Þjóðviljinn - 12.08.1987, Blaðsíða 9
Vefnaður
Handvefnaður
ekki metinn
sem skyldi
ÍSAFJÖRÐUR
Vefstofa Guðrúnar Vigfúsdóttur hefur verið
rekin á ísafirði í aldarfjórðung. Nú vill Guðrún
hins vegar láta af mannaforráðum og snúa
sér alfarið að vefnaði. Hefur sagt upp hjá
ríkinu eftir 42 ára starf við húsmæðraskólann
Munir frá Vefstofu Guðrúnar
Vigfúsdóttur hf. á ísafirði hafa
farið viða á þeim aldarfjórð-
ungi sem stofan hefur verið
rekin, en hún var sett á fót í
herbergi við Hafnarstræti 7
árið 1962. Nú á 25 ára afmæl-
inu er fyrirtækið hins vegar til
sölu, enda vill manneskjan á
bak við reksturinn, Guðrún
Vigfúsdóttir, nú snúa sér alfar-
ið að vefnaði, en láta af manna-
forráðum og því stússi sem
þeim fylgir.
„Ég hef verið allt í senn versl-
unarstjóri, hönnuður, fram-
kvæmdastjóri, stjórnarformaður
og vefari hjá fyrirtækinu í öll
þessi ár og ég er alltaf að sjá betur
og betur að stjórnun fyrirtækisins
tekur allt of mikinn tíma frá vefn-
aðinum, þessari ævafornu list-
grein.
Ég er síður en svo á þeim bux-
unum að setjast í helgan stein, en
mig langar að draga mig út úr
þessum rekstri og stofna mína
eigin vefstofu án þess að hafa
mannaforráð. Þannig get ég snú-
ið mér alfarið að vefnaði.
Við höfum haft alveg framúr-
skarandi fólk í vinnu hjá vefstof-
unni, enda stendur svona fyrir-
tæki og fellur með starfsfólkinu.
Samstarfið við hluthafana hefur
einnig verið mjög ánægjulegt, en
nú er mál að linni,“ segir Guðrún
þegar blaðamaður Þjóðviljans er
kominn inn í bakherbergi Vef-
stofubúðarinnar og hefur
grennslast fyrir um ástæður þess
að fyrirtækið er til sölu.
Bindið hans Halldórs
„Handvefnaður er ævaforn
listgrein og gömul íslensk hefð.
Við höfum verið að reyna að við-
halda þessari hefð, en mér finnst
handvefnaður engu að síður ekki
metinn sem skyldi hér á íslandi,"
heldur Guðrún áfram.
„Hérá Vefstofunni hafa undan-
farinn aldarfjórðung verið ofnir
ýmsir góðir gripir. Við höfum
ofið kirkjuskrúða, kjóla, bæði
með listvefnaði og svo einfaldari
kjóla, veggteppi, alls kyns mynd-
ir, aðallega fuglamyndir á síðustu
árum, værðarvoðir, slár, pils,
jakka, mussur, trefla, borðrefla,
herrahálsbindi og fleira. Sumir
þessara muna hafa einungis feng-
ist hjá okkur hér á ísafirði, en
aðrir hafa fengist annars staðar.“
Þeir eru til sem halda órjúfandi
tryggð við íslenska ull og íslensk-
an handvefnað og einn af þeim er
Halldór Kristjánsson á Kirkju-
bóli. Hann mun að sögn Guðrún-
ar eitt sinn hafa keypt sér handof-
ið bindi og tekið við það miklu
ástfóstri. Atta árum síðar hringdi
hann hins vegar til Vefstofu
Guðrúnar, kvað bindið góða orð-
ið gatslitið eftir mikla notkun, og
vildi fá annað nákvæmlega eins.
Guðrún og félagar hennar hrif-
ust svo af þessari ást Halldórs á
bindinu, að þær ófu handa hon-
um dökkbrúnt bindi, nákvæm-
lega eins og það gamla og sendu
honum sem gjöf. „Hann sendi
okkur ljóð í staðinn,“ segir Guð-
rún og hlær að minningunni.
Sýningar erlendis
Dæmi um það sem Guðrún
hefur ofið hangir uppi á vegg í
bakherbergi verslunarinnar, þrjú
veggteppi, þar sem rakin er í
stuttu máli saga útgerðar á ís-
landi. Teppin eru í sauðalitunum
og ýfð til þess að fá fram hreyfing-
una í umhverfinu. Bæjarsjóður
ísafjarðar hefur fest kaup á þess-
um teppum og hefur þeim þegar
verið valinn staður í nýja
stjórnsýsluhúsinu á ísafirði.
Blaðamaðurinn fékk einnig að
sjá myndir af brúðarkjólum,
höklum og fleiri munum, sem of-
nir eru úr íslenskri ull og hefur
sumt farið á sýningar erlendis.
Guðrún kveðst hafa farið á
tvær sýningar erlendis með vefn-
að sinn, auk sýninga hérlendis,
stórra og smárra, m.a. tók hún
þátt í sýningunni íslensk föt í
Laugardalshöll árin 1976 og
1978. Fyrri sýningin erlendis var
haldin í Noregi og sýndi þá einn
aðili frá hverju Norðurlandanna,
en sú síðari var haldin í Sorö í
Danmörku og voru þá sýndir
höklar. Vefnaður Guðrúnar fékk
mjög góða dóma í báðum tilvik-
um.
En ævistarf Guðrúnar er ekki
eingöngu fólgið í rekstri vefstofu
og vefnaði, sem hún hefur verið
sæmd fálkaorðu fyrir. Hún hefur
kennt við Húsmæðraskólann Ósk
á ísafirði í 42 ár, en hefur nú sagt
upp starfi sínu hjá ríkinu „sökum
aldurs", eins og hún segir sjálf.
Hún hefur haldið ótal nám-
skeið í vefnaði á þessum árum og
segist vera hissa á hversu vel þau
hafa verið sótt.
„Fólk hefur sýnt þessu mikinn
áhuga og karlmennirnir hafa ekki
staðið sig síður við vefstólinn en
konurnar," sagði Guðrún Vigfús-
dóttir.
-gg
Guðrún við vefstólinn: Stjómun fyrirtækisins hefur tekið allt of mikinn tíma frá vefnaðinum.
Allt til bygginga á einum stað
Trésmiðja, Plastverksmiðja, Rafbúð,
Málningaþjónusta,
Bygginga verktakar, Bygginga vöruverslun.
Jón Friðgeir Einarsson
Byggingaþjónusta
Bolungarvík. Sími á skrifstofu 94-7351 í verslun 94-7353.
LEO
LITMYNDIR
FRAMKÖLLUN
'fJL/# Á 30 MÍNÚTUM
S?.36
FUJIC0L0R
FUJI FILMUR OG MYNDAVÉLAR
LEO LITMYNDIR, HRÐAFRAMKÖLLUN, HAFNARSTRÆTI 7. ÍSAFIRÐI
ÞJÓÐVILJINN - SÍÐA 9