Þjóðviljinn - 03.09.1988, Blaðsíða 13

BÚSETI
Glaðir á góðri stund. Páll Gunnlaugsson form. Búseta, Jóhann Bergþórsson forstjóri Hagvirkis, sem sá um
byggingarframkvæmdir og Reynir Ingibjartsson framkvæmdastjóri Búseta.
Að gefast ekki upp
Reisugilli hjá Búseta. Reynir Ingibjartsson: Straumhvörfframundan í
-Þetta er skemmtilegur áfangi,
en mest er um vert að núna erum
við að byrja að uppskera eftir
fimm ára tímabil sem hefur snúist
um að vera til, gefast ekki upp og
reyna með ðllum ráðum að sýna
almenningi jafnt sem ráða-
mönnum fram á réttmæti þess
húsnæðisforms sem Búseti byggir
á; búseturéttarformið, sagði
ReynirIngibjartsson, starfsmaður
Búseta, í stuttu spjalli við blaða-
mann í gær, en þá náði félagið
þeim merka áfanga að halda
reisugilli vegna sambýlishúss síns
við Frostafold í Grafarvogi.
Hagvirki hf. reisti húsið fyrir
félagið og er stefnt að því að íbúð-
irnar 46 sem þar eru verði afhent-
ar fullbúnar 1. desember.
Reynir sagði að eftir barning-
inn fyrstu fimm árin hjá félaginu
og það sem það stæði fyrir virtist
nú sem mikil umskipti lægju í
loftinu; nú styttist í að fyrsta
húsnœðismálunum
bygging félagsins yrði fullbúin,
og virtist svo sem margir hefðu
ekki sannfærst fyrr en þeir sáu
þetta níu hæða hús rísa. Pá væru
lánamöguleikar nú að opnast, en
Búseti hefur nú sótt um lán fyrir
180 íbúðum á Stór-Reykjavíkur-
svæðinu á næsta ári.
Þessi fjöldi íbúðaumsókna
endurspeglar þá staðreynd að 300
nýir félagsmenn hafa gengið í fé-
lagið á undanfömum vikum:
Hraðvaxandi áhugi virðist nú
vera á því húsnæðisformi sem
Búseti byggir á; búseturéttar-
formið. Eins og margoft hefur
komið fram í fréttum hafa mörg
bæjar- og sveitarfélög auk fé-
lagasamtaka sýnt áhuga á því að
taka upp samstarf við Búseta um
byggingu og rekstur íbúðarhús-
næðis.
Reynir sagði að nú væru
straumhvörf í húsnæðismálun-
um. Einstefna á húsnæði í einka-
eign gengi ekki lengur fyrir allan
almennning; þeir sem færu út í að
byggja núna sæju ekki til sólar
næstu fjömtíu ár, en í saman-
burði við leigumarkaðinn greiddi
fólk í hinu nýja húsnæði Búseta
ekki nema helming, jafnvel allt
niður í þriðjung, og í þokkabót
væri leiguhúsnæðið á hinum al-
menna markaði í hæsta máta ó-
tryggt eins og dæmin sönnuðu.
-Við í Búseta erum ekki að
finna neitt upp, sagði Reynir;
samskonar háttur hefur lengi ver-
ið hafður á í nágrannalöndunum.
En fleiri og fleiri hér á landi gera
sér nú orðið ljóst að það er of
mikið að leggja það á eina fjöl-
skyldu að eignast sitt húsnæði ein
og sjálf. Ábyrgðin þarf að vera á
fleiri herðum, og þá leita menn
að því félagsformi sem hentar.
Þetta er ekki síst skýringin á því
að fólk streymir nú inn í félagið.
HS
Sigvaldi Eggertsson og Guðmunda Þórisdóttir á reisugillinu í Búsetablokkinni í gær: Fólk sýnir þessu nýja
húsnæðisformi nú orðið mikinn áhuga. Mynd: Ari
Þungur róður á tímabili
Sigvaldi Eggertsson og Guðmunda Þórisdóttir: Verðum vör viðsívax-
andi áhuga á búseturéttarforminu
Tilvonandi íbúar Búsetablokk-
arinnar að Frostafold 20 í Grafar-
vogi fjölmenntu að vonum í
reisugillið í gær. Þeirra á meðal
voru GuðmundaÞórisdóttir, skrif-
stofumaður, og Sigvaldi Eggerts-
son, verkamaður, en þeim hefur
verið úthlutað fjögurra herbergja
íbúð þarna í húsinu.
-Við erum bæði stofnfélagar í
Búseta, sögðu þau; okkur leist
strax vel á hugmyndina, enda
þessar hefðbundnu lausnir á
húsnæðismálunum komnar í
fullkominn hnút um það leyti sem
við fórum að hugsa okkur til
hreyfings. Og ekki hefur ástandið
batnað síðan; það er alveg klárt
mál að það er erfiðara núna en
nokkru sinni að eignast eigin
íbúð. Það er örugglega engin til-
viljun að okkur finnst fólk í kring-
um okkur sýna búseturéttarform-
inu mikinn áhuga og spyrja mikið
út í þessa hluti. Það er varla
nokkur maður sem hefur efni á
að byggja og kaupa lengur, eins
og þeim málum er fyrir komið.
En þetta var þungur róður á
tímabili. Undirtektir ýmissa
ráðamanna voru á tímabili svo
andsnúnar þessu nýja húsnæðis-
formi að við vorum farin að halda
að ekkert yrði úr.
HS
Laugardagur 3. september 1988 pjÓÐVILJINN - SÍÐA 13
Hússtjórnarskólinn í Reykjavík
Námskeið
veturinn 1988-1989
I Saumanámskeið 7 vikur
Kennt mánudaga kl. 19-22 fatasaumur
þriðjudaga kl. 19-22
miðvikudaga kl. 19-22
fimmtudaga kl. 19-22
mánudaga kl. 14-17
(bótasaumur-útsaumur)
II Vefnaðarnámskeið 7 vikur
Kennt verður mánudaga og fimmtudaga kl. 14-17
og miðvikudaga kl. 17-20.
Þeir sem kunna að vefa en óska eftir aðstoð við upp-
setningu, geta fengið afnot af vefstólum.
III Matreiðslunámskeið 6 vikur
Kennt verður mánudaga og miðvikudaga kl. 18-21.
IV Stutt matreiðslunámskeið
Kennt verður kl. 13.30-16.30
Gerbakstur 2 dagar
Grænmetis- og baunaréttir 3 dagar
Fiskréttir 3 dagar
Smurt brauð 3 dagar
Notkun örbylgjuofna 1 dagur
V 4. janúar 1989 hefst 5 mánaða hússtjórnarskóli
með heimavist fyrir þá nemendur sem þess óska.
Námið er viðurkennt sem hluti af matartæknanámi og
undirbúningsnám fyrir kennaranám.
Upplýsingar og innritun í síma 11578 mánudaga-
fimmtudaga kl. 10-14. Innritun hefst mánudaginn 5.
september.
16. og 17. september verður kynning á starfsemi
skólans á Sólvallagötu 12, kl. 15-18.
Skólastjóri
Lifandi vinnustaður
Óskum eftir rösku, duglegu og samviskusömu
fólki í létt hreinlætis- og eftirlitsstörf á lifandi og
skemmtilegum vinnustað. Einnig óskast verk-
stjóri og starfsmaður til starfa útivið á sama stað.
Allar nánari upplýsingar veittar í síma 12244 milli
kl. 10og 14virkadaga.
BTónlistarskóli
^ Seltjarnarness
Síðasti innritunardagur í dag í Tónlistarskólanum
við Melabraut frá kl. 10.00-17.00.
Verðkönnun
á strætisvögnum
Ákveðið hefur verið að kanna framboð og verð á
strætisvögnum. Um er að ræða kaup á 20
vögnum til afgreiðslu á 3-4 árum. Lýsing á stærð,
gerð og búnaði vagna, sem boðnir eru ásamt
upplýsingum um verð þarf að hafa borist
Innkaupastofnun Reykjavíkurborgar í síðasta
lagi 1. nóvember 1988.
Nánari leiðbeinandi upplýsingar varðandi vagna-
kaupin liggja fyrir á skrifstofu vorri að Fríkirkju-
vegi 3, Reykjavík.