði Haraldur.
Haraldur bætti því við, að með
Haraldur Steinþórsson: „Félagar í BSRB
hafa ekki fengið leiðréttingu á kjörum sínum
til samræmis við ýmsa aðra hópa“.
yfirborgunum væri raunar kom-
inn í ljós myndarlegur tekjustofn
fyrir Albert fjármálaráðherra og
bæjarstjórnir til að leggja á skatta
og útsvör „og þannig mætti áreið-
anlega mæta stærstum hluta af
kröfum okkar í BSRB, ef þau
bara fengjust til að skattleggja
þetta“.
- Hvað vlltu segja um ásakanir
ráðherra og atvinnurekenda um
að kröfur ykkar muni valda svim-
hárri verðbólgu?
„Það er alveg rétt að það hefur
verið deilt á okkur fyrir kröfuna
um 30 prósent kauphækkun og
sagt að hún muni valda 60 til 80
prósent verðbólgu. Þetta er hins
vegar hreinn uppspuni. Það gæti
ef tilvill gerst ef allt annað launa-
fólk fengi 30 prósent kauphækk-
un ofan á núverandi kaup sitt - og
þá meina ég með yfirborgunum
og tilheyrandi álögum - og
gengisfelling síðan framkvæmd,
til viðbótar við nýjustu ki-
skerðingu stjórnarinnar - vaxta-
hækkunina. En þá væri það líka
orðin pólitísk verðbólga, sem
ekki væri á neinn hátt hægt að
skrifa á kostnað BSRB.
Menn verða að gera sér grein
fyrir því að við í BSRB höfum
dregist verulega aftur úr öðrum
hópum og kröfur okkar miða að
því einu að bæta úr því. Þær eru
fyrst og síðast kröfur um leiðrétt-
ingu“.
- Fara félagar í BSRB í verk-
fall?
„Það vill enginn fara í verkfall
nema í ýtrustu neyð. Nú er hins
vegar svo komið að mælirinn er
fullur hjá okkar félögum. Mér
heyrist að það sé mjög hart hljóð í
fólki um þessar mundir. Verkfall
myndi auðvitað verða erfitt fyrir
fólk en staðreyndin er sú að
pyngja BSRB félaga er tæmd - og
menn gera ekki mikinn mun á
tómri eða galtómri buddu!!“.
-ÖS
Húsavík
VSI stoppar
samninga
Verkfall boðað ísláturhúsum.
Bann við bónusvinnu ífiskvinnslu.
Eg held það sé alveg pottþétt að
það væri búið að semja eða
samningar væru komnir vel á
veg, ef Vinnuveitendasambandið
fyrir sunnán hefði ekki stoppað
þá, sagði einn af forsvarsmönn-
um Verkalýðsfélags Húsavíkur í
samtali við blaðið í gær.
Til að leggja áherslu á kröfur
sínar hefur verkalýðsfélagið nú
sarnþykkt að banna yfirvinnu frá
og með þarnæsta mánudegi á öllu
félagssvæðinu, jafnframt bann
við bónusvinnu í fiskvinnslu, og
algert verkfall í sauðfjárslátrun.
Það þýðir í raun að sláturtíð mun
ekki hefjast fyrr en eftir samn-
inga. Einsog Þjóðviljinn greindi
frá í gær hefur einnig verið boðað
algert verkfall í sláturhúsum á
Suðurlandi.
Samkvæmt heimildum Þjóð-
viljans voru samningaviðræður
milli Verkalýðsfélagsins og at-
vinnurekenda á Húsavík komnar
vel á veg, þegar VSÍ greip í
taumana. Til að mynda var búið
að komast að samkomulagi um
að bónus í fiskvinnslu skyldi mið-
aður við dagvinnutekjutrygging-
una en ekki við taxta undir henni
einsog tíðkast í dag. Þessu átti að
ná í áföngum og verða lokið í
Torghöllin
Uppboði
frestað
Ekkert varð af uppboði á
eignarhluta Kristjáns Knútssonar
í Hafnarstræti 20 sem auglýst var
s.l. fimmtudag. Að sögn Jónasar
Gústafssonar borgarfógeta kom
upp ágreiningsatriði sem skera
þarf úr um áður en til uppboðs
kemur, og var uppboðinu frestað
um nokkrar vikur.
maí-júní á næsta ári. Þess má geta
að yfirvinna og næturvinna er nú
þegar miðað við dagvinnutekju-
trygginguna á Húsavík gagnstætt
því sem almennt tíðkast í fisk-
vinnslu.
Jafnframt var búið að ná
samkomulagi um góðar launa-
hækkanir þegar VSÍ tók í
taumana. Samningamenn á
þeirra vegum eru væntanlegir til
Húsavíkur í næstu viku.
-ÖS
Á sunnudagskvöldið lýkur sýningunni í Laugardalshöllinni, Fjölskyldan og heimilið. Að sögn Halldórs Guðmunds-
sonar blaðafulltrúa höfðu um 55.000 manns komið á sýninguna á fimmtudagskvöldið og er búist við að tala
sýningargesta í lokin verði komin upp í um 80.000 manns.
Ríkisstjórnin
Meiri niðurskurður
Framtíðarsinfónían ófullgerð hjástjórnarflokkunum, en „ný sókn“
byggist á minni samneyslu og hrörnandi lífskjörum almennings
Steingrímur Hermannsson og
Þorsteinn Pálsson gáfu sér í
gær nokkra stund milli fjárlagast-
ríða til að kynna blaðamönnum
„samkomuiag stjórnarflokkanna
um aðgerðir í efnahags- og at-
vinnumálum og um breytingar á
stjórnkerfi“. Þár kom fram að
stefnan á næsta ári er að fella
gengið ekki meira en 5% lækka
verðbólgu niðrí 10% lækka er-
lendar skuldir úr 62 í 61% af
þjóðarframleiðslu, banna verðt-
ryggingu á laun áfram, hafa ríkis-
sjóð ,rsem næst án rekstrarhalla“
og hækka kaupið ekki nema um
5%.
Forsætisráðherra sagði meðal
undirróta þessara áforma að við-
skiptahallinn væri meiri en
stjórnin ráðgerði og að hún hefði
ekki haft þau tök á peningamál-
um sem ætlað var. Svigrúm til
lántöku erlendis umfram afborg-
anir er talið einungis 2700
milljónir og taldi Þorsteinn Páls-
son að skera yrði verulega niður
útgjöld ríkisins og eínkaneyslu.
Akvörðun um hvað á að skera
niður hefur ekki verið tekin og
heldur ekki hvort skattar hætta á
næsta ári.
Hinsvegar á að leggja tekju-
skatt niður í áföngum á laun
undir 21 - 22 þúsund en á móti
kemur annar skattur eða skattar
sem ekki hefur verið samið um
enn („skattlagning eyðslu“).
Virðisaukaskatt á að taka upp til
að styrkja útflutningsatvinnu-
vegi.
Nefnd hefur verið skipuð til að
fækka ríkisbönkum. Fyrirtæki
eiga að fá heimild til beinnar lán-
töku erlendis án ríkisábyrgðar.
Uppstokkun • sjóðakerfisins
felst í stofnun þriggja nýrra sjóða
sem taka við hlutverki annarra
sem fyrir eru. Nánari tilhögun
ekki ákveðin, en þessir sjóðir
eiga að vera undir stjóm og
ábyrgð „atvinnulífsins“ með
milligöngu bankanna og eiga þeir
að hafa arðsemi að Ieiðarljósi.
Stjórnarflokkarnir urðu ekki
sammála um að leggja nióur
Framkvæmdastofnun. Þeir ætla
að gera „tillögur um breytingar á
iögum og verkefnum" stofnunar-
innar, en stofna á sjálfstæða
byggðastofnun, og til nýsköpun-
ar í atvinnulífinu á að stofna Þró-
unarfélag með þátttöku fyrir-
tækja og einstaklinga. Til þessa
verkefnis á að verja 500
milljónum króna næsta ár af þeim
2700 milljónum sem taka á að
láni að utan. Stofna á fyrirtæki
kringum eignir rikis í atyinnulífi.
Ríkisstjómin ætlar að endur-
greiða uppsafnaðan söluskatt í
rekstrargjöldum fiskveiða og
-vinnslu frá næstu áramótum, um
400 milljónir króna, og á þessi
endurgreiðsla að koma í stað
gengisfellingar til bjargar sjávar-
útvegi. Síðan er ætlunin að end-
urskoða sjóðakerfi sjávarútvegs,
ölíuverð, ýmsar álögur og gjöld.
Landbúnaðarframleiðsla skal
aðlöguð að innanlandsneyslu og
með ýmsum hætti dregið úr fram-
leiðslu á hefðbundnum búvörum.
Verðlagningu landbúnaðaraf-
urða á að haga þannig að verð til
bænda sé ákveðið óháð verði til
vinnslustöðva, og á lokaverð að
sögn forsætisráðherra að „ákveð-
ast einsog fært er af markaðsað-
stæðum".
Formennimir voru á blaða-
mannafundinum í gær spurðir
hvort til stæði að bæta launþegum
þá skerðingu sem þeir hafa orðið
fyrir og eiga að verða fyrir á næsta
ári. Steingrímur sagðist ekki
kunna neina leið til að auka
kaupmátt nema að ná hagvextin-
um upp. „Ég hef mikla trú á ís-
lendingum“ sagði ráðherrann.
Þorsteinn sagði að forsenda nýrr-
ar sóknar í atvinnumálum væri að
halda verðbólgunni niðri og verð-
laginu stöðugu. Þorsteinn sagði
að ríkisstjómin veitti fyrirtækj-
unum strangt aðhald með strang-
ri gengisstefnu: „Við leggjum
þungar byrðar á fyrirtækin“. _ m