Þjóðviljinn - 10.01.1987, Blaðsíða 4

LEIÐARI
SjómannaveiWalliö
Þaö nöturlegt að sjómenn þurfi aö grípa til
verkfallsvopnsins, til að ná aftur hluta af þeirri
kjaraskerðingu sem ríkisstjórn Steingríms Her-
mannssonar tók af þeim með lögum árið 1983,
á sama tíma og hagur útgerðarinnar hefur aldrei
verið betri. Samt er það svo að í þessu bullandi
góðæri sjá sjómenn sig tilneydda til að stöðva
fiskiskipaflotann. Má af þessu sjá að atvinnu-
rekendur eru ekki tilbúnir að skila launafólki
aftur þeirri kjaraskerðingu, sem það var látið
taka á sig með lögboði þegar illa áraði hjá fyrir-
tækjum og ríkissjóði. Hvorki sjómönnum né
öðru launafólki er ætluð hlutdeild í góðærinu,
sem nú ríkir hjá atvinnuvegunum.
Þegar ríkisstjórn Steingríms Hermannssonar
greip til þess að lækka skiptahlutfallið úr 84% í
71 % árið 1983, var sú lagasetning réttlætt með
því að olíukostnaðurinn væri að sliga útgerðina.
Síðan hafa veður skipast mjög í lofti og olían
lækkað niður úr öllu valdi þannig að rökfærslan
frá 1983 stenst ekki lengur. Samkvæmt upplýs-
ingum frá Þjóðhagsstofnun skilaði olíuverð-'
lækkunin útgerðinni rúmum einum og hálfum
milljarði króna á síðasta ári og hlutfall olíukostn-
aðar af veltu útgerðarinnar lækkaði úr 18,3%
árið 1985 í 10,9% á síðasta ári.
Sjómenn hafa farið fram á að skiptaverðið
hækki í 80%, sem er 4% undir því sem það var
fyrir lagasetninguna. Það þýðir að hlutur sjó-
manna hækkar um 9,5%. Útgerðarmenn hafa
hinsvegar boðið sjómönnum 0,6% hækkun,
sem er ekkert annað en blautur sjóvettlingur
framan í andlit þeirra, sem sjá um að draga þá
björg í þjóðarbúið, sem mikilvægust er.
Útgerðin hefur ekki bara hagnast af olíuverð-
lækkunum að undanförnu. Mikil eftirspurn og
hagstætt verð á erlendum mörkuðum hafa or-
sakað það að aldrei áður hefur verðmæti sjáv-
arafla verið jafn mikið og á sl. ári. Útflutnings-
verðmæti sjávarafurða jókst þá um 10 milljarða.
Þjóðhagsstofnun hefur látið í það skína að
sjómenn hafi þegar fengið það bætt, sem þeir
misstu með lögum um kostnaðarhlutdeild árið
1983. í viðtali við Hólmgeir Jónsson, hagfræð-
ing Sjómannasambandsins í Þjóðviljanum í
gær, kom fram að niðurstöður Þjóðhagsstofn-
unar eru byggðar á leiðréttingum, sem sjómenn
hafa fengið á lífeyrisréttindum og fæðispening-
um auk þess sem hækkun kauptryggingar er
einnig reiknuð með. Telur Hólmgeir rangt að
blanda saman kauptryggingu, sem eru lág-
markslaun sjómanna og hlutaskiptakjörum.
Því miður hafa margir fjölmiðlanna sýnt auka-
atriðum þessarar deilu meiri áhuga en því sem
hún snýst í raun og veru um. Hefur verið reynt
að gera einhverskonar hetju úr skipstjóra rækj-
utogarans Hafþórs, sem hefur neitað að verða
við tilmælum samningsaðila og sáttasemjara.
Nú hafa sjómenn hinsvegar unnið áfangasigur
þar sem skipstjórinn hefur orðið við fyrirmælum
útgerðar sinnar og siglt í land. Þetta atvik sýnir
að nauðsynlegt er að í samningum séu skýr
ákvæði, sem kveða upp úr um að svona atvik
geti ekki endurtekið sig, einsog Austfirðingar
hafa í sínum samningum.
Töluverðar vangaveltur hafa orðið um að
ríkisstjórnin grípi til lagasetningar, einsog oft-
lega áður þegar atvinnurekendur sjá hag sínum
ógnað. Þjóðviljinn varar við slíkri valdníðslu.
Rétt væri hinsvegar að ríkisstjórnin athugaði að
afnema lögin frá 1983 um kostnaðarhlut-
deildina, því þá væri deilan úr sögunni.
-Sáf
Mynd:E. Ól.
LJOSOPIÐ
þlÓÐVIUINN
Málgagn sósíalisma, þjóðfrelsis
og verkalýðshreyfingar
Útgefandi: Útgáfufélag Þjóðviljans.
Rltstjórar: Ami Bergmann, Þráinn Bertelsson, össur
Skarphéðinsson.
Fróttaatjóri: Lúðvík Geirsson.
Biaðamenn: GarðarGuðjónsson, Ingólfur Hjörieifsson, Kristín
Ólafsdóttir, Magnús H. Gíslason, MörðurÁmason, ÓlafurGíslason,
Sigurður Á. Friðþjófsson, Valþór Hlöðversson, Vilborg Davíðsdóttir,
Víðir Sigurðsson (íþróttir), Yngvi Kjartansson (Akureyri).
Handrita- og prófarfcalesarar: Andrea Jónsdóttir, Elías Mar.
Ljósmyndarar: EinarÓlason, SigurðurMarHalldórsson.
Utlltstelfcnarar: Sævar Guðbjömsson, GarðarSigvaldason.
Framkvæmdaatjóri: Guðrún Guðmundsdóttir.
Skrifstofu8tjóri: Jóhannes Harðarson.
Skrifatofa: Guðrún Guðvarðardóttir, Magnús Loftsson.
Auglý8inga8tjóri: Sigríður Hanna Sigurbjörnsdóttir.
Auglýsingar: Ásdís Kristinsdóttir, Guðbergur Þorvaldsson, Olga
Clausen, Guðmunda Kristinsdóttir.
Símvarsla: Katrín Anna Lund, Sigríður Kristjánsdóttir.
Husmóðir: Ólöf Húnfjörð.
Bílstjóri: Jóna Sigurdórsdóttir.
Afgrelöslustjóri: Hörður Oddfríðarson.
Afgreið8la: Bára Sigurðardóttir, Kristín Pétursdóttir.
Innheimtumenn: Brynjólfur Vilhjálmsson, ÓlafurBjömsson.
Útkeyrsla, afgreiðsia, ritstjórn:
Síðumúla 6, Reykjavík, sími 681333.
Auglýsingar: Síðumúla 6, símar 681331 og 681310.
(Jmbrot og setning: Prentsmiðja Þjóðviljans hf.
Prentun: Blaðaprent hf.
Verð ílausa8Ölu: 50 kr.
Helgarblóð:55kr.
Askrlftarverð á rnánuði: 500 kr.
4 SÍÐA - ÞJÓÐViLJINN Laugardagur 10. janúar 1987