Þjóðviljinn - 22.08.1989, Blaðsíða 3

________________________FRÉTTIR______________
MenRunarvarnir
Fyrsta heildarreglu gerðin
ítarlegar reglur varðandi mengunarvarnir íytra umhverfi
Ný reglugerð hefur verið sett
um mengunarvarnir og tekur
hún frá og með næstu áramótum.
Þetta er fyrsta heildarreglugerðin
á þessu sviði og leysir af hólmi
eldri reglugerðir á afmörkuðum
sviðum.
Nýja reglugerðin tekur til alls
ytra umhverfis og í henni eru
sérkaflar um varnir gegn vatns-
mengun, loftmengun, úrgangs-
mengun og hávaðamengun en ít-
arlegar reglur á þessum sviðum
Um helgina fór fram Evrópumót
íslenskra hesta í Vilhelmsburg
fyrir sunnan Árósa í Danmörku.
Raunar eru þjóðir utan Evrópu
eins og Bandaríkin og Kanada
farnar að senda sveitir til keppni
og væri því nær að tala um
heimsmeistaramót. Alls komu
um 6.000 manns á mótið og
keppendur voru frá 13 löndum.
(slenskir keppendur náðu ágæt-
um árangri á mótinu og á mynd-
inni sést verðlaunaafhending í A-
úrslitum í tölti sem var síðasta
keppnisgreinin. Yst til hægri er
sigurvegarinn, Þjóðverjinn Bernd
Vith á Röðli, þá kemur Aðalsteinn
Aðalsteinsson á Snjalli en hann
tapaði naumlega fyrir Vith, Wolf-
gang Berg frá Þýskalandi á Funa
varð 3., Sigurbjörn Bárðarson á
Skelmi 4. og Unn Kroghen frá
Noregi á Strák varð í fimmta sæti.
íslensku þátttakendurnir í mótinu
voru ánægðir með það og segja
þessi mót mikla landkynningu
enda eru nú 60-70.000 íslenskir
hestar í Evrópu. Mynd: GTK.
hafa ekki verið til áður. Reglu-
gerð frá 1975 um starfsleyfi fyrir
atvinnurekstur, sem getur haft í
för með sér mengun, hefur verið
felld inn í nýju reglugerðina og í 9
viðaukum sem fylgja henni er að
finna viðmiðunarmörk fyrir há-
marksmengun á ýmsum sviðum.
í reglugerðinni er að finna
ákvæði um að við bifreiðaskoðun
verði könnuð mengun frá bflum
og 1. janúar 1992 ganga í gildi
strangari reglur um mengun frá
útblæstri þeirra. Allir bflar sem
framleiddir verða á árinu 1992 og
síðar, og aðrir sem fluttir verða
inn frá áramótum það ár, eiga að
vera búnir sérstökum hreinsibún-
aði.
Eftirlit með mengunarvörnum
verður í höndum heilbrigðis-
nefnda á hverjum stað og Holl-
ustuverndar ríkisins í þeim tilfell-
um sem heilbrigðisráðherra veitir
starfsleyfi. Þrátt fyrir nýjar reglur
er ekki gert ráð fyrir því að bæta
þurfi á mörgum stöðum þær
mengunarvarnir sem fyrir eru.
Hins vegar taka nú gildi sam-
ræmdar reglur um allt land en til
þessa hefur framkvæmd mengun-
arvarna verið talsvert mismun-
andi milli sveitarfélaga.
Við samningu reglugerðarinn-
ar hefur verið höfð hliðsjón af
norrænum reglum um mengunar-
varnir, einkum reglum sem í gildi
eru í Noregi og þeirri norrænu
mengunarvarnaráætlun sem
Norðurlöndin standa að.
«þ
Miklatorg
Gatnamótin opnuð
Kveikt á nýjum umferð-
arljósum og gangbraut-
arljósum
Nýju gatnamótin á mótum
Miklubrautar, Hringbrautar og
Snorrabrautar, þar sem áður var
Miklatorg, verða opnuð klukkan
14 á morgun.
Um leið verða nýju umferð-
arljósin tekin í notkun á þessum
gatnamótum og einnig ný gang-
brautarljós á Miklubraut við
Reykjahlíð. Gangbrautarljósin
við Hringbraut, gegnt Landspít-
alanum verða tekin í gagnið á ný
á morgun en þau hafa verið óvirk
á meðan unnið hefur verið við
gatnaframkvæmdir á í sumar.
Gangbrautarljósin, bæði gegnt
Landspítalanum og við Reykja-
hlíð, verða samstillt við umferð-
arljós á nærliggjandi gatna-
mótum. iþ
Ríkisstjórnin
10-20 miljónir
til Pollands
Á fundi ríkisstjórnarinnar í
gærmorgun var samþykkt tillaga
frá Jóni Baldvin Hannibalssyni
utanríkisráðherra um að ríkis-
stjórnin beiti sér fyrir því að Pól-
verjum verði veitt aðstoð að
verðmæti 10-20 miljónir króna í
formi matvælasendinga.
Ríkisstjórnin hyggst fara þess á
leit við íslenska matvælafram-
leiðendur og flutningafyrirtæki
að þau leggi sitt af mörkum til að
ná þessu takmarki.
Humar
Ekkert sérstök verb'ð
Ógœftir hömluðu humarveiðum. Bátar í basli með að veiða upp í
kvótann. Heilfrysting humars skilaði meiri verðmœtum
Humarvertíð lauk um helgina
og á humarverkendum var að
heyra í gær að hún hefði mátt
vera betri. Humarkvótinn í ár var
2.100 tonn en ekki er enn Ijóst
hvort tekist hefur að veiða upp í
hann.
Hjörleifur Brynjólfsson hjá
Bakkafiski á Eyrarbakka sagði
að þeir þrettán’bátar sem fyrir-
tækið hafði á sínum snærum
hefðu náð svo til öllum kvótanum
sem þeir höfðu. „En þetta var
ekkert sérstök vertíð og við hefð-
um viljað fá þann afla sem við
fengum á skemmri tíma en raunin
varð,“ sagði Hjörleifur.
Bátar Bakkafisks máttu veiða
91 tonn af slitnum humri og
veiddu 90 tonn. Tæpur helmingur
var verkaður á hefðbundinn hátt,
þe. slitinn um borð en meirihluti
aflans var heilfrystur með haus og
klóm. í stað 50 tonna af slitnum
humri urðu úr aflanum 170 tonn
af heilfrystum humri. „Þetta hef-
ur komið vel út. Humarinn er
verðmætari svona og við höfum
getað greitt sjómönnunum betra
verð fyrir hann,“ sagði Hjör-
leifur.
Viðmælendur okkar voru sam-
mála um að vertíðin hefði verið
erfið. „Ef það var ekki bræla þá
voru það straumar sem hömluðu
veiðunum," sagði Þorleifur Egg-
ertsson hjá Frostveri í
Vestmannaeyjum. Að sögn Þor-
leifs var vertíðin verri hjá
Vestmannaeyjabátum en í fyrra
og einn bátur hætti veiðum á
miðju sumri, þeir voru búnir að
fá nóg.
Kristín Gísladóttir hjá KASK á
Höfn í Hornafirði sagði að vertíð-
in hefði gengið heldur illa en þó
skár en í fyrra. Bátunum tókst
fæstum að veiða upp í kvótann og
í landi var aðeins unnið frá 8-17
og aldrei um helgar en það er
mjög óvanalegt á humarvertíð.
------------------------ÞH
Alþingi
Meiríhluti fyrir Borginni
Hótel Borg vænlegur kostur fyrir Alþingi efhún kostar þingið ekki
meira en 200 miljónir. Guðrún Helgadóttir: Þingsályktun í haust
Guðrún Helgadóttir, forseti
Sameinaðs Alþingis, segist
ætla að beita sér fyrir því, að
strax á fyrstu dögum þingsins í
haust verði lögð fram þingsálykt-
un um kaup Alþingis á Hótel
Borg. Guðrún segir gagnkvæman
áhuga ríkja á milli eigenda Hótels
Borgar og Alþingis um að kaupin
fari fram.
I samtali við Þjóðviljann sagð-
ist Guðrún ekki í vafa um að
meirihluti þingmanna væri fylgj-
andi kaupunum. Forsetar þings-
ins hefðu allir tekið þátt í að
leggja fram þingsályktun á vor-
dögum um að Borgin yrði keypt,
en ekki hefði náðst að afgreiða
hana fyrir þinglok.
Alþingi hefur látið óháða aðjla
útbúa greinargerð um hugsanleg
kaup á Hótel Borg. í greinarg-
erðinni er komist að þeirri niður-
stöðu að vænlegt sé fyrir Alþingi
að kaupa Borgina. Samkvæmt
heimildum Þjóðviljans er gert
ráð fyrir að nauðsynlegar endur-
bætur á Borginni kosti 50-60
miljónir króna og að hótelið megi
ekki kosta Alþingi meira en 200
miljónir til að kaupin borgi sig.
Starfsemi Alþingis er nú í 8
húsum að þinghúsinu meðtöldu.
í greinargerðinni er því haldið
fram að starfsemina megi rúma í
þremur húsum, verði Borgin
keypt. Þau hús sem Alþingi
myndi hætta starfsemi í, yrðu þá
Skólabrú 2, Vonarstræti 12, Von-
arstræti 8, Kirkjuhvoll og
Austurstræti 14.
Á Hótel Borg er gert ráð fyrir
að skapa megi skrifstofuaðstöðu
fyrir 42 þingmenn, ritaraþjón-
ustu, fundaherbergi, bókasafn og
mötuneyti.
Helsti ókosturinn við Borgina
er talinn vera sá að þar vantar
brunastiga sem fullnægja ýtrustu
kröfum um öryggi, og einhverjar
endurbætur þarf að gera á loft-
ræstikerfi hússins.
-hmp
Auglýsing
Ritari óskast aö Sálfræðideild skóla, Réttar-
holtsskóla.
Kunnátta í ensku, dönsku, vélritun og notkun
tölvu nauösynleg. Upplýsingar í síma 680698.
Fræ&slustjórinn í Reykjavík
Hjúkrunarfræðingar
Eftirtaldar stöður hjúkrunarfræðinga I heilsu-
gæslustöðvum eru lausartil umsóknar nú þeg-
ar:
1. Staða hjúkrunarforstjóra við Heilsugæslu-
stöðina I Hólmavík.
2. Staða hjúkrunarforstjóra við Heilsugæslu-
stöðina á Þórshöfn.
3. Staða hjúkrunarforstjóra við Heilsugæslu-
stöðina í Neskaupstað.
4. Staða hjúkrunarforstjóa við Heilsugæslu-
stöðina I Ólafsvík.
5. Staða hjúkrunarfræðings við Heilsugæslu-
stöð Suðurnesja, Keflavík.
6. Staða hjúkrunarfræðings við Heilsugæslu-
stöðina á Djúpavogi.
7. Staða hjúkrunarfræðings við Heilsugæslu-
stöðvarnar á Fáskrúðsfirði og Stöðvarfirði.
8. Staða hjúkrunarfræðings við Heilsugæsl-
ustöðina á Akranesi.
9. Tvær stöður hjúkrunarfræðinga við Heilsu-
gæslustöðina í Garðabæ.
Umsóknir ásamt upplýsingum um nám og fyrri
störf við hjúkrun sendist heilbrigðis- og trygg-
ingamálaráðuneytinu, Laugavegi 116, 150
Reykjavík.
Heilbrigðis- og
tryggingamálaráðuneytið
17. ágúst 1989.
Þri&judagur 22. ágúst 1989 ÞJÓÐVILJINN - SÍÐA 3