Þjóðviljinn - 03.09.1987, Blaðsíða 2

-SPURNINGIN—^
Hver er námsbókakostnaður-
inn þetta haustið?
Melkorka Thekla Ólafsdóttir,
á 3. ári í MR:
Ég býst við að bókakostnaður
fyrir skólann nemi um 10000
krónum. Það er ósköp svipuð
upphæð og ( fyrra. Ég er svo
heppin að fá margar bækur lán-
aðar.
Alexander Agústsson,
á 1. ári í MR:
Ég er búinn að spandera
10000 krónum. Ætli ég eigi ekki
eftir að kaupa fyrjr um 3000 krón-
ur til viðbótar. Ég fékk töluvert
lánað af bókum.
Heiða Hannesdóttir,
á 3. ári í MS:
Við þurfum ekki að kaupa allar
bækurnar sem við lesum - sem
betur fer. Ég hef fengið mikið lán-
að af bókum. En ég hugsa að ég
hafi eytt um 10000 í bókakaup
núna.
Hafdís Sigurðardóttir,
á 3. ári í MS:
Bækurnar eru mikiö dýrari
núna en á sama tíma í fyrra. Ég er
búin að kaupa bækur fyrir hátt í
10000 krónur. Það er ansi mikið
miðað við það að sumarkaupið
endist skammt.
Pétur Bjarni Guðmundsson,
á 2. ári í MS:
Ég er búinn að kaupa bækur
fyrir 13000 krónur og á eftir að
kaupa nokkrar til viðbótar. Mér
finnst þetta of mikill kostnaður,
en maður verður að láta sig hafa
það því það verður víst að lesa
þessar bækur hvort sem manni
likar betur eða verr.
FRÉTTIR
Póstur og sími
Eign notenda sjálfra
Ólafur Tómasson póst- og símamálastjóri: Ríkissjóð-
ur hefur ekki lagt fé til stofnunarinnar í áratugi
Það hefur ekki verið raett við
okkur hvaða hluti af Pósti og
síma sé meiningin að selja, hvorki
af fjármálaráðuneyti né sam-
gönguráðuneyti, en að sjálfsögðu
er það ekki mitt að segja til um
hvort ríkið selur eigur sínar eða
ekki. Slík ákvörðun hlýtur að
vera í höndum ríkisstjórnarinnar
og Alþingis, sagði Ólafur Tómas-
son Póst- og sfmamálastjóri í sam-
tali við Þjóðviljann, en valdir
hlutar stofnunarinnar eru á sölu-
lista Jóns Baldvins Hannibals-
sonar, fjármálaráðherra.
„Við lítum nú svo á að notend-
ur eigi stofnunina. Hún er sjálf-
stæð fjárhagslega. Tekjurnar
duga fyrir útgjöldum og það sem
afgangs er er notað til uppbygg-
ingar, enda erum við þjónustu
fyrirtæki og reynum að þjóna al-
menningi eins og við höfum best
vit á.”
Að sögn Ólafs hefur ríkissjóð-
ur ekki lagt fé til stofnunarinnar í
áratugi. Hins vegar sé Póstur og
sími háður ákvörðunum fjár-
málaráðuneytisins í launamálum.
„Það er farið að há okkur að geta
ekki greitt sömu laun og tíðkast á
hinum almenna vinnumarkaði og
fyrir bragðið höfum við misst
talsvert af fólki.”
HS
Sýning
Mynd-
listarmenn
sameinast
Samband íslenskra myndlistar-
manna, SÍM, hefur opnað
myndlistarsýningu sem haldin er í
FIM-salnum, Garðastræti 6, og
stendur til 27. sept. n.k. Félagar í
SÍM hafa gefið myndverk til sýn-
ingarinnar og hyggjast með því
styrkja samband sitt.
Samband íslenskra myndlistar-
manna er hagsmuna- og stéttarfé-
lag myndlistarmanna og telur um
230 félaga.
Meðal þeirra sem eiga verk á
sýningunni eru: Hringur Jóhann-
esson, Ragnheiður Jónsdóttir,
Borghildur Óskarsdóttir, Ágúst
Petersen, Ása Ólafsdóttir, Jón
Reykdal, Jóhanna Bogadóttir,
Guttormur Jónsson, Björg Gutt-
ormsdóttir og Guðbergur
Auðunsson.

Sýningarnefndin: Anna Þóra Karlsdóttir, Eyjólfur Einarsson, Sóley Eiríksdóttir, Daði Guðbjörnsson og Kolbrún Björqólfs-
dóttir. Þv.mynd: Sig.
Artúnsskóli
Byggingin rifin upp
Sprunginn áður en hann byrjar
Artúnsskóli, nýjasta viðbótin
við kennsluhúsnæði í Reykja-
vík, var afhentur borgaryfirvöld-
um í gær, en ekki eru nema ríflega
fjórir mánuðir síðan samið var
við ístak hf. um hönnun og smíði
skólans.
„Sú nýjung var viðhöfð við út-
boð skólabyggingarinnar að um
heildarútboð á hönnun og frá-
gangi var að ræða. Fyrir bragðið
var samstarfið mjög náið og
reynsla framkvæmdaaðilans nýtt-
ist vel á hönnunarstigi ” sagði
Páll Sigurjónsson hjá Istaki af
þessu tilefni.
Að sögn Páls var fyrsta steypa í
grunni hinn 15. maí, og eru því
ekki nema þrír og hálfur mánuð-
ur frá því byggingarstigi og þar til
skólinn var afhentur í gær. Frá-
gangur lóðar er þó undanskilinn.
Byggingadeild borgarverk-
fræðings samdi ítarlega forsögn,
en í henni greinir stærð skólans
og helstu forsendur.
Grunnflötur hússins er 1250
fermetrar, kennslustofur eru sex
auk miðrýmis og þjónusturýmis.
Skólinn er ætlaður 175 börnum,
en hann er þegar sprunginn þar
sem búið er að innrita 230 börn.
Að sögn skólastjórans, Ellerts
Borgars Þorvaldssonar, verða 6
til 10 ára börn í skólanum í vetur,
næsta ár bætast við 11 ára börn og
árið ’89 tólf ára börnin og verða
þá komnir þeir aldursflokkar sem
skólinn er ætlaður fyrir.
Tólf kennarar hafa verið ráðnir
að skólanum, tveir karlar og tíu
konur, en stöðugildin eru tíu.
Kennsla hefst eftir viku, 8.
september. Ellert var spurður
hvort sú áætlun stæðist, en
skólinn er án innréttinga og bún-
aðar. „Við látum þetta hafast,”
sagði hann; „við setjum allt á
fullt.” HS
Edda Erlendsdóttir
I
Norræna
húsinu
Edda Erlendsdóttir píanó-
leikari heldur tónleika í Norræna
húsinu, fímmtudaginn 3. sept-
ember n.k. Tónleikarnir hefjast
kl. 20.30. Á efnisskrá eru verk
eftir Haydn, Schubert, Liszt,
Zemlinsky og Alban Berg.
Edda Erlendsdóttir lauk ein-
leikaraprófi frá Tónlistarskólan-
um í Reykjavík 1973. Hún stund-
aði síðan nám við Tónlistarhá-
skólann í París og lauk þaðan
námi árið 1978. Edda hefur hald-
ið fjölda tónleika hér á landi og
hinum Norðurlöndunum, í Fra-
kklandi, Sovétríkjunum, Banda-
ríkjunum og víðar. Edda kennir
við Tónlistarháskólann í Lyon í
Frakklandi og er búsett í París.
(Fréttatilkynning).
2 SÍÐA - ÞJÓÐVILJINN Flmmtudagur 3. september 1987