Þjóðviljinn - 19.02.1988, Blaðsíða 2

Þjóðviljinn - 19.02.1988, Blaðsíða 2
P-SPURNINGIN Ætlar þú að notfæra þér samningana við Lion Air um ferðir til Luxemborgar nú í sumar??? Sóley Tómasdóttir, starfsm. pósth. Ármúla: Já, ég hef áhuga og gæti því vel hugsað mér það. Gunnlaugur Halldórsson, starfsm. pósth. Ármúla: Já, þar sem ég á kost á því gæti vel farið svo að ég nýtti tækifærið og skellti mér. Sigríður Þorvaldsdóttir: starfsm. pósth. Ármúla: Ég er nú bara búin að ráðstafa sumarfríinu mínu í annað svo úr verður ekki í ár en ég gæti alveg hugsað mér það. Einar Halldórsson: starfsm. pósth. Ármúla: Ég er búinn að fara út í ár svo ég kem ekki til með að nota þetta núna, því þó svo ferðirnar séu ódýrar leyfir fjárhagurinn það ekki að ég fari oft út á ári. Það er nú svo. w 1 H' B9A . ¦ ,. Davi'ð Hálfdánarson, þingvörður: Nei ég geri ekki ráð fyrir því. Ég bara nenni ekkí að standa í bið- röð, þetta eru allt of fáir miðar, miðað við fjöldann sem er í fé- lögunum. FRErnp Iðnnemar Launin snarlega lækkuð Pálmar Halldórsson, Iðnnemasambandinu: Desembersamningarnirþýddu íraun kjaralœkkunfyrir iðnnema. Slæm reynsla iðnnema afkrónutölusamningum. Laun iðnnema eru í dag miklu lægri en þau hefðu verið ef launaviðmiðun fyrri samninga hefði verið látin standa, en þá voru laun iðnnema ákveðinn hundraðshluti af launum sveina í stað þess að í desembersamningunum var sam- ið um fasta krónutölu. Við feng- um Kjararannsóknanefnd til að gera samanburð á laununi iðn- nema og niðurstöðurnar eru væg- ast sagt sláandi, sagði Pálmar Halldórsson, formaður Iðnnemasambandsins. Samkvæmt útreikningum Kjararannsóknanefndar lækk- uðu laun iðnnema í öllum iðnum með desembersamningunum, hvort heldur er miðað við nem- endur sem eru á jafnaðarlaunum allt árið eða nemendur sem njóta aðeins launa fyrir unninn tíma og eru ekki á launum meðan þeir sitja á skóiabekk. Svo dæmi sé tekið af mánaðar- launum nema í málmiðnaði þá lækkuðu þeir nemar sem nutu launa allt árið frá 13% á fyrsta ári í 24,7% á fjórða ári. Svipaða sögu er að segja af nemum sem fengu laun fyrir unninn tíma, en laun þeirra lækkuðu frá 20% á fyrsta ári í 24,2% á öðru ári. - Laun fyrir unninn tíma hafa fram að síðustu samningum fylgt að lágmarki lágmarkslaunum verkamanna, en núna ná iðn- nemar ekki þeirri viðmiðun fyrr en á fjórða ári í námi, sagði Pálm- ar. -rk Framhaldsskólar r ¦" 5 'K Í\ÍK ogij samkeppni Verðlaunaverkflutt í út- varpinu, skilafrestur til 1. mars Útgáfufélag framhaldsskól- anna, ÚFF og Ríkisútvarpið, efna til smásögu og ljóðasamkeppni framhaldsskólanema. Skilyrði fyrir þátttöku er að hafa stundað nám í framhaldsskóla hvar sem er á íslandi veturinn 1987-88. Tilgangur keppninnar er að draga fram í dagsljósið, efla og auka veg skáldskapar framhalds- skólanema á íslandi. Skilafrestur er til 1. mars, og skal allt efni sent inn undir dulnefni, en rétt nafn, sími, heimilisfang og skóli, fylgja í lokuðu umslagi. Verðlaun fyrir ljóð eru, kr. 12.000, 3.500 og 2.800, og fyrir sögur kr. 25.000, 15.000 og 3.100. Úrslit verða kunngerð í þættin- um Ekkert mál á Rás tvö, og verða verðlaunaverkin flutt í út- varpinu. Heimilisfang keppninn- ar er: ÚFF, pósthólf 5058, 125 Reykjavík. LG Búnaðarþing Settá mánudaginn Búnaðarþing, hið 71. í röðinni, verður sett í Súlnasal Hótels Sögu mánudaginn 22. febrúar n.k. kl. 10.00 árdegis. Gera má ráð fyrir að þingið standi fast að hálfum mánuði. Búnaðarþing sitja 25 fulltrúar auk þriggja manna stjórnar fé- Iagsins og búnaðarmálastjóra. Búnaðarþing 1987 afgreiddi 50 mál. Jónas Jónsson búnaðar- málastjóri bjóst við að leiðbein- ingaþjónusta landbúnaðarins, skipuíag hennar og fjármál, myndu skÍDa mikið rúm á þing- inu. - mhg Framkvæmdir við nýbyggingu á Bergstaðastræti 15 var stöðvuð sl. sumar og nú hefur Borgardómur ógilt byggingarleyfið frá byggingarnefnd borgarinnar. Bergstaðastræti 15 Olögmæti byggingarleyfis Byggingarnefndfór útfyrir valdsvið sitt. „Dómurinn sýnir að borgaryfirvöldgeta ekki gengið á eignarréttfólks," segir Kári Halldór Jónsson Urskurður félagsmálaráðherra frá því í júlí 1986, um að bygg- ingarleyfi fyrir lóðina Bergstað- astræti 15 væri ólöglegt, hefur verið staðfestur af borgardómi. Kári Halldór Jónsson, sem á sín- um tíma kærði leyfisveitinguna, segir dóminn sigur fyrir hús- eigendur og sýna að borgaryfir- völd geti ekki gengið á eignarrétt fólks að vild. „Dómurinn sýnir að það getur borgað sig fyrir almenning að leggja eitthvað á sig, þegar kerfis- karlar túlka lög og reglugerðir sér í vil," sagði Kári við Þjóðviljann. Hann segir að hér sé um að ræða áfellisdóm yfir slælegum vinnubrögðum byggingarnefndar Reykjavíkur, sem farið hafi út fyrir valdsvið sitt. „Ef hún hefði farið eftír sínum reglum, hefði aldrei komið til þessa máls." Að sögn Kára bar byggingarnefndin því við að skipulagsnefnd Reykjavíkur hafi samþykkt bygg- inguna, en hún væri aðeins ráð- gefandi nefnd og gæti því ekki borið ábyrgð. Annmarkar á leyfi byggingar- nefndar, til að reisa þriggja hæða fbúðarhús á lóðinni voru margir. Lóðin er aðeins 230 fermetrar og því hefði þurft heimild frá Skipu- lagsstjórn til byggingar íbúðar- húss. Miðað við samþykkt aðal- skipulags Reykjavíkurborgar var fyrirhugað nýtingarhlutfall lóðar- innar allt of hátt. Auk þess var byggingin of há og vegna stað- setnmgar á hornlóð, hefði þurft hornsneiðingu á húsið. mj Útvarp Rót Dagskráin endurskoðuð Töluverð eftirspurn hefur verið hjá félögum og einstaklingum að komast að með þætti í Útvarpi Rót að sögn starfsmanna stöðvar- innar og því hefur verið ákveðið að endurskoða dagskrána á næst- unni og hleypa nýjum dagskrár- aðilum að. Frestur til að sækja um nýja þætti, eða breytingar á þeim sem fyrir eru, rennur út 29. febrúar n.k. og ný dagskrá mun taka gildi um miðjan næsta mánuð. Frekari dagskrárbreytingar eru síðan ekki fyrirhugaðar fyrr en í maí í vor. Allar nánari upplýsingar eru veittar á skrifstofu Rótar, Brautarholti 3 og { síma 91- 623610, en skriflegum umsókn- um ber að skila til skrifstofunnar í Brautarholti. _j„ 2 SÍÐA - ÞJÓÐVIUINN Föstudagur 19. febrúar 1988

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.