Þjóðviljinn - 12.08.1987, Blaðsíða 10
ÍSAFJÖRÐUR
Séð yfir fjársterkan ísafjarðarkaupstað, þar sem nóg er um atvinnu, en vantar fólk og húsnæði.
fsafjörður
Húsnæðisskortur setur strik
í reikninginn
Mikil atvinna í boði á ísafirði, en um leið manneklavegna húsnæðisskorts. Haraldur Haraldsson
bæjarstjóri segirað atvinnuástandið bjóði upp á um 10% fólksfjölgun. Bygging kaupleiguíbúða leysir
vandannaðhlutatil. Fjársterkur kaupstaðurstendurístórframkvæmdum
Hér er mikið um framkvæmdir
og mikil atvinna. Fjárhagslega
stendur ísafjarðarkaupstaður
mjög vel að vígi miðað við mörg
önnur sveitarfélög. Mikil atvinna
á staðnum og nokkuð góð laun
gera það að verkum að bærinn
hefur rffandi tekjur, sagði
Haraldur L. Haraldsson
bæjarstjóri á ísafirði í samtali við
Pjóðviljann.
Það er ekki ofsögum sagt hjá
Haraldi að ísfirðingar standa í
stórræðum, einkum ef borið er
saman við ýmis önnur bæði stærri
og minni sveitarfélög, þar sem
framkvæmdafé er mjög af
skornum skammti og lítt fyrir
iðnaðarmenn að starfa. Á ísafirði
er hins vegar slegist um hvern
þann iðnaðarmann sem sést þar á
ferli, hver svo sem iðnin er.
Ástandið er þó ekki algott að
sögn Haraldar, því nokkur
skortur er á vinnuafli í bænum.
„Við eigum við mikinn húsnæðis-
vanda að etja. Það væri hægt að
fylla í að minnsta kosti 100 stöður
í öllum starfsgreinum ef húsnæði
væri fyrir hendi fyrir allt þetta
fólk. Átvinnuástandið býður upp
á verulega fólksfjölgun í bænum,
allt að 10%, en húsnæðisskortur í
bænum stendur þeirri þróun fyrir
þrifum. Við vitum að fólk vill
flytja til ísafjarðar, en getur það
ekki þar sem það fær ekki hús-
næði.
Hér getur fólk eiginlega unnið
eins mikið og það vill. Unnið er í
rækju á vöktum allan
sólarhringinn og það er
athyglisvert að rækjuvinnsla er
ekki minni þáttur í
atvinnustarfsemi í bænum en
önnur fiskvinnsla. Félagslíf í
bænum er með ágætum og
menntunarmöguleikar eru eins
góðir og hægt er að ætlast til á
svona stað. í»að mælir því
Við vitum að fólk vill flytja til
ísafjarðar, en getur það ekki
vegna húsnæðisskorts, segir
Haraldur Haraldsson bæjarstjóri.
ýmislegt með því að fólk flytji
hingað.
Við gerum okkur vonir um að
hægt verði að leysa húsnæðis-
vandann í bænum að hluta til með
byggingu kaupleiguíbúða. Við
höfum rætt þennan möguleika
við félagsmálaráðherra og höfum
sent húsnæðismálastjórn umsókn
um lán til þess að byggja 40
kaupleiguíbúðir fyrst um sinn.
Samkvæmt könnun sem gerð
var á vegum bæjarins vantar 110
leiguíbúðir á ísafirði og ég held
að ástandið sé hvergi eins slæmt. “
Þröngt í höfninni
„Af þeim framkvæmdum
sem nú eru í gangi ber
fyrst að nefna
framkvæmdir við
nýja vöruhöfn.
Þar verður framkvæmt fyrir 35-40
milljónir króna á þessu ári.
Það er óhætt að segja að mikill
skortur sé á viðleguplássi og
athafnasvæði við ísafjarðarhöfn.
Skipakomum hefur fjölgað um
yfir 100% á sama tíma og
viðlegupláss hefur lengst
einungis um nokkra tugi metra,
þannig að það segir sig sjálft að
það er oft þröng á þingi í
höfninni. Nýi hafnarkanturinn er
okkar aðalframkvæmd í ár.
Einnig er unnið að tengibygg-
ingu milli barnaskólans og
gagnfræðaskólans, en eftir
sameiningu skólanna í
grunnskóla vantar 40% upp á að
skólahúsnæðið uppfylli þau norm
sem sett eru. f nýju byggingunni,
sem kostar 10 milljónir á þessu
ári, verður aðstaða fyrir
félagsstarf og kennara auk þess
sem þar verða kennslustofur.
Menntamálaráðuneytið hefur
skrifað undir samning við ísa-
fjarðarkaupstað um byggingu nýs
íþróttahúss og var hafist handa
við jarðvegsskipti í vor.
Samkvæmt samningnum við
ríkið, sem fjármálaráðherra
hefur að vísu ekki enn skrifað
undir, er gert ráð fyrir að
byggingunni verði lokið árið
1992.
Það má segja að Vestfirðir séu
eini landshlutinn sem ekki getur
státað af fuilkomnu íþróttahúsi,
en við höfum lengi barist fyrir
byggingu slíks húss. íþróttahúsið
sem við notumst við nú er nær
hálfrar aldar gamalt og alls ekki
fullnægjandi.
Eins og ég sagði skrifaði
fyrrverandi menntamálaráðherra
undir samning um bygginguna,
en Þorsteinn Pálsson, fyrrverandi
fjármálaráðherra, sá ekki ástæðu
til þess að gera slíkan samning og
það olli okkur verulegum
*\
10 SÍÐA — ÞJÓÐVILJINN Mlðvikudagur 12. ágúst 1987
vonbrigðum. Við eigum hins
vegar fund með nýja
fjármálaráðherranum fljótlega
og gerum okkur vonir um að
hann muni staðfesta
samninginn."
Barn í bala
„Við erum einnig að vinna að
því að koma stofnunum bæjarins
í varanlegt húsnæði. Við erum
með bæjarskrifstofurnar í
leiguhúsnæði sem stendur, en við
erum aðilar að byggingu
stjórnsýsluhússins, sem á að vera
tilbúið næsta vor, þannig að við
komumst væntaníega í eigið
húsnæði næsta sumar. Það er gert
ráð fyrir að stjórnsýsluhúsið kosti
alls um 200 milljónir króna, en
þar af borgar bærinn 19%.
Gamla áhaldahús bæjarins
verður rifið í haust og þá ætlum
við að vera búnir að byggja nýtt
hús í þess stað.
Bærinn er aðili að Byggingar-
samvinnufélaginu Hlíf, sem nú er
að byggja söluíbúðir fyrir
aldraða, en frá árinu 1982 hafa
verið byggðar 30 leiguíbúðir fyrir
aldraða á vegum bæjarins.
Við stefnum einnig að því að
taka nýja fjórðungssjúkrahúsið í
notkun fyrir áramót, en aðstaðan
í því gamla er alls ófullnægjandi.
Þrengslin þar eru slík, að þegar
það gerðist nýlega að fjögur börn
fæddust samdægurs, þurfti að
búa um eitt þeirra í bala.
Sú gagnrýni á hins vegar rétt á
sér, að nýja sjúkrahúsið er heldur
stórt.
Það er íhugunarvert að nýja
sjúkrahúsið hefur verið 14 ár í
byggingu, en það tók 18 mánuði
að byggja það gamla á sínum
tíma. Mánuðirnir hafa þannig
orðið ár.
Auk þessa má nefna gatna-
gerða'rframkvæmdir,
gangstéttarlagnir og þess háttar,
þannig að við sitjum ekki auðum
höndum þepsa dagana,“ sagði
Haraldur Haraldsson.
-gg
v.
ÍSAFJÖRÐUR
Bæjarskrifstofurnar leigja hjá Kaupfélaginu enn um sinn, en næsta sumar er gert ráð fyrir að þær
flytji í stjómsýsluhúsið ásamt fjölda annarra stofnana.
Húsnæðismál grunnskólans taka miklum stakkaskiptum þegar tengibyggingin verður tekin í
notkun.
sfirðingar gera sér vonir um að hið nýja og glæsilega fjórðungssjúkrahús verði tekið í notkun á
jessu ári, en í viðtalinu fellst Haraldur á að það sé heldur í stærra lagi. Sjúkrahúsið hefur verið 14
ár í byggingu, en það tók aðeins 18 mánuði að reisa það gamla.
Skipakomum til (safjarðar hefur fjölgað verulega á síðustu árum og það er því oft þröng á þingi í
(safjarðafhöfn. Þessi nýi viðlegukantur, sem er aðalframkvæmd Isfirðinga í ár, mun leysa að
nokkru úr þessum vandkvæðum.
VASMIMy
Flateyri Sími: 94-7751
TAPAÐU EKKI AF
VAGNINUM
ÞVÍ VAGNINN BÝÐUR
sælgæti — samlokur — kaffi — hamborgara
— franskar — pylsur — skyndirétti — ís.
GISTIHEIMILI — VIDEÓLEIGA — BILLJARD
næst þegar þú ferðast innanlands
Tíminn er takmörkuö auðlind. Flugið sparar
tíma og þar með peninga.
Flugleiðir og samstarfsaðilar í lofti og á láði
tengja yfir 40 þéttbýliskjarna innbyrðis
og við Reykjavík.
Með þaulskipulagðri og nákvæmri áætlun
leggjum við okkur fram um að farþegum okkar
nýtist tíminn vel.
Þannig tekur ferð landshorna á milli
aðeins stutta stund efþú hugsar hátt.
FLUGLEIDIR Jffl&
Mlðvlkudagur 12. ágúst 1987 ÞJÓÐVILJINN — SÍÐA 11