Þjóðviljinn - 21.04.1988, Síða 3
Skipulagsstjórn
Afgreiðslu
frestað
Skipulagsstjórn ríkisins ákvað
á fundi sínum í gær að fresta
afgreiðslu á kæru íbúa við Tjarn-
argötuna. Skipulagsstjóri ríkis-
ins, Stefán Thors, hafði lagt fyrir
fundinn umsögn sína um kæruna,
þar sem hann leggur til að
graftarleyfið vegna ráðhússins
verði dæmt dautt og ómerkt.
Sigurgeir Sigurðsson, formað-
ur Sambands sveitarfélaga, lagði
til að málinu yrði frestað fram að
næsta fundi. Þrír voru hlynntir
þeirri tillögu en tveir andsnúnir.
Guðrún Jónsdóttir lagði á
fundinum fram gögn um grund-
vallarþætti aðalskipulags
Reykjavíkur og ýmsar fyrir-
spurnir varðandi umferðarkerfið
og Fossvogsbrautina. Allar líkur
eru á því að fyrir næsta fund muni
hún leggja fram tillögu um að að-
alskipulagið verði endurskoðað
vegna nýrra upplýsinga um ýmsa
grundvallarþætti þess.
-tt
Félag fréttamanna
Engin ályktun
um Ingva Hrafn
Astjórnarfundi í Félagi frétta-
manna var ákveðið að álykta
ekki um mál Ingva Hrafns Jóns-
sonar fyrrum fréttastjóra sjón-
varpsins. Tveir af stjórnar-
mönnum í félaginu, þeir Árni
Snævarr og Hallur Hallsson,
vildu fá ályktun um málið frá
stjórninni, enda segir Árni að það
veki spurningar þegar yfirmanni
á fréttastofu sé vikið úr starfi
vegna þess að hann viðri skoðanir
sínar, hversu umdeilanlegar sem
þær annars séu.
Markús Örn Antonsson út-
varpsstjóri hélt fund í gær með
starfsfólki fréttastofu sjónvarps-
ins en á þeim fundi komu ekki
fram ítarlegri ástæður fyrir brott-
vikningu Ingva Hrafns en þegar
hefur verið greint frá, það er að
röð atvika á löngum tíma hafi
verið ástæðan.
-FRI
FRETTIR
Grandi hf.
50 manns sagt upp
Brynjólfur Bjarnason: Vegnafyrirsjáanlegs tapreksturs og
aukinnar hagrœðingar. Fiskvinnslan þarf 10%
gengisfellingu. Trúnaðarmaður: Fólk er hálflamað. Heldur
köldsumarkveðjafrá Grandahf. tilstarfsmanna
Frá og með næstu mánaða-
mótum verður 50 manns sagt
upp í frystihúsi Granda hf. í
Norðurgarði og með þriggja
mánaða uppsagnarfresti taka
uppsagnirnar gildi 1. ágúst nk. í
frystihúsinu í Norðurgarði starfa
nú um 120 manns og verður þeim
því fækkað um nær helming.
Aðalástæðan fyrir þessum
uppsögnum, að sögn Brynjólfs
Bjarnasonar, framkvæmdastjóra
fyrirtækisins, er fyrst og fremst
versandi afkoma fiskvinnslunn-
ar, aukin samkeppni erlendra
fiskframleiðenda og fyrirsjáan-
legur taprekstur fyrirtækisins að
öllu óbreyttu, allt að 70
milljónum.
Á blaðamannafundi, sem
framkvæmdastjóri Granda hf.
hélt í gær, kom fram að helstu
ástæðurnar fyrir versnandi af-
komu fiskvinnslunnar væru þær
að sjávarafurðir hafa lækkað
mikið í verði á erlendum mörku-
ðum og nefndi framkvæmdast-
jórinn sem dæmi að þorskblokk
hefði lækkað um 15% nú nýlega,
úr 2 dollurum í 1,70. Þá hefði
fastgengisstefna stjórnvalda,
ásamt kostnaðarhækkunum inn-
anlands, komið afar illa við
rekstrargrundvöll vinnslunnar,
án þess að stjórnvöld hreyfði legg
né lið.
Að sögn Málhildar Sigur-
björnsdóttur, trúnaðarmanns í
Norðurgarði, er fólk hálf lamað
vegna þessara aðgerða og komu
þær afar flatt upp á starfsfólkið,
sem finnst þetta vera heldur köld
sumarkveðja í sinn garð. Mál-
hildur sagði ennfremur að starfs-
fólkið væri í mikilli óvissu og
óöruggt um hverjir fengju reisup-
assann og sérstaklega væru þeir
elstu uggandi, fólk sem ætti erfitt
með að fá aðra vinnu, yrði það
rekið.
Samhliða þessum uppsögnum
starfsmanna fyrirtækisins verður
ráðist í verulegar skipulags-
breytingar hjá fyrirtækinu í
Norðurgarði. Þær eru helstar að
teknar verða í notkun nýjar
vinnslulínur sem tengjast beint
flökunarvélum frystihússins.
Fiskurinn verður þá framvegis
unninn í einni samfelldri vinnslu-
rás, allt frá móttöku til frystingar,
verður þessa nýja vinnslulína
með svipuðu sniði og verið hefur í
karfavinnslu fyrirtæksins á
Grandagarði.
Áætlað er að þessar breytingar
kosti fyrirtækið um 30 miljónir
króna, en að undanförnu hefur
verið unnið að því að skera niður
ýmsa rekstrarliði í sparnaðar-
skyni og hefur verið ákveðið að
spara 20 miljónir króna á þessu
ári með því að draga saman
viðhalds- og viðgerðakostnað við
eignir fyrirtækisins. í sumar verð-
ur dregið úr akstri með starfsfólk
og í lok sumars verður mötuneyti
fyrirtækisins lokað, en í stað þess
opnaðar tvær verslanir, sín í
hvoru frystihúsinu. Með þessum
hætti staðhæfa forráðamenn
Granda hf. að sparist 13-15 milj-
ónir króna á ári.
-grh
Stjórn Granda hf. hefur ákveðið að reka 50 manns í Norðurgarði vegna fyrirsjáanlegs tapreksturs og
aukinnar hagræðingar. Uppsagnirnar gilda frá og með næstu mánaðamótum og taka gildi 1. ágúst nk.
Starfsfólk er hálf lamað vegna þessa og finnur til mikils öryggisleysis.
Örorkumál Karvels
Ekki ennþá
tekið í dóm
Fiskvinnslan
Stórfelldur taprekstur
Fiskvinnslufyrirtœki um land allt aðfalli komin. Astæðan: Verðfall á
afurðum, fastgengis- og vaxtastefna stjórnvalda
Þingfest í nóvember. Óvenjulegur tími en ekki
einsdœmi. Frestur vegna nýs örorkumats.
Karvel Pálmason: Borgaryfirvöld tefja málið
■ ■
Ororkumál Karvels Pálmason-
ar þingmanns hefur enn ekki
verið dómtekið í Borgardómi en
málið var þingfest þar í nóvember
s.l. Hér er um óvenjulangan tíma
að ræða frá þingfestingu þótt
hann sé ekki einsdæmi.
Ástæða þess að svo langur tími
hefur liðið er að lögmaður
stefndu í málinu, Magnús Ósk-
arsson borgarlögmaður, hefur
óskað eftir fresti, meðan sérstak-
ir matsmenn meta örorku Kar-
vels á ný. Yfirleitt er gangurinn í
svona málum sá að læknir úr-
skurðar um örorkuna og síðan
metur tryggingafræðingur tjónið
út frá úrskurði læknisins. í ör-
fáum tilvikum fer málið fyrir
Læknaráð en í þessu máli hefur
enn einu stiginu verið bætt við,
það er að kallaðir eru til sérstakir
matsmenn.
Friðgeir Björnsson yfirborgar-
dómi sagði að ekki væru bein
tímatakmörk á fresti þeim sem
veittur var en lögmaður stefn-
enda gæti krafist þess að matinu
yrði flýtt. Meðan hann sýndi þol-
inmæði gæti dómurinn ekki grip-
ið fram fyrir hendur á aðilum í
þessu máli.
Karvel Pálmason er nú í
veikindafríi frá þingstörfum. - Ég
er ekki samur maður og verð það
aldrei eftir þetta áfall og þarf því
að fara varlega. Þessi framkoma
borgaryfirvalda í minn garð að
fresta málinu sífellt er einungis til
að hræða menn frá því að stefna.
Ég mun fylgja mínu máli fast
eftir, sagði Karvel í samtali við
Þjóðviljann. -FRI
að er ekki aðeins að Grandi
hf. í Reykjavík eigi við fyrir-
sjáanlegan taprekstur við að
glíma, heldur berast fréttir hvað-
anæva að af landsbyggðinni um
mjög svo erfiða stöðu fiskvinns-
lufyrirtækja sem víðast hvar eru
undirstaða atvinnulífsins á við-
komandi stöðum.
Ástæðan er hríðfallandi verð á
sjávarafurðum okkar á erlendum
mörkuðum, fastgengis- og vaxta-
stefna stjórnvalda, ásamt miklum
kostnaðarhækkunum innan-
lands. Telja forráðamenn fisk-
vinnslufyrirtækja að vinnslan sé
nú almennt rekin með 10-15%
halla og sums staðar mun meira.
Árangur nýgerðra efnahagsað-
gerða ríkisstjórnarinnar fyrr í
vetur, þegar gengi krónunnar var
fellt um 6%, er fyrir löngu rokinn
út á hafsauga og þær raddir gerast
sífellt háværari sem segja að til
þess að vinnslan eigi að hafa
möguleika á að rétta úr kútnum
þurfi að fella gengið um í það
minnsta 10% til viðbótar Á
meðan þetta er að gerast í undir-
stöðuatvinnugrein landsmanna
halda stjórnvöld að sér höndum
og virðast ekki hafa nein ráð til
úrlausnar og halda í þá einu von
frjálshyggjunnar að markaðurinn
komi þeim til hjálpar. En ef svo
fer sem horfir bendir allt til þess
að frjálshyggjustefna stjórnvalda
rústi hornsteina atvinnulífsins um
allt land með þeim afleiðingum
sem enginn þorir að horfast í
augu við enn sem komið er.
-grh
Grímsey
Ekki bein úr sjo
Aflabrögð með eindœmum léleg. Lóan er komin í
eyna og veturinn kvaddur með sjávarréttakvöldi
Aflabrögð Grímseyjarbáta
hafa verið með eindæmum lé-
leg eftir páskastoppið og var þó
varla á ástandið bætandi. Hafa
bátarnir verið að fá þetta frá engu
og upp í 4-500 kíló í netin.
Sjómenn eru að vonum afar
óhressir með þessi aflabrögð og
hefur atvinna af þeim sökum ver-
ið með minna móti en oft áður í
saltfisk verkuninni.
Að sögn Þorláks Sigurðssonar
oddvita heyrðist í lóu í fyrsta
skipti í gær, en heldur er aðkom-
an kuldaleg fyrir þennan árvissa
sumarboða. -grh
ÞJÓÐVILJINN - SÍÐA 3