Þjóðviljinn - 30.08.1987, Blaðsíða 19

_____________SKAK
Korlsno] sigraði á
millisvœðamótinu í Zagreb
Seirawan og Ehlvest komust einnig áfram
Viktor Kortsnoj að tafli á IBM-mótinu í vetur.
Þriöja og síðasta milli-
svæðamótinu lauk í Zagreb í
Júgóslavíu í vikunni og er þá
næstum Ijóst hverjirtaka þátt í
áskorendakeþpninni í Saint
John í Kanada á næsta ári.
Þeir Portisch og Nunn eiga
eftir að útkljá einvígi um eitt
sæti en það fer f ram í næsta
mánuði. Gamla kempan Vikt-
or Kortsnoj reyndistöðrum
slyngari í Zagreb og vann
með vinningsforskoti yfir
næstu menn. Þarsem Boris
Spassky hætti við þátttöku af
persónulegum ástæðum voru
keppendur aðeins 17 og hlaut
Kortsnoj 11 vinninga af 16
mögulegum, en í 2.-3. sæti
komu svo Yasser Seirawan
Bandaríkjunum og Jan
Ehlvest Sovétríkjunum með
10 vinninga. í 4.-6. sæti urðu
svo Nikolic (Júgóslavíu),
Granda (Perú) og Kúbumað-
urinn Jesus Nogueiras.
Þátttakendur í áskorendak-
eppninni í Saint John í Kanada
verða þá þessir: Sokolov (Sovét-
ríkjunum), Yusupov (Sovétríkj-
unum), Timman (Hollandi),
Vaganian (Sovétríkjunum), Short
(Englandi), Sax (Ungverjalandi),
Speelman (Englandi), Salov
(Sovétríkjunum), Jóhann Hjart-
arson, Kortsnoj (Sviss), Ehlvest
(Sovétríkjunum), Seirawan
(Bandaríkjunum) og svo Nunn
(Englandi) eða Portisch (Ung-
verjalandi).
Frammistaða Kortsnojs er
skákunnendum sífellt undrunar-
og aðdáunarefni, en hann er nú
56 ára gamall og teflir af sama
æskuþróttinum sem fyrr. Á IBM-
mótinu í vetur fengu menn að
kynnast skákstíl hans náið og er
ekki ofmælt að krafturinn þótti
mönnum ótrúlegur. Hann gerði
aðeins eitt jafntefli sem hlýtur að
nálgast met í móti 14. styrkleika-
flokks. Nú eru meira en 10 ár síð-
an Kortsnoj fór yfir, eins og það
er kallað. Um tíma var hann eitt
helsta fréttaefni blaða hérlendis
og fóru lesendur Þjóðviljans ekki
varhluta af þeirri umfjöllun. Svo
er að sjá að leit hans að hamingj-
unni í hinum frjálsa heimi hafi
fært hann nær skákborðinu en
nokkru sinni áður. Mér er til efs
að nánari fylgismann skákgyðj-
unnar sé að finna í heimi hér. Á
skákmóti í Hollandi í vetur var
mér sögð sú saga að um hádegis-
bil einn daginn hafi hann sest nið-
ur við nokkrar léttar skákæfingar
með rjúkandi málsverð, en þegar
hann rétti úr sér og hugaði að
máltíðinni var skollin á koldimm
nótt. Þá skyldi maður ætla að
menn á sextugsaldri gættu vel að
heilsu sinni en Kortsnoj er mikill
áhugamaður um tóbaksreykingar
og yfir kappskák svælir hann
hverja rettuna á fætur annarri af
sannri nautn.
Yasser Seirawan brást ekki
vonum landa sinna og er ekki
minnsti vafi á því að hann er
langfremsti skákmaður Banda-
ríkjanna. Einnig verður fróðlegt
að fylgjast með Eistlendingnum
Jan Ehlvest, arftaka Keresar,
sem náði sæti með frækilegum
endaspretti. Mótið í Zagreb var
afar vel skipað en þess má geta að
stórmeistarar á borð við Lev Pol-
ugajevskí og Tony Miles komu
hvergi nærri baráttunni um efstu
sætin.
Kortsnoj var óumdeilanlega
maður mótsins og hann lét slæmt
tap fyrir Nogueiras undir lokin
ekk nein áhrif á sig hafa. Eftirfar-
andi skák sem tefld var í 10. um-
ferð er dæmigerð fyrir Kortsnoj
og jafnframt fræðilega séð afar
athyglisverð. Afbrigði í kóngs-
indverskri vörn sem talið hefur
verið óteflandi á hvítt í nær 35 ár
fær nýtt gildi fyrir tilverknað
meistarans:
Kortsnoj (Sviss) -
Hulak (Júgóslavíu)
Kóngsindversk vörn
1. Rf3 Rf6 2. c4 g6 3. Rc3 Bg7 4.
e4 0-0 5. Be2 d6 6. d4 e5 7.0-0 Rc6
8. d5 Re7 9. Rel Rd7 10. Be3 f5
11. f3 f4 12. Bf2 g5
(Allt frá einni frægustu viður-
eign skáksögunnar hefur þetta af-
brigði þótt óteflandi á hvítt.
Ástæðan: Taimanov - Najdorf,
áskorendamótið í Zurich 1953.
13. Rd3 Rf6 14. c5 Rg6 15. Hcl
Hf7 16. cxd6 cxd617. Hc2 Bf818.
Dd2 g4 19. Hfcl g3 20. hxg3 fxg3
21. Bxg3 Rh5 22. Bh2 Be7 23.
Rbl Bd7 24. Del Bg5 25. Rd2
Be3+ 26. Khl Dg5 27. Bfl Haf8
28. Hdl b5 29. a4 a6 30. axb5
axb5 31. Hc7 Hg7 32. Rb3 Rh4
33. Hc2 Bh3 34. De2 Rxg2 35.
Bxg2 Bxg2+ 36. Dxg2 Dh4 37.
Dxg7+ Kxg7 38. Hg2+ Kh8 39.
Rel Rf4 40. Hg3 Bf2 41. Hg4
Dh3 42. Rd2 h5, hvítur gafst upp.
En Kortsnoj hefur fundið sitt-
hvað.)
13. Rb5! a6
(Einnig kemur til greina að
leika 13. .. b6 sem hvítur svarar
sennilega best með 14. b4 o.sfrv.)
14 Ra7!
(Óvenjulega bíræfinn leikur.
Riddarinn seilist eftir hvítreita bi-
skupnum sem er strategískt mik-
ilvægari en starfsbróðirinn á g7.
Jafnframt gefur hann svörtum
kost á að því er virðist vænlegri
skiptamunsfórn.)
14. .. Hxa7 15. Bxa7 b6
(Biskupinn er lokaður inni en
hvítur kostar kapps um að frelsa
hann með peðaframrás á drottn-
ingarvængnum.)
16. B4 Bb7 17. c5 dxc5 18. Hcl
Rc8
(Bæturnar verða að teljast
allríflegar. Það er a.m.k. ekki
hægt að ímynda sér öllu aumari
ævi en þeirrar sem bíður biskups-
ins á a8.)
22. .. g4 23. Rd3 g3 24. h3
(í gamla daga náðu menn að
fórna biskup á þetta peð. En með
tilliti til stöðu mála þarf hvítur
vart að óttast slíkt.)
24... Re8 25. Rc5 Db8 26. a4 Rd6
27. a5 Rc8 28. Khl Da7 29. Dc2
Re7 30. Hbl Rg6 31. Hfcl Bf6 32.
Bfl Bxc6
(Hvítur hefur algera yfirburði
og svartur reynir að losa um sig
með þessari vonlausu manns-
fórn, sem breytir í engu úrslitun-
um.)
33. dxc6 Dxa5 34. Hal Db4 35.
Re6
- og svartur gafst upp.
8
NYTT UTIBU
HÝR AFGREIDSUnfMI
ÖLL INNLEND OG ERLEND BANKAVIÐSKIPTI. LAUNAREIKNINGUR MEÐ BANKAKORTI.
HRAÐBANKI. FERÐATRYGGING. VISA GREIÐSLUKORT. SKULDAVÁTRYGGING. SÍMI: 689600.