Þjóðviljinn - 14.05.1986, Blaðsíða 4

LEIÐARI
Kjaraskerðingarflokkurinn
í kosningabaráttunni fyrir fjórum árum flutti
Sjálfstæöisflokkurinn kjósendum í Reykjavík
þann boöskap aö hann ætlaði að lækka skatta
og álögur á borgarbúa. Davíö Oddsson þyrlaöi
upp moldviöri í kringum þetta mál og það er
býsna fróðlegt aö sjá hvernig efndirnar hafa
oröiö.
Meö miklu auglýsingaskrumi sem Sjálfstæð-
isflokknum í Reykjavík er einum eðliiegt, voru
fasteignagjöld lækkuö áriö 1983 um 20 miljónir,
- þó auðvitað þannig aö þeir sem áttu stærstu
fasteignirnar fengu mestan afslátt. Þessi 20
miljón króna afsláttur á fasteignagjöldum verö-
ur þó ekki fyllilega skiljanlegur fyrr en hann er
skoöaður í samhengi viö annað. Á sama ári,
1983 þegar fasteignagjöldin lækkuöu um 20
miljónir hækkaöi Davíö þjónustu á vegum borg-
arinnar um 40 miljónir króna.
Eina raunhæfa viðmiðunin á hækkanir gjalda
og skatta sem Davíð Oddsson hefur komiö á
eru laun fólksins - og vinnutíminn. Davíð getur
ekki skotiö neinni skuld á aðra, því í ríkisstjórn er
flokkur hans Sjálfstæöisflokkurinn viö völd frá
1983. í dag eru Reykvíkingar mun lengur aö
vinna fyrir útsvari sínu og öörum gjöldum en þeir
voru fyrir fjórum árum.
Þegar litiö til er kaupmáttarins hefur Davíö
Oddsson sett met í hækkunum á þjónustu viö
borgarbúa. Fyrir klukkutímavinnu á launataxta
löju var hægt að fá í apríl 1982 9 miöa í strætó, -
í dag er hægt aö fá 4 miða. Fyrir sömu stundar-
laun var hægt aö fá fyrir fjórum árum 11 rúm-
metra af heitu vatni - í dag 6 rúmmetra. Þá var
hægt aö fá 7 afsláttarmiða í sund - í dag 3 miða.
Þá var hægt aö fá 36 kílówattstundir af rafmagni
- í dag 31 kwst.
Þegar litið er til annarra atriða, svosem fram-
færslu einstaklinga, sem þurfa aö leita til fé-
lagsmálastofnunar, er svipaö uppi á tening-
num. í samanburöi viö önnur sveitarfélög
stendur Reykjavík mjög illa aö vígi. Á ráðstefnu
sem haldin var fyrir nokkru um fátækt á íslandi
kom þannig fram, að hlutur Reykjavíkur væri
verstur gagnvart skjólstæöingum Félagsmála-
stofnunar. Fjárhagsaöstoð til einstaklinga í
Reykjavík aö greiddum húsaleigu- og orku-
reikningum nemur um 4030 krónum, en sam-
bærileg upphæð er um 6000 krónur á Akureyri
og 9000 krónur í Kópavogi.
Þessi dæmi sýná öll, aö Sjálfstæöisflokkurinn
hefur læðst aftan að fólki með auknar álögur og
hærri skatta, Um leið sýna þessi dæmi þann
fjandskap viö velferöarþjóðfélagiö sem ein-
kennt hefur hægri flokka í okkar heimshluta síð-
ustu árin. Nú er mál aö linni - öflugt aöhald
alþýðubandalags, sem vill jafna kjörin og skapa
öllum þegnum, ungum og öldnum, félagslegt
öryggi, er brýn nauösyn.
Fámennur öfgahópur
Þaö fór ekki á milli mála eftir loftárásir Bandaríkjastjórn-
ar á Líbýu fyrir nokkru, að Morgunblaöiö studdi árásirnar
og málflutning Ronalds Reagan Bandaríkjaforseta. Blaða-
maður Morgunblaðsins í umræðum í sjónvarpssal fór
hamförum í stuðningi sínum við loftárásirnar og afstaða
Morgunblaðsins fyrst eftir árásirnar var harkalega
gagnrýnd í Þjóðviljanum og víðar.
Morgunblaðið lætur gjarnan liggja að því, að blaðið túlki
meirihlutaviðhorf og almannavilja, meðan Þjóðviljinn og
önnur félagsleg öfl, sem gagna þvert á hagsmuni og
stefnu Sjálfstæðisflokksins túlki alge.r minnihlutaviðhorf.
Síðustu daga hafa lesendur fylgst einkar vel með þess
háttar málflutningi Morgunblaðsins í kosningabaráttunni í
Reykjavík, þarsem Morgunblaðið hefur allar valdsathafnir
borgarstjórnans yfir allan vafa í málflutningi sínum.
Það er þess vegna einkar fróðlegt að athuga niðurstöð-
ur hinnar strangvísindalegu skoðanakönnunar, sem fé-
lagsvísindadeild Háskóla Islands framkvæmdi fyrir sjón-
varpið um afstöðu íslendinga til loftárása Bandaríkja-
manna á Líbýu. Þar kemur fram að 80% Islendinga eru
mótfallnirárásunum, fleiri en íöðrum löndum þarsem hlið-
stæð skoðanakönnun hefur verið gerð. I V-Þýskalandi eru
75% andvígir innrásunum, 66% í Bretlandi, 32,% í Frakk-
landi og 21 % í Bandaríkjunum.
í skoðanakönnuninni kemur einnig fram, að eftir viðhorfi
til stjórnmálaflokka eru frá 80% til 98% andvígir árásun-
um, nema í Sjálfstæðisflokknum 69%. Þar eru hlutfalls-
lega flestir hlynntir árásunum, - en þó ekki nema 25%
Sjálfstæðisflokksmanna.
Niðurstöðurnar sýna, að Morgunblaðið túlkar viöhorf
tiltölulega fámenns hóps íslendinga, - öfgahóps í afstöðu
til utanríkismála. Niðurstöðurnar sýna einnig að áhrifam-
áttur Morgunblaösins er mun minni en margur hefði hald-
ið. Og þarsem Morgunblaðiö hefur orðið bert að túlkunum
á algerum minnihlutaviðhorfum í utanríkismálum, má þá
ekki eins ætla að afstaða Morgunblaðsins t.d. til borgar-
mála sé sömuleiðis minnihlutaviðhorf?
-óg
KUPPT OG SKORIÐ
Flísin og
bjálkinn
Um daginn var í Staksteinum
verið að tala um áróðursstríðið
milli Sovétríkjanna og Banda-
ríkjanna og vitnað í Arbatof, so-
véskan sérfræðing um bandarísk
málefni, sem tók þátt í símaþætti
hjá BBC á dögunum. Staksteinar
sögðu sem svo, að Arbatof hefði
hagað sér eftir þessari reglu hér:
„í vinsældakapphlaupinu
leitast Sovétmenn við að tala
aldrei neitt um það sem miður fer
hjá þeim sjálfum en hampa öllu
illu í fari keppinautarins".
Þetta er ekki nema satt og rétt.
Og því hafa Sovétmenn og þá Ar-
batof reynt að gera lítið úr kjarn-
orkuslysinu í Tsjernobyl - um
leið og þeir hafa síðustu daga ver-
ið duglegir við að rifja upp gömul
og ný kjarnorkuslys fyrir vestan.
Og á Vesturlöndum haga menn
sérreyndarósköpsvipað: undan-
farna daga hefur verið sem allra
mest gert úr því, að sovéskar
kjarnorkustöðvar séu lakari en
þær vestrænu að því er öryggis-
búnað varðar. Allt í rusli hjá
þeim, allt í lagi hjá okkur.
En því miður: í báðum heims-
hlutum er uppi mjög svipuð til-
hneiging. Hún er sú að draga úr
þeim háska sem fylgir allri kjarn-
orkuframleiðslu og bregða á
laumauspil inná við og út á við
með upplýsingar um geislavirkni
- ef nokkur möguleiki er höndl-
anlegur. Það voru ekki liðnir
margir dagar frá því að breskur
orkumálaráðherra stærði sig ^if
því á þingi, að „við“ fjöllum af
hreinskilni og heiðarleika um
kjarnorkuiðnaðinn, þar til
breska blaðið Observer gat upp-
lýst um slys sem varð nokkru fyrr
í breskri kjarnorkustöð og átti að
reyna að þegja yfir. Og fylgdi
sögunni, að það hefði getað haft
mjög alvarlegar afleiðingar. Og
nú á mánudag heyrðu menn það í
fréttum, að frönsk yfirvöld hafi
dulið það fyrir almenningi hve
mjög geislavirkni í andrúmslofti
jókst yfir Frakklandi eftir slysið
sovéska.
M.ö.o. - hliðstæður eru marg-
ar, eins þótt ástand íþessum mál-
um sé mismunandi. Til dæmis
ætla Sovétmenn ótrauðir að
halda áfram við að reisa nýjar
kjarnorkustöðvar á næstu árum -
en það mundi varla geta gerst í
löndum þar sem umhverfisvernd-
armenn fengju fullt málfrelsi til
að vara við háskanum - eftir ann-
að eins slys og það sem varð í
Tsjernobyl.
En áfram með Staksteina. Ar-
batof sá sem fyrr var nefndur,
vildi ekki taka undir ásakanir um
hryðjuverk á hendur Lýbíu-
mönnum, en sneri spurningum
BBC upp í ásakanir á Banda-
ríkjamenn fyrir að þeir styddu við
bakið á hryðjuverkamönnum eða
Contraskæruliðum sem gera
herhlaup inn í Nicaragua frá
Hondruas. Þóttist Staksteinahöf-
undur sjá þess dæmi í grein sem í
Þjóðviljanum kom, að hér í blaði
hefðu slík undanbrögð fengið
•nokkurn hljómgrunn.
Mín eða þín
hryðjuverk
Það er ekki rétt. Hér á blaði
hefur mönnum ekki dottið í hug
að neita því að Gaddafi hafi sent
launmorðingja út um lönd til þess
til dæmis að koma útlægum and-
stæðingum sínum fyrir kattarnef.
En, hvort sem sá einvaldur kem-
ur við sögu fleiri eða færri herm-
darverka, þá getur hans fram-
ferði ekki sýknað Bandaríkin af
ákærum um að þau beri með
stuðningi sínum við andbylting-
arliðið í Honduras ábyrgð á
miklu manntjóni í Nicaragua og á
verkum sem kölluð eru hryðju-
verk þegar aðrir eiga í hlut.
Ekki alls fyrir löngu var frétta-
maður hjá þýska vikublaðinu
Stern á ferð í Mið-Ameríku og
segir meðal annars:
„Stríðið milli „Contra“ og hers
Nicaragua kostaði meira en 6000
mannslíf í fyrra. í árásum Cont-
raskæruliða voru 280 óbreyttir
borgarar drepnir, 843 særðir og
446 var rænt. í baráttunni fyrir
því „frelsi“ sem Washington hef-
ur tekið að sér að skilgreina hafa
uppreisnarmenn m.a. eyðilagt
fimm sjúkrahús, 50 heilsugæslu-
stöðvar, sjö dagheimili og 48
skóla.“
„Frelsishetjur“
í Stern er einnig birt frásögn
vesturþýskrar konu, séra Renate
Ellmenreich, sem hefur dvalist
um skeið í þorpi einu, Coperna,
sem er í norðausturhluta Nicar-
agua. Hún býr með fjölskyldu
sem hafði tekið að sér ársgamlan
dreng, Grigolito, sem missti báða
foreldra sína þegar hann var að-
eins nokkurra daga gamall. í
grein þessari segir m.a.:
„Faðir Grigolitos var
leikmannsprédíkari. Contra-
skæruliðarnir höfðu haft tvo
bræður hans á brott með sér og
neytt þá til að berjast með sér.
Bræðrunum tókst svo að flýja úr
þeirra vist. Hópur Contraskæru-
liða réðist síðan á þorp þeirra í
hefndarskyni.
Fyrst skutu þeir bróður „lið-
hlaupanna“, föður Grigolitos.
Meðan flestir þessir leiguher-
menn fóru skjótandi og brenn-
andi um þorpið, nauðguðu
nokkrir þeirra móður Grigolitos
og særðu hana mörgum hnífssár-
um. Síðan myrtu þeir tvö börn
konunnar frammi fyrir augum
hcnnar. Mennirnir tóku ekki eftir
Grigolito litla sem lá á bak við
þvottastafla. Að lokum drápu
þeir konuna einnig“.
Þegar vakin er athygli á verk-
um sem þessum, þá kemur það í
rauninni „samanburðarfræðum“
á austri og vestri ekki nokkurn
skapaðan hlut við. Hitt getur svo
verið meira en fróðlegt að íhuga,
hvaða fólk það er sem Reagan
kýs að kalla „frelsishetjur“ og vill
helst líkja við feður bandarísku
byltingarinnar. Ág
DJÓÐVIUINN
Málgagn sósíalisma, þjóöfrelsis
og verkalýöshreyfingar
Útgefandi: Útgáfufélag Þjóðviljans.
Ritstjórar: Árni Bergmann, össur Skarphéðinsson.
Ritstjórnarfulltrúi: Oskar Guðmundsson.
Fróttastjóri: Valþór Hlöðversson.
Blaöamenn: (íarðarGuðjónsson, Guölaugur Arason (Akureyri), Ing-
ólfur Hjörleifsson, Kristín Ólafsdóttir, Lúðvík Geirsson, Magnús H.
Gíslason, Mörður Árnason, Sigurdór Sigurdórsson, Sigurður Á. Frið-
þjófsson, Víðir Sigurðsson (íþróttir), Þröstur Haraldsson.
Handrita- og prófarkalestur: Andrea Jónsdóttir, Elías Mar.
Ljósmyndir: Einar ólason, Sigurður Mar Halldórsson.
Útlit: Sævar Guðbjörnsson, Garðar Sigvaldason.
Framkvæmdastjóri: Guðrún Guðmundsdóttir.
Skrifstofustjóri: Jóhannes Harðarson.
Skrifstofa: Guðrún Guðvarðardóttir, Magnús Loftsson.
Útbreiðslustjórí: Sigríður Pétursdóttir.
Auglýsingastjóri: Sigríður Hanna Sigurbjörnsdóttir.
Auglysingar: Ásdís Kristinsdóttir, Guðbergur Þorvaldsson,
Clausen.
Símvarsla: Katrín Anna Lund, Sigríður Kristjánsdóttir.
Húsmóðir: ólöf Húnfjörð.
Bílstjóri: Jóna Sigurdórsdóttir.
Afgreiðslustjóri: Hörður Jónsson.
Afgreiðsla: Bára Sigurðardóttir, Kristín Pétursdóttir.
Innheimtumenn: Brynjólfur Vilhjálmsson, Ólafur Bjömsson.
Útkeyrsla, afgreiðsla, ritstjórn:
Síðumúla 6, Reykjavík, sími 681333.
Oiqa Auglýslngar: Síðumúla 6 símar 681331 og 681310.
Umbrot og setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 40 kr.
Helgarblöð: 45 kr.
Áskriftarverð á mónuði: 450 kr.
4 SÍÐA - ÞJÓÐVILJINN Mlðvlkudagur 14. maí 1986