Þjóðviljinn - 27.10.1990, Blaðsíða 4

ÞJÓÐVIUINN
Málgagn sósíalisma, þjóðfrelsis og verkalýðshreyfingar
ÞINGLYNDI
Fær
ríkisstjórnin
starfsfrið
ívetur?
Undir haust spruttu upp umræður um líf ríkisstjórnar-
innar og um tíma voru fjölmiðlar fullir af fréttum af þeim
bláþræði sem þetta sama líf átti að hafa hangið á. Tilefn-
ið var ummæli áhrifamanna í Alþýðubandalaginu um að
fyrirliggjandi drög að álsamningi væru ófullnægjandi fyr-
ir íslendinga, og gæti Alþýðubandalagið ekki samþykkt
þau óbreytt. Þingflokkur Alþýðubandalagsins staðfesti
síðan þessi sjónarmið formlega nokkru síðar. Eins og
rakið hefur verið áður í Þjóðviljanum kom á daginn að
athugasemdirnar eiga við rök að styðjast, umræðan í
þjóðfélaginu hefur breyst og nú er spurt í alvöru um efn-
isatriði: Skilar samningurinn því í þjóðarbúið sem rétt-
lætir samþykkt hans?
Þetta sýnir svo ekki verður um villst að ekki má flana
að neinu þegar tekin er ákvörðun um slíkt stórmál. Þeg-
ar Jón Sigurðsson iðnaðarráðherra krafðist þess af við-
semjendum að þeir undirrituðu yfirlýsingu sem enginn
annar vildi bera ábyrgð á, þá virtist almennur vilji í land-
inu fyrir því að ganga frá samningum og það fljótt. Gekk
þetta svo langt að á síðustu stundu varð að breyta öllum
pappírum sem undirrita átti. Formaður Landsvirkjunar
virtist hafa gengið út frá því sem sjálfsögðum hlut að
hann hefði umboð til að skrifa undir.sem reyndist mis-
skilningur þegar til kastanna kom.
Þróun mála síðan sýnir einnig hve mikilvægt er að
stjórnmálamenn séu fastir fyrir þegar það á við og haldi
fram þeim sjónarmiðum sem þeir telja rétt, óháð því
hvað kann að vera vinsælt til skamms tíma. Enda þótt
aldrei megi gera lítið úr góðu sambandi við kjósendur,
og stjórnmálaflokkur sem ofbýður sjónarmiðum kjós-
enda í mikilvægum atriðum sé ekki líklegur til að hafa
mikil áhrif, má sú skylda stjórnmálamanns að halda fram
sannfæringu sinni ekki gleymast í kapphlaupinu um
skammtíma hylli kjósenda.
Ríkisstjórnir þurfa jafnan á ferli sínum að glíma við
vandamál sem reyna á þolrif ráðherra og flokka. Þetta á
við um núverandi ríkisstjórn eins og aðrar. Þinghald í
vetur verður væntanlega í ókyrrara lagi, stjórnarand-
staðan mun láta meira til sín taka en endranær, enda
kosningayor framundan. Sjálfstæðisflokkurinn, sem ætl-
ar sér stóran hlut í kosningunum, mun halda áfram að
magna storm úr sínu vatnsglasi, en lítil hætta er á að sá
stormur feyki ríkisstjórn Steingríms Hermannssonar um
koll. Stjórnin á mörg og mikilvæg verk óunnin og þótt ál-
málið sé þeirra mikilfenglegast í peningalegu tilliti og
verði erfitt úrlausnar, þá bíða stjórnarinnar mikilvæg
verkefni sem hún á að hafa alla burði til að leysa.
Boltinn í álmálinu er nú hjá Landsvirkjun, sem hefur
fengið í hendurnar drög sem vafalaust verður erfitt, en
varla útilokað, að fá breytt. Ekki virðist ágreiningur innan
stjórnarinnar um nauðsyn þess að breyta drögunum.
Sjálfstæðisflokkurinn á stærstan hlut í stjórn Lands-
virkjunar. Þannig er nú komin upp staða sem vel má
kallast eðlileg í svo stóru máli, að ríkisstjórn og stærsti
hluti stjórnarandstöðunnar vinnur saman að því að fá
fram breytingar á fyrirliggjandi samningsdrögum. Hvort
það tekst, eða hvort nægilegur mergur er í Sjálfstæðis-
flokknum til að hægt sé að gera sér vonir um marktæk-
ar breytingar skal ósagt látið. Hins vegar er málið í þeim
farvegi að lokaniðurstaða fæst naumast fyrr en eftir
marga mánuði, jafnvel ekki fyrr en eftir kosningar á vori
komanda. Álverssamningar geta þess vegna orðið heitt
kosningamál, en ríkisstjórnin á að geta haft eðlilegan
starfsfrið í vetur til að fást við önnur mikilvæg málefni, og
veitir áreiðanlega ekki af.
hágé.
?Ætlar Halldor að grciða at-
kvæði með stjomarandstóð
rumi?
Myndir: Jim Smart
Ég hélt að ég heíði sett orðið
,,kvóti“ einhversstaðar í
írumvarpið!
ÞJÓÐVIUINN
Síðumúla 37 —108 Reykjavík
Sími: 681333
Símfax: 681935
Utgefandi: Utgáfufélag Þjóðviljans.
Framkvæmdastjóri: Hallur Páll Jónsson.
Ritstjórar: Árni Bergmann, Helgi Guðmundsson
Ólafur H. Torfason.
Fréttastjóri: Sigurður Á. Friðþjófsson.
Aðrir btaðamenn: Bergdls Ellertsdóttir, Dagur
Þorteifsson, Elías Mar (pr.), Garðar Guðjónsson,
Guðmundur Rúnar Heiðarsson, Heimir Már
Pétursson, Hildur Finnsdóttir (pr.), Jim Smart (Ijósm.),
Kristinn Ingvarsson (Ijósm.), Nanna Sigurdórsdóir,
Ólafur Gíslason, Þröstur Haraldsson.
Skrifstofustjóri: Sigrún Gunnarsdóttir.
Skrífstofa: Guðrún Geirsdóttir, Kristín Pétursdóttir.
Auglýsingastjóri: Steinar Harðarson.
Auglýsingar: Sigrlður Sigurðardóttir, Svanheiður
Ingimundardóttir, Unnur Ágústsdóttir.
Útbreiðslu- og afgreiöslustjóri: Guðrún Gísladóttir.
Afgreiðsla: Bára Sigurðardóttir, Halla Pálsdóttir,
Hrefna Magnúsdóttir, Þorgerður Sigurðardóttir.
Bílstjórí: Jóna Sigurdórsdóttir.
Skrífstofa, afgreiðsla, ritstjóm, auglýsingar:
Slðumúla 37, Rvlk.
Sími: 681333.
Simfax: 681935.
Auglýsingar: 681310, 681331.
Umbrot og setning: Prentsmiðja Þjóðviljans hf.
Prentun: Oddi hf.
Verð i lausasötu: 100 kr. Nýtt Helgarblað: 150 kr.
Áskriftarverð á mánuði: 1100 kr.
4 SÍÐA — ÞJÓÐVILJINN Laugardagur 27. október 1990