Þjóðviljinn - 12.08.1987, Blaðsíða 14

Húsgögn til sölu
vegnaflutninga. Eldhúsborðog stólar, stofuborð,
sófi, hægindastólar og fleira. Selst ódýrt.
Upplýsingar veita Garðar og Kristín í síma
686856.
Starfsfólk
Fálkaborgar
auglýsir
eftir fóstrum og starfsfólki til starfa á leikskóla og
dagheimilisdeildum heimilisins nú þegar eða eftir
nánara samkomulagi. Um er að ræða heils- og
hálfsdags stöður. Fálkaborg er nýlegt dagvistar-
heimili við Fálkabakka í Breiðholti. Hjá okkur ríkir
góður starfsandi við gefandi og fjölbreytt uppeld-
isstarf. Hafir þú áhuga á að koma til liðs við okkur
þá veitir Auður, forstöðumaður, allar nánari upp-
lýsingar í síma 78230 f.h.
IPI
>*» *** **
W Útboð
Innkaupastofnun Reykjavíkurborgar fyrir hönd
Byggingadeildar óskar eftir tilboðum í niðurrif
húsa á fyrrverandi lóð Bæjarútgerðar Reykjavík-
ur, á horni Meistaravalla og Grandavegar í
Reykjavík.
Útboðsgögn eru afhent á skrifstofu vorri, Frí-
kirkjuvegi 3, Reykjavík, gegn kr. 5000,- skila-
tryggingu.
Tilboðin verða opnuð á sama stað, miðvikudag-
inn 26. ágúst nk. kl. 11.
INNKAUPASTOFNUN REYKJAVÍKURBORGAR
Fríkirkjuvegi 3 - Sími 25800
Manitóbaháskóli.
Prófessorsstaða í ís-
lensku er laus til um-
sóknar
Tekið verður á móti umsóknum eða tilnefningum
til starfs við íslenskudeild Manitóbaháskóla og
boðið upp á fastráðningu (tenure) eftir tiltekið
reynslutímabil í starfi ef öllum skilyrðum er þá
fullnægt. Staðan verður annaðhvort veitt á stig-
inu „Associate Professor" eða „Full Professor"
og hæfur umsækjandi settur frá og með 1. júlí
1988. Laun verða í samræmi við námsferil, vís-
indastörf og starfsreynslu. Hæfur umsækjandi
þarf að hafa lokið doktorsprófi eða skilað
sambærilegum árangri á sviði íslenskra bók-
mennta bæði fornra og nýrra. Góð kunnátta í
enskri tungu er nauðsynleg sem og fullkomið
vald á íslensku rit- og talmáli. Kennarareynsla í
bæði málfræði og bókmenntum er mikilvæg og
æskilegt að umsækjandi hafi til að bera nokkra
kunnáttu í nútímamálvísindum. Þar sem ís-
lenskudeild er að nokkru leyti fjármögnuð af sér-
stökum sjóði og fjárframlögum Vestur-
íslendinga, er ráð fyrir því gert að íslenskudeild
eigi jafnan drjúga aðild að menningarstarfi þeirra.
Þess ervænst að karlarjafnt sem konursæki um
þetta embætti. Samkvæmt kanadískum lögum
sitja kanadískir þegnar eða þeir sem hafa
atvinnuleyfi í Kanada í fyrirrúmi.
Umsóknir eða tilnefningar með ítarlegum
greinargerðum um námsferil, rannsóknir og
starfsreynslu, sem og nöfnum þriggja er veitt geti
nánari upplýsingar, berist fyrir 30. október 1987.
Karen Ogden
Associate Dean of Arts
University of Manitoba
_________ERLENDAR FRÉTTIR__
Ástralía
Grunsamlegur
dauði fmmbyggja
Síðan í desember hafa 17 ástralskir blökkumenn fyrirfarið sér
í fangagœslu
Snemma í síðustu viku komu
iögregluþjónar í bænum Brew-
arrina í Nýju Suður-Wales auga á
ungan blökkumann, afkomanda
frumbyggja Ástralíu, þar sem
hann ráfaði um gangstétt í mið-
bænum bersýnilega vel við skál.
Þeir handóku hann umsvifalaust
og færðu í fangageymslu. Honum
var auk ölvunar á almannafæri
gefið að sök að hafa rofið samn-
ing við yfirvöld um að hegða sér
skikkanlega þar eð hann hafði
skömmu áður verið látinn laus til
reynslu eftir að hafa afplánað
hluta refsivistar fyrir ýms smá-
brot. Honum var því án málal-
enginga varpað í fangaklefa.
Tæpum tveim klukkustundum
eftir að Lloyd James Boney var
lokaður inni hugðist fangavörður
einn færa honum náttverð einsog
lög gera ráð fyrir. Þá var fanginn
látinn. Hann hafði farið úr sokk-
um sínum, bundið þá saman og
útbúið þannig „snöru“ sem hann
hengdi sig í.
Orlög Boneys eru sannarlega
ekkert einsdæmi. Frá því í des-
embermánuði síðastliðnum hafa
hvorki fleiri né færri en 17 frum-
byggjar dáið í fangagæslu og virð-
ast þeir allir hafa fyrirfarið sér,
þorri þeirra aðeins örfáum
klukkustundum eftir að þeir voru
læstir inni. Lögregluyfirvöld
standa á því fastar en fótunum að
þeir hafi fallið fyrir eigin hendi.
„Þegar ungur frumbyggi er undir
áhrifum áfengis, þunglyndur og
lokaður inní fangaklefa er hann
til alls vís,“ segir Eric nokkur
Law. Law þessi er háttsettur
embættismaður og veitti nýlega
forystu nefnd sem fór ofaní
saumana á aðbúnaði í fangelsum
Queenslands þar sem flestir
frumbyggjanna hafa látist.
Þótt nefndarmenn segist ekki
hafa komist á snoðir um neitt sem
vefengt gæti frásagnir lögregl-
unnar um það hvað hafi orðið
fumbyggjunum að aldurtila þá
eru ekki allir sáttir við þá niður-
stöðu.
Forystumenn blökkumanna í
Ástralíu eru ævareiðir. Þeir
krefjast þess að alríkisstjórnin
láti þegar fara fram ítarlega rann-
sókn á öllum dauðsföllunum.
„Við getum ekki sætt okkur við
að neinn láti lífið í gæsluvarð-
haldi. Stjórnvöld geta ekki rétt-
lætt þetta á nokkurn hátt,“ stað-
hæfir Rosemary Wanganeen en
hún er félagi í Mannréttinda-
nefnd blökkumanna (CDBR).
Leiðtogar frumbyggjanna hafa
ekki sakað neinn um að hafa myrt
sautjánmenningana en þeir full-
yrða að sjálfsmorðin séu bein af-
leiðing skipulegs misréttis af
hálfu hvíta meirihlutans. Blökku-
menn séu til að mynda oft og iðu-
lega handteknir fyrir litlar sakir,
svo sem ölvun á almannafæri en
það heyri til undantekninga ef
hvítir séu teknir höndum fyrir
slíkt.
Ennfremur kveða þeir frum-
byggjana sárasjaldan njóta að-
stoðar lögfræðinga sé þeim stung-
ið inn því fáir vilji leggja þeim lið.
Ofan á þetta bætist að blökku-
menn sæti oft illri meðferð í fang-
elsum af hálfu fangavarða.
í Lundúnum er starfrækt stofn-
un sem rannsakar útbreiðslu á
vinnuáþján og þrælahaldi í þriðja
heiminum og berst fyrir uppræt-
ingu þess ófögnuðar. Einn starfs-
manna hennar, Julian nokkur
Berger, lauk nýlega við athugun
á högum frumbyggja í Ástralíu.
Eitt af því sem fram kemur í
skýrslu hans rennir stoðum undir
fullyrðingar blökkumannanna
um illa vist í fangelsum.
Hann segir „fjölda manna sem
hann ræddi við hafa fullyrt að
frumbyggjar sæti bæði andlegum
og líkamlegum pyntingum í
gæsluvarðhaldi... og að ungar
konur og börn séu misnotuð.“
Það hefur ekki verið auðvelt að
afla sönnunargagna viðvíkjandi
dauðsföllunum sautján. Þeir fáu
frumbyggjar sem fengist hafa til
að láta eitthvað uppi opinberlega
hafa jafnóðum dregið framburð
sinn til baka og kveðast hafa sætt
harðræði af hálfu lögreglunnar.
Engu að síður fullyrða félagar í
Mannréttindanefnd blökku-
manna að æ fleiri frumbyggjar
láti í sér heyra og leggi fram kær-
ur ef þeim er misboðið. Enda
ekki vanþört á ef þær fullyrðingar
nefndarmanna eiga við rök að
styðjast að síðasta rúma áratug
hafi 90 frumbyggjar dáið með
grunsamlegum hætti í fanga-
vörslu.
Frumbyggjar sendu sinn eigin
fulltrúa á fímd Mannréttinda-
nefndar Sameinuðu þjóðanna,
sem haldinn var í Genf í síðustu
viku, í þeim erindagjörðum að
vekja athygli umheimsins á
vanda sínum. Um svipað leyti lést
Boney og þá var sem stjórnvöld í
höfuðborg Eyjaálfu, Canberra,
vöknuðu af værum blundi. Sá
ráðherra ríkisstjórnarinnar sem
fer með málefni frumbyggjanna,
Gerry Hand, hyggst halda fund
með lögreglustjórum allra fylkja
og hefur lofað því að láta fara
fram opinbera rannsókn á dauðs-
föllunum. Nú er að bíða og sjá
hvað kemur upp úr kafinu og
hvort mál frumbyggjanna fá nú
loksins réttláta meðferð.
byggt á Newsweek -ks.
14 SÍÐA - ÞJÓÐVILJINN Miðvikudagur 12. ógúst 1987