Þjóðviljinn - 22.12.1987, Blaðsíða 12

BÆKUR
Karen Blixen
Ævisaga
Karenar
Blixen
ísafold hefur gefið út bókina
Karen Blixen ævisaga eftir
Parmeniu Miguel í þýðingu Arn-
heiðar Sigurðardóttur og Eyglóar
Guðmundsdóttur.
Bókin fjallar um líf skáldkon-
unnar, gleði og sorgir, og byggir á
viðtölum við skáldkonuna sjálfa
og samferðamenn hennar, en
Parmenia Miguel var góð vin-
kona Karenar Blixen.
ísafold hefur áður gefið út tvær
bækur Karenar Blixen Vetrarœv-
intýr og Síðustu sögur og koma
þær nú út að nýju í kiljuformi.
Skin og
skúrirá
skákborðinu
Jón L. Árnason og dr. Krlstján
Guðmundsson: Skákstríð við
Persaflóa. Ólympíuskákmótið í
Dubai 1986 í máll og myndum.
Skáksamband Islands,
Reykjavík 1987.
lslenzki meðalskussinn í skák,
og við erum margir, ætti að hafa
ómælda ánægju af þessari bók.
Þar segir frá því, þegar íslenzka
ólympíusveitin í skák vann það
afrek, og ekki einu sinni „miðað
við fólksfjölda", að ná 5. sæti í
180 þjóða keppni. Allar skákir
íslendinganna eru birtar og þær
mikilvægustu skýrðar, sem og
valdar skákir annarra. Jón L.
skrifar meginmálið, lýsir aðdrag-
anda mótsins, undirbúningi
keppenda, keppnisaðstæðum og
þ.u.l. Dr. Kristján, liðstjóri ís-
lendinganna, lýsir gangi mála á
skákstað; „Taflmennskan" heitir
sá hluti bókar.
Vesalings liðstjórinn! Skyldi
hún ekki fylgja honum ævilangt,
liðsskipanin gegn enskum, þegar
landinn tapaði 4-0 eftir að hafa
náð jöfnu gegn sovézkum? Dr.
Kristján hafði áður ætlað að setja
inn varamenn, annan hvom eða
báða, en hætti við það, að því er
bezt verður séð í sigurvímu, sem
raunar greip Iiðið víst allt. Þegar
til kastanna kom, reyndust Mar-
geir og Jóhann örþreyttir eftir
erfiðar biðskákir; m.a. þess
vegna fór sem fór.
Nú, en „slíkt verður oft á sæ,
kvað selur, var skotinn í auga“.
Það er ekki öllum gefið að skrifa
skemmtilega um skák. Svona í
fljótheitum man maður eftir
Birni Nielsen og Jens Enevoldsen
í Danmörku, ágætum skák-
mönnum og „Skákskríbentum",
enda bækur þeirra ekki „að
uppdrífa“ fyrir glóandi gull. And-
ré Bjerke, eitt bezta Ijóðskáld og
Ijóðaþýðandi Norðmanna, reit
fyrir ekki svo ýkja löngu bók,
sem ber heitið „Spillet i mitt liv“,
hvorki meira né minna. Vart ætti
að þurfa að nefna Nimzowitsch
gamla, síungan. Ætli Guðmund
Arnlaugsson beri ekki hæst hér
heima. Enn muna margir ein-
staklega vandaða skákþætti hans
í Þjóðviljanum, svo aðeins eitt sé
nefnt.
Þetta kynni að þykja nokkuð
langt til jafnað, en þeir Jón og
Kristján fara hreint ekki illa af
stað, enda mun hvorugur þeirra
neinn viðvaningur á ritvelli. Þeir
eru líka heppnir með viðfangs-
efnið, þetta er samtíðarskáksaga
og fyrir margra hluta sakir æsisp-
ennandi. Það nægir að minna á
Jón L. Árnason
hve litlu mátti muna að Ráð-
stjórnarríkin misstu af sigrinum.
- Einhverjar athyglisverðustu
skákirnar í þessari bók, að öðrum
ólöstuðum, eru frá á íslenzkum
sjónarhóli ólöstuðum þeirra
Helga og Jóhanns við „K-in tvö“,
þá Kasparov og Karpov.
Það liggur óhemju vinna og
rannsóknir bak við árangur eins
og þann sem íslenzka sveitin
náði. „Teoríunni“ fleygir fram
hraðar en venjulegur skáklalli
geti hönd á fest. Nú sér maður að
fram er komin „Fornindversk
vörn“ ofan á þessar góðu, gömlu
sem kenndar eru við Kóng,
Drottningu og Nimzó. Her-
stjórnarlistin verður að vera í
lagi, svo að sveitin láti ekki „rúlla
sér upp“ eða „pakka sér saman“,
eins og skákmenn orðuðu það
áður fyrr, eftir formúlunni góð-
kunnu: „Jafntefli á svart, vinn-
ingur á hvítt“. Þá skiptir félags-
andinn ekki litlu. Einhvern veg-
inn tókst sveit Ráðstjórnarríkj-
anna að vinna, en það stóð tæpt,
og kannski er skýringarinnar hér
að leita, eða líkt og Jón L. orðar
það: „Meinsemd þessa ægisterka
liðs var öllum ljós áður en mótið
hófst: Hvernig er mögulegt að
halda uppi keppnisanda í hópi,
þar sem liðsmenn hafa dundað
sér við það síðustu mánuðina
fyrir keppni að berja hver á öðr-
um og eiga eftir að halda því
áfram að mótinu loknu?“ - Það
var raunar ekkert sjálfgefið, að
íslenzka sveitin kæmi sér upp
„móral“, ef svo mætti orða það,
en þetta tókst.
Lengra verður ekki rakið hér
efni þessa prýðisgóða skákrits, og
eins gott að koma sér að því að
skoða skákir. En við skyldum öll
varast það sem kalla mætti menn-
ingarhroka þegar í framandi um-
hverfi kemur: Ég er hreint ekki
viss um að nokkurra vikna dvöl í
Dubai geri íslenzkum skákmanni
kleift að kveða upp dóm á við
þann að Arabar séu „upp til hópa
húðlatir".
Jón Thor Haraldsson
Vinningstölurnar 19. desember 1987.
Heildarvinningsupphæð: Kr. 5.541.763,-
1. vínningur var kr. 2.777.946.- og skiptist hann á milli 6
vinningshafa, kr. 462.991,- á mann.
2. vinnlngur var kr. 830.375,- og skiptist hann á 511 vinn-
ingshafa, kr. 1.625,- á mann.
3. vinningur var kr. 1.933.442,- og skiptist á 10. 682 vinn-
ingshafa, sem fá 181 krónu hver.
Upplýsingasími:
685111.
Hanna Ólafsdóttir Forrest er ót-
skrifuð frá Iþróttakennaraskóla
Islands árið 1958.
Hún hefur verið með eigin
leikfímiþætti í sjónvarþi (33 fylkj-
um Bandaríkjanna sl. 15 ár.
Hún rekur nú eigin heilsurækt í
Columbus, Ohio, USA.
Myndbandaleikfimi
Hönnu Ólafsdóttur
Ath. Hægt er að sjá leikfimina af myndbandi
I glugga Hellsumarkaðarins.
Hver spóla er klukkustundar löng
Leikfimi I
æfingar ætlaðar gigtveikum,
bakveikum og þeim sem
þjást af vöövabólgu
Lelkfimi II
æfingar ætlaðar byrjendum
og eldra fólki
Leikfiml III
æfingar ætlaðar fólki í
mjög góðri þjálfun.
Útsölustaðir:
Heilsumarkaðurinn
Hafnarstræti 11
helgar- og kvöldsími 18054.
Sendum í póstkröfu hvert á land
sem er.
Leikur í bók
Nú er hafin útgáfa á nýrri tegund
bóka. Leikjabókin „Seiðskratt-
inn í Logatindi" er fyrsta bókin í
röð slíkra bóka sem Ráðgjafar-
og útgáfuþjónustan gefur út.
Með bókinni sjálfri, 2 tening-
um og blýanti hefst leikurinn.
Lesandinn (söguhetjan) fær
ákveðið magn leikni, þreks og út-
búnaðar í upphafi og leggur út í
hættuför sína, sem ef til vill tekst,
ef til vill misheppnast í þetta sinn.
Árangurinn er skráður á sérstakt
blað í bókinni, en til að hægara sé
um vik að leika leikinn aftur og
aftur og reyna að bæta árangur
sinn, fylgja laus blöð með.
Þessi fyrsta bók er fyrir alla
sem hafa gaman af spilum og
ævintýraleikjum, börn og full-
orðna. Sem leikur hefur hún m.a.
þann kost að keppandinn er að-
eins einn í einu og þarf því ekki að
bfða eftir að öðrum þóknist að
vera með.
Höfundar bókarinnar, þeir
Steve Jackson og Ian Living-
stone, eru vel þekktir í heima-
landi sínu Englandi.
Sagan af
brauðinu dýra
í viðhafnarútgáfu
Vaka-Helgafell hefur gefið út
bókina Sagan af brauðinu
dýra eftir Halldór Laxness.
Bókin kemur út í tilefni af átta-
tíu og fimm ára afmæli skálds-
ins á þessu ári og hefur Snorri
Sveinn Friðriksson listmálari
málað í hana myndir.
Sagan af brauðinu dýra var
fyrst birt í bók Halldórs Laxness,
Innansveitarkróniku, sem út kom
árið 1970. Þá var hún í tveimur
köflum sem hluti af héraðssögu
úr Mosfellssveit, en er nú gefin út
sem sjálfstætt verk og örlítið
breytt frá hendi höfundar.
/