Þjóðviljinn - 08.04.1988, Blaðsíða 2
___________FRETTIR__________
Verslunarmenn
Harðir á
laugardagslokun
Hagkaup í Kringlunni: Fólk orðið ofsalega pirrað á þessum langa
vinnutíma. Erað jafnaðifrá 8-21 virka daga og stundum lengur að
viðbœttri laugardagsvinnu. Verkfall boðað frá nk. fimmtudegi
„Fólkið er orðið ofsalega pirr-
að á þessum langa vinnutíma frá
morgni til kvölds alla virka daga
að viðbættri laugardagsvinn-
unni, enda er full samstaða um
það í okkar kröfugerð að af-
greiðslufólk fái frí á laugardögum
í þrjá mánuði yfír sumartímann,“
sagði Sigríður Inga Ágústsdóttir,
fyrrum trúnaðarmaður á kassa
hjá Hagkaupum í Kringlunni og
samninganefndarmaður hjá YR,
við Þjóðviljann.
Trúnaðarmannaráð Verslun-
armannafélags Reykjavíkur hef-
ur boðað til verkfalls í stór-
mörkuðum og matvöruverslun-
um á félagssvæði sínu frá og með
nk. fimmtudegi 14. apríl, hafi
samningar ekki tekist fyrir þann
tíma. Höfuðkrafa VR er að af-
greiðslufólk fái frí á laugardögum
í þrjá mánuði í sumar, þe. júní,
júlí og ágúst.
Venjulegur vinnutími hjá
verslunarfólki hjá stórmörkuð-
um eins og hjá Hagkaupum í
Kringlunni er frá kl. 8 á mor-
gnana ogfram tilkl. 21.30 ámán-
udögum og til fimmtudaga, en á
föstudögum fram til kl. 22.30.
Tvisvar til þrisvar í viku þarf það
svo að fylla í hillur og við það
lengist vinnutíminn og getur orð-
ið allt fram til miðnættis ef svo
undir. Þessu til viðbótar kemur
svo vinnan á laugardögum og er
verslunarfólkið þá ekki búið að
vinna fyrr en kl. 17.
Að sögn Sigríðar eru bryjenda-
laun hjá afgreiðslufólki í stór-
mörkuðum tæplega 35 þúsund
krónur á mánuði fyrir dagvinn-
una en síðan bætist við launin sá
tími sem unninn er umfram da-
gvinnuna og getur með eftirvinn-
unni náð 50-60 þúsund krónum á
mánuði. Sigríður sagði að þetta
væru auðvitað engin laun fyrir
allan þennan vinnutíma enda
hefði það aukist á síðustu misser-
um að æ fleiri færu fram á fyrir-
framgreiðslu á sínum launum og
jafnvel svo að viðkomandi tæki
allan mánuðinn fyrirfram.
Aðspurð urn hvort ekki hefði
verið rætt um að koma á vakta-
vinnu í stórmörkuðunum, sagði
hún að það væri ekki hægt að
óbreyttu vegna manneklu. Lágu
launin gerðu það að verkum að
ofsaleg hreyfing væri á fólki og
hefði það frekar aukist en hitt
upp á síðkastið.
-grh
Fulltrúar afgreiðslufólks á samningafundi með vinnuveitendum í karphúsinu í Reykjavík í gær.
mmmmmmmmmmmmm^^m^^^^m^^^mm^^^^^m Verslunarmenn
Landsvirkjun:
Um 14% lækkun
á rafhitun íbúða
Ágreiningur ístjórn um hœkkun gjaldskrár. Ólafur
Ragnar Grímsson og Páll Pétursson mótfallnir hækk-
un
Stjórn Landsvirkjunar hefur
ákveðið að veita afslátt af niður-
greiddri rafhitun íbúðarhúsnæð-
is og Ieiðir hann til allt að 14%
lækkunar á rafhitunarverði. Af-
sláttur þessi er veittur frá 1. þessa
mánaðar og mun gilda út árið en
verður þá endurskoðaður með
hliðsjón af þróun olíuverðs,
skattiagningar og annara atriða
sem áhrif kunna að hafa á verðið.
Jafnframt var ákveðið að
hækka gjaldskrá Landsvirkjunar
vegna óhagstæðra áhrifa frá síð-
ustugengisfellinguum3,7%. Um
þetta varð ágreiningur í stjórn
Landsvirkjunar og fluttu þeir
Ólafur Ragnar Grímsson og Páll
Pétursson tillögu þess efnis að
þessari hækkun yrði frestað.
í greinargerð sem Landsvirkj-
un hefur sent frá sér vegna þessa
segir m.a. að þessi afsláttur sé til
kominn vegna versnandi sam-
keppnisstöðu rafhitunar við olí-
ukyndingu í framhaldi af lækk-
andi olíuverði. Sé Landsvirkjun
kleift að gera þetta sökum þess að
markaðsaðstæður virðist ætla að
verða fyrirtækinu hagstæðar í ár
vegna hækkandi álverðssem leiði
til hækkunar raforkuverðs til
ÍSAL.
Hinsvegar kemur fram í
greinargerðinni að óhagstæð
áhrif síðustu gengisbreytingar á
fjárhag Landsvirkjunar leiði til
þess að gjaldskrá hennar þurfi að
hækka um 3.7% og hefur verið
ákveðið að sú hækkun komi til
framkvæmda 1. maí n.k. en jafn-
framt verði afslátturinn aukinn
þannig að gjaldskrárbreytingin
Ieiði ekki til hækkunar á hlutað-
eigandi rafhitunarkostnaði, eins
og það er orðað í greinargerð-
inni.
-FRI
Gengur
litió
Kaupmenn tregirtil að
rœða kauptölur
Klukkan 4 í gær hittust samn-
inganefnd Verslunarmannafélags
Reykjavíkur og fulltrúar Vinnu-
veitendasambandsins í karphús-
inu hjá sáttasemjara ríkisins.
Fundurinn stóð fram yfir klukk-
an sex og var þá gefíð langt kvöld-
matarhlé.
Samkvæmt heimildum Þjóð-
viljans hefur umræðan einkum
snúist um desemberuppbót og
laugardagslokun. Talið er að rætt
sé um heldur hærri uppbót á laun
í desember heldur en náðist fram
í samningum þeim sem V.R. fell-
di fyrir páska. í gildandi samning-
um er kveðið á um laugardags-
lokun yfir sumarmánuðina en
verslunarmenn felldu að víkja
mætti frá þessu banni. Að vísu
skyldi það vera háð því að sam-
komulag næðist um það á hverj-
um vinnustað. Talið er að versl-
unarmenn hafi ekki viljað missa
stuðning stéttarfélags síns við
laugardagslokunina. ÓP
Hagvirki langiægstir í Blöndu
Stjórn Landsvirkjunar hefur tekið tilboði frá Hagvirki í gerð grunna
fyrir aðalstíflur Blönduvirkjunar. Tilboðin voru opnuð í síðasta mán-
uði og bauð Hagvirki 63,6 miljónir í verkið sem eru tæp 68% af
áæltuðum kostnaði. Engin önnur tilboð voru undir kostnaðaráætlun
en dýrasta tilboðið kom frá fyrirtækinu GKN Keller og hljóðaði uppá
rúmar 164 miljónir eða rúmlega hundrað miljónum hærra en tilboð
Hagvirkis. Verkframkvæmdir hefjast í maíbyrjun og á að vera lokið
um miðjan nóvember n.k.
Húsnæðisloforð seld fyrir 202 miljónir
Samkvæmt athugun sem Húsnæðisstofnun hefur gert þá hafa vænt-
anlegir lántakendur stofnunarinnar selt lánsloforð uppá rúmar 202
miljónir frá því sl. vor fram til janúarloka. Um er að ræða 193 heil
lánsloforð og 235 loforð að hluta sem hafa verið seld til þriggja fjár-
mögnunarfyrirtækja og eru heildarsölulaun og afföll af þessari sölu
rúmar 18,6 miljónir eða tæp 12% af heildarupphæðinni.
Brýr falla undir bygginganefndir
Félagsmálaráðherra hefur úrskurðað að Vegagerðin verði að leita
samþykkis viðkomandi bygginganefnda varðandi brúarbyggingar.
Bygginganefnd Miklaholtshrepps vísaði máli til ráðherra vegna fyrir-
hugaðar brúarframkvæmda við Straumfjarðará á Snæfellsnesi. Vildi
bygginganefndin fá málið til umfjöllunar en Vegagerðin neitaði. Úr-
skurður ráðherra er að brúargerð falli undir bygginganefndir sem
aðrar byggingaframkvæmdir. Vegagerðin er ekki sátt við þennan úr-
skurð og ætlar að vfsa málinu til samgönguráðherra.
Neysla mjólkurafurða eykst sífellt
Á meðan neysla mjólkurafurða minnkar stöðugt í nágrannalöndum
okkar, eykst hún hérlendis. Töluverðar breytingar hafa hins vegar
orðið á neyslumynstrinu hérlendis, landsmenn drekka sífellt meira af
léttmjólk, kakómjólk jógúrti og undanrennu, og einnig hefur aukist
sala á rjóma. Salan á hinum hefðubundnu vörum, nýmjólk, súrmjólk
og skyri hefur hins vegar dregist töluvert saman.
Rokkskór og bítlahár í Sjallanum
í kvöld verður frumsýnd í Sjallanum á Akureyri rokk- og poppsýn-
ingin „Rokkskór og bítlahár" sem rekur rokk- poppsöguna frá 1955 til
1970. Sjö söngvarar frá Akureyri koma fram í sýningunni en höfundur
og leikstjóri er Þorsteinn Eggertsson. 6 manna hljómsveit spilar rokkið
og fjölmargir norðlenskir dansarar taka þátt í sýningunni sem er haldin
í tilefni 25 ára afmælis Sjallans á þessu ári.
Lokað á Breiðdalsgrunni og Berufjarðarál
Sjávarútvegsráðuneytið hefur bannað allar togveiðar á Breiðdals-
grunni og í Berufjarðarál en vart hefur verið mikið smáþorsks í afla
togara sem hafa orðið að veiðum á þessu svæði. Bannið gildir til loka
þessa mánaðar.
Skáldsagnakeppni Æskunnar
Barnablaðið Æskan minnist 90 ára afmælis síns með því að efna til
skáldsagnakeppni. Handritum á að skila fyrir 1. júní og verða veitt 200
þús. króna verðlaun fyrir besta handritið auk venjulegra ritlauna.
26 sýna á Fishing 88 í Bretlandi
20 íslensir framleiðendur tæknivöru í sjávarútvegi ætla að kynna
vöru sína í sameiginlegri 600 ferm. sýningardeild á sjávarútvegssýning-
unni Fishing 88 sem verður haldin í Glasgow um miðjan þennan
mánuð. 6 önnur íslensk fyrirtæki sýna vörur sýnar í Glasgow en Ut-
flutningsráð hefur skipulagt þátttöku fyrirtækjanna. Aldrei fyrr hafa
jafnmörg íslensk fyrirtæki sýnt saman á erlendri vörusýningu.
2 SÍÐA - ÞJÓÐVIUINN