Þjóðviljinn - 23.11.1988, Blaðsíða 8

MENNING
Nýr Gangskörungur
í Gallerí Gangskör sýnir Mar-
grét Jónsdóttir vatnslita- og
olíUverk unnin á pappír. Verkin
eru frá árunum 1983-85 og hafa
Margrét Jónsdóttir, nýr Gang-
skörungur.
fæst sést opinberlega áður. Mar-
grét stundaði nám við Myndlista-
og handíðaskólann, og við St.
Martin‘s School of Art í London.
Hún var einn af stofnendum
Gallerís Suðurgötu 7, og starfaði
við það á árunum 1977-81.
Sýningin í Gallerí Gangskör er
haldin í tilefni þess að Margrét er
nýr félagi í galleríinu. Þetta er
þriðja einkasýning hennar hér á
landi, en hún hefur haldið tvær
sýningar í London, auk þess sem
hún hefur tekið þátt í fjölda sam-
sýninga hér á landi og erlendis.
Gallerí Gangskör er opið frá
þriðjudegi til fimmtudags kl. 12-
18, og kl. 14-18 um helgar. Sýn-
ing Margrétar stendur til 4. des-
ember.
Kjarvalsstaðir
Jón sýnir í Austursal
Jón Baldvinsson sýnir 59 mál-
verk í Austursal Kjarvalsstaða,
og eru málverkin máluð á undan-
förnum þremur árum, flest í Kal-
iforníu. Jón hefur haldið ótal sýn-
ingar hér á landi, meðal annars á
Kjarvalsstöðum 1975, og seinna í
Norræna húsinu, í Bogasal
Þjóðminjasafnsins og víðar.
Kjarvalsstaðir eru opnir daglega
kl. 14-22.
Listasafn ASÍ
Sýning Kristínar framlengd
SýningKristínar Jónsdótturfrá elstu sem menn þekkja til að búa
Munkaþverá verður framlengd til klæði. Sýningin er opin virka
til 27. nóvember. Kristín sýnir daga kl. 16-20, og kl. 14-20 um
veggmyndir úr ullarflóka, gerðar helgar.
með ævafornri aðferð, þeirri
Gangurinn
Innísetningur
Gerwald Rockenchaup sýnir
innísetning (installation) sinn á
Ganginum um þessar mundir og
stendur sýningin til loka nóvem-
ber. Rockenhaup er vel þekktur
austurrískur listamaður, hefur
undanfarin ár verið fremstur í
flokki nýgeómetríumanna, og
síðar settur í flokk með amerísku
Nýhugmyndalistinni, sem nú er
hvað mest áberandi í Iistheimin-
um. ,
Kristján sýnir ný olíumálverk í Gallerí Borg.
Gallerí Borg
Olíumyndir Kristjáns
Kristján Davíðsson sýnir nýjar
olíumyndir í Gallerí Borg. Krist-
ján er fæddur í Reykjavík 1917,
hefur haldið fjölda einkasýninga
hér á landi og erlendis og tekið
þátt í fjölda samsýninga. Yfir-
litssýning á verkum hans var
haldin í Listasafni íslands árið
1981, og 1984 var haldin sýning á
verkum hans í Alvar Alto húsinu
í Færeyjum.
Sýning Kristjáns stendur til
þriðjudagsins 29. nóvember,
galleríið er opið virka daga kl.
10-18 og kl. 14-18 um helgar.
Björgvin meö Haustliti. Mynd - Jim Smart.
Æ Norrœna húsið
Arstíðastemmningar
Björgvin Björgvinsson: Þemu verkanna eru árstíðirnar, þeir litirsem
birtast í náttúrunni á mismunandi árstíðum
- Þetta er fyrst og fremst vinna
með liti og form, - segir Björgvin
Björgvinsson sem sýnir málverk í
kjallara Norræna hússins.
Björgvin er fæddur 1955,
stundaði nám við Myndlista- og
handíðaskólann, Byam Shaw
School of Art í London og Aca-
demy of fine Arts í Belgrad 1981-
82. Síðastliðinn vetur var hann
við nám við Lahden taideinstitu-
utti í Finnlandi.
- Ég kenndi myndlist í fimm
ár, - segir hann, og eins og menn
vita gefst ekki mikill tími til að
mála jafnhliða fullri vinnu. Svo
ég kom mér á þennan skóla í
Finnlandi til að geta sinnt mynd-
listinni af einhverri alvöru. Þess-
ar myndir sem ég sýni hér eru
allar málaðar í Lahti, ég var þar
fram í lok júlí og hélt sýningu þar
áður en ég kom aftur hingað.
- Ég reyni að láta liti og form
vinna saman, og það má segja að
þemu verkanna séu árstíðirnar,
eða þeir litir sem birtast í náttúr-
unni á mismunandi árstíðum.
Það eru haust-, vetur og vor-
stemmningar, að mestu leyti úr
íslenskri náttúru þó þetta sé mál-
að í Finnlandi. Litsterkustu
myndirnar eru haustið, veturinn
er mildastur. Til að byrja með tók
ég fyrir ákveðin form eins og til
dæmis fjöllin og eldinn, eins og
má sjá í málverkinu Hausteldar.
Síðan fór ég meira út í að mála
abstrakt form, þó það geti vel
verið að fólk geti séð eitthvað
ákveðið út úr þeim.
Nú eru liðin fjögur ár síðan þú
hélst síðast einkasýningu hér á
landi, hefur orðið mikil breyting
á þinni list á þessum árum?
- Það má segja það, ég gerði
áður klippimyndir með blandaðri
tækni, hélt sýningu á þeim í Ás-
mundarsal 1983 og í Vestmanna-
eyjum 1984. En að mínu mati er
ákveðinn skyldleiki með þessum
myndum og klippimyndunum og
þá sérstaklega í formgerðinni. Þó
myndirnar séu ólíkar, þessar eru
til dæmis litsterkari því ég nota
olíuliti, eru formin ekki svo ólík
þeim sem ég var með í klippim-
yndunum.
Og þú heldur áfram á þessari
braut?
- Ég hef hug á því. Þó ég sé
náttúrlega kominn í vinnu núna
hef ég hugsað mér að fylgja þessu
eftir.
Sýning Björgvins stendur til
27. nóvember, og er opin virka
daga kl. 16-22, og kl. 14-22 um
helgar.
LG
Stór og smár verða frumsýndir í kvöld. Lotta (Anna Kristín Arngríms-
dóttir) og gítarleikarinn (Ellert Ingimundarson).
Mynd - Jim Smart.
Þjóðleikhúsið
Lotta
Stór ogsmár
frumsýndir á Stóra
sviðinuíkvöld
Þá er komið að frumsýningu á
Stórum og smáum eftir Botho
Strauss í Þjóðleikhúsinu, og
verður fyrsta sýning á leikritinu á
Stóra sviðinu í kvöld kl. 20. Anna
Kristín Arngrímsdóttir fer með
hlutverk aðalpersónunnar,
Lottu, en auk hennar koma tólf
leikarar fram í sýningunni. Leik-
stjóri er Guðjón Pedersen, þýð-
andi og aðstoðarleikstjóri Hafliði
Arngrímsson og Grétar Reynis-
son gerir leikmynd og búninga.
Tónlistin er eftir Hjálmar H.
Ragnarsson.
Þar sem hermt var hér í blaðinu
á laugardaginn var að sýninginn
yrði stytt, er rétt að taka fram að
hún hefur ekki verið skorin nið-
ur. Stór og smár eru nú þrír tímar
og 40 mínútur á lengd, óstyttir.
LG
8 SÍÐA — ÞJÓÐVILJINN Miðvikudagur 23. nóvember 1988