Þjóðviljinn - 08.10.1986, Qupperneq 3

Tvö
hótelskip
Tvö skemmtiferðaskip af þrem-
ur sem hingað hefur verið
stefnt vegna leiðtogafundarins
iögðust að bryggju í Reykjavík í
gær, norska skipið Bolette og so-
véska skipið Georg Ots.
Bolette kom til landsins um há-
degisbilið í gær, en Georg Ots
síðdegis. í dag er svo búist við
sovéska skipinu Baltika. Að sögn
Kjartans Lárussonar er reiknað
með að á þriðja hundrað manns
geti gist um borð í Bolette, en þrír
bandarískir fjölmiðlar hafa þegar
tryggt sér helming klefanna í
skipinu fyrir starfsfólk sitt og
flutti það inn í gær.
Ekki er annað vitað en að so-
vésku skipin muni einungis hýsa
Sovétmenn og munu þar rúmast
flestir þeir sem hingað koma í
fylgd með aðalritaranum. -gg
Ræsa pólitísk
í Bandaríkjunum vekur koma
Ræsu Gorbatsjóvu til Reykjavík-
ur ugg í brjósti stjórnvalda, sem
samkvæmt fréttum að vestan
telja að heimsókn Ræsu gefi fund-
inum of formlegan svip.
Bandaríkjastjórn leggur
áherslu á að fundurinn sé undir-
búningsfundur næsta fundar, en
Sovétmenn vilja gefa þessum
fundi sem mest gildi, - og er nú
talið vestra að samvistir þeirra
Ræsu og Eddu Guðmundsdóttur
konu forsætisráðherra hafi
óheppileg heimspólitísk áhrif.-m
Moggi í
. náðinni
Ablaðamannafundi sem hald-
inn var í gær um gervihnött
með utanríkisráðherra Banda-
ríkjanna voru íslenskum blaða-
mönnum skammtaðar þrjár
spurningar, og fyrirfram ákveðið
að spyrjendur yrðu frá sjónvarpi,
útvarpi, - og frá Morgunblaðinu,
einu dagblaða.
Guðmundur Magnússon blaða-
maður Morgunblaðsins varð þess
heiðurs aðnjótandi að fá að hafa
tal af Shultz utanríkisráðherra
Bandaríkjanna um gervihnött,
og telja kunnugir að hann og
blaðið séu vel að heiðrinum kom-
in eftir ítarlegan og sannferðugan
fréttaflutning að vestan. -m
að eru eflaust svartir sauðir
innan um sem gera sér þennan
fund að féþúfu með alls kyns
braski og það er mjög leiðinlegt ef
þeim tekst að varpa skugga á þá
sem eru að reyna að taka á móti
hinum erlendu gestum á það sem
við getum kallað heiðarlegan
hátt, sagði Kjartan Lárusson for-
stjóri Ferðaskrifstofu ríkisins í
samtali við Þjóðviljann í gær.
Nokkuð hefur verið um að er-
lendir fréttamenn kvarti um gull-
æði sem runnið hefur á íslend-
inga vegna leiðtogafundarins.
Þannig birtist mikill reiðilestur í
spænska blaðinu E1 Paiz í gær um
okur í Reykjavík. Þá birtist frétt í
þýska blaðinu Bild þess efnis að
gistingin í Reykjavík gengi á 120
þúsund krónur yfir nóttina.
Kjartan var inntur álits á þessu
í gær og sagði hann þá: „Það
ganga jú alls konar kjaftasögur
um heiminn um svartamarkaðs-
brask í sambandi við fundinn hér
í Reykjavík. Ég er hins vegar
þeirrar skoðunar að hér séu að-
eins fáir óprúttnir aðilar sem
stunda okur og frétt eins og sú
sem birtist í Bild er bara til að
skemmta skrattanum. Þetta er
einhver sérkennileg germönsk
kímni og ég held varla að nokkur
hafi verið svo vitlaus að trúa
þessu, enda varla verið ætlast til
þess.“
Kjartan bætti því við að vel
gengi að leysa úr vanda þeirra
sem þurfa á gistingu í borginni að
halda. Ekki hefur enn þurft að
leita til hótela utan Reykjavíkur
svo nokkru nemi, enda virðast er-
lendir fréttamenn til í allt annað
en að gista utan við borgina.
-gg
Leiðtogafundurinn
Stöðvið
tilraunir
Lœknar gegn
kjarnorkuváfagna
viðrœðum leiðtoganna
Alþjóðasamtök lækna gegn
kjarnorkuvá og íslandsdeild
samtakanna fagna því í fréttatil-
kynningu að leiðtogar stórveld-
anna skuli hafa ákveðið að ræð-
ast við á ný I Reykjavík.
í frétt frá samtökunum eru
leiðtogarnir hvattir til „að sam-
einast um að stöðva allar tilraunir
með kjarnorkuvopn þar til sam-
komulag næst um alþjóðlegt
bann við kjarnorkuvopnatil-
raunum og frekari útbreiðslu
kjarnorkuvopna. Slíkt frum-
kvæði yrði öðrum kjarnorkuveld-
um hvatning sem draga mundi úr
kjarnorkuvopnakapphlaupinu.
Samtökin óska þess, að fundur-
inn í Reykjavík verði
heimsbyggðinni til heilla."
Alþjóðasamtök lækna gegn
kjarnorkuvá, er alþjóðleg friðar-
hreyfing 150 þúsund lækna óháð
stjórnmálaöflum. Þau eru hand-
hafar friðarverðlauna Nóbels
árið 1985 og hafa það að mark-
miði að koma í veg fyrir kjarn-
orkustríð.
Ýmsar verslanir í borginni eru nú uppfullar með varning sem ætlaður er til
minningar um leiðtogafundinn á næstu helgi. Á myndinni er Helena Lauzon
afgreiðslustúlka í Rammagerðinni með sitthvað af því sem framleitt hefur verið
gagngert vegna fundarins. Mynd Sig.
Fundurinn
Allt fullt
af leiðtoga-
dóti
Þetta byrjaði að streyma til
okkar strax á mánudaginn,
sumt var tilbúið þegar fyrir helgi.
Mér er óhætt að segja að það líti
mjög vel út með sölu á þessum
varningi, sagði Gunnar Hauks-
son verslunarstjóri í Ramma-
gerðinni í samtali við Þjóðviljann
f gær, en þar og reyndar víðar er
nú allt uppfullt af alls kyns vörum
sem merktar eru fundi þeirra
Gorbatsjofs aðalritara og Reag-
ans forseta.
Þar getur m.a. að líta boli frá
Henson, með myndum af stór-
veldaleiðtogunum, peysur frá
Ice-Knit og Prjónastofu Borgar-
ness, platta, servíettur, lampa,
umslög, póstkort, trefla og fleira.
Allt hefur þetta hlaðist upp á
síðustu dögum og greinilegt að
menn hyggja sér gott til glóðar-
innar með þennan fund. Þessi
leiðtogavarningur er yfirleitt dýr-
ari en sambærilegar vörur aðrar,
en það er ekki að sjá að nokkur
setji það fyrir sig. -gg
Krataþingiö
Vericefnin hér og nú
Svavar Gestssonformaður Alþýðubandalagsins: Verkefnin hér og nú sem skipta máli
- Þetta flokksþing Alþýðu-
flokksins virðist mest hafa verið
skrautsýning. Það var ómerkileg-
ur viðburður í sjálfu sér að leiða
þarna fram þá Hannibal og Gylfa
til að takast í hendur. Þeir hafa
verið saman í flokki lengst af
undanfarna áratugi. Það sem
breytir einhverju er hins vegar
innganga Bandalags jafnaðar-
manna í Alþýðuflokkinn. Hún
getur breytt því að hægri slagsíð-
an verði ennþá meiri á flokknum
en verið hefur. BJ gekk eins og
kunnugt er í bandalag hægri
flokka á Norðurlöndum og er
núna komið í Alþýðuflokkinn,
segir Svavar Gestsson formaður
Alþýðubandalagsins í samtali við
Þjóðviljann um nýafstaðið
flokksþing Alþýðuflokksins.
Jón Baldvin hefur sagt að fleiri
en BJ-menn væru á leið inn í
flokkinn, þar á meðal verkalýðs-
leiðtogar úr Alþýðubandalaginu.
Hvað er að gerast?
- Ég held að þessar yfirlýsingar
hans hafi verið venjuleg kok-
hreysti, ég held að þetta sé bara
réttur og sléttur glannaskapur
enda hefur komið í ljós að hann
hefur ekkert haft til síns máls.
- Það er hins vegar augljóst mál
að þó nokkrir félagar hjá okkur í
Alþýðubandalaginu vilja gjarnan
stuðla að alhliða samstarfi stjórn-
arandstöðunnar m.a. í málatil-
búnaði fyrir kosningarnar til að
þessir flokkar geti náð betur sam-
an eftir kosningarnar og m.a. til
að koma í veg fyrir það að Al-
þýðuflokkurinn hlaupi upp í
fangið á íhaldinu strax eftir kosn-
ingar. Ég er þessarar skoðunar og
hef alltaf verið og nefndi þetta
sérstaklega eftir kosningarnar í
vor og hef orðið var við það hjá
verkalýðsleiðtogum Alþýðu-
flokksins að þeir vilja gjarnan
vinna með Alþýðubandalaginu.
Ég hef auðvitað orðið var við það
í kosningunum bæði 1983 og í vor
að Alþýðuflokksmenn hafa verið
að kjósa okkur vegna þess að
þeim geðjast ekki að framkomu
Jóns Baldvins, telja hann of
hægri sinnaðan og ég er viss um
að þetta fólk vill miklu frekar
vinna með Alþýðubandalaginu
heldur en Jóni og þetta fólk gæti
alveg hugsað sér að skipta um
flokk og ganga til lið við Alþýðu-
bandalagið ef Jón heldur áfram á
hægri brautinni. Ég get því í þess-
um efnum sagt nákvæmlega það
sama með öfugum formerkjum
og Jón er að reyna að gera. Mun-
urinn er sá að ég hef nokkuð til
míns máls. Ég er hins vegar ekki
sá ódrengur í garð þessa fólks að
ég sé að hengja það upp í fjöl-
miðlum.
í viðtali við Þjóviljann í gær
dregur Jón Baldvin upp ýmsa
þætti sem hann telur að hamli
hugsanlegu samstarfi A-flokk-
anna. Hvert er þitt álit í þeim efn-
um?
- Spurningin er sú hvort menn
líta á sig sem stjórnmálamenn
sem eru að takast á við nútíma-
vandamál íslenskra stjórnmála
eða hvort menn eru í pólitík til að
hefna fyrir ófarir einhverra í for-
tíðinni. Mér finnst gallinn við Jón
Baldvin vera sá að hann er ennþá
að slást við menn sem eru ekki
lengur í fremstu víglínu í
stjórnmálum. Hann er í hefndar-
pólitík gagnvart Sósíalistaflokkn-
um og þeim sem þaðan koma og
hann er í hefndarpólitík gegn
gömlu forystunni í Alþýðu-
flokknum líka. Þessar deilur eru
liðnar. Það eru verkefnin hér og
nú sem skipta máli.
Hvaða möguleika telur þú að
þessir flokkar eigi á að ná saman
fyrir og eftir komandi kosningar?
- Ágreiningsefnin eru auðvitað
mörg: Við höfnum kauplækkun-
arstefnu krata, landsbyggðarf-
jandskap og hægri stefnu Jóns í
utanríkismálum.
- Það fer eftir því hvað þessi
hópur sem vill starfa með Al-
þýðubandalaginu verður sterkur
í Alþýðuflokknum og það fer líka
eftir því hvað Alþýðubandalagið
verður sterkt í kosningunum. Við
munum beita okkur fyrir því að
ná þeim öflum saman sem vilja
slást gegn markaðshyggjunni.
Við ætlum okkur stærri metnað
fyrir hönd íslenskrar alþýðu en að
taka kvistherbergi á leigu í stjórn-
arráði íhaldsins. Við erum í þess-
ari baráttu til að slást gegn íhald-
inu en ekki til að hlaða undir
valdakerfi þess, sagði Svavar
Gestsson.
-lg-
Miðvtkudagur «. oktúter 1986 ÞJÓÐVIUINN - SÍÐA 3