Þjóðviljinn - 19.10.1985, Side 14

ALÞÝÐUBANDALAGIÐ
AB Norðurlandi eystra
Kjördæmisþing Alþýðubandalagsins í Norðurlandi eystra verður haldið
dagana 19.-20. október í orlofshúsum verklýðsfélaganna að lllugastöðum í
Fnjóskadal.
Dagskrá laugardaginn 19. október: 13.00 þingsetning. Venjuleg aðalfund-
arstörf Adda Bára Sigfúsdóttir segir frá frumvarpi Alexanders um sveitar-
stjórnarlög og þeirri umræðu og umfjöllun sem það hefur fengið í Alþýðu-
bandalaginu. Jón Björnsson félagsmálastjóri Akureyri fjallar um félagslega
þjónustu sveitarfélaga, Finnbogi Jónsson fjallar um atvinnumál, m.t.t. þátt-
töku sveitarfélaga, Jóhannes Sigfússon oddviti ræðir sérstöðu minni
sveitarfélaga. Fyrirspurnir og umræður verða að framsögum loknum.
Starfshópar. Að loknu dagsverki verður kvöldvaka sem hefst með sam-
eiginlegu borðhaldi.
Sunnudagurinn 20.: Hópar starfa til hádegis. Skila af sér eftir málsverð.
Þá verður tekið til við almenna stjórnmálaumræðu og mun Steingrímur J.
Sigfússon hefja umræðuna. Ragnar Arnalds heimsækir þingið á sunnu-
dag. Þingslit áætluð kl. 1700. Með kærri kveðju og von um að sjást á
lllugastöðum. Stjórn kjördæmisraösins
Rádstefna um
Framhaldsskólann
verður haldin laugardaginn 19. október n.k. kl. 10-17 að Hverfisgötu
105, Reykjavík.
Ráðstefnan er liður í stefnumótun Alþýðubandalagsins um framhalds-
menntun.
Dagskrá:
Kl. 10-12 Skólamálahópur AB kynnir hugmyndagrunn að:
markmiðum og
námsskipan,
stjórnun og
fjármögnun
framhaldsskóla.
Fyrirspurnir og
almennar umræður.
Léttur hádegisverður á staðnum.
Kl. 13-17 Starfshópar ræða hugmynda-
grunninn.
Kaffihlé.
Niðurstöður hópa.
Næstu skref ákveðin.
Ráðstefnan er opin öllu stuðningsfólki Alþýðubandalagsins. Til þess að
auðvelda undirbúning eru væntanlegir þátttakendur vinsamlegast hvattir til
að skrá sig á skrifstofu AB í síma: 1 75 00.
Skólamálahópur AB
AB Norðurlandi eystra
Húsvíkingar - Þingeyingar
Almennur stjórnmálafundur verður haldinn í Félagsheimili Húsa-
víkur sunnudaginn 20. október kl. 20.30. Alþingismennirnir
Steingrímur J. Sigfússon og Ragnar Arnalds ræða
stjórnmálaviðhorfið, sjávarútvegsmál, landbúnaðarmál o.fl. Allir
velkomnir. Alþýðubandalagið
Kjördæmisráð Vesturlands
Aðalfundur kjördæmisráðs Vesturlands verður haldinn sunnudaginn 27.
október í Röðli í Borgarnesi. Fundurinn hefst kl. 13.30.
Dagskrá: 1. Venjuleg aðalfundarstörf. 2. önnur mál. - Kjördæmisráð
Ab Seltjarnanesi
Aðalfundur
Aðalfundur Alþýðubandalagsins á Seltjarnarnesi verður haldinn í Tónlistar-
skólanum, laugardaginn 19. okt. kl. 14.00.
Dagskrá:
1) Venjuleg aðalfundarstörf.
2) Guðrún Þorbergsdóttir bæjarfulltrúi ræðir bæjarmálin.
3) Hilmar Ingólfsson form. Kjördæmisráðs gestur fundarins flytur ávarp.
Félagar fjölmennið.
Stjórnin.
AB í Neskaupstað
Bæjarmálaráð
er boðað til fundar miðvikudaginn 23. október kl. 20.30. Á dagskrá eru
bæjarmál og önnur mál. - Stjórnin.
ÆSKULÝÐSFYLKINGIN
Kaffihús 21. október
Hverfisgötu 105.
Miðameríka
Torfi Hjartarson ræðir þróunina í Nicaragua eftir byltingu og sýnir myndir.
Hólmfríður Garðarsdóttir segir frá tveggja og hálfs árs dvöl sinni í Costa
Tónlist, pólitík, myndefni. Húsið opnað kl. 14.00. Láttu sjá þig. - ÆFR
Skuldakreppa Rómönsku Ameríku
Fundur nk. miðvikudag, 23. október.
f Rómönsku Ameríku er 23. október helgaður baráttunni gegn efnahags-
skipan alþjóðlegs bankaveldis og kröfunni um að neita að greiða erlendar
skuldir. Afborgun af vöxtum einum saman er að ganga af efnahag þessara
þjóða dauðum. Því boða Vináttufélag íslands og Kúbu (VÍK), El Salvardor-
nefndin og utanríkismálanefnd Æskulýðsfylkingar Alþýðubandalagsins til
fundar um þetta efni mi&vikudaginn 23. október kl. 20.30 að Hverfisgötu
105. Þar flytur Gylfi Páll Hersir erindi um skuldakreppu Rómönsku Amer-
íku, en auk þess verður sagt frá ástandi mála á Kúbu og í El Salvador. Þá
verður flutt kúbönsk tónlist og boðið upp á kaffi og kökur.
VÍK
El Salvadornefndin
Utann'kismálanefnd ÆFAB
______________HEIMURINN_____________
Suður-Afríka
Það ríldr stríðsástand
í Suður-Afrfloi núna
Aaron MnisifulltrúiAfríska þjóðarráðsins: Hjálpið okkur að svœfa
sjúklinginn, síðan skulum við sjá um uppskurðinn
„Afríska þjóðarráðið, ANC,
er frelsishreyfing, breiðfylk-
ing, sem var stofnuð árið 1912
og hefur alla tíð barist fyrir
betri hag blökkumanna. Sam-
tökin njóta alþjóðlegrar viður-
kenningar, ma. hjá Sameinuðu
þjóðunum, Einingarsamtök-
um Afríkuríkja og Norðuriönd-
unum,” sagði Aaron Mnisi full-
trúi ANC í Kaupmannahöfn á
blaðamannafundi sem hann
boðaði til á fimmtudaginn en
Mnisi er í heimsókn til þess að
leggja áherslu á það baráttum-
ál ANC að ríki heimsins, og þar
með talið ísland, hætti öllum
viðskiptum við stjórn hvíta
minnihiutans í Suður-Afríku.
Stofnun ANC fylgdi í kjölfar
þess að árið 1910 fékk Suður-
Afríka sjálfstæði. „En það sjálf-
stæði var aðeins fyrir hvíta. ANC
setti sér það markmið að sameina
blökkumenn og samtökin tóku
fljótlega upp samstarf við samtök
indverja og annarra íbúa af asíu-
kyni en forystumaður þeirra var
Mahatma Gandhi. Saman börð-
ust þessi samtök gegn kúgun og
landstuldi hvítra.
Lengst af var barátta okkar
háð með friðsamlegum hætti. Við
höfum alltaf viðurkennt tilvist
hvítra í landinu og það hefur
aldrei verið stefna okkar að
hrekja þá í hafið. En við höfum
barist gegn því viðhorfi hvítra að
blökkumenn væru óæðra fólk.
Það er svo kaldhæðni sögunnar
að á sama tíma og heimurinn
andaði léttar eftir að hafa lagt
nasismann að velli í lok síðari
heimsstyrjaldarinnar þá var nas-
isminn tekinn upp sem opinber
stefna í Suður-Afríku.
Síðan á 6. áratugnum hefur
ANC starfað innan ýmissa sam-
taka blökkumanna í landinu,
verkalýðssamtaka, námsmanna-
samtaka osfrv., en árið 1960 var
starfsemi okkar bönnuð og þá
tókum við upp vopnaða baráttu
gegn stjórn hvíta minnihlutans.
Utan Suður-Afríku hefur ANC
barist fyrir einangrun stjórnar-
innar á öllum sviðum - við biðj-
um allar þjóðir að hætta öllum
samskiptum við Suður-Afríku,
menningarlegum, viðskipta-
legum og á sviði íþrótta.”
Að deila
og drottna
„Það ríkir stríðsástand í Suður-
Afríku. Fólk er skotið á götum
úti, f mótmælagöngum, verkföll-
um, skólabörn sem vilja sækja
skóla sína jafnt og fólk sem sækir
jarðarfarir. Stjórnvöld beita
sömu aðferðum og hafa tíðkast í
Suður-Ameríku, svo sem að
halda uppi morðsveitum sem
drepa baráttumenn, fólk hverfur
og hús þess eru brennd án þess
lögreglan aðhafist nokkuð.
Það er líka reynt að kljúfa
blökkumenn og aðra undirokaða
hópa. Ein aðferðin var sú að veita
„lituðum” kosningarétt og stofna
sérstaka þingdeild fyrir þá meðan
blökkumönnum var haldið utan
dyra. En þetta hefur ekki gengið
sem skyldi, td. tóku aðeins 40%
„litaðra” þátt í kosningum til
þings. Stjórnin útskýrði þessa lé-
legu þátttöku með því að ANC og
kommúnistar hefðu hrætt fólk frá
því að kjósa og viðbrögðin voru
þau sömu og vanalega: að senda
lögreglu og öryggissveitir inn í
hverfi blökkumanna. Þegar það
gekk ekki var gripið til þess að
fremja fjöldamorð og loks var
lýst yfir hernaðarástandi í
landinu nú í sumar. í krafti þess
hefur lögreglan heimild til að
handtaka fólk án dómsúr-
skurðar, skjóta á fólk og ógna því
á alla lund. Nú hafa uþb. 3.000
manns verið handteknir í krafti
neyðarlaganna og í fangelsum
landsins eru fangar pyntaðir í
stórum stíl, td. með rafmagni.”
Aðeins eitt skilyrði
„Þrýstingur á stjórnvöld hefur
aukist, ekki síst vegna efnahags-
örðugleika sem stafa af ófriðn-
um. Bandarískir og breskir bank-
ar og stórfyrirtæki eru farin að
flýja landið vegna þess að þeim
finnst andrúmsloftið fjandsam-
legt fyrir fjárfestingar. Botha
forseti bregst við þessu með því
að leggja til smábreytingar á kerf-
inu sem ekki snerta við grundvelli
aðskilnaðarstefnunnar. Núersvo
komið að mas. Reagan vill að
Botha ræði við okkur í ANC en
hann þráast við. ANC er tilbúið
að tala við hvern sem er og við
setjum aðeins eitt skilyrði: að all-
ir pólitískir fangar verði látnir
lausir, þám. leiðtogi okkar Nel-
son Mandela sem setið hefur í
fangelsi í 23 ár. En við höfum líka
gert það ljóst að við ætlum okkur
ekki að semja um endurbætur á
aðskilnaðarstefnunni, afnám
hennar er okkar höfuðbaráttu-
mál.”
Mnisi var spurður út í þær frétt-
ir að blökkumenn séu að rnyrða
blökkumenn í suður-Afríku.
Hann svaraði því til að því miður
væru slíkir atburðir ekki settir í
rétt samhengi. „Stjórnvöldum
hefur tekist að fá örfáa blökku-
menn til að ganga erinda sinna og
það eru þeir sem eru drepnir,
leynilegir útsendarar lögreglu,
öryggissveita og hersins.”
Þess vegna
hika þau
En Mnisi var með allan hugann
við viðskiptabann: „Ef hvíta fólk-
ið glatar þeim munaði sem það
býr við mun það snúa baki við
aðskilnaðarstefnunni. Viðskipta-
bann stuðlar að því. Þess vegna
biðjum við ykkur vesturlandabúa
að hætta að borða suðurafríska
ávexti og að reisa ekki verksmiðj-
ur í landinu. Við erum ekki að
biðja ykkur að berjast við hliðina
á okkur.
Barátta okkar fyrir einangrun
landsins hefur borið árangur. Nú
stendur yfir fundur bresku sam-
veldislandanna og þar er Margar-
et Thatcher einangruð í andstöðu
sinni við refsiaðgerðir. Reagan
neyddist til að grípa til refsiað-
gerða vegna vaxandi andófs
heimafyrir sem náði inn á þingið.
Þau Reagan og Thatcher vita vel
hver áhrif refsiaðgerðirnar hafa,
þess vegna hika þau. Þau græða
of mikið á viðskiptunum við
Suður-Afríku.
Ef við líkjum ástandinu við
konu sem er með krabbamein í
brjósti þá þarf fyrst að svæfa
sjúklinginn áður en meinsemdin
er skorin burt. Við erum að biðja
ykkur að hjálpa okkur við að
svæfa sjúklinginn, svæfa suður-
afrískt efnahagslíf. Síðan sjáum
við um að skera meinsemdina
burt og endurreisa efnahagslíf-
ið,” sagði Aaron Mnisi.
-ÞH
Aaron Mnisi á btaðamannafundinum í fyrradag: Ef Suður-Afríka verður sett í
algera einangrun, einkum ef olíuflutningar til landsins verða stöðvaðir, tæki það
okkur svona 3 mánuði að ráða niðurlögum hvítu minnihlutastjórnarinnar og
afnema aðskilnaðarstefnuna. Mynd: E.OI.
14 SÍÐA - ÞJÓÐVILJINN Laugardagur 19. október 1985