Þjóðviljinn - 24.06.1988, Blaðsíða 16
—SPUFtNINGIN—
Spurningin
Hvað finnst þér um
væntanlegar forseta-
kosningar?
HaukurVagnsson
tónlistamaöur
Mér finnst þetta nú hálf heimsku-
legt allt saman en ég ætla aö
kjósa og er löngu búinn að gera
upp við mig hvorn frambjóðand-
ann ég ætla að kjósa.
Nanna Heiðarsdóttir
verslunarmaður
Mér finnst þetta hrein peningasó-
un. Ég er ákveðin í að kjósa og er
löngu búinn að gera ákveða
hvora ég kýs
mm
Auður Gunnarsdóttir
sálfræðingur
Ég hef ekkert á móti þessum
kosningum. Sjálf er ég búin að
ákveða hvora ég ætla að kjósa.
Friðrik Jónsson
fv. kennari
Mér finnst að það sé alger óþarfi
að vera að standa í þessu. Ef
forseti sem þjóðin er ánægð með
vil sitja áfram á ekkert að vera að
stofna til kosninga um forseta. Ég
fer á kjörstað.
Steinn Frímannsson
verkfræðingur
Ég held að þessar kosningar séu
byggðar á misskilingi. Ég er á-
kveðin í að kjósa.
þJÓÐVIUINN
Föstudagur 24. júní 1988 141. tölublað 53. örgangur
SÍMI 681333
Á KVÖLDIN
681348
ÁLAUGARDÖGUM
681663
Forsetakosningarnar
Lokaspretturinn á
stuðningsmönnunum
Áshildur Jónsdóttir: Stuðningur við Sigrúnu Þorsteinsdóttur eykst
stöðugt. Svanhildur Halldórsdóttir: Vígdís nýtur víðtœks stuðnings
Á morgun gengur íslenska
þjóðin að kjörborðinu og velur
sér forseta. Þetta er í fjórða sinn
sem kosið er um forseta síðan lýð-
veldið var stofnað. Við litum inn
á kosningaskrifstofur frambjóð-
endanna, en þar er nú verið að
leggja síðustu hönd á kosninga-
baráttuna. Fyrst lá ieiðin í Tem-
plarasund þar sem stuðnings-
menn Sigrúnar Þorsteinsdóttur
hafa komið sér fyrir.
- Við ljúkum okkar baráttu
með útifundi á Lækjartorgi í dag.
Við erum mjög ánægð með þann
hljómgrunn sem Sigrún hefur
fengið undanfarna daga, sagði
Áshildur Jónsdóttir kosningar-
stjóri Sigrúnar Þorsteinsdóttur,
en hún ásamt fjölmörgum öðrum
stuðningsmönnum Sigrúnar voru
í óða önn að undirbúa lokaátak
kosningabaráttunnar. Áshildur
sagði að aðal starfið hefði verið
að heimsækja vinnustaði víða um
land, til að kynna þær hugmyndir
sem Sigrún hefði um forsetaemb-
ættið.
- Við verðum með mikið starf
hér á morgun sjálfan kjördaginn,
það verður hér bílafloti sem kem-
ur til að þjóna þeim kjósendum
sem vilja láta aka sér á kjörstað,
einnig verður hægt á fá allar upp-
lýsingar hér, svo sem varðandi
kjörskrá og annað það sem kjós-
endur þurfa að vita, sagði Áshild-
ur kosningarstjóri Sigrúnar, en
Áshildur var ekkert yfir sig
ánægð með nágranna í Templar-
asundinu sem höfðu hengt upp
nokkrar myndir af Vigdísi Finn-
bogadóttur forseta í stigaganginn
sem Sigrún og hennar fólk á leið
um þegar þau ganga til skrifstofu
sinnar.
Eftir að hafa virt fyrir sér
myndir af Vigdísi Finnbogadótt-
ur með Áshildi í stigaganginu í
Templarasundi lá leiðin upp í
Garðastræti þar sem stuðnings-
menn Vigdísar hafa komið sér
fyrir. Þar var einnig í nógu að
snúast.
- Við erum að sjálfsögðu mjög
bjartsýn, Vigdís nýtur mikils
stuðnings, mér finnst sérstaklega
gaman af öllu því unga fólki sem
hefur samband hingað til að fá
alls konar upplýsingar um kosn-
ingarnar, sagði Svanhildur Hall-
dórsdóttir kosningarstjóri Vig-
dísar, en hún stjórnaði einnig
kosningabaráttu hennar þegar
hún var kjörin forseti 1980.
- Það er ekki hægt að bera
þessar kosningar saman, þetta
Stuðningsmenn Sigrúnar Þorsteinsdóttur standa nú í ströngu þessa síðustu daga fyrir kosningar. Áshildur Jónsdóttir
kosningastjóri t.v. mynd ARI
Svanhildur Halldórsdóttir t.h. kosningarstjóri Vigdísar segir að stuðningsmenn hennar hafi í mörg horn að líta þessa
dagana. mynd ARI.
eru svo ólíkir tímar, sagði Svan-
hildur og bæti við að hún efaðist
ekki um að fólk myndi nota kosn-
ingarrétt sinn á morgun engu
síður en 1980.
Um starfið á kjördag sagði hún
að ætlunin væri að opna skrif-
stofu á Suðurlandsbraut, þaðan
sem starfinu á kjördag yrði
stjórnað. Þar verða til taks bílar
fyrir þá sem vilja láta aka sér á
kjörstað. Einnig verða þar gefnar
upplýsingar um kjörskrá og ann-
að það sem kjósendur verða að
vita. í Garðastrætinu verður hins
vegar miðstöð fyrir sambandið
við önnur kjördæmi.
-sg