Þjóðviljinn - 17.10.1986, Blaðsíða 9

Spurtum...
...Hannes
Hólmstein
Sigríður Dúna Kristmunds-
dóttir hefur lagt fram tvær fyrir-
spurnir til menntamálaráðherra
um stöðu rannsóknalektors í
sagnfræði við heimspekideild
Hl Hún spyr hvert sé hlutverk
rannsóknalektorsins, hvort hann
hafi kennsluskydlu og/eða stjórn-
unarskyldu og hvort vænta megi
þess að stöður rannsóknalektors
verði stofnaðar í öllum greinum
sem kenndar eru við H.í. Þá spyr
Sigríður Dúna hvaða forsendur
ráðherra hafi lagt til grundvallar
þegar hann setti í þessa stöðu og
hvers vegna staðan hafi ekki ver-
ið auglýst.
...vistunarvanda
öryrkja
Helgi Seljan spyr heilbrigðis-
og tryggingaráðherra hvenær
vænta megi tillagna frá stjórn-
skipaðri nefnd um vistunarvanda
þeirra öryrkja sem verst eru sett-
ir. Þá spyr Helgi hvort ráðherra
eða nefndin hafi einhverjar
ákveðnar úrlausnir sem stefnt
skuli að.
...starfsemi
dagvistar-
stofnana
Svavar Gestsson og Guðrún
Helgadóttir spyrja menntamála-
ráðherra hve mörg börn komist
að á dagvistarstofnunum í kaup-
stöðum og kauptúnum landsins.
Þau spyrja einnig hve mörg dag-
vistarrými séu á hverja 100 íbúa
á þessum stöðum, hve margar
fóstrur séu þar starfandi og
hversu margar fóstrur vanti til
starfa á bamaheimilum að mati
ráðuneytisins. Óskað er skrif-
legra svara.
...launagreiðsiur
stjórnarráðsins
Guðrún Agnarsdóttir spyr
fjármálaráðherra hvernig launa-
greiðslum hafi verið háttað sl.
þrjú ár til starfsmanna stjórnar-
ráðsins. Hún spyr hve margir hafi
fengið fastar yfirvinnugreiðslur, -
hve margir greiðslu fyrir „unna
yfirvinnu", - hve margir greiðslur
fyrir sérstök verkefni auk yfir-
vinnugreiðslna og loks hve marg-
ir sem ekki fá greidda yfirvinnu
hafi fengið greitt fyrir sérstök
verkefni. Guðrún óskar eftir skrif-
legu svari og þannig að fram
komi kyn starfsmanna í hverju
svari.
...umsóknir um
húsnæðislán
Hjörleifur Guttormsson spyr
félagsmálaráöherra hve margar
umsóknir hafi borist til Húsnæð-
isstofnunar um ný húsnæðislán
vegna nýbygginga og kaupa á
eldra húsnæði, samtals og flokk-
að eftir kjördæmum.
...ávöxtun
orlofsfjár
Karvel Pálmason spyr fé-
lagsmálaráðherra hvort ríkis-
sjóður hafi innt af hendi vaxta-
greiðslur til orlofsdeildar Póst-
gíróstofnunar síðasta orlofsár,
hver upphæð greiðslunnar hafi
verið og hvort ráðherra telji að
stéttarfélög eigi að ávaxta orlofs-
fé innan Póstgíróstofnunarinnar.
Loks spyr Karvel hver sé að mati
ráðherra rekstrargrundvöllur or-
lofsdeildarinnar.
...opinberar
fjársafnanir
Helgi Seljan spyr dóms-
málaráðherra hvernig sé háttað
framkvæmd laga um opinberar
fjársafnanir og hvaða reglur
ráðuneytið hafi sett á grundvelli
laganna.
ÞJOÐMAL
Góðærið til fólksins
Svavar Gestsson í útvarpsumrœðum ígœr: „Það erfólkið sem hefur skapað góðærið
ásamthagstœðum ytri skilyrðum -þráttfyrir ríkisstjórnina. Afhjúpum blekkinguna
um hin dásamlegu ogfullkomnu lífskjör á íslandi. Styttum vinnutímann -
fyrir sama kaup.“
Svavar: Framtíðin, börnin og uppbygging nýrra atvinnugreina er vanrækt í þágu skyndigróða verslunarinnar. Lágkúran
er kórónuð með því að fella niður aðstoð við sveltandi þjóðir.
„Við höfum búið við kaldan
vetur markaðshyggjunnar á Is-
landi í þrjú ár rúm. Þetta er
áreiðanlega síðasta þingið sem
ríkisstjórn Framsóknaríhaldsins
fær að sitja, svo er stjórnar-
skránni fyrir að þakka. Þess
vegna má sjá vonina rætast í vor-
inu sem kemur á móti okkur eftir
áramótin. Sú von þarf að breytast
í sigur gegn afturhaldsöflunum.
Til að vonin verði að veruleika
þarf hugsjón, eld, sem yljar og
dugir í senn til þess að kveikja
þræðina saman og þess að gefa
orku fyrir framhaldið. Aðalverk-
efni okkar er að skapa þannig
skilyrði hér á landi að fólk vilji
byggja þetta land og þeir sem hafa
flúið utan komst heim á ný.“
Þannig lauk Svavar Gestsson,
formaður Alþýðubandalagsins
ræðu sinni í gærkvöldi þegar út-
varpað var og sjónvarpað um-
ræðum um stefnuræðu forsætis-
ráðherra. Svavar lagði í upphafi
ræðu sinnar áherslu á það hversu
lágt metnar hugsjónir og tilfinn-
ingar eru í stjórnmálum samtím-
ans, og varaði við afleiðingum
þess. „í pólitík er talað um
ískaldar og naktar staðreyndir en
ekki heitar tilfinningar og tryggð
við hugsjónir og málstað,“ sagði
hann. „Þegar stjórnmálabaráttan
verður hugsjónalaust valdapot,
snýr almenningur baki við
stjórnmálum. Þá er lýðræðið og
þingræðið í hættu.“
Maðurinn verði
í öndvegi,
ekki markaðurinn.
Svavar sagði að lítið hefði mið-
að í átt til hins bjarta framtíðar-
lands jafnréttis og lýðræðis á síð-
ustu árum og því færi fjarri að
sjálfstæði þjóðarinnar í efnahags-
legu tilliti hefði styrkst, því er-
lendar skuldir hefðu hækkað og
herinn hefði þanið út umsvif sín.
Samfélag jafnréttis og lýðræðis
gætum við aðeins eignast með því
að skipta jafnar því sem við öflum
og leggja áherslu á að maðurinn
sé í öndvegi, ekki markaðurinn.
Enn miðar afturá bak, sagði
Svavar og nefndi þrjú dæmi úr
fjárlagafrumvarpinu fyrir næsta
ár:
20 miljónum á að verja til upp-
byggingar barnaheimila á öllu
landinu á næsta ári, en 40 miljón-
um til að innrétta brennivínsbúð-
ina í nýja Hagkaupshúsinu.
Fjárfesting í almennum iðnaði
dregst saman um 10% í ár en fjár-
festing í verslun eykst um 10%.
Fjárlagaliðurinn „Matvæla- og
neyðaraðstoð“ er strikaður út í
frumvarpi hæsta árs, en hann er í
ár 4,8 miljónir króna.
„Þessi þrjú dæmi nægja,“ sagði
Svavar. „Framtíðin, bömin og
uppbygging nýrra atvinnugreina
er vanrækt í þágu skyndigróða
verslunarinnar. Lágkúran er kór-
ónuð með því að fella niður að-
stoð við sveltandi þjóðir.“
Þrældómurinn metinn
sem kauphækkun!
Svavar benti á að í svartsýnni
þjóðarspá er gert ráð fyrir því að
þjóðartekjur aukist enn á næsta
ári. „Að þær hafi aukist í lok
næsta árs um 17 miijarða frá 1983
vegna hagstæðra ytri skilyrða,
sem jafngildir 300 þúsund krón-
um á hverja fjögurra manna fjöl-
skyldu. Hefur þú fengið 300 þús-
und krónur fyrir þína fjölskyldu
fyrir sömu vinnu? Auðvitað ekki
- og nú er gert ráð fyrir því að
þrátt fyrir góðærið eigi kaupmátt-
ur kauptaxta að lækka á næsta
ári. Það kemur ekki til greina.
Þeir halda því fram stjórnar-
herrarnir að ráðstöfunartekjur
heimilanna hafi aldrei verið meiri
en nú. Þessa blekkingu verður að
afhjúpa en stjórnarherrunum er
greinilega sama hvaða þrældóm-
ur liggur á bak við launin, sama
hvemig fólkið dregur fram lífið.
Hvernig fá þeir þessar tölur um
hin dásamlegu fullkomnu lífskjör
á íslandi?“ spurði Svavar. “Þeir
reikna aukinn vinnuþrældóm
fjölskyldnanna inn í þessar tölur,
meðtalin er stóraukin vinna ung-
linga á framhaldsskólastigi og
aukinn vinnuþrældómur kvenna.
Inni í þessum tölum eru líka
auknar yfirborganir, sem aftur
þýðir að launamunur í þjóðfé-
laginu hefur aukist. Inni í þessum
tölum er gert ráð fyrir því að þú
hafir auknar tekjur af vöxtum.
Þessar tölur eru markleysa og
ósvífni, en heildartekjum þjóðar-
búsins er ekki hægt að Ieyna. Við
búum við óvenjulegt góðæri.
Launamenn féllust á takmarkað
kaup meðan syrti að í þjóðarbú-
inu en þeir ætlast til þess að góð-
ærinu verði skilað til fólksins!“
Snúum vörn í sókn
„Alþýðubandalagið varð stær-
sti andstöðuflokkur íhaldsins í
kosningunum s.l. vor,“ sagði
Svavar. „Alþýðubandalagið ætl-
ar sér að verða ennþá sterkara í
kosningunum til alþingis til þess
að geta snúið vörn í sókn. Við
ætlum að flytja góðærið til fólks-
ins í landinu, fólkið hefur skapað
góðærið ásamt hagstæðum ytri
skilyrðum - þrátt fyrir ríkis-
stjórnina. Þessu góðæri verður að
skila til fólksins með því að sækja
vald handa fólkinu, sem snýr öfu-
gþróuninni tafarlaust við.
Alþýðubandalagið mun leggja
áherslu á þessi meginatriði og
fylgja þeim fram til sigurs:
Við viljum nýja stefnu í
launamálum þar sem stærri hluti
teknanna er inni í kauptöxtunum
sjálfum en nú er, sérstaklega í
bónusvinnu í fiskinum. Allir
lægstu taxtarnir verða að hverfa.
Þeir eru til skammar. Vinnutím-
ann verður að stytta kerfisbundið
- fyrir sömu laun. Uppeldis og
umönnunarstörf verði metin að
verðleikum í launakerfunum.
Við viljum aðra stefnu í
peninga- og vaxtamálum: Þak á
raunvexti og takmörkun á útlán-
um bankanna til eyðslugreina, en
verslunin hefur nú jafnmikil lán
úr bönkunum og allur sjávarút-
vegurinn.
Við viljum nýja byggðastefnu
og sjálfstæðari byggðarlög, þar
sem ákveðið er að ráðstafa stærri
hluta verðmætanna en nú er um
að ræða. Við höfnum miðstýr-
ingu embættismannavalds. Við
flytjum tillögur um nýja sókn í
atvinnulífinu og sýnum fram á
möguleika til þess að sækja milj-
arða króna og skapa þúsundir
nýrra starfa.
Við viljum húsnæðiskerfi sem
gerir öllum eignarhaldsformum
jafnhátt undir höfði, viljum verja
og bæta nýja húsnæðislánakerfið,
bæta verkamannabústaðakerfið
og opna fyrir búseturéttaríbúðir
og leiguhúsnæði.
Við viljum nýtt skattakerfi og
munum leggja fram sérstakar til-
lögur um það á þinginu í vetur.
Markmiðið er einföldun, jöfnuð-
ur og réttlæti. Við viljum skatt-
leggja fjármagnstekjur, fækka
frádráttarliðum, afnema frá-
dráttafrumskóg fyrirtækjanna og
flytja skattabyrðina yfir á stór-
eignamenn og fyrirtæki, m.a.
með hærri skattfrelsismörkum
teknanna en nú er. Við viljum
skattadómstól og skatteftirlit sem
sinnir hákörlunum en hættir að
eltast við fólkið með tíkallana.
Við viljum samfellt lífeyris-
kerfi og samræmd lífeyrisréttindi
fyrir alla landsmenn, en höfnum
valdaeinokun í lífeyrissjóðakerf-
inu. Við viljum bæta almanna-
tryggingakerfið og krefjumst
réttinda handa húsmæðrum og
þeim sem verða að annast börn,
aldraða eða sjúka einstaklinga á
heimilunum.
Við viljum alhliða menningar-
stefnu, þar sem fjölmiðlar bera á
borð fyrir börnin gott efni en ekki
afsiðandi, þar sem barnaheimili
og skólar eru opnar og frjálsar
uppeldisstofnanir, þar sem Há-
skóli íslands er akademísk stofn-
un á háu stigi, þar sem lánamál
námsmanna eru leyst samkvæmt
lögunum eins og þau voru ákveð-
in af síðustu ríkisstjórn. Við
höfnum algerlega kröfunum um
okurlán handa námsmönnum,
eins og Framsóknaríhaldið gerir
nú að tillögu sinni.
Alþýðubandalagið mun áfram
verða trútt hugsjónum sínum um
jafnrétti og lýðræði. Þeim hug-
sjónum munum við fylgja fram til
sigurs og treystum á stuðning
þinn,“ sagði Svavar.
Föstudagur 17. október 1986 ÞJÓÐVILJINN - SÍÐA 9