Þjóðviljinn - 28.01.1988, Blaðsíða 16

Aðalsími
681333
Kvöldsími
681348
Helgarsími
681663
þJÓÐVIUIN
Fimmtudagur 28. janúar 1988 21. tölublað 53. órgangur
Sparisjóösvextir
á tékkareikninga
me5
hávaxtakjörum
SAMVINNUBANKI
ISLANDS HR
Hvalaafurðir
Mjöl og kjöt óselt
Japanar hafa keypt50% afurðanna. Rengið selst velá þorranum. Fœst
ekki uppgefið hversu mikið magn afkjöti er óselt á innlendum markaði
Hvalur hf. hefur selt til Japans
þær kjötbirgðir sem leyfiiegt
er að selja úr landi. Þá hefur lýsið
verið selt á innlendum markaði,
auk þess sem töluvert af kjöti og
rengi hefur selst innanlands.
Hinsvegar gengur ekkert að losa
fyrirtækið við nyölbirgðirnar.
Eggert ísaksson, skrifstofu-
stjóri hjá Hval, sagði að um þess-
ar mundir seldist rengið vel, enda
gerðist þorramaturinn stöðugt
vinsælli. Þá sagði hann að fólk
væri í vaxandi mæli farið að
kunna að meta hvalkjötið, enda
ódýrasta kjötið á markaðinum,
þrátt fyrir að á það leggist matar-
skattur, einsog allt kjöt nema
dilkakjöt í heilum skrokkum.
Sagði Eggert að kjötið væri selt á
160 kr. kílóið frá fyrirtækinu.
Þrátt fyrir það eru töluverðar
kjötbirgðir í landinu, enda verða
íslendingar að nýta helming allra
afurðanna, samkvæmt samþykkt
Alþjóðahvalveiðiráðsins. T.d.
hafa sandreyðamar, sem veiddar
voru sl. sumar, ekki verið seldar.
Þá sagði Eggert að hvalurinn,
sem á land kæmi, hefði undanfar-
in ár farið stækkandi, en íslend-
ingar vilja fyrst og fremst kjöt af
smáum hval.
Lýsi hf. kaupir lýsi af Hval hf.
og notar það í herslu. Ekki hefur
hinsvegar fengist markaður fyrir
hvalmjölið, en kannað hefur ver-
ið hvort hagkvæmt sé fyrir Ioð-
dýrabændur að nota það. Niður-
staðan var neikvæð.
Eggert sagðist ekki geta upp-
lýst hversu mikið magn væri óselt
af hvalaafurðum og hann vildi
heldur ekki upplýsa hvar afurð-
irnar væru geymdar. „Hvaða
máli skiptir það hvar það er
geymt?“
-Sáf
Námsmenn
Bætur fyrir
matarskatt
Tillaga um að grunnfram-
færsla námsmanna hækki um 7%
vegna matarskattsins, verður
lögð fram af fuiltrúa Stúdenta-
ráðs á stjórnarfundi Lánasjóðs ís-
lenskra námsmanna í dag.
7% hækkun á framfærslu-
grunni myndi þýða hækkun á
námslánum í 29.457 kr. á mán-
uði. - Þessi hækkun er til þess að
mæta útgjaldaaukningu náms-
manna vegna áhrifa álagningar
söluskatts á matvæli, sagði
Ólafur Andri Darrason í gær.
- Ríkisstjórnin hefur viður-
kennt að koma verði til móts við
fólk vegna þessara hækkana,
námsmenn sitja eftir og því er
þessi tillaga borin fram, sagði
Ólafur. -Ig.
Skólamál
Yfirfullt á ráðstefnu um
úttekt OECD á íslenska
skólakerfinu
Færri komast að en vilja á ráð-
stefnu sem menntamálaráðuneyt-
ið, Bandalag kennarafélaga, Há-
skóli Islands og Kennaraháskóli
íslands gangast fyrir á laugardag-
inn í Rúgbrauðsgerðinni um
skýrslu þá um menntastefnu á ís-
landi sem gerð var af starfshópi á
vegum OECD (Efnahags- og
framfarastofnunar Evrópu).
OECD-skýrslan, sem lögð var
fyrir menntamálaráðuneytið í
enskri útgáfu í upphafi síðasta
árs, var gefin út á íslensku í ágúst
leið. Skýrslan hefur vakið marga
til umhugsunar um stöðu ís-
lenskra skólamála.
Birgir ísleifur Gunnarsson set-
ur ráðstefnuna kl. 9 en síðan hefj-
ast erindi frummælenda. Þeir
verða: Sólrún Jensdóttir, Svan-
hildur Kaaber, Arthúr Mort-
hens, Jón Hjartarson, Wincie Jó-
hannsdóttir, Ólafur Proppé,
Rósa B. Þorbjarnardóttir, Sig-
mundur Guðbjarnason, Jón Tor-
fi Jónsson, Hrólfur Kjartansson,
Hörður Lárusson og Örlygur
Geirsson.
Eftir hádegi ræða fjórir starfs-
hópar um grunnskólastigið,
framhaldsskólastigið, kennara-
menntun og nám á háskólasti^i.
OP
Jóhannes Gunnarsson, formaður Neytendasamtakanna: Furðulegt að landbúnaðarráðherra skuli gefa út reglugerð sem kemur í veg fyrir að markaðurinn
ráði nokkru. Mynd: Sig.
Neytendasamtökin
Olöglegt eggja- og kjúklingaverð
Samtökinsetjafram „sanngjarnt heildsöluverð“ áþessum vörum og
skora á kaupmenn að kaupa ekki við hærra verði
Það er búið að gera allt verð á
eggjum og kjúklingum ólög-
legt í þessu landi með reglugerð-
inni og við munum beita öllum
tiltækum ráðum til að fá hana
fellda úr gildi, sagði Jónas
Bjarnason, formaður landbúnað-
arnefndar Neytendasamtakanna,
á fundi með blaðamönnum í gær.
Umrædd reglugerð tekur til ráð-
stöfunar á sérstöku fóðurgjaldi
vegna afurða alifugla og svína, en
hún var sett af landbúnaðarráð-
herra á föstudaginn var. Sérstakt
fóðurgjald á að endurgreiða þeim
sem framleiddu á síðasta ári, en
aðrir fá ekkert.
Kvikmyndasjóður
Magnús Þráins fékk mest
Kvikmyndasjóður hefur gengið
frá úthlutun styrkja úr sjóðn-
um fyrir árið 1988 og hlaut Þrá-
inn Bertelsson hæsta styrkinn að
upphæð 13 mtyjónir til fram-
leiðslu á myndinni Magnús. Tveir
aðrir stórir styrkir, að upphæð
10 miljónir, voru veittir og féllu
þeir í hlut Hilmars Oddssonar og
Jóns Ólafssonar til framleiðslu á
Meffi og til Ágústs Guðmunds-
sonar tii framleiðslu á Hamrinum
og krossinum.
Þá hlaut F.I.L.M. Hrafns
Gunnlaugssonar 4 miljónir til
þess að ljúka við gerð myndar-
innar „I skugga hrafnsins",
Frostfilm fékk 3 miljónir til þess
að ljúka við Foxtrott og Lárus
Ýmir Óskarsson fékk 1 miljón til
þess að kvikmynda leikrit Ólafs
Hauks Símonarsonar, Bílaverk-
stæði Badda.
Fjórir fengu styrki til fram-
leiðslu heimildamynda; Björn
Rúriksson, Jón Hermannsson,
Magnús Magnússon og Páll
Steingrímsson. Loks fengu 8 aðil-
ar styrki til handritagerðar, alls
að upphæð 2,390,000. Handrita-
styrkirnir eru annars vegar veittir
fyrir lengri handrit að upphæð
360 þúsund krónur og hins vegar
fyrir handrit að stuttum mynd-
um, 180 þúsund krónur.
Alls var úthlutað úr sjóðnum
52.690.000 krónum, en umsækj-
endur voru alls 46.
-K.Ól.
Jónas sagði að forsenda fyrir
frjálsri verðlagningu á umrædd-
um afurðum í heildsölu væri
endanlega úr sögunni með setn-
ingu reglugerðarinnar, og hefði
landbúnaðarráðherra því jafn-
framt átt að sjá til þess að verð-
lagningin væri ákvörðuð af sex-
mannanefndinni. í tilkynningu
Neytendasamtakanna segir að
furðulegt sé að stjómvöld skuli
nú setja umrædda reglugerð, þar
sem fráfarandi ríkisstjóm lofaði
aðilum vinnumarkaðarins því í
desembersamkomulaginu 1986
að ekki skyldi komið á fram-
leiðslustjórnun í þessum grein-
um. Þetta sé enn furðulegra í ljósi
þess að Jón Helgason er landbún-
aðarráðherra í báðum ríkis-
stjórnunum. Því heita samtökin á
aðila vinnumarkaðarins um
stuðning í þessu máli.
Jóhannes Gunnarsson, for-
maður samtakanna, sagði að með
reglugerðinni væri í rauninni búið
að koma á kvótakerfi í eggja- og
kjúklingaframleiðslu, auk þess
sem nýjum aðilum væri gert
ómögulegt að koma inn í þessar
búgreinar. Með þessu væri réttur
neytenda fótum troðinn, þar sem
innflutningur á umræddum af-
urðum væri bannaður.
Neytendasamtökin hafa kann-
að hvað sanngjarnt heildsöluverð
ætti að vera á eggjum og kjúk-
lingum og er niðurstaðan sú að
heildsöluverð eggja eigi að vera
123 krónur kílóið í stað 160 króna
eins og nú er, og verð á kjúk-
lingum 162 krónur í stað 325
króna. Samtökin skora því á
kaupmenn að kaupa ekki við
hærra verði í heildsölu. HS
Sjá bls. 3
0ECD-
skýrslan
krufin