Þjóðviljinn - 18.09.1985, Blaðsíða 2

FRÉTTIR
Jarðrask
Munu bæta úr tjóninu
Landspjöll í Hvolshreppi.
Sýslumaður: Ungmennin munu bæta spjöllin eins og hœgt er.
Tillit tekið tilþess við ákvörðun refsingar
að má segja að búið sé að
komast að því samkomulagi
að viðkomandi aðilar sem unnu
spjöllin á þessu landi bæti úr þeim
eins og hægt er, sagði Böðvar
Bragason sýslumaður Rangár-
vallasýslu í samtali við blaðið, en
um helgina bar það til að 7 ung-
menni óku jeppabifreiðum upp á
hálendi í Hvolshreppi og skildu
eftir sig mikið jarðrask og
skemmdir á landinu.
„Þetta er ekki refsing sem
slík,“ sagði Böðvar, „en þetta
hefur verið gert áður, til dæmis í
Þórsmörk, og hefur gefið mjög
góða raun. Menn læra þá að bera
virðingu fyrir landinu og komast í
skilning um það hversu mikið
tjón þeir vinna á því. Venjuleg
viðurlög eru oftast sektir en ég
held að slíkt hafi lítil áhrif. Það er
opinberra aðila að ákveða laga-
legu refsinguna við þessu, en þeg-
ar menn bæta eftir megni úr því
sem skemmt hefur verið, þá er
tekið tillit til þess við ákvörðun
refsingar og síðan metið til máls-
Landbúnaðurinn
Opinber
rannsókn
Kjördæmisþing Al-
þýðuflokksins í
Reykjavík: Vill opin-
bera rannsókn á verð-
myndun og kostnaði
á aðföngum og afurð-
um landbúnaðarins.
Kjördæmisþingið bendir á, að
risavaxnir styrkir og niður-
greiðslur ríkisins til landbúnaðar
séu í andstöðu við heildar-
hagsmuni þjóðarinnar. Kjör-
dæmisþingið leggur til að Alþýð-
uflokkurinn marki skýra stefnu,
sem miði að því að draga skipu-
lega úr þessum styrkveitingum
þannig að þeim verði að fullu
hætt eftir 5 ár.
í dag er svo komið að til við-
bótar við framlög af skattfé
landsmanna, ræða stjórnarflokk-
arnir nú um að taka 600 mill. kr.
erlent lán til þess, sem kallast
„greiðslur til bænda.“
Á stofnfundi Landssambands
sauðfjárbænda komu fram upp-
lýsingar, sem benda til að mjög
verulegur hluti þessara miklu
fjárupphæða nýtist hvorki
neytendum eða bændum, heldur
hafni sjálfkrafa í afætukerfi SÍS.
Því samþykkir kjördæmisþing
Alþýðuflokksins að óska eftir því
við þingmenn flokksins, að þeir
flytji tillögu á Alþingi um að það
skipi opinbera rannsóknarnefnd,
sem rannsaki verðmyndun og
kostnaðarþætti á aðföngum og
afurðum landbúnaðarins.
Sœnsklíslensk/sænsk
Minnisvarðinn afhjúpaður í gær. Ljósm. Sig.
Mosfellssveit
Skólastjórahjónunum
reistur minnisvarði
kólastjórahjónunum
Kristínu Magnúsdóttur og
Lárusi Halldórssyni hefur ver-
ið reistur minnisvarði í Mos-
fellssveit og var hann afhjúp-
aður í gær. Sonur þeirra
Ragnar Lár teiknaði minnis-
varðann og hannaði.
Sú hugmynd kom upp við
útför Lárusar Halldórssonar,
að stofna sjóð í því að skyni að
heiðra minningu þessara
hjóna. Sjóðnum bárust fram-
lög frá fyrsta degi og allt til
síðustu mánaðamóta, en
sjóðsstjórnin samþykkti síðan
að reisa minnisvarðann á
skólasvæðinu að Varmá. Á
annað hundrað manns hvaða-
næva af landinu lögðu til fé í
sjóðinn og sveitarstjórn Mos-
fellshrepps veitti framtakinu
góðan stuðning.
Lárus var skólastjóri í nær
hálfa öld og vann ásamt konu
sinni dugmikið félagsstarf.
gg
Ný vasa-
oröabók
Orðabókaútgáfan hefur sent
frá sér nýja vasaorðabók, Sænsk-
íslensk og íslensk-sænsk vasaorð-
abók eftir Sigrúnu Helgadóttur
Hallbeck og Erik Hallbeck. í orð-
abókinni, sem er í tveimur bind-
um og 790 bls, er að finna þýðing-
ar á um 9000 sænskum orðum og
um 6000 íslenskum. Orðavalið
hefur miðast við að bókin geti
komið að notum fyrir byrjendur í
sænsku og íslensku, en auk þes
fyrir íslenska ferðamenn í Sví-
þjóð og Svía sem ferðast til ís-
lands.
Stutt ágrip af sænskri málfræði
fyrir íslenska notendur fylgir og
framburðarreglur í sænsku og ís-
lensku eru í bókinni.
Yfirlitið yfir algengar tegundir
jurta, fiska og fugla í báðum
löndunum ætti að geta komið að
notum fyrir ferðamenn og aðra
náttúruunnendur.
Spánn
Opinbeiri heimsókn
Vigdísar lýkur í dag
Vigdís las úr Blóðbrullaupi Lorca í konungsveislu.
Heldur til Hollands í aðra opinbera heimsókn
Spánverjar hafa tekið á móti
forseta íslands með mikilli
viðhöfn, en í dag lýkur opinberri
heimsókn forsetans til Spánar. ís-
lenskir fánar blakta víða við hún í
Madrid, en þar býr forsetinn í E1
Pardohöll ásamt fylgdarliði sínu,
Geir Hallgrímssyni utanríkisráð-
herra og fleirum.
Mikil veisla var haldin til
heiðurs forsetanum í Madrid og
flutti Vigdís þá ræðu og las m.a.
kafla úr hinni rómuðu þýðingu
Magnúsar Ásgeirssonar á Vöggu-
þulu úr Blóðbrúðkaupi spænska
skáldsins Garcia Lorca. Þá færði
forsetinn Spánarkonungi, Juan
Carlosi og konu hans gjafir og tók
við gjöfum þeirra. Mikið hefur
verið fjallað um heimsókn forset-
ans í blöðum og öðrum fjölmiðl-
um á Spáni. Þá hefur verið fjallað
um viðskipti þjóðanna, saítfisk-
sölu íslendinga og rauðvínssölu
Spánverja á íslandi. Vigdís Finn-
bogadóttir fer til Hollands í opin-
bera heimsókn að lokinni
heimsókninni til Spánar.
þs
Nýjustu tillögur: andrúms-
loftsskattur eftir þanþoli
lungna.
Aparheid
Spor
í áttina
Mikligarður er farinn að aug-
lýsa í útvarpinu: „Við seljum am-
erískar appelsínur.“ Þetta er það
sama og verslanir eru farnar að
gera í Svíþjóð til þess að stuðla að
því að fólk kaupi síður S-afrískar
vörur, eins og kom fram í leiðara-
opnu Þjóðviljans um helgina.
Æskulýðsfylkingin hefur undan-
farið beðið verslunarstjóra um að
selja frekar vörur frá öðrum
löndum en S-Afríku.
„Þetta er spor í áttina, en við
verðum ekki ánægð fyrr en versl-
anir fara að auglýsa: „Við seljum
ekki s-afrískar vörur“,“ sagði
Hrannar B. Arnarson formaður
ÆF í Reykjavík. SA
Flugleiðir
Miklar stöðu-
tilfærslur
í frétt frá Flugleiðum segir að
nokkrar breytingar og stöðutil-
færslur hafi verið ákveðnar og
komi til framkvæmda á næst-
unni.
Hans Indriðason lætur af starfi
sem forstöðumaður norðursvæð-
is, og tekur við stöðu hótelstjóra
á Hótel Esju í stað Einars Ol-
geirssonar sem tekur við hótel-
stjórn á Hótel Loftleiðum. Emil
Guðmundsson sem þar var fyrir
flytur til Danmerkur og verður
svæðisstjóri Flugleiða þar. Vil-
hjálmur Guðmundsson sem nú
gegnir því starfi flytur heim og
verður forstöðumaður norður-
svæðis. Bretlandsdeild mun nú
heyra undir Einar Helgason for-
stöðumann flutningadeildar. Þá
mun viðskiptaþjónustudeild
framvegis tilheyra fargjalda- og
áætlunardeild félagsins sem Gylfi
Sigurlinnason veitir forstöðu.
Sveinn Sæmundsson tekur við
starfi sölustjóra innanlandsflugs,
en kynningadeild og fréttadeild
verða sameinaðar í eina deild
sem Sæmundur Guðvinsson
veitir forstöðu.
Sagnaritun
Mannuóar-
starf í 25 ár
Styrktarfélag vangefinna var
stofnað árið 1958. í sumar hafa
þær Sigríður Thorlacíus og Sig-
ríður Ingimarsdóttir unnið að því
að skrá sögu félagsins fyrstu 25
árin eða til ársins 1983.
Þær nöfnur hafa nú gengið frá
handritinu en ekki hefur verið
ákveðið hvernig að útgáfunni
verður staðið. Stjórn félagsins
beinir þeim tilmælum til gamalla
félaga að þeir hugi að ljósmynd-
um frá starfi félagsins fyrstu árin.
Eigi einhverjir gamlar ljósmyndir
eða geta gefið upplýsingar um
þær, eru þeir vinsamlega beðnir
að hafa samband við skrifstofu
félagsins. - mhg
2 SÍÐA - ÞJÓÐVILJINN