Þjóðviljinn - 24.01.1987, Side 16

• í.
Aðalsími
681333
Kvöldsími
681348
Helgarsími
681663
Laugardaour 24. janúar 1987 18. tölublað 52. órgangur
OECD
Svört skýrsla um skólamál
íslenskir skólar gamaldags og standast ekki nútímakröfur má lesa út úr skyrslu OECD
Menntamálaráðuneytið hefur
sent frá sér skýrslu þá sem
sérfræðingar OECD unnu um ís-
lenska skólakerfið á síðastliðnu
ári. í skýrslu þessari er dregin
upp fremur ófögur mynd af á-
standinu í íslenska
menntakerflnu.
Höfundar skýrslunnar telja að
víða beri mikið á milli yfirlýstra
markmiða yfirvalda og skóla-
frömuða og þeirrar framkvæmd-
ar sem þeir urðu varir úti í skóla-
kerfinu. Þeir gagnrýna of stuttan
skóladag og mismunun á skóla-
þjónustu í dreifbýli og þéttbýli,
og benda á tregðu skólanna við
það að taka upp nútímalegar
skólaaðferðir og beita við það nú-
tímatækni. Þá gagnrýna þeir að
of mikill tími fari í tungumála-
kennslu í íslenskum skólum á
kostnað annarra greina og segja
allt of litla áherslu lagða á skap-
andi starf og hugsun og sjálfstæð
vinnubrögð meðal nemenda.
Skýrsluhöfundum verður einn-
ig tíðrætt um bág kjör kennara-
stéttarinnar og það vanmat á
kennarastarfinu sem sé ríkjandi
meðal fólks. Telja þeir skýring-
una á vanhæfni kennara við að
beita nútímalegum kennsluað-
ferðum og hugmyndaauðgi í
starfi stafi ekki síst af of mikilli
vinnu og vanmati á störfum
þeirra. Þeir benda jafnfrmt á að
þótt Kennaraháskólinn útskrifi
mikið af vel menntuðum kennur-
um, þá endist ekki nema 30%
þeirra í vinnu vegna slæmra kjara
og vinnuaðstöðu. í heild tekur
skýrslan undir margar þær kröfur
sem kennarastéttin hefur haft
uppi á undanförnum árum. Sagt
er ítarlegar frá innihaldi skýrsl-
unnar á bls. 8 — 9 í dag.
-ólg
Hlýindin
Stjóm Landssambands hestamannafólaga og íþróttaráðs sambandsins fóru í
hópreið til Bessastaða I gær þar sem forseta Islands Vigdísi Finnbogadóttur
var afhentur áritaður veggskjöldur. Slíkir skildir verða til sölu um allt land til
styrktar þátttöku íslenskrar keppnissveitar á Evrópumóti íslenskra hesta sem
verður haldið í Austurríki á komandi sumri.
- Mynd: Sig.
Alþýðubandalagið
Efstu menn
leggja
línumar
Frambjóðendur úr öllum
kjördœmumfunda í
Reykjavík um helgina
Allir efstu menn á framboðs-
listum Alþýðubandalagsins í
komandi alþingiskosningum
koma saman til fundar i Reykja-
vík nú um helgina. Reiknað er
með að um og yfir 30 frambjóð-
endur komi tU fundarins sem
haldinn verður í Flokksmiðstöð-
inni að Hverfisgötu 105.
Megintilgangurinn með þessu
fundi er að stilla saman strengina
nú í upphafi kosningabaráttunn-
ar og ræða ýmis mál varðandi
skipulag baráttunnar bæði sam-
eiginlega og heima í kjördæmun-
um, sagði Óttar Proppé, fram-
kvæmdastjóri Alþýðubandalags-
ins í samtali í gær. -Ig.
Hætta á gróöurskemmdum
Veðurfar nú minnir um margt á veturinn 1963
Farmenn
Ekkert
hefur
miðað
Fundi lauk síðdegis í
gær. Nýr fundur ekki
boðaður
Ekkert hefur miðað í átt til
samkomulags í deUu farmanna og
útvcgsmanna. Síðdegis í gær lauk
fundi hjá sáttasemjara, en ekki
var boðað tU nýs fundar.
Fundir hófust hjá ríkissátta-
semjara kl. 14.00 í gær og stóðu
fram eftir degi, en ekkert miðaði
að sögn Guðmundar Hallvarðs-
sonar formanns Sjómannafélags
Reykjavíkur. Farmenn hafa
haldið fast við upphaflegar kröf-
ur sínar, en óljóst er á hvaða
grundvelli viðræðurnar munu
halda áfram.
Nú hefur um helmingur
kaupskipaflotans stöðvast vegna
verkfalls undirmanna á far-
skipum og hafa ýmsir aðilar,
einkum útflutningsaðilar, þungar
áhyggjur af framgangi mála í
deilúnni.
r
Eg fer nú að verða kvíðafullur.
Hlýindakaflar í janúar gera
venjulega ekki svo mikið til, en ef
teygist úr þeim eins og nú verður
hætta á að áhrif hinna náttúru-
legu ,rsvefnlyfja“ gróðurins fari
að dvína og hann að taka við sér.
Nú er þannig ástatt að þar sem
land liggur lægst er klaki horfinn
úr jörðu og eykur það enn á hætt-
una og sjást þess merki t.d. undir
húsveggjum að gróður er farinn
að hreyfa sig, segir Jóhann Páls-
son garðyrkjustjóri borgarinnar.
Veðrið nú minnir verulega á
veðrið 1963 en þá voru mikil
hlýindi alveg fram til 9. apríl og
allt orðið laufgað þegar kólnaði
um 20 gráður á einum sólarhring
- úr 10 gráðu hita í 10 gráðu frost,
enda fór sem fór.
Það sem nú er farið að hreyfast
eru blómbrumin á víði og ösp, en
á sumum víðitegundum og alask-
aöspinni þá blómgast þau áður en
plantan laufgast, en þetta gerist
oft um miðjan vetur og í sjálfu sér
gerist ekki annað en þær fella
ekki fræ það árið.
Hættan er hins vegar sú nú
varðandi þessar og margar fleiri
trjátegundir, að vökvastreymi út
í brumin fari verulega af stað og
ef kólnar aftur þá getur farið illa.
td. fór alaskaöspin ákaflega illa
1963.
Þar sem við getum ekki haft
áhrif á veðrið, verðum við bara
að setja fingur í kross og vona það
besta. Fólk er alltaf áhyggjufullt
seinni hluta vetrar og á vorin, en
hretin verða til þess auðvitað að
gróður sem ekkert erindi á hing-
að fellur út en hinn heldur velli.
Náttúran velur sjálf þann gróður
sem hæfastur er sagði Jóhann
Pálsson garðyrkjustjóri.
-sá
Áfengi og tóbak
Sterioi vínin sækja á
Samdráttur ísölu á sígarettum annað árið í röð. Minni sala á léttum vínum
Töluverð aukning varð á neyslu
sterkra vlna á nýliðnu ári mið-
að við árið á undan en neysla á
sterkum vínum hefur sífellt verið
að aukast undanfarin fjögur ár.
Að sama skapi hefur neysla á létt-
um vínum dregist nokkuð saman
tvö sl. ár. Á þessum sama tíma
hefur orðið þónokkur samdrátt-
ur I sölu á tóbaki.
Alls seldi Áfengis- og tóbaks-
verslunin í fyrra rúmlega 3.215
þús. lítra af áfengi. Sala á sterk-
um vínum jókst um 9.21% frá ár-
inu á undan en dróst saman á létt-
um vínum 4.62% á sama tíma.
Alkóhólneysla á hvern íslending
15 ára og eldri var í fyrra 4.50
alkóhóllítrar sem er ríflega 4%
aukning frá fyrra ári.
Af tóbaki var hlutfallslega
mestur samdráttur í sölu á
reyktóbaki eða 17.77%. en sala á
slíku tóbaki hefur farið ört
minnkandi á þessum áratug. Sala
á sígarettum dróst saman um
rúmt 1% og er þetta annað árið í
röð sem samdráttur er í sölu á
sígarettum. Aftur á móti jókst
salan á vindlum um 0.1% en hún
hafði dregist saman um nær 5%
árið 1985.
-4g-