Þjóðviljinn - 27.09.1985, Blaðsíða 14

VIÐHORF
Ný fiskveiðistefna -
eða áframhaldandi ofveiði
Skúli Alexandersson skrifar
Snögg viðbrögð við fréttum
Þjóðviljans 13. og 14. þ.m., af
tillögum mínum um breyttar og
nýjar leiðir í stjórn bolfiskveiða
komu mér nokkuð á óvart en eru
mér um leið ánægjuefni.
Það kom mér á óvart að menn
þyrftu að flýta sér við það að
koma á framfæri jafn neikvæðum
og órökstuddum umsögnum um
tillögurnar og Hjörleifur Gutt-
ormsson lét hafa eftir sér í viðtali í
Þjóðviljanum daginn eftir að
fyrri fréttin birtist og Hörður
Bergmann í grein í Þjóðviljanum
17. þ.m.
Hitt er mér ánægjuefni að til-
lögurnar skuli hafa komið af stað
svo snöggri umræðu, til þess voru
þær ætlaðar.
Símaviðtöl úr öllum landshlut-
um hafa reyndar upplýst mig um
allt aðrar undirtektir og jákvæð-
ari en þeirra Harðar og Hjörleifs.
Ég þakka allar upphringingarnar
— haldið því áfram. Þeir sem
gagnrýna vilja tillögurnar ættu
líka að lofa mér að heyra í sér.
Pá er
það Hjörleifur
Hann segist vera „í hópi þeirra
sem telja lagfæringa þörf á núver-
andi stjórnun fiskveiða" og telur
„nauðsynlegt að menn átti sig á því
hvað skuli taka við áður en þeir
hrópa af núverandi fiskveiði-
stjórnun í heild sinni.“
Við Hjörleifur erum sem sagt
sammála um það að breyta þurfi til
og laga þurfi núverandi stjórn fisk-
veiða. Það sem skilur á milli okkar
er það að ég legg fram tillögur um
það hvað skuli taka við áður en við
„hrópum af“ núverandi kerfi —
Hjörleifur ekki.
Þá er haft eftir Hjörleifi í nefndu
viðtali:
„Ég hygg, að útvegsmenn
nyrðra og eystra muni hugsa sig
vel um áður en þeir taka undir
kröfur Vestfirðinga og fleiri um
grundvallarbreytingar á núver-
andi stjórnun, eins og Skúli Alex-
andersson er að viðra í sínum hug-
myndum og kjördæmisráð Fram-
sóknarflokksins á Vestfjörðum
setti fram kröfur um.“
Ég get ekki ætlað Hjörleifi það,
að hann hafi ekki lesið tillögur
mínar, en engu er það líkara út frá
þeim samjöfnuði, sem hann gerir.
Fram komnar hugmyndir mínar
voru ekki í neinum tengslum við
samþykktir kjördæmisráðs Fram-
sóknarflokksins. Það mætti kanns-
ki segja að Framsóknarmenn á
Vestfjörðum vilji „hrópa aP‘ nú-
verandi fiskveiðistjórn án þess að
koma með tillögur um hvað skuli
taka við — þau framsóknarvinnu-
brögð hefi ég ekki tileinkað mér —
ekki heldur þau vinnubrögð að ýta
undir landshlutaríg með því að
láta í það skína að afstaða manna
til fiskveiðimála sé bundin búsetu.
Þingflokkur Alþýðubandalags-
ins gerði á fundi sínum 9.—10.
Símaviðtöl úr
öllum landshlutum
hafa reyndar upp-
lýstmigum allt
aðrar undirtektir
og jákvæðari en
þeirra Harðar og
Hjörleifs - ég
þakka ykkur allar
hringingarnar
júlí sl. svohljóðandi samþykkt um
stjórn bolfiskveiða:
„Stjórn bolfiskveiða verði
endurskoðuð með það fyrir
augum sérstaklega að auka gæði
og bæta nýtingu aflans.“
Þetta var ný stefnumörkun hjá
þingflokknum — og að mínu mati
mjög góð og tímabær. Ég hefi ver-
ið að leita svara við þeirri spurn-
ingu hvernig vinna skuli að því „að
auka gæði og bæta nýtingu
aflans". Tillögurnar eru mitt svar
og því í beinum tengslum við
markaða stefnu þingflokks Alþýð-
ubandalagsins.
Pá Hörður
Hjá Herði er af mörgu að taka
og því miður kemur víða fram
„einföldun" á hlutunum í grein
hans. í lok greinarinnar ræðir
hann um sættanleg markmið og
ósættanleg. Þar segir m.a.:
„Markmið, sem erfitt er að
sætta, eru iðulega sett fram í sam-
bandi við fiskveiðistefnuna. Menn
ætla bæði að koma í veg fyrir of-
veiði, halda uppi fullri atvinnu og
auka útflutningsverðmæti sjávara-
furða. Raunar sé ég ekki betur en
slíkir annmarkar séu einmitt á
þeim markmiðum sem Þjóðviljinn
segir Skúla Alexandersson hafa
með tillögum sínum um fisk-
veiðistjórnun, þar er talað um „ ...
að tryggja og stórauka atvinnu—
og félagsleg réttindi fiskimanna og
fiskvinnslufólks" og „ ... að koma í
veg fyrir ofveiði".
Það liggur í augum uppi að ein
meginforsenda þess að unnt verði
að auka atvinnu og bæta kjör
þeirra, sem veiða fisk og vinna
hann, er fólgin í því að byggja
fiskistofnana upp — hugsa til
framtíðar. Til þess að svo megi
verða þarf að draga úr sókn í bili
— og þar með vinnu við fiskveiðar
ogfiskvinnslu. A.m.k. þurfum við
að vera við því búin.“
Hér er ýmislegt við að athuga.
Það liggur ekki í augum uppi að
það sé nægilegt til þess að auka
atvinnu og bæta kjör — ekki
kannski aðeins sjómanna og fisk-
vinnslufólks að byggja fiskistofn-
ana upp.
Við höfum takmarkað gagn af
þeim fiski sem er skemmdur við
veiðar og í vinnslu. Það verður
ekki búbót fyrir okkur þótt við vi-
tum af fiski í sjónum en getum
ekki veitt hann, vegna þess að of
fáir fáist til þess að veiða hann og
vinna.
14 SÍÐA - ÞJÓÐVILJINN
Staðreyndin er sú að enginn
einn þessara þátta er meginfor-
senda. Þeir verða ekki lengur að-
skildir — eins og gert er með nú-
verandi stjórn fiskveiða.
Ég legg til að með nýrri fisk-
veiðistefnu verði reynt að ná
þremur aðalmarkmiðum — en
þau eru
1. Atvinnu- og félagsleg réttindi
fiskimanna og fiskvinnslufólks
verði tryggð og stóraukin frá
því sem nú er.
2. Sókn í fiskistofna verði tak-
mörkuð og skipulögð til þess að
koma í veg fyrir ofveiði og til að
stuðla að góðri nýtingu afla -
fangstilatvinnuöryggis og verð-
mæta.
3. Stefnt verði að hámarksgæðum
á afla jafnt á veiðum sem á
vinnslu.
Þetta eru mjög vel sættanleg
markmið.
Aðrir þættir tillagna minna eru
framkvæmdaatriði til að ná þess-
um markmiðum. Þar verður að
vera um margháttaðan sveigjan-
leika að ræða. Þar geta ýmsar aðr-
ar leiðir verið góðar, nema sú leið
sem nú er farin, hún takmarkar
ekki einu sinni aflasóknina.
Þetta að lokum:
I. Ofveiði=Öflug sókn, sem
gengur of nærri fiskistofn-
um. Það þarf að koma í
veg fyrir slíkt. Allir eru
sammála um það.
II. Ofveiði=ÓskipuIeg sókn sem
skilar lélegu hráefni að
landi. Afli eyðileggst í fisk-
verkunarstöðvum. Starfs-
fólk hverfur frá atvinnu-
greininni vegna skipulags-
Ieysis sem veldur vinnu-
þrældómi, eyðileggingu
hátíða og helgidaga
atvinnuleysi.
Á ekki að horfa yfir allt sviðið
og leita úrbóta?
Skúli Alexandcrsson.
ÆSKULÝÐSFYLKINGIN
Landsþing ÆFAB
í Ölfusborgum
Landsþing ÆFAB verður nú um helgina í Ölfusborgum við Hvera-
gerði. Þingið er opið öllum félögum Æskulýðsfylkingarinnar. Gist
verður í húsum verkalýðsfélaganna og fundað í félagsheimili þeirra
á staðnum. Farið verður með rútu frá BSÍ, stefnt er að því að sem
flestir taki rútu kl. 18.00 en hins vegar eru rútuferðir frá sama stað
sama kvöld kl. 20.00 og 23.30. Landsþingsskattur verður 800.00
kr. og er innifalið í því matur á laugardagskvöldið ásamt gistingu og
fleira. Þátttakendur verða að hafa einhvern mat með sér sjálfir.
Æskulýðsfylkingin hvetur alla félaga til að koma og taka þátt í
stefnumótun hreyfingarinnar. Bráðnauðsynlegt er vegna undir-
búningsins aö félagar láti skrá sig á þingið. Skrifstofan er opin frá
kl. 10.00 til 18.00 að Hverfisgötu 105, sími 17500.
Dagskrá þingsins
Föstudaginn 27.
18.00 Rúta frá BSÍ
20.00 Þingið sett og skipan starfsmanna
Skýrsla stjórnar
Reikningar lagðir fram
- umræður -
Lagabreytingar
- umræður -
Framsögur: Stefnuplagg um áhersluatriði ungs fólks
Stefnuplagg um utanríkismál.
- umræður -
23.00 Fundi frestað
Laugardaginn 28.
10.00 Nefndarstörf
15.00 Afgreiðsla lagabreytinga
16.00 Umræður um Alþýðubandalagið,
hvar stöndum við? - hvert stefnum við?
21.00 Kvöldbæn að hætti Fylkingarfélaga
Sunnudaginn 29.
13.00 Niðurstöður nefnda kynntar
Umræður og afgreiðsla
Kosningar
Internationalinn
Þingslit
ALÞÝÐUBANDALAGIÐ
Alþýðubandalagið
Miðstjórnarfundur
Miðstjórn Alþýðubandalagsins er boðuð til fundar í Reykjavík 5.-6.
október.
Fundurinn verður að Hverfisgötu 105 og hefst hann laugardaginn
5. október kl. 10.00 árdegis.
Áætlað er að fundinum Ijúki um kl. 16 sunnudaginn 6. október.
Dagskrá fundarins verður:
1. Utanríkismál:
Frummælendur: Alþingismennirnir Guðrún Helgadóttir og
Hjörleifur Guttormsson.
2. Alþýðubandalagið - Starfshættir og starfsstíll. ,
Frummælendur: Svavar Gestsson og Kristín A. Olafsdóttir.
í hádeginu á laugardag
verður léttur hádegisverður í
flokksmiðstöð.
Þá mun Neo Mnumzana for-
maður nefndar Afriska Þjóð-
arráðsins (African National
Congress, ANC) hjá Sam-
einuðu þjóðunum ávarpa
fundarmenn. En hann verð-
ur staddur hér á landi þessa
daga í boði Alþýðubanda-
lagsins og nokkurra annarra
félagasamtaka til að kynna
ástandið í Suður-Afríku.
Miðstjórnarmenn eru hvattir
til að sækja þennan fund
miðstjórnarinnar en tilkynna
skrifstofu um forföll.
Framkvæmdastjórn
Alþýðubandalagsins
Miðstjórnarfundur AB
Miðstjórn Alþýðubandalagsins kemur saman til fundar dagana
4.-6. október að Hverfisgötu 105. Þar verður rætt um undirbúning
landsfundar, stöðu flokksins og utanríkismál. Dagskrá nánar aug-
lýst síðar.