Þjóðviljinn - 16.04.1988, Blaðsíða 3
FRETTIR
Laugardalshöllin í Reykjavík er ein af þeim byggingum sem er hrjáð af steypuskemmdum.
Byggingar
Steypuskemmdir í flestum
opinberum byggingum
Alkalískemmdir ogfrostskemmdir sem hugsanlega má rekja
til lélegrar hönnunar í byggingumfrá tímabilinu 1960-1980
Laugardalshöllin, Laugardals-
laugin, Hallgrímskirkja, Há-
skólabíó og fleiri byggingar sem
byggðar voru á tímabilinu frá
1960 til 1980 eru að meira eða
minna leyti illa farnar af steypu-
skemmdum. Þessar byggingar og
margar aðrar eru sagðar vera
skólabókadæmi um annarsvegar
steypuskemmdir vegna sements-
galla, fyllingarefnisgalla og fleira
og hinsvegar um hönnunarmistök
með tilliti til frostskemmda.
Leifur Blumenstein bygginga-
fræðingur sagði að þetta væri
ekkert sér íslenskt fyrirbrigði.
Um alla Evrópu væri verið að rífa
niður opinberar byggingar frá
þessum tíma. Að vísu væri um að
ræða steypu frá ‘60-‘70 en það
væri um svipaða hluti að ræða og
við stöndum frammi fyrir nú. I
Þýskalandi er verið að rífa niður
flest þau stórhýsi sem voru byggð
á þessum tíma og í Englandi brýr
og önnur stór mannvirki og segir
Leifur að allt þetta sé steypunni
frá ‘60-‘70 um að kenna.
Guðbrandur Steinþórsson
verkfræðingur og deildarstjóri í
Tækniskólanum sagðist vita og
viðurkenna að fjöldinn allur af
byggingum á höfuðborgarsvæð-
inu væru skemmdar en beinlínis
hversvegna eða hverjum væri um
að kenna vildi hann meina að
ekki væri hægt að segja nema að
undangenginni mjög ítarlegri
rannsókn. Hann sagðist vita til
þess að rannsökuð hefðu verið
ýmiss mannvirki á höfuðborgar-
svæðinu en hann hefði ekki séð
niðurstöður þeirra og því ekki í
aðstöðu til að fella neina dóma
um skemmdir eða orsakir þeirra í
opinberum byggingum. Að öllu
jöfnu sagðist hann þó álíta að
meiri kröfur ætti að vera hægt að
gera til opinberra bygginga því
oftast ætti að vera hægt að standa
mun betur að þeim en byggingu
til dæmis íbúðablokkanna sem
byggðar voru á þessum árum. Þá
hafi verið lenska hér að þegar
verið var að steypa húsin þá hafi
runnið á menn steypuæði og hellt
hafi verið vatni í steypuna til að
hún rynni betur í mótin. Þar sé að
leita ástæðunnar fyrir miklu af
steypuskemmdunum.
Stefán Hermannsson aðstoð-
arborgarverkfræðingur sagði að
embættið væri ekki búið að gera
neina áætlun um endurbætur á
byggingum hins opinbera. Rann-
sóknastofnun byggingariðnaðar-
ins hafi gert úttekt á byggingum
borgarinnar en ekki væri nú búið
að ákveða hvað gert verður. Þó
sagði hann að sérstaklega væri
fylgst með íþróttamannvirkjum.
Að vísu er ekki líklegt að menn
bendi á neinar byggingar því
hagsmunir steypu- og sements-
framleiðenda eru í húfi sagði einn
af heimildamönnum Þjóðviljans.
Þar ræður það að sementið sem
var framleitt frá ‘58-‘78 var stór-
gallað og viðurkennt var á sínum
tíma að líkur væru á miklum alk-
alískemmdum vegna þess og
einnig ræður mjög miklu að mal-
arefnið sem notað hefur verið af
sumum framleiðendum var tekið
úr sjó og því dæmt til að valda
skemmdum. Sami heimildamað-
ur sagði að líklega yrði ekki gert
mikið úr skýrslum Rannsókna-
stofnunar byggingariðnaðarins
því þar væri ekki minni samtryg-
ging en annarsstaðar. Þar væru
mennirnir sem eiga steypufyrir-
tækin innan strokks og því tæpast
líklegt að slíkar rannsóknir skili
niðurstöðu sem væri þeim í óhag.
-tt
Verslunarmenn
Nú skal
höggva
Verslunarmannafélag Reykja-
víkur hefur sett saman kröfugerð
og lagt hana fyrir vinnuveitendur
sem hafa hafnað slíkum kröfum
alfarið á þeim forsendum að þær
leiði til 40% hækkunar en aðrir
samningar hafi falið í sér innan
við 20% hækkun.
VR krefst 42 þúsund króna lág-
markslauna á þeim forsendum að
nú sé viðurkennt að ekki sé við
unandi að skattleggja hærri laun.
Skattleysismörkin feli í sér viður-
kenningu á því. Samningafundur
verður á mánudag milli vinnu-
veitenda og VR en ekki er búist
við öðru en að verkfallið sem
boðað hefur verið verði að veru-
leika 22. apríl.
Verslunarmannafélög víðsveg-
ar um landið hafa nú boðað verk-
fall 22. apríl og. búist er við að
Landssamband verslunarmanna
fari með umboð þeirra í samning-
aviðræðum á næstunni en þrjú fé-
lög hafa nú þegar lýst því yfir að
þau semji sjálf. Það eru verslun-
armannafélögin í Reykjavík, á
Akureyri og á Suðurnesjum.
-tt
Eyðni
40 smitaöir
Mótefni gegn eyðniveirunni
hefur fundist í 40 Islendingum
fram að þessu. Þar af eru aðeins 4
konur. Hommar eru 29, 7 fíkni- '
efnaneytendur, 3 gagnkyn-
hneigðir og einn blóðþcgi.
Flestir þeirra sem mælst hafa
með mótefni eru einkennalausir,
eða 19 einstaklingar, 16 eru með
forstigseinkenni og 5 með alnæmi
á lokastigi. Hugsanlegt er að
fleiri séu með eyðni en einkenna-
lausir og því kannski ómeðvit-
andi um það sjálfir. 5 íslendingar
hafa bæst í hóp eyðnismitaðra
það sem af er þessu ári og er það
gífurleg fjölgun miðað við síðasta
ár.
-tt
Sjónvarp
Vill skriflega greinargerð
I útvarpsráði hefur verið farið fram á að útvarpsstjóri skýri stefnusína.
Menntunarstig þjóðarinnar í hœttu
Bríet Héðinsdóttiy lagði fram
bókun á fundi Útvarpsráðs í
gær. I bókuninni spyr Bríet hvort
meiningin sé að gera Ríkisútvarp-
ið - Sjónvarp að útsendingarstöð
fyrir myndver úti í bæ. Hún biður
útvarpsstjóra um skriflega
greinargerð um stefnu stofnunar-
innar varðandi framleiðslu inn-
lends efnis.
Tilefni bókunar Bríetar eru
blaðaskrif af ýmsu tagi um Ríkis-
útvarpið, þám. ummæli Ingva
Hrafns í Nýju Lífi. Þar sem hann
spyr hvort Sjálfstæðisflokkurinn
ætli að tryggja frjálsu stöðvarnar í
sessi með fulltingi sinna manna í
æðstu stöðum RÚV. Einnig til-
laga formanns útvarpsráðs um að
leigja út 4 klst. á viku á Rás 2.
Enn má nefna fréttir af aðalfundi
starfsmannafélags sjónvarps
varðandi útboð á innlendri fram-
leiðslu.
Vegna þessa alls þykir fulltrúa
Alþýðubandalagsins í útvarps-
ráði forvitnilegt að heyra afstöðu
æðsta manns stofnunarinnar,
Markúsar Arnar Antonssonar
varðandi stefnuna
framleiðslu.
í. innlendri
Sjónvarpið
Fastir þættir unnir utanhúss
í samtali við Þjóðviljann sagði
Bríet það skoðun sína að
menntunarstig þjóðarinnar sé í
hættu glati Ríkisútvarpið forystu-
hlutverki sínu. „Maður sér á
blaðaskrifum að þjóðin hefur
áhyggjur af framtíð Ríkisútvarps-
ins. Þess vegna er afar brýnt að
stefna yfirmanna útvarps og sjón-
varps komi skýrt fram.“
-hmp
Ingimar Ingimarsson: Aðeins brot afdagskrárgerðinni
N
ú e'ru fimm fastir dagskrár-
liðir sjónvarpsins unnir utan-
húss eða af einkaaðilum en Ing-
imar Ingimarsson aðstoðarfram-
kvæmdastjóri sjónvarpsins segir
að það sé aðeins brot af dag-
skrárgerðinni og bendir á að allir
stærstu þættirnir svo sem „Hvað
heldurðu?“ eru unnir af tækni-
deild stofnunarinnar.
Þeir fimm þættir sem hér um
ræðir eru Helgistund, Dagskrá
næstu viku, Maður vikunnar,
Landið þitt og Matarlyst.
Eins og fram hefur komið í
fréttum Þjóðviljans er mikil óá-
nægja meðai starfsmanna sjón-
varpsins með að einkaaðilum
skuli í sífellt ríkari mæli vera út-
hlutað verkefnum innan stofnun-
arinnar á sama tíma og starfs-
mönnum er fækkað.
í máli Ingimars kemur fram að
stofnunin sé bundin af samning-
um svo sem um vaktafyrirkomu-
lag og því nánast útilokað fyrir
hana fjárhagslega að standa að
gerð fyrrgreindra dagskrárliða.
Sem dæmi nefnir hann að hug-
mynd að Manni vikunnar getur
komið upp á föstudagskvöldi og
stofnunin geti ekki haft lið til að
sinna því sem kannski annars
gerði ekkert annað en vera í bið-
stöðu.
Um það dæmi sem starfsfólk
hefur tekið um óeðlilega úthlut-
un á verkefnum, leikritið Næt-
urgöngu, segir Ingimar að ekki
liggi enn fyrir hver muni vinna
það þar sem framkvæmdaáætlun
fyrir sumarið sé enn í mótun og
því erfitt að segja til um hvort
tæknideildin geti annað því án
þess að hliðrað sé til með önnur
verkefni.
-FRI
Laugardagur 16. apríl 1988 ÞJÓÐVILJINN - SÍÐA 3
Mál Ingva Hrafns
Tekið fyrir
á mánudaginn
Framkvæmdastjórn Sjón-
varpsins mun Ijalla um mál Ingva
Hrafns Jónssonar á fundi á mánu-
daginn kemur en eins og kunnugt
er hefur útvarpsráð lýst van-
trausti sínu á fréttastjórann.
Markús Örn Antonsson út-
varpsstjóri segir að á þessum
fundi muni framkvæmdastjórnin
væntanlega leggja fram tillögur
sínar í málinu en Markús Örn er
ekki bundinn þeim tillögum.
-FRI