Þjóðviljinn - 08.04.1988, Blaðsíða 14
AFMÆLI
ffl Frá Borgarskipulagi
l|f Reykjavíkur
Vegna prentvillu í Lögbirtingablaöinu 18. mars
1988, birtist þessi auglýsing frá Borgarskipulagi
aftur meö breyttum skilafresti athugasemda.
Með vísan til 17. og 18. greinar laga nr. 19/1964
er hér meö auglýst landnotkunarbreyting á staö-
festu Aðalskipulagi Reykjavíkur. Breytingin er í
því fólgin að landnotkun á staögr.r. 1.286.1 sem
markast af Safamýri, Háaleitisbraut og Miklu-
braut veröur svæöi fyrir verslun og þjónustu í
staö íbúðarsvæðis.
Uppdráttur og greinargerö liggja frammi almenn-
ingi til sýnis hjá Borgarskipulagi Reykjavíkur,
Borgartúni 3, frá föstudeginum 18. mars til 29.
apríl 1988, alla virka daga frá kl. 8.30-16.15.
Athugasemdum, ef einhverjar eru, skal skila
skriflega á sama staö eigi síöar en kl. 16.15,
mánudaginn 23. maí 1988.
Þeir sem eigi gera athugasemdir innan tilskilins
frests, teljast samþykkir breytingunni.
Reykjavík, 8. apríl 1988
BORGARSKIPULAG REYKJAVÍKUR
Borgartúni 3,
105 Reykjavík
Vinnuskóli
Iff Reykjavíkur
Vinnuskóli Reykjavíkur auglýsir eftir leiðbeinend-
um til starfa við Vinnuskólann í sumar. Starfstími
er frá 1. júní til 1. ágúst n.k.
Æskilegt er að umsækjendur hafi reynslu í verk-
stjórn og þekkingu á gróðursetningu, jarörækt
o.fl. störfum. Til greina koma 1/2 dags störf.
Umsóknareyðublöð eru afhent í Ráöningarstofu
Reykjavíkurborgar, Borgartúni 3, sími 623340.
Þar eru einnig gefnar upplýsingar um starfiö.
Umsóknarfrestur er til 20. apríl n.k.
Vinnuskóli Reykjavíkur
Lausar stöður
Umsóknarfrestur um eftirtaldar stööur viö fang-
elsin í Reykjavík og Kópavogi, þ.e. Hegningar-
húsiö viö Skólavöröustíg, Fangelsið Síöumúla 28
og Fangelsiö Kópavogsbraut 17, er hér meö
framlengdur til 15. apríl 1988:
2 stööur yfirfangavarða
1 staöa varöstjóra
2 stöður aðstoðarvarðstjóra og aö minnsta kosti
6 stöður fangavarða.
í framangreindar stööur veröur ráðið frá 1. maí
nk.
Umsóknir ásamt upplýsingum um menntun og
fyrri störf sendist dómsmálaráöuneytinu.
Umsækjendur sem ekki starfa þegar við fanga-
vörslu, skulu vera á aldrinum 20-40 ára.
Dóms- og kirkjumálaráðuneytið,
5. apríl 1988
Óska eftir íbúð
á landsbyggðinni
Einhleypan rithöfund vantar húsnæöi utan
Reykjavíkur. Upplýsingar fyrir hádegi í síma 91-
22379.
Garðar Jakobsson
Ég verð að segja eins og er, að
mér hálfbrá þegar ég frétti það að
hann Garðar í Hólum, eins og
hann var kallaður heima í sveit
hans Reykjadal í Suður-
Þingeyjarsýslu, væru hálfátt-
ræður í dag, 8. apríl.
En ástæðan fyrir því, að mér
brá, er sú að mér fannst svo stutt
sfðan að við Garðar vorum leik-
bræður á Beinateigseyrinni. Við
Reykjadalsána, þar sem eyrar-
rósin óx, og sandlóan átti sér
hreiður. Og fyrst örlögin spunnu
vef sinn á þann veg, að við Garð-
ar urðum nágrannar í tuttugu og
fimm ár, er mér skylt að senda
honum kveðju í tilefni dagsins,
frá mér og mínum.
Garðar Jakobsson fæddist í
aprílmánuði, sem fyrr getur.
Hann var því vorsins barn for-
eldra sinna, þeirra Jakobs Sigur-
jónssonar og Hólmfríðar Helga-
dóttur í Hólum í Reykjadal. Ekki
ætla ég að ættfæra þau að öðru
leyti en því, að í ættum beggja var
listrænt fólk. Það er því kannski
engin furða að yngsta barnið
þeirra, yngsti sonurinn með
þennan svip heiðríkjunnar, yrði
einn af bestu sjálflærðu fiðlung-
um sýslunnar. Enda þótt hann
gæti aldrei iðkað fiðluleik nema í
tómstundum. Enda var það svo á
þessum árum, að lífsbaráttan var
hörð. Holtið og móinn, plógur-
inn og herfið, kallaði á vinnandi
hendur. Og Garðar vann að
heimili foreldra sinna um skeið.
En samt var það svo að hugurinn
leitaði frá matarstritinu til hugðar
mála.
Vart tvítugur að aldri fór Garð-
ar tvo vetur til mennta í Lauga-
75 ára
skóla, sem mjög var á orði íyrir
góða kennslu á þess tíma mælik-
varða. Og ekki minnkaði félags-
hyggju Garðars við það. Hann
var að eðlisfari mjög sannur fél-
agsmálamaður, í þeim félögum
sem hann taldi til menningarauka
og framfara fyrir land og lýð.
Garðar var ekki kjörinn í
hreppsnefnd, enda ekki kært sig
um slíkt. Hann hafði nóg'á sinni
könnu. Hann starfaði í ung-
mennafélagi sveitarinnar í mörg
ár, af mikilli fórnfýsi. Ég mun
lengi minnast samvinnu okkar í
nefndum, eins og í íþróttanefnd
og leiklistarstjórn þau örfáu ár
sem við gátum unnið saman áður
en ég fór úr sveitinni. Ég held
sannast að segja, að Garðar sé
einn besti og farsælasti maður
sem ég hef unnið með í félagsmál-
um.
Ekki má gleyma því, að Garð-
ar var vel glíminn á ungdómsár-
um og afburða sundmaður á þess
tíma mælikvarða. Hann tók mik-
inn þátt í söngmálum í sveit og
sýslu og söng í Karlakór
Reykdæla yfir fjörutíu ár undir
söngstjórn Páls H. Jónssonar á
Laugum, og þess munu fá dæmi,
að Garðar hafi vantað á söngæf-
ingu, enda einn af stofnendum
kórsins. Það er raunar með ólík-
indum hvað Garðar gat komist
yfir ásamt bustörfum, því nú
gerðist hann einyrkjabóndi í lok
fjórða áratugarins. Garðar
kvæntist einni af bestu stúlkunum
í Reykjadal, Þorgerði Glúms-
dóttur í Vallarkoti. Þau bjuggu í
farsælu hjónabandi um fjörutíu
ára skeið. Þau byggðu sér nýbýli í
landi Hóla er þau nefndu Lautir,
og voru síðan kennd við þann
stað. Þau eignuðust fjögur börn
um tölu barnabarna veit ég ekki,
en þau eru allmörg. Konu sfna
missti Garðar árið 1979 og hefur
hann rekið búið með yngstu dótt-
ur sinni síðan.
En þessum tímamótum míns
gamla sveitunga, bóndans og
fiðlarans í Lautum, sem á þessum
degi getur horft með stolti yfir
farinn veg, ætti að gera miklu
betri skil en hér er gert.
Garðar minn! Þessi fáu orð
sem hér eru skrifuð eiga að vera
heillaóskir með daginn, en um
leið þakklæti fyrir gömul kynni,
og þá ekki síst á kvöldum skamm-
degisins, er við bundum á okkur
skautana og brunuðum eftir
svellgljánni í mánaskininu.
Gísli T. Guðmundsson
FRETTIR
Stjórn Verðlaunasjóðs íslenskra barnabóka og dómnefnd sjóðsins að
störfum. Frá vinstri: Hildur Hermóðsdóttir bókmenntafræðingur, Ár-
mann Kr. Einarsson rithöfundur, Hjörleifur Jónsson, fulltrúi
grunnskólanemenda í dómnefnd sjóðsins, Ólafur Ragnarsson, for-
stjóri Vöku-Helgafells, dr. Sigrún Klara Hannesdóttir lektor og Ragnar
Gíslason útgáfustjóri.
Islensku barnabókaverðlaunin
Verðlaunabókin kemur
út innan skamms
ÖRFRÉTTTIR
Kynningar-
bæklingur KHÍ
Kennaraháskóli íslands
sendir nú frá sér í fyrsta skipti
röð bæklinga sem ætlaðir eru
til að kynna starfsemi Kenn-
araháskólans. Nú þegar hafa
komið út þrír bæklingar.
Fyrsti bæklingurinn er al-
mennur kynningarbæklingur
um stofnunina, annar er ætl-
aður umsækjendum og sá
þriðji fjallar um endurmenntun
starfandi grunnskólakennara
á vegum Kennaraháskóla ís-
lands.
Á næstunni kemur út fjórði
bæklingurinn sem fjallar um
list- og verkgreinar Kennara-
háskólans. Ætlunin er að í
framtíðinni verði fleiri starfs-
þættir Kennaraháskólans
kynntir með þessum hætti.
Úr Fjörunni
í leikhúsið
Veitingahúsið Fjaran,
Strandgötu 55 Hafnarfirði,
hefur tekið upp þá nýbreytni
fyrir gesti sína sem ætla sér f
leikhús eða óperu að opna
húsið kl. 17.30, og sjátil þess
að gestir komist á áfangastað
á kostnað Fjörunnar með
völdum leigubifreiðum í tæka
tíð.
Veitingahúsið Fjaran er
árs-gamalt veitingahús í
næst-elsta húsi Hafnarfjarðar
sem byggt var 1841. Fjaran
tekur 36 matargesti í aðalsal
með frábæru útsýni yfir höfn-
ina og út fjörðinn.
Á efri hæð hússins undir
súð er lítil notaleg setustofa
sem tekur allt að 16 gesti,
sem er tilvalið fyrir fámenn
samkvæmi og fundi.
Um þessar mundir er dóm-
ncfnd í verðlaunasamkeppni
Verðlaunasjóðs íslenskra barna-
bóka að ljúka störfum. í hina ár-
legu samkeppni sjóðsins bárust
tveir tugir handrita og vcrður
verðlaunahandritið gefið út í
sumarbyrjun.
íslensku barnabókaverðlaunin
verða nú veitt í þriðja sinn, en í
fyrra hlaut Kristín Steinsdóttir
verðlaun fyrir bók sína Fransk-
brauð með sultu og árið þar áður
Guðmundur Ólafsson fyrir bók-
ina Emil og Skundi.
Niðurstaða dómnefndar verð-
ur ekki gerð kunn fyrr en á
útgáfudegi bókarinnar, en þá
verður verðlaunahöfundinum af-
hent verðlaunaféð sem að þessu
sinni er 100.000 krónur auk
venjulegra höfundarlauna sam-
kvæmt samningi Rithöfundas-
ambands íslands og Félags ís-
lenskra bókaútgefenda.
Verðlaunasjóður íslenskra
barnabóka var stofnaður 1985 í
tilefni af 70 ára afmæli
barnabókahöfundarins vinsæla,
Ármanns Kr. Einarssonar.
Lögðu fjölskylda Ármanns og
bókaútgáfan Vaka fram stofnfé
sjóðsins. Tilgangur sjóðsins er að
örva fólk til að skrifa bækur fyrir
börn og unglinga og stuðla jafn-
framt að auknu framboði íslensks
lesefnis fyrir áðurnefnda aldur-
shópa á öðrum tíma árs en fyrir
jól
I dómnefnd sjóðsins sitja þau
Hildur Hermóðsdóttir, bók-
menntafræðingur og gagnrýn-
andi, Ragnar Gíslason útgáfu-
stjóri og Hjörleifur Jónsson,
nemi í Gagnfræðaskólanum í
Mosfellsbæ, en hann er að þessu
sinni fulltrúi lesenda barna- og
unglingabóka sem grunnskólar
landsins tilnefna í dómnefndina
til skiptis.
14 SÍÐA — ÞJÓÐVILJINN Föstudagur 8. apríl 1988