Þjóðviljinn - 12.04.1988, Blaðsíða 9

Háskólatónleikar
Gunnar Kvaran flytur
svítu eftir Bach
Ásíöustu Háskólatónleikum
vetrarins, sem haldnirverðaí
Norræna húsinu á morgun,
miðvikudaginn 13. apríl, kl.
12.30-13.00, flytur Gunnar
Kvaran sellóleikari svítu nr. 5 í
c-moll fyrir einleiksselló eftir
J.S.Bach.
Gunnar Kvaran sellóleikari
hlaut tónlistarmenntun sína hér
heima hjá Heinz Edelstein og
Einari Vigfússyni. Hann lauk
einleikaraprófi frá Tónlistar-
háskólanum í Kaupmannahöfn
þar sem kennari hans var Erling
Biöndal Bengtsson. Á árunum
1968-1974 var hann aðstoðar-
kennari Erlings. Gunnar hefur
leikið í tólf löndum sem einleikari
og í kammertónlist. Hann starfar
sem kennari við Tónlistarskólann
í Reykjavík og við Tónlistar-
skólann í Garðabæ. Framhalds-
nám stundaði Gunnar við Tón-
listarháskólann í Basel hjá Reine
Flaschot.
Bach samdi svítur sínar fyrir
einleiksselló sex að tölu í kring-
um 1720 þegar hann var í þjón-
ustu kjörfurstans af Götten. Á
þessu tímabili samdi hann einnig
mörg önnur meiriháttar verk eins
og t.d. sex sónötur og partítur
fyrir einleiksfiðlu, sex enskar og
franskar svítur fyrir sembal og
Brandenborgarkonsertana sex,
svo eitthvað sé nefnt.
Myndlist
Gunnar Kvaran.
Björg sýnir málverk
og teikningar
í Norræna húsinu
Gallerí Borg
Elías sýnir
olíumyndir
Nú stendur yfir sýning Bjargar
Þorsteinsdóttur í sýningar-
sölunum í kjallara Norræna
hússins. Þettaertólftaeinka-
sýning Bjargar sem í þetta
sinn sýnir tæplega 50 mál-
verk, pastelmyndirog
teikningar.
Tónleikar
Björg stundaði myndlistarnám
í Reykjavík, Stuttgart og París,
og hefur unnið jöfnum höndum
við grafík og málverk. Hún hefur
tekið þátt í fjölda samsýninga
hérlendis og erlendis, meðal ann-
ars í Icelandic Art 1944-1979 í
Minnesota Museúm of Art 1979,
Nordiska kvinnor málare och
teknare, sem var farandsýning
um Norðurlönd 1980, Scandina-
via today, Bandaríkjunum 1982
og íslensk abstraktlist í 40 ár,
Kjarvalsstöðum 1987.
Verk eftir Björgu eru í eigu
listasafna á íslandi, safna og
stofnana á Norðurlöndum, Fra-
kklandi, Hollandi, Póllandi,
Spáni og Júgóslavíu. - Sýningin
er opin daglega kl. 14:00-22:00 og
stendur til 24. apríl. LG
Þessa dagana sýnir Elías
B. Halldórsson nýlegarolíu-
myndir í Gallerí Borg, Póst-
hússtræti 9.
Elías fæddist 1930, stundaði
nám við Myndlista- og handíða-
skólann íslands 1955-1958, og
framhaldsnám við akademíuna í
Stuttgart og við akademíuna í
Kaupmannahöfn. Hann hélt sína
fyrstu einkasýningu í Bogasaln-
um 1961. Síðan hefur hann haldið
fjölda einkasýninga og tekið þátt
f samsýningum hérlendis og er-
lendis. Meðal safna og stofnana
sem eiga verk eftir Elías eru
Listasafn íslands, Listasafn
Kópavogs, Listasafn Sauðár-
króks og Búnaðarbanki fslands.
Sýningin er opin virka daga kl.
10:00-18:00, kl. 14:00-18:00 um
helgar og stendur til 19. apríl.
LG
L
MENNING
Umsjón: Lilja Gunnarsdóttir
EKTA AHUGAMENNSKA
Einleikara-
próf
Hallfríður Ólafsdóttir
flautuleikari heldur
tónleika íNorrœna
húsinu í kvöld
Tónlistarskólinn í Reykjavík
heldur einleikaraprófstón-
leika í Norræna húsinu í kvöld
kl. 20:30.
Tónleikarnir eru fyrri hluti ein-
leikaraprófs Hallfríðar Ólafs-
dóttur flautuleikara og verða
undirleikarar hennar David
Knowles píanóleikari og Elín
Guðmundsdóttir semballeikari.
Á efnisskránni eru Quatrieme
Concert Royal eftir Couperin, Le
Merle Noir eftir Messaien, Fant-
aisie, opus 79 eftir Fauré, Night
Soliloquy eftir Kennan og loks
Sónata nr. 2, opus 94 eftir Prok-
ofieff.
Aðgangur að tónleikunum er
ókeypis og öllum heimill. LG
Hugleikur sýnir
Um hið átakanlega og dularfulla
hvarf ungu brúðhjónanna Indriða
og Sigríðar daginn eftir brúð-
kaupið og leitina að þeim
eftir Hjördísi Hjartardóttur, Ingi-
björgu Hjartardóttur, Sigrúnu Ósk-
arsdótturog Unni Guttormsdóttur.
Leikstjóri: Sigrún Valbergsdóttir
Hugleikur er afskaplega sér-
kennilegt áhugamannaleikfélag
sem ekki fer troðnar slóðir. Sýn-
ingar þeirra fram að þessu hafa
verið alls kyns útúrsnúningar úr
íslenskri leiklistarhefð, verkum
eins og Skugga-Sveini, Gullna
hliðinu og Pilti og stúlku. Þetta
hefur yfirleitt verið hinn kostu-
legasti samsetningur og ein-
kennst af miklu og djúpstæðu al-
vöruleysi en þó ekki algeru
meiningarleysi. Þegar best hefur
látið hefur ríkt á sýningum Hug-
leiks eins konar háspennuástand
á kátínusviðinu, jafnvel þó að svo
sem eins og helmingur branda-
ranna sé misheppnaður.
Þær stöllur sem skrifuðu fyrri
verkin hafa nú bætt við sig einni
enn þannig að nú eru þær fjórar
og í krafti þess hvað þær eru
margar hafa þær skrifað leikrit
með lengra nafni en vitað er til
um að sést hafi síðan Peter Weiss
skrifaði Ofsóknir og aftöku Jean
Paul Marat einsog hælismenn í
Charenton sýndu það undir
stjórn markgreifans af Sade. Er
það tilviljun að bæði nöfnin eru
18 orð? Þetta verk er eins konar
sjálfstætt framhald af Ó, þú frá í
fyrra, margar sömu persónur
koma við sögu og vísað er til
margra atvika úr fyrra verkinu.
Heilaspuni höfundanna gerist
hins vegar frjálslegri og sjálfstæð-
ari með hverju verki.
Ekki treysti ég mér til að rekja
söguþráð þessa merkilega leikrits
enda er flækjan ógurlega flókin
og tekur langan tíma að greiða úr
henni. Og það er kannski helsti
ljóðurinn á þessu verki að flækj-
an verður svo ansi snúin og úr-
greiðslan verður býsna löng og
alls ekki nógu skemmtileg. Það
sem er skemmtilegt í þessari sýn-
ingu hefur nákvæmlega ekkert
með söguþráðinn að gera og
maður verður eiginlega dálítið
pirraður þegar svo virðist undir
lokin að höfundar hafi farið að
taka plott sitt alvarlega. Seinni
helminginn hefði sem best mátt
stytta um svona helming. Enda
þótt svona sýningar séu auðvitað
fyrst og fremst ætlaðar til að
skemmta leikurunum og geri það
svikalaust þá er rétt að taka tillit
til áhorfenda og þess að langar
setur á hörðum stólum uppi á
loftlitlu galdralofti geta orðið
ansi þreytandi.
En margt vekur ósvikna kátínu
á þessari sýningu, einkum fyrri
part hennar. Kostuleg atvik,
skringilegar persónur, skemmti-
Ieg tilsvör. Skopast er að ýmsum
fyrirbærum í samtímanum, t.d. er
athafnamaðurinn Jóndi að opna
verslunarmiðstöðina Kleinuna
og fjármagnar fyrirtækið með
hvalarækt. Hann fer svo auðvitað
á hausinn eins og lög gera ráð
fyrir en verður heillandi skopleg
fígúra í höndum Eggerts Guð-
mundssonar. Annars er varla
vert að fara að telja upp leikar-
ana, en þeir eiga það flestir sam-
eiginlegt að hafa sérkennilegan
persónuleika til að bera sem gam-
an er að skoða og eru prýðilega
ólíkir atvinnumönnum í faginu.
Ekki get ég stillt mig um að nefna
Jón Magnússon sem fer verulega
á kostum í hlutverki Jónumiðils.
Sigrún Valbergsdóttir hefur
stjórnað þessum samsetningi af
miklum skörungsskap og sýnist
mér hún hafa gætt þess að þurrka
ekki um of burt persónueinkenni
einstakra leikara, með öðrum
orðum hefur hún ekki reynt að
gera þá að atvinnumönnum. Það
hygg ég að sé aldeilis rétt aðferð
því að Hugleikur er áhugahópur
sem byggir sjarma sinn á því að
hann gengst upp í því að vera ekki
atvinnumannahópur.
Sverrir Hólmarsson.
Þrlðjudagur 12. apríl 1988 ÞJÓÐVIUINN - SIÐA 13